https://www.facebook.com/629612910225235/

Petit Gourmet, Tbilisi (2026)

03/04/2026

🥣 ნატურალური იოგურტი

ჯანსაღი ალტერნატივა

რატომ არის ეს იოგურტი უკეთესი?

✔ არ შეიცავს დამატებულ შაქარს
✔ არ აქვს არომატიზატორები და სტაბილიზატორები
✔ შეიცავს ცოცხალ ბაქტერიებს
✔ მზადდება მხოლოდ 2 ინგრედიენტით

🥣 მომზადება იოგურელაში

ინგრედიენტები

1 ლ — მაღალი ცხიმიქნობის რძე
2 ს/კ — ნატურალური იოგურტი

მომზადება

1️⃣ რძე გააცხელეთ დაახლოებით 85°C-მდე (ადუღებამდე)
2️⃣ გააგრილეთ 40–45°C-მდე
3️⃣ დაამატეთ იოგურტი და კარგად აურიეთ
4️⃣ გადაასხით იოგურტელაში
5️⃣ დააყენეთ 8–10 საათით

🥣 როგორ გავხადოთ ბერძნული სტილის (Greek yogurt)

1️⃣ იოგურტი გადაასხით მარლაში
2️⃣ დატოვეთ 2–4 საათი

👉 მიიღებთ სქელ, კრემისებრ ბერძნულ იოგურტს

🥣 იოგურტი იოგურელას გარეშე

(რძე + ბერძნული იოგურტი)

ინგრედიენტები

1 ლ — მაღალი ცზიმიანობის რძე
2 ს/კ (40 გ) — ბერძნული იოგურტი

მომზადება

1️⃣ რძე გააცხელეთ დაახლოებით 85°C-მდე (თითქმის ადუღებამდე)
👉 აუმჯობესებს ტექსტურას

2️⃣ გააგრილეთ 40–45°C-მდე
👉 ცხელი რძე გაანადგურებს კულტურას

3️⃣ დაამატეთ ბერძნული იოგურტი და კარგად აურიეთ

4️⃣ გადაასხით მინის ან კერამიკის ჭურჭელში

5️⃣ შეფუთეთ (პირსახოცი, საბანი) და დადგით თბილ ადგილზე

👉 მაგალითად:
* გამორთულ ღუმელში (შიგნით ჩართული შუქით)
* თბილ ოთახში

6️⃣ დატოვეთ 8–10 საათი

🥣 ნუტრიციული ღირებულება (100 გ, დაახლოებით)

✔ ცილა — 3–4 გ
✔ ცხიმი — 3–4 გ
✔ ნახშირწყლები — 4–5 გ
✔ კალციუმი — მაღალი
✔ პრობიოტიკები — ცოცხალი ბაქტერიები

🍓 ტოპინგები

🍯 ტკბილი ვარიანტები

* თაფლი + ნიგოზი
* ფინიკის სიროფი + ბანანი
* მარწყვი + ჩიას თესლი
* მოცვი + გრანოლა
* ვაშლი + დარიჩინი

🥜 უფრო ნოყიერი

* არაქისის კარაქი + ბანანი
* ნუში + თაფლი
* გრანოლა + კენკრა

🧀 გურმანული ვერსია (Petit Gourmet სტილი)

* იოგურტი + თაფლი + ზეითუნის ზეთი + მარილიანი კაკალი
* იოგურტი + ხილი + ლიმონის ცედრა
* იოგურტი + ბანანი + კაკაო

#კვება #საკვები

31/03/2026

🍪 ფხვიერი ორცხობილა

რაოდენობა: დაახლოებით 20–24 ცალი
გამოცხობა: 170°C — 12–14 წუთი

ინგრედიენტები
• 240 გ — ფქვილი
• 120 გ — კარაქი (რბილი)
• 80–100 გ — შაქარი
• 1 ც — კვერცხი
• 1 ჩ/კ — ვანილის ექსტრაქტი
• ¼ ჩ/კ — მარილი

