Nammineq Coaching

Nammineq Coaching

Coaching-mi periuseq atorlugu inuttut inuunermi ineriartorneq. +299 55 34 94 Aqutsisunut pikkorissaaneq aamma ingerlattarpara.

Inunnik isumaginninnermi siunnersortitut (socialrådgiveritut) ilinniarsimasuuvunga, taamatullu sulinikuullunga. Ukiorpaalunnilu inunnik sullissinermi misilittangaqarlunga. Inuttut ineriartornermut tunngasut atuakkat ilinniarfigisinnaasakka atuartarpakka. Aammalu pikkorissarfigisarlugit. 2007-mili namminersortutut ingerlappara una. Gruppinik pikkorissaasarpunga. Saqqummiinerit oqallinnertallit ingerlattarpakka. Sakkunik assigiinngitsunik inuttut ineriartuutaasinnaasunik peqarpunga allanut atorluangassanngiorlugit tunniukkusutannik. Nammineq taakkua misilerarnikuuakka iluaqutissartai paaserusukkakkit allanullu ilinniutiginiassagakkit. Inunnut allanut tunniukkusutakka asuliinnaq tunniukkusunnagit. Saqqummiuttakkama ilaat: - Meeqqanik oqaloqateqarneq (Børnesamtale) - Inuit misikkarissut (Sensitive mennesker) - Avammut saqquumiisinnaaneq (Perfomance) - Inuttut naleqassuseq (Selvværd) - Visionsboard (Takorluukkat angorusutat) Inuunