What are the opening hours?

Monday 11:00 - 18:00 Tuesday 11:00 - 18:00 Wednesday 11:00 - 18:00 Thursday 11:00 - 18:00 Friday 11:00 - 18:00

Coalition For Independent Living / კოალიცია დამოუკიდებელი ცხოვრებისათვის

Home
Georgia
Tbilisi
Coalition For Independent Living / კოალიცია დამოუკიდებელი ცხოვრებისათვის

Coalition for Independent Living (CIL) is a cross-disability organization established in 2003 and uniting 28 disabled people's organizations (DPOs) of pare

CIL’s mission is to support equal opportunities for persons with disabilities (PWD) to participate in the political, economic, social and cultural life of Georgia. Today CIL is a reputable DPO coalition organization with extensive experience and expertise in disability. CIL has conducted many types of social advocacy and public education activities including: more than 300 seminars on the rights of PWD, involving approximately 4000 professionals; festivals of films dedicated to disability issues in Tbilisi and Batumi; public education campaigns (documentaries, videos, photo exhibition, printed/online articles), disability awareness training to government and municipal officials, teachers, journalists, lawyers and students; and civic education training for citizens and government officials on the legal rights of PWD. CIL has created groups of young disabled activists in Telavi, Gori and Imereti region of Georgia who continue to provide advocacy and public awareness raising activities in their communities

23/08/2025

📣📣ბოლო დღეების განმავლობაში შეზღუდული შესაძლებლობის მქონე მოზარდის გარშემო განვითარებულმა მოვლენებმა კიდევ ერთხელ გააჩინა კითხვა: როგორია სახელმწიფოს რეაგირება ფსიქოსოციალური საჭიროებისა და ინტელექტუალური შეზღუდვის მქონე პაციენტების მიმართ?

დღეს საქართველოში არ არსებობს მკაფიო პროტოკოლი ან გაიდლაინი, რომელიც განსაზღვრავს ასეთ პაციენტებთან მუშაობის წესებს. ეს ნიშნავს, რომ კრიზისულ სიტუაციებში სამედიცინო პერსონალი იძულებულია იმოქმედოს საკუთარი შეხედულებით და არა პროფესიულ სტანდარტებზე დაყრდნობით.

ამის გამო, ხშირია შემთხვევები, როდესაც სამედიცინო დაწესებულებებში ასეთ პირებთან მშობლებსა და ოჯახის წევრებს არ უშვებენ. სამედიცინო პერსონალს კი არ აქვს შესაბამისი ცოდნა და ინსტრუმენტები მათთან სწორად ურთიერთობისთვის. შედეგად, იზრდება სტრესიც და ფიზიკური ზიანის საფრთხეც.

სწორედ ამიტომ, აუცილებელია შესაბამისი სახელმძღვანელოების და პროტოკოლების შემუშავება, რომელიც დაეხმარება ექიმებს, ექთნებს და მთლიანად ჯანდაცვის სისტემას:

* სწორად მართონ კრიზისული სიტუაციები;
* უზრუნველყონ პაციენტის ფსიქო-სოციალური
კეთილდღეობა;
* თავიდან აირიდონ მდგომარეობის დამძიმება არასაკმარისი
ცოდნის ან არასწორი მიდგომების გამო.

ჩვენი ორგანიზაცია კიდევ ერთხელ მოუწოდებს შესაბამის უწყებებს დაიწყონ მუშაობა აღნიშნული სახელმძღვანელოების შემუშავებასა და პრაქტიკაში დანერგვაზე.

29/07/2025

10-დან 17 ივლისის ჩათვლით, საქართველოს ხუთ მუნიციპალიტეტში - თელავში, ახალციხეში, ქუთაისში, ზუგდიდსა და ბათუმში - გაიმართა რეგიონული შეხვედრები დამხმარე ტექნოლოგიებზე ხელმისაწვდომობის საკითხებზე. ღონისძიებები ჩატარდა "ჯანმრთელობის მსოფლიო ორგანიზაციის" (WHO) და გლობალური ინიციატივის ATscale-ის მხარდაჭერით. შეხვედრებს ორგანიზებას უწევდა „კოალიცია დამოუკიდებელი ცხოვრებისათვის“.

აქტივობების მთავარი მიზანი იყო ცნობიერების ამაღლება დამხმარე ტექნოლოგიების მნიშვნელობის, ხელმისაწვდომობისა და იმ სახელმწიფო პროგრამების შესახებ, რომლებიც ხელს უწყობს ადამიანების დამოუკიდებელ ცხოვრებას.

შეხვედრებზე ყურადღება გამახვილდა პირველადი ჯანდაცვისა და სოციალური სამსახურების როლზე, პროგრამებში მონაწილეობის კრიტერიუმებსა და პროცედურებზე, ასევე პრაქტიკული გამოცდილების გაზიარებაზე.

23/07/2025

📢📢🗯️ამ ვიდეოში იმერეთის რეგიონის ახალგაზრდები საკუთარ იდეებსა და ინიციატივებს უზიარებენ გადაწყვეტილების მიმღებ პირებსა და საზოგადოებას. ეს იმ ადამიანების ხედვები და მოლოდინებია, რომელთაც უკეთესი მომავლის ფორმირებაში აქტიური მონაწილეობა სურთ.

ვიდეო გადაღებულია პროექტის "მოწყვლადი ახალგაზრდების ინკლუზიის მხარდაჭერა იმერეთის რეგიონში" ფარგლებში, რომლის მიზანია ახალგაზრდების მობილიზება და მათი ჩართულობის მხარდაჭერა დემოკრატიულ და სოციალურ ცხოვრებაში.

აქტივობას ახორციელებს "კოალიცია დამოუკიდებელი ცხოვრებისათვის" პროექტის "EU4Youth: ახალგაზრდების ჩართულობა და გაძლიერება" მხარდაჭერით,, რომელიც დაფინანსებულია ევროკავშირისა და გერმანიის ეკონომიკური თანამშრომლობისა და განვითარების სამინისტროს (BMZ) მიერ.

21/07/2025

📣📣📣რას ეტყოდნენ ახალგაზრდები იმერეთიდან გადაწყვეტილების მიმღებ პირებს?

💁‍♀️🙋ამ ვიდეოში ახალგაზრდები სწორედ საკუთარ ხმას აჟღერებენ - ამბობენ, რა სურთ, რას მოითხოვენ და რას შეცვლიდნენ. ეს არის იმ ახალგაზრდების რეალური ხედვები და მოლოდინები, რომლებიც აქტიურად ცდილობენ უკეთესი მომავლის შექმნას - არა მხოლოდ საკუთარი თავისთვის, არამედ მთელი საზოგადოებისთვის.

ვიდეო გადაღებულია პროექტის "მოწყვლადი ახალგაზრდების ინკლუზიის მხარდაჭერა იმერეთის რეგიონში" ფარგლებში, რომლის მიზანია იმერეთში მცხოვრები ახალგაზრდების მობილიზება და მათი აქტიური ჩართულობის მხარდაჭერა დემოკრატიულ და სოციალურ ცხოვრებაში.

აქტივობას ახორციელებს "კოალიცია დამოუკიდებელი ცხოვრებისათვის" პროექტის "EU4Youth: ახალგაზრდების ჩართულობა და გაძლიერება" მხარდაჭერით, რომელიც დაფინანსებულია ევროკავშირისა და გერმანიის ეკონომიკური თანამშრომლობისა და განვითარების სამინისტროს (BMZ) მიერ.