მომზადების წესი
1. რბილი კარაქი და შაქარი ათქვიფეთ მსუბუქ, ერთგვაროვან მასად. ზედმეტი თქვეფა საჭირო არ არის.
2. დაუმატეთ კვერცხი და ვანილი, კვლავ აურიეთ ერთგვაროვნებამდე.
3. ცალკე აურიეთ ფქვილი და მარილი, შემდეგ ეტაპობრივად შეურიეთ კარაქის მასას და მოზილეთ რბილი ცომი.
ცომი უნდა იყოს ელასტიური და ხელზე არ უნდა ეკრობოდეს.
4. ცომი შეფუთეთ და მოათავსეთ მაცივარში მინიმუმ 30–60 წუთით. ეს ეტაპი აუცილებელია, რათა ფორმა კარგად შეინარჩუნოს.
5. გაგრილებული ცომი გააბრტყელეთ დაახლოებით 6–8 მმ სისქეზე და ამოჭერით სასურველი ფორმები ან გამოიყენეთ შტამპი.
6. განალაგეთ ორცხობილები საცხობ ქაღალდზე და გამოაცხვეთ წინასწარ გახურებულ ღუმელში (170°C) 12–14 წუთის განმავლობაში, სანამ კიდეები ოდნავ არ დაიბრაწება.

შედეგი

ორცხობილა გამოდის ფხვიერი, ნაზი და ამავე დროს ინარჩუნებს მკაფიო ფორმასა და ორნამენტს.

Teio Ceramics #კვება #საკვები

24/03/2026

It’s my birthday 🎂 | ჩემი დაბადების დღის ვლოგი ✨

#კვება #საკვები #ტორტი

19/03/2026

🧇 ჰალკის ვაფლები (ისპანახით)�გამოდის დაახლოებით 8 ცალი | გამოცხობა — 3,5–4 წუთი

ინგრედიენტები
* 70 გ — ახალი ისპანახის ფოთლები�ან�1–2 ჩ/კ — ისპანახის ფხვნილი
* 2 ც — კვერცხი
* 140 მლ — რძე
* 60 გ — კარაქი, გამდნარი
* 160 გ — ფქვილი
* 6 გ — გამაფხვიერებელი
* 50 გ — გახეხილი ყველი
* 1 ს/კ — წვრილად დაჭრილი კამა
* ½ ჩ/კ — მარილი

მომზადება
1. თუ იყენებთ ახალ ისპანახს, ბლენდერში მოათავსეთ ისპანახი, კვერცხი და რძე და დააბლენდერეთ ერთგვაროვანი მწვანე მასის მიღებამდე.�თუ იყენებთ ისპანახის ფხვნილს, ჯერ გახსენით რძეში და შემდეგ დაუმატეთ კვერცხთან ერთად.
2. დაამატეთ გამდნარი კარაქი და აურიეთ.
3. შემდეგ დაუმატეთ ფქვილი, გამაფხვიერებელი და მარილი და აურიეთ, რომ მიიღოთ სქელი არაჟნის მსგავსი კონსისტენციის ცომი.
4. ბოლოს შეურიეთ გახეხილი ყველი და დაჭრილი კამა.
5. ცომი გააჩერეთ 5 წუთი, რათა ფქვილი კარგად გაიჟღინთოს.
6. წინასწარ კარგად გააცხელეთ ვაფლის აპარატი და თითოეულ ფორმაში ჩადეთ დაახლოებით 2 სუფრის კოვზი ცომი.
7. გამოაცხვეთ 3,5–4 წუთი, სანამ ვაფლები ოქროსფრად და ხრაშუნა გახდება.
მიღებული ვაფლები გამოვა ფუმფულა შიგნით, გარედან მსუბუქად ხრაშუნა და ძალიან მწვანე — ნამდვილი „ჰალკის ვაფლები“, რაც ბავშვებს განსაკუთრებით ახარებს. 🟢🧇

🍌 შოკოლადის ვაფლები
გამოდის დაახლოებით 10 ცალი | გამოცხობა — 3,5 წუთი
ინგრედიენტები
* 1 დიდი — ბანანი
* 2 ც — კვერცხი
* 120 მლ — კეფირი
* 60 გ — კარაქი, გამდნარი
* 150 გ — ფქვილი
* 20 გ — კაკაო
* 6 გ — გამაფხვიერებელი
* 30–40 გ — შაქარი (გემოვნებით)
* ვანილის ექსტრაქტი
* მწიკვი — მარილი

