22/12/2025
ოთხშაბათის საუბრები-არის თერაპიული და საგანმანათლებლო სივრცე, სადაც მუშაობენ ფსიქოანალიტიკური ორიენტაციის მქონე თერაპევტები. გუნდი აერთიანებს პრაქტიკული გამოცდილების მქონე სპეციალისტებს, რომლებიც არიან ქართული ფსიქოანალიტიკური სივრცის წევრები, გადიან პირად ანალიზს, აქვთ რეგულარული სუპერვიზია როგორც ფრანგ კოლეგებთან, ასევე ჩვენი ასოციაციის ანალიტიკოსებთან.
სივრცეში ფუნქციონირებს:
• ინდივიდუალური თერაპია (ბავშვთა, მოზარდთა, ზრდასრულთა);
• ჯგუფური თერაპიები;
• საგანმანათლებლო შეხვედრები;
• სალექციო კურსები და ტრენინგები სხვადასხვა თემაზე.
რატომ “ოთხშაბათის საუბრები / Wednesday Talks”?
სახელი სიმბოლურად უკავშირდება ფსიქოანალიზის დასაწყისს: ფროიდს ვენაში ჰქონდა ოთხშაბათობით რეგულარული შეკრებები, სადაც კოლეგებთან ერთად განიხილავდნენ კლინიკურ შემთხვევებს, იდეებს, ტექსტებს და დებატებს. ეს შეხვედრები იქცა ფსიქოანალიზის პირველ “ცოცხალ ლაბორატორიად” და მოგვიანებით საფუძვლად დაედო Vienna Psychoanalytic Society-ს (საწყისი სახელწოდებით: Psychological Wednesday Society / Wednesday Psychological Society).