14/06/2025

საქართველოში შეზღუდული შესაძლებლობის მქონე პირთა უფლებებისთვის ბრძოლა 1990-იანი წლებიდან იწყება. მაშინაც და დღესაც ეს ბრძოლა ნიშნავს არათანაბარ პირობებთან გამკლავებას, ბარიერების გადალახვასა და ღირსეული ცხოვრების უზრუნველყოფისთვის ბრძოლას. თუმცა, მიუხედავად ათწლეულების მონდომებისა, შეზღუდული შესაძლებლობის მქონე პირები კვლავ აწყდებიან სისტემურ ბარიერებსა და საზოგადოების მხრიდან სტიგმას.

განსაკუთრებით მძიმე ვითარებაში ფსიქოსოციალური და ინტელექტუალური საჭიროებების მქონე პირები იმყოფებიან. ბევრი მათგანი დღესაც დახურულ ინსტიტუციებში ცხოვრობს, მოწყვეტილია საზოგადოებას და მოკლებულია თვითგამოხატვისა და საკუთარი არჩევანის შესაძლებლობას.

ბოლო წლებში საქართველოში დაიწყო დამოუკიდებელი ცხოვრების ცენტრების საქმიანობა და ფუნქციონირებას იწყებს პერსონალური ასისტენტის სერვისიც - ეს მნიშვნელოვანი ნაბიჯებია. თუმცა, ამ მოდელების რეალური, ფართომასშტაბიანი და ხარისხიანი განხორციელება მოითხოვს დამატებით ძალისხმევას, საზოგადოების ცნობიერების ამაღლებას, საკმარის ფინანსურ რესურსებსა და პოლიტიკურ ნებას.

დღემდე უამრავი შეზღუდული შესაძლებლობის მქონე პირი იძულებულია, ჩაიკეტოს საკუთარ სახლში, მოწყვეტილი იყოს განათლებას, დასაქმებასა და სოციალურ ცხოვრებას.
განსაკუთრებული ყურადღება ესაჭიროებათ შეზღუდული შესაძლებლობის მქონე ქალებსა და ბავშვებს. ისინი ხშირად აწყდებიან მრავალმხრივ დისკრიმინაციას და მათი საჭიროებების გათვალისწინება, ხმის გაგონება და უსაფრთხო, ხელმისაწვდომი გარემოს შექმნა ჩვენი პირდაპირი ვალდებულებაა.

ჩვენი ბრძოლა უნდა გაგრძელდეს, მიუხედავად გლობალური გამოწვევებისა, იქნება ეს ომები, ეკონომიკური კრიზისები თუ სოციალური პოლარიზაცია. შეზღუდული შესაძლებლობის მქონე პირთა უფლებების დაცვა ვერ მოითმენს გადადებას.

09/06/2025

კოალიცია „დამოუკიდებელი ცხოვრებისათვის“ და მისი გამგეობის წევრები ვეხმიანებით განათლების, მეცნიერებისა და ახალგაზრდობის სამინისტროს მიერ მიღებულ გადაწყვეტილებას, რომელიც გულისხმობს ინკლუზიური განათლების განვითარების სამმართველოს გაერთიანებას სტრატეგიულ დაგეგმვის სამმართველოსთან.

მიგვაჩნია, რომ ინკლუზიური განათლება უნდა დარჩეს განათლების სამინისტროს ერთ-ერთ მთავარ პრიორიტეტად, რადგან აღნიშნული მიმართულება წარმოადგენს ფუნდამენტურ ადამიანურ უფლებას და მისი დაცვა არა მხოლოდ საქართველოს შიდა ვალდებულებაა, არამედ საერთაშორისო სამართლებრივი ვალდებულებაც, მათ შორის, გაეროს შეზღუდული შესაძლებლობის მქონე პირთა უფლებების კონვენციის და ადამიანის უფლებათა 2024–2026 წლების სამთავრობო სამოქმედო გეგმის შესაბამისად.