მომზადება:

1. ყველა ინგრედიენტი მოათავსეთ სტაციონარულ ბლენდერში და ათქვიფეთ ერთგვაროვანი,მასის მიღებამდე.ასევე შეგიძლიათ გამოიყენოთ ხელის ბლენდერი.
2. ცომი გააჩერეთ 5 წუთი, რათა ფქვილი კარგად გაიჟღინთოს.
3. ვაფლის აპარატი გააცხელეთ გამოყენებამდე�4. ზედაპირს მსუბუქად წაუსვით ზეთი პირველ ჯერზე. შემდგომში დამატებითი ცხიმი აღარ იქნება საჭირო.
5. თითოეულ ფორმაში ჩადეთ 2 სუფრის კოვზი ცომი და გამოაცხვეთ დაახლოებით 3,5–4 წუთი.�სანამ ვაფლის აპარატი მზაობის სიგნალს არ მოგცემთ, ტავსახური არ ახადოთ.

#კვება #საკვები

17/03/2026

სარდინის პაშტეტი | SARDINE PÂTÉ

2 ქილა სარდინი EVOO-ში, გადაწურული
1 მოხარშული კვერცხი
2–2.5 ს.კ. დარბილებული კარაქი
1 ჩ.კ. კაპერსი
1/2 წითელი ხახვი
1 ჩ.კ. მდოგვი
ახალი კამა
ახალი ოხრახუში
ახალი ლიმონის წვენი
მარილი და პილპილი

ყველაფერი მოათავსეთ ფუდ პროცესორში და ათქვიფეთ, სანამ მასა არ გახდება გლუვი და კრემოვანი.

10 წუთი და — მზადაა.

ერთი ქილა სარდინი შეიცავს დაახლოებით 18 გ ცილას.
ასევე არის ომეგა-3-ის, D ვიტამინის და B12-ის კარგი წყარო. სარდინი ხშირად ითვლება ერთ-ერთ ყველაზე უსაფრთხო თევზად ბავშვებისთვის, რადგან ის როგორც წესი, შეიცავს ვერცხლისწყლის ძალიან მცირე რაოდენობას.

სარდინის შეთავაზება შესაძლებელია დაახლოებით 8–10 თვიდან, როცა ბავშვი უკვე ეცნობა სხვადასხვა ცილოვან პროდუქტს და თევზიც ნელ-ნელა შედის რაციონში.

როგორ მივცეთ ჩვილს:
• აირჩიეთ სარდინი წყალში ან ზეითუნის ზეთში
• კარგად დააქუცმაცეთ ისე, რომ ტექსტურა იყოს რბილი
• დაიწყეთ მცირე რაოდენობით
• მიეცით რბილ პურის მოგრძო ნაჭერზე, ბოსტნეულის პიურესთან ერთად

ჩბილებისთვის არ დაამატოთ:
• კაპერსი
• მდოგვი
• დამატებითი მარილი
• ბევრი ხახვი

1 წლის შემდეგ უკვე შეგიძლიათ გამოიყენოთ ორიგინალი პაშტეტის რეცეპტი —ყველა ინგრედიენტით

#კვება #საკვები

12/03/2026

🧁 ბანანის პანქეიქ-მაფინები
BLW / Toddler

ინგრედიენტები
• 1 დიდი (120 გ) — კარგად დამწიფებული ბანანი
• 2 ც — კვერცხი
• 150 მლ —პასტერიზებული ან მცენარეული რძე
• 160 გ — ფქვილი
• 1 ჩ/კ — გამაფხვიერებელი
• 25 გ — გამდნარი კარაქი
მომზადება
1.გააცხელეთ ღუმელი 180°C-მდე.
2.დაჭყლიტეთ ბანანი .
3.დაუმატეთ კვერცხი, რძე და კარაქი.
4.შეურიეთ ფქვილი და გამაფხვიერებელი. მსუბუქად აურიეთ.
5.გადაანაწილეთ მაფინის სილიკონის ფორმებში (¾-მდე).
6.გამოაცხვეთ 14–16 წუთი, სრულ მომზადებამდე.
✔️ ტექსტურა უნდა იჭყლიტებოდეს თითით.

