23/09/2025
🔵 აიპ ,,საქართველო ფარმაცევტთა ასოციაციის" ორგანიზებით ჩატარდა ფორუმი GDP პასუხისმგებელი პირებისთვის!
აღსანიშნავია, რომ მოცემული ფორუმი წარმოადგენდა მსგავსი ფორმატით და შინაარსით ორგანიზებულ პირველ შეხვედრას საქართველოში. ღონისძიებამ დროულად უპასუხა GDP სტანდარტის დანერგვის პროცესში წარმოშობილ გამოწვევებზე კომუნიკაციისა და გამოცდილების გაზიარების საჭიროებებს.
სასიხარულოა, რომ შეხვედრა გამოირჩეოდა მაღალი დასწრებით — მასში მონაწილეობა მიიღო როგორც მსხვილი, ისე მცირე და საშუალო ფარმაცევტული კომპანიების წარმომადგენლებმა, რამაც უზრუნველყო სექტორის ფართო ჩართულობა და მრავალმხრივი პროფესიული დიალოგი.
ფორუმმა, ასევე, უმასპინძლა ფარმაცევტული კომპანიებისა და ფარმაცევტული კომპანიების წარმომადგენელთა ასოციაციებს, რითაც კიდევ უფრო გაუსვა ხაზი საერთო მიზნებზე ორიენტირებულ თანამშრომლობას.
🔵 ფორუმს უძღვებოდა ასოციაციის პრეზიდენტი ლევან გოგიბერიძე და ასოციაციის GxP კონსულტანტები, რომელთაც მონაწილეებთან ერთად განიხილეს მოქმედი საკანონმდებლო ჩარჩო, არსებული გამოწვევები, RP-ის როლი სტანდარტის დანერგვის პროცესში და ფარმაცევტული პროდუქტის ხარისხისა და მთლიანობის შენარჩუნების საკითხები.
🔵 პანელური დისკუსიის ფარგლებში დაისვა კითხვები, გამოითქვა მოსაზრებები და გაზიარებული იქნა პრაქტიკული გამოცდილება.
ფორუმი დაიხურა სამომავლო ნაბიჯებზე შეჯერებით, რამაც უნდა უზრუნველყოს არსებული სფეროს მეტი გამჭვირვალობა და ხელი შეუწყოს GDP სტანდარტის დანერგვისას წარმოშობილი გამოწვევების წარმატებით დაძლევას.
🔵 წინ კიდევ მეტი საინტერესო შეხვედრა გველოდება, ასე რომ, დარჩით ჩვენთან და არ გამოტოვოთ თქვენთვის საინტერესო სიახლეები და მიმდინარე აქტუალური პროცესები!