მიუხედავად იმისა, რომ სამინისტრო აცხადებს, თითქოს ინკლუზიურ განათლებას მეტ სტრატეგიულ მნიშვნელობას ანიჭებს, აღსანიშნავია, რომ ინკლუზიური განათლების განვითარების სამმართველოს ეფექტიანობაზე, რამდენადაც ჩვენ გვაქვს ინფორმაცია, საჯარო მონიტორინგი არ ჩატარებულა და არც კვლევებზე დაყრდნობით მომხდარა მისი საქმიანობის შეფასება. შესაბამისად, არ არის მკაფიო და არგუმენტირებული, რატომ მოხდა სტრუქტურული ცვლილება და რას ემსახურება ის პრაქტიკაში.

მიგვაჩნია, რომ ინკლუზიური განათლების თემაზე ფოკუსი უნდა დარჩეს მკაფიო, პირდაპირი და ძლიერი, ხოლო ის გზა, რაც ამ მიზნამდე მიგვიყვანს, უნდა იყოს ღია, გამჭვირვალე და დეტალურად გაწერილი.

კოალიცია და მისი გამგეობის წევრები მოვითხოვთ საჯარო განმარტებას განათლების სამინისტროს მხრიდან, რომელიც შეეხება განხორციელებული ცვლილების არსს, მიზნებსა და მოსალოდნელ შედეგებს. ამასთან, მოვუწოდებთ სამინისტროს, უზრუნველყოს შეხვედრა დაინტერესებულ მხარეებთან, რომელშიც ჩართული იქნებიან სამინისტროს წარმომადგენლები, შშმ პირთა ორგანიზაციები და ინკლუზიური განათლების სფეროს პროფესიონალები.

მნიშვნელოვანია დროულად შეფასდეს, ხომ არ დააზიანებს ეს ცვლილება არსებულ პროგრამებს და ხომ არ შეაფერხებს ინკლუზიური განათლების სისტემურ განვითარებასა და ამ მიმართულებით ბოლო წლებში მიღწეულ პროგრესს.

ჩვენ გვჯერა რომ ინკლუზიური განათლების პროგრამის დაცვა და გაძლიერება საჭიროებს არა შემხვევით ნაბიჯებს, არამედ გააზრებულ, გამჭვირვალე და პასუხისმგებლიან მიდგომას.

საქართველოს განათლების, მეცნიერებისა და ახალგაზრდობის სამინისტრო

10/05/2025

🇪🇺🇪🇺🇪🇺🇪🇺ევროპის დღე, რომელიც ყოველწლიურად 9 მაისს აღინიშნება, მშვიდობისა და ერთიანობის სიმბოლოა. ამ დღისადმი მიძღვნილი ღონისძიების მონაწილეებს შორის ტრადიციულად ჩვენი ორგანიზაციაც იყო.

ღონისძიების ფარგლებში, “კოალიცია დამოუკიდებელი ცხოვრებისათვის” თავმჯდომარემ, გიორგი ძნელაძემ, სიტყვით მიმართა დამსწრე საზოგადოებას და ყურადღება გაამახვილა შეზღუდული შესაძლებლობის მქონე პირთა უფლებების მდგომარეობასა და მათ წინაშე მდგარ გამოწვევებზე საქართველოში. ის ასევე შეეხო ევროკავშირისა და აშშ-ის როლს ინკლუზიური პოლიტიკის განვითარებასა და შშმ პირთა ღირსეული და სრულფასოვანი ცხოვრების მხარდაჭერაში.

👩‍🦯🧑‍🦽სტენდთან მისულ სტუმრებს შესაძლებლობა ჰქონდათ პირად გამოცდილებაზე დაყრდნობით გაეაზრებინათ ფიზიკური ბარიერების გავლენა. საკუთარ თავზე გამოეცადათ დამხმარე ტექნოლოგიებისა და მოწყობილობების შესაძლებლობები და ჩართულიყვნენ სენსორულ თამაშში, სადაც მხოლოდ შეხებისა და ყნოსვის საშუალებით უნდა გამოეცნოთ სხვადასხვა საკვები პროდუქტი.