შენახვა:❄️ მაცივარში — 3 დღე | საყინულეში ჰერმეტულად — 1 თვე
#კვება

10/03/2026

🍫 ჯანსაღი შოკოლადის კრემი

(გამოდის დაახლოებით 550 გ)
ინგრედიენტები
150 გ — მოხალული ტყის თხილი ან მოხალული ნუში
150 გ — რბილი ფინიკი, კურკის გარეშე
25 გ — კაკაოს ფხვნილი
2 ს/კ (30 გ) — ქოქოსის ზეთი
40 გ — წვრილი შვრიის ფანტელი
120 მლ — ცხელი წყალი (შვრიასთვის)
60–100 მლ — თბილი წყალი
მწიკვი — მარილი
1 ჩ/კ — ვანილის ექსტრაქტი (სურვილისამებრ)
მომზადება
1. შვრიის პასტა (ტექსტურის საიდუმლო)
შვრიას დაასხით 120 მლ ცხელი წყალი და გააჩერეთ რამდენიმე წუთი, სანამ დარბილდება.
შემდეგ დააბლენდერეთ, სანამ მიიღებთ სრულად გლუვ, აბრეშუმივით კრემისებრ პასტას.
2. თხილის პასტა
შვრიის პასტას დაამატეთ მოხალული თხილი და ქოქოსის ზეთი და დააბლენდერეთ 2–3 წუთის განმავლობაში, სანამ მასა გლუვი გახდება.
საჭიროების შემთხვევაში დაამატეთ ცოტა თბილი წყალი.
3. კრემის დასრულება
დაამატეთ ფინიკი, კაკაო, მარილი და ვანილი და კვლავ დააბლენდერეთ 2–3 წუთი.
ნელ-ნელა დაამატეთ 60–100 მლ თბილი წყალი, სანამ მიიღებთ რბილ, ბზინვარე და კრემისებრ ტექსტურას, რომელიც ადვილად გადაესმევა პურს.

🧊 შენახვა
შეინახეთ ჰერმეტულად დახურულ მინის ქილაში მაცივარში — 7–10 დღე.
მირთმევა
მიართვით ბავშვებს:
საუზმედ პურზე წასმული
დაჭრილ ხილთან ერთად
ბლინებთან ან ვაფლებთან

#კვება

07/03/2026

BLW 🧀 კვერცხის მაფინები

🥚 ინგრედიენტები
• 6 ც — კვერცხი
• 50 მლ — პასტერიზებული რძე
• 40 გ — გახეხილი ყველი
• 🥦 წვრილად დაჭრილი ან გახეხილი ბოსტნეული

მომზადება
1. გააცხელეთ ღუმელი 180°C-მდე.
2. ჯამში ათქვიფეთ კვერცხი, დაამატეთ რძე და ყველი.
3. ჩაასხით ცხიმწასმულ მაფინის ფორმებში, ან გამოიყენეთ სილიკონის ფორმები. 4. სურვილისამებრ დაამატეთ ბოსტნეული
5. აცხვეთ 18–22 წუთი, სრულ მომზადებამდე.

❄️ შენახვა
მაცივარში — 3–4 დღე (ჰერმეტულ კონტეინერში)
საყინულეში ყინვაგამძლე პარკებში — 1 თვე

#კვება

04/03/2026

🥧 რბილი მინი ბისკვიტები

✔ ინგრედიენტები
• 1 ც — მთელი კვერცხი
• 2 ც — კვერცხის გული
• 20 გ — შაქარი
• 54 გ — ფქვილი
• 6 გ — სიმინდის სახამებელი

მომზადება
1️⃣ გააცხელეთ ღუმელი 170°C-მდე.
2️⃣ კვერცხი, გულები და შაქარი ათქვიფეთ მიქსერით 4–5 წუთი, სანამ მასა გაღიავდება და გასქელდება.
3️⃣ ცალკე შეურიეთ ფქვილი და სახამებელი, გააცერით.
4️⃣ ფრთხილად და ნაზად შეურიეთ მშრალი ინგრედიენტები ათქვეფილ მასას
5️⃣ გადაიტანეთ საკონდიტრო ტომარაში და ჩამოაყალიბეთ პატარა ბისკვიტები საცხობ ქაღალდზე.
6️⃣ გამოაცხვეთ 15–18 წუთი, მსუბუქ ოქროს ფერამდე.
შიგნით იქნება რბილი, გარედან მსუბუქად მკვრივი.

#კვება

28/02/2026

BLW 🐟🥔 ორაგულის კროკეტები კარტოფილითა და ბროკოლით

ინგრედიენტები
400 გ — კარტოფილი, მოხარშული და კარგად დაჭყლეტილი
200 გ — ორაგული, გასუფთქვებული ღუმელში გამომცხვარი და დაკეპილი
80–100 გ — ბროკოლის ყვავილედები, ორთქლზე ან წყალში დარბილებული და წვრილად დაჭრილი
მწიკვი — მარილი (სურვილისამებრ, 1+ ასაკისთვის)
მწიკვი — შავი პილპილი (სურვილისამებრ, 1+ ასაკისთვის)
1–2 ს/კ — ზეთი (საცხობად ან ტაფისთვის)
მომზადება
1️⃣ კარტოფილი მოხარშეთ და კარგად დაჭყლიტეთ ერთგვაროვან მასად.
2️⃣ ორაგული გაასუფთავეთ ძვლებისგან სამზარეულოს პინცეტის დახმარებით, მოაყარეთ სანელებლები, ზეითუნის ზეთი დ აგამოაცხვეთ ღუმელში 180°C-ზე დაახლოებით 15 წუთი, გააცივეთ და ჩანგლით დაკეპეთ.
3️⃣ ბროკოლის ყვავილედები მოხარშეთ ან ორთქლზე დარბილეთ და წვრილად დაჭერით.
4️⃣ ერთ ჯამში აურიეთ კარტოფილი, ორაგული და ბროკოლი.
5️⃣ სურვილისამებრ დაამატეთ სანელებლები
6️⃣ ხელებით ჩამოაყალიბეთ პატარა ბურთულები ან ოვალური კროკეტები.
მომზადების ვარიანტები
🔥 ღუმელში:
კროკეტები გადაიტანეთ პერგამენტიან ლანგარზე, მსუბუქად გადაასხით ზეთი და გამოაცხვეთ 190°C-ზე 20–25 წუთი, ერთხელ გადაბრუნებით.
🍳 ტაფაზე:
შეწვით კარგად გახურებულ ტაფაზე მცირედი ზეთით, ორივე მხრიდან ოქროსფრამდე, მსუბუქად რომ მოიბრაწოს.

კვებითი სარგებელი
✔️ ორაგული — ომეგა-3, ცილა
✔️ კარტოფილი — ენერგია და კალიუმი
✔️ ბროკოლი — ბოჭკო, ვიტამინი C და ფოლიუმი
ალერგენების გაფრთხილება ⚠️
შეიცავს თევზს (ორაგული). ახალი პროდუქტის პირველად შეთავაზება ყოველთვის გააკეთეთ მცირე რაოდენობით.

#კვება #ომეგა3

26/02/2026

🍪 კორჟიკები

ინგრედიენტები:
380 გ — ფქვილი
100 გ — კარაქი (დარბილებული)
150 გ — შაქარი
1 ს/კ (15გრ)— თაფლი(სურვილისამებრ)
1 ცალი — კვერცხი (ოთახის ტემპერატურის)
100 მლ — რძე
1/4 ჩ/კ — ვანილინი
1/4 ჩ/კ— სოდა
წასასმელად:
1 ცალი — კვერცხის გული
1 ს/კ — რძე