განსაკუთრებული ინტერესი გამოიწვია სტრატეგიულმა თამაშმა "ბოჩა", რომელმაც გააერთიანა მონაწილეები და ხელი შეუწყო გუნდურ მუშაობასა და ურთიერთგაგების განმტკიცებას ერთმანეთისთვის სრულიად უცნობ ადამიანებს შორის.

„კოალიცია დამოუკიდებელი ცხოვრებისათვის“ მადლობას უხდის თითოეულ ადამიანს, ვინც შეუერთდა ამ მნიშვნელოვან დღეს

06/05/2025

For English scroll down👇

3-4 მაისს ორგანიზაციამ „კოალიცია დამოუკიდებელი ცხოვრებისათვის“ პროექტის „მოწყვლადი ახალგაზრდების ინკლუზიის მხარდაჭერა იმერეთის რეგიონში“ ფარგლებში, ორი ერთდღიანი ტრენინგი ჩაატარა. იმერეთის სხვადასხვა მუნიციპალიტეტიდან ჩამოსულ ახალგაზრდებს მიეწოდათ ინფორმაცია მოქალაქეთა ჩართულობის, ადვოკატირების და გადაწყვეტილების მიღების პროცესებში მონაწილეობის მნიშვნელობაზე.

📚📄ტრენინგის მიზანი იყო ახალგაზრდების ცოდნისა და უნარების გაღრმავება მოქალაქეობრივი ჩართულობის, საზოგადოებრივი ადვოკატირების და საკონსულტაციო მექანიზმების გამოყენების შესახებ. პროგრამა მოიცავდა: ადვოკატირების საფუძვლებს, ადვოკატირების კამპანიის დაგეგმვის ძირითად ეტაპებსა და საუკეთესო პრაქტიკების განხილვას სხვა საკითხებთან ერთად.

ტრენინგს იურისტი, დავითი ბიბილეიშვილი უძღვებოდა. ღონისძიება „საერთაშორისო განათლებისა და განვითარების აკადემიასთან“ თანამშრომლობით გაიმართა.

პროექტი მიზნად ისახავს იმერეთის რეგიონის ახალგაზრდების მობილიზებას და მათი ჩართულობის მხარდაჭერას დემოკრატიულ და სოციალურ ცხოვრებაში.

მოსალოდნელი შედეგები ითვალისწინებს, ერთის მხრივ, ახალგაზრდების მობილიზებას და მათი უნარების გაუმჯობესებას ჩართულობისა და გადაწყვეტილების მიღების პროცესში მონაწილეობის საკითხებში, ხოლო მეორეს მხრივ, ინიციატივების მომზადებას ადგილობრივი ბიუჯეტის პროგრამებზე.

აქტივობას ახორციელებს „კოალიცია დამოუკიდებელი ცხოვრებისათვის“ პროექტის “EU4Youth: ახალგაზრდების
ჩართულობა და გაძლიერება“ მხარდაჭერით,, რომელიც დაფინანსებულია ევროკავშირისა და გერმანიის ეკონომიკური თანამშრომლობისა და განვითარების სამინისტროს (BMZ) მიერ.

On May 3–4, the organization "Coalition for Independent Living" conducted two one-day training sessions as part of the project “Support the inclusion of disadvantaged youth in Imereti region.” Young participants from various municipalities across Imereti received essential information on the importance of civic engagement, advocacy, and participation in decision-making processes.

The goal of the training was to enhance young people's knowledge and skills in civic engagement, public advocacy, and the use of consultative mechanisms. The program covered the fundamentals of advocacy, key stages of planning an advocacy campaign, and discussion of best practices, among other topics.
The sessions were led by lawyer Daviti Bibileishvili, and the event was organized in partnership with the Academy for International Education and Development.

The project aims to mobilize young people in the Imereti region and support their engagement in democratic and social life. Expected outcomes include mobilizing young people and enhancing their skills in participation and decision-making processes, as well as developing initiatives related to local budget programs.

Activity is organized by the Coalition for Independent Living, with the support of the ‘EU4Youth: Youth Engagement and Empowerment’ project, co-financed by the European Union and the Federal Ministry for Economic Cooperation and Development (BMZ).

05/05/2025

🧑‍🦯👩‍🦯👨‍🦼🧑‍🦽🚶🚶‍♀️ევროპის დამოუკიდებელი ცხოვრების დღე ყოველწლიურად 5 მაისს აღინიშნება. ეს დღე პირველად 2014 წელს ევროპის დამოუკიდებელი ცხოვრების ქსელის (ENIL) ინიციატივით დაწესდა და მას შემდეგ სოლიდარობის, ცნობიერების ამაღლებისა და საზოგადოების გააზრებული ცვლილებებისკენ მიმართული მოძრაობის სიმბოლოდ იქცა.

5 მაისი მჭიდროდ უკავშირდება იმ გამოწვევებსა და ბარიერებს, რომელსაც შეზღუდული შესაძლებლობის მქონე პირები ყოველდღიურად აწყდებიან. დამოუკიდებელი ცხოვრების უფლება შეზღუდული შესაძლებლობის მქონე პირებისთვის გულისხმობს სრულფასოვან მონაწილეობას საზოგადოებრივ ცხოვრებაში, ღირსეულ საცხოვრებელ გარემოს, განათლებასა და დასაქმებაზე ხელმისაწვდომობას, გადაადგილებისა და საჭირო სერვისების თავისუფლად გამოყენების შესაძლებლობას.

„კოალიცია დამოუკიდებელი ცხოვრებისათვის“ კიდევ ერთხელ ამახვილებს ყურადღებას მთავარ გზავნილზე:
დამოუკიდებელი ცხოვრება არ არის პრივილეგია — ეს არის ფუნდამენტური უფლება, რომელიც თანაბრად ეკუთვნის ყველას. 🇪🇺🇪🇺🇪🇺

03/05/2025

📣 შემოგვიერთდით 9 მაისს ექსპო ჯორჯიაში, ერთად აღვნიშნოთ ერთიანობა, კულტურული კავშირები და პარტნიორობა. 🇪🇺🇬🇪

30 წელზე მეტია, რაც ევროკავშირი და ქართველი ხალხი გვერდიგვერდ მუშაობენ უფრო ინკლუზიური, მდგრადი მომავლის შესაქმნელად. წელს, ევროპის დღე ამ ყველაფერს აერთიანებს - ინტერაქტიული გამოფენებით, ინსპირაციული საუბრებით, კულტურული გამოფენებით, ადგილობრივი პროდუქციითა და სხვა მრავალი აქტივობით.

🗓️ როდის: 9 მაისი, 2025�📍 სად: ექსპო ჯორჯია
ევროპის გუნდით დაწყებული ევროკავშირის მიერ დაფინანსებული პროექტებით დამთავრებული, ინოვაციების, ხელოვნების და ახალგაზრდების გაძლიერების ჩათვლით, ნახეთ როგორ ცვლის ევროკავშირის მხარდაჭერა ადამიანების ცხოვრებას საქართველოს თითოეულ რეგიონში.
გავერთიანდეთ იმის გარშემო, რაც გვაერთიანებს.
გაიგეთ მეტი ღონისძიების გვერდზე: ევროპის დღე 2025 / Europe Day 2025 ან ვებგვერდზე: ევროპის დღე 2025 - EU for Georgia

📣 On 9 May, join us at Expo Georgia to celebrate unity, culture, and partnership. 🇪🇺🇬🇪
For over 30 years, the EU and the people of Georgia have worked hand in hand to build a more inclusive, resilient future. This year, Europe Day brings it all together — with interactive exhibitions, inspiring talks, cultural showcases, local food, and more.