მომზადების წესი:
1️⃣ კარაქი, შაქარი და თაფლი ათქვიფეთ მიქსერით 1–2 წუთის განმავლობაში, სანამ მასა გახდება ღია ფერის და ჰაეროვანი.
2️⃣ დაამატეთ კვერცხი და კარგად აურიეთ. ჩაამატეთ რძე და კვლავ აურიეთ ერთგვაროვანი მასის მიღებამდე.
3️⃣ ცალკე ჯამში აურიეთ ფქვილი, სოდა და ვანილინი.
4️⃣ მშრალი ინგრედიენტები ჩაამატეთ თხევად მასას და სწრაფად მოზილეთ რბილი, ოდნავ წებოვანი ცომი. არ გადაამუშავოთ.
5️⃣ ცომი გააბრტყელეთ ფქვილმოყრილ ზედაპირზე 6–7 მმ სისქეზე. გამოიყენეთ მინიმალური ფქვილი.
6️⃣ ამოჭერით კორჟიკები ფორმით ან ჭიქით და გადაიტანეთ საცხობ ლანგარზე პერგამენტის ქაღალდით.
7️⃣ წაუსვით კვერცხის გულისა და რძის ნაზავი.
8️⃣ გამოაცხვეთ წინასწარ 180°C-მდე გახურებულ ღუმელში 12–14 წუთის განმავლობაში — არ გადააცილოთ. ზედაპირი უნდა იყოს ოდნავ ოქროსფერი, ქვედა მხარე — ღია.

🔑 ტექსტურის საიდუმლო:
არ გამოაცხოთ ზედმეტად — უმჯობესია ოდნავ ნაკლები დრო
გამოცხობის შემდეგ გადაიტანეთ ცხელი ცხაურიდან ბადეზე
სრულად გაცივებისას შიგნით ტექსტურა „ჯდება“ და რბილდება

✨ ბავშვობის არომატული ტკბილეული მზადაა.

#კვება

24/02/2026

🥣 გრანოლა არაქისის კარაქით
(მსუბუქად შეკრული, ხრაშუნა ტექსტურა)

ინგრედიენტები
500 გ — შვრიის ფანტელი
1,5 ჩ/კ — დაფქული დარიჩინი
0,5 ჩ/კ — ვარდისფერი ზღვის მარილი
220–230 გ — კრემისებრი არაქისის კარაქი
120 მლ — თაფლი (ან ნეკერჩხლის სიროფი)
6 მლ — ნატურალური ვანილის ექსტრაქტი

მომზადების წესი
საშუალო ცეცხლზე დადგით ქვაბი და მოათავსეთ არაქისის კარაქი და თაფლი. ნაზად გააცხელეთ, მუდმივად ურიეთ, სანამ მასა ერთგვაროვანი და გლუვი არ გახდება. ადუღებამდე არ მიიყვანოთ.
მიღებულ თბილ მასას დაუმატეთ ვანილის ექსტრაქტი, მარილი და დარიჩინი და კარგად აურიეთ, რათა არომატები თანაბრად გადანაწილდეს.
დიდ ჯამში ჩაყარეთ შვრიის ფანტელი, დაასხით არაქისისა და თაფლის ნაზავი და კარგად აურიეთ, სანამ შვრია სრულად არ დაიფარება.
მიღებული მასა თანაბრად გადაანაწილეთ პერგამენტ დაფენილ საცხობ ლანგარზე. ზედაპირი გაასწორეთ.
გამოაცხვეთ წინასწარ გახურებულ ღუმელში 180°C-ზე, 20-25 წუთის განმავლობაში, სანამ გრანოლა ოქროსფრად არ შეიბრაწება.
გამოიღეთ ღუმლიდან და სრულად გააციეთ ისე, რომ არ აურიოთ — გაცივების პროცესში გრანოლა თვითონ ჩამოყალიბდება მსუბუქად შეკრულ ნაჭრებად.
გაგრილების შემდეგ გადაიტანეთ ქილაში.
მიართვით ბავშვებს დილით სკოლაში წასვლამდე იოგურტთან ან რძესთქნ ერთად.
მე კი თავად მივირთმევ გრანოლას ჩემს პროტეინის შეიკთან ერთად, რომელშიც ასევე ცოტა ტოასტის მიწისთხიკის კარაქს ვამატებ დამატებითი გემოსა და ცილისთვის.

#კვება .ge

Petit Gourmet

03/04/2026

31/03/2026

24/03/2026

19/03/2026

17/03/2026

12/03/2026

10/03/2026

07/03/2026

04/03/2026

28/02/2026

26/02/2026

24/02/2026

Address

Website

Alerts

Shortcuts

Share

Category