🗓️ When: 9 May 2025�📍 Where: Expo Georgia
✨ From Team Europe to EU-funded projects, innovation, art, and youth empowerment — discover how this partnership is making a difference in lives across every region of Georgia.
Let’s come together around what unites us. 💙

🔗 Read more on the event page: ევროპის დღე 2025 / Europe Day 2025 or webpage: Europe Day 2025 - EU for Georgia

11/04/2025

📣 ევროპის დღე 2025 - შემოგვიერთდით 9 მაისს. 🇪🇺🇬🇪
ჩაინიშნეთ თარიღი, შემოგვიერთდით ექსპო ჯორჯიაში და გაატარეთ კულტურითა და აღმოჩენებით სავსე ერთი დღე.
30 წელია, რაც ევროკავშირი ქართველი ხალხის გვერდით დგას და ქმნის უფრო ინკლუზიურ, მდგრად და შესაძლებლობებით სავსე მომავალს. მოდით ევროპის დღეს და იხილეთ ამ პარტნიორობის შედეგები.

🗓️როდის? → 9 მაისი 2025 წელი
📌სად? → ექსპო ჯორჯია, თბილისი
🎉 გახსნა →12:00 საათზე, მე-11 პავილიონში.

ერთად აღვნიშნოთ ის, რაც გვაერთიანებს.
ღონისძიების გვერდი: https://bit.ly/4lEHCLg
***
📣 Europe Day 2025 – Join Us on 9 May! 🇪🇺🇬🇪
Mark your calendars and meet us at Expo Georgia for a day filled with culture, connection and discovery!

For over 30 years, the European Union has stood side by side with the people of Georgia — building a future that’s more inclusive, resilient, and full of opportunities. This Europe Day, come and experience this partnership in action.

🗓️ 9 May 2025
📍 Expo Georgia
🎉 Opening: 12:00, Pavilion 11

Let’s celebrate everything we’ve achieved together — !
Event page: https://bit.ly/4lEHCLg

25/02/2025

📢 გურიაში მცხოვრები შეზღუდული შესაძლებლობის მქონე პირებისა და მათი ოჯახის წევრების საყურადღებოდ!

ვიცით, რომ რეგიონში ძლიერი თოვლის გამო მრავალი ოჯახი ელექტროენერგიისა და წყლის გარეშეა დარჩენილი, რაც განსაკუთრებით ართულებს შეზღუდული შესაძლებლობის მქონე პირების ყოველდღიურობას.

თუ თქვენ ან თქვენს ახლობელს გაქვთ სირთულეები, რომლებიც დაკავშირებულია შეზღუდული შესაძლებლობის მქონე პირების საჭიროებებთან - გადაადგილება, მედიკამენტები, საკვები პროდუქტები ან სხვა აუცილებელი საკითხები - გთხოვთ, დაგვიკავშირდეთ.

📞 კოალიცია დამოუკიდებელი ცხოვრებისათვის მზადაა, საჭიროების შემთხვევაში, შუამდგომლობით დაგეხმაროთ შესაბამის უწყებებთან.

✉️ მოგვწერეთ პირად შეტყობინებაში ან დაგვირეკეთ:
598 639 361; 599 455 688

Address

7 Spiridon Kedia
Tbilisi
0154

Opening Hours

Monday	11:00 - 18:00
Tuesday	11:00 - 18:00
Wednesday	11:00 - 18:00
Thursday	11:00 - 18:00
Friday	11:00 - 18:00

Telephone

+995322356609

Website

http://www.disability.ge/

Alerts

Be the first to know and let us send you an email when Coalition For Independent Living / კოალიცია დამოუკიდებელი ცხოვრებისათვის posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Coalition For Independent Living / კოალიცია დამოუკიდებელი ცხოვრებისათვის:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Tbilisi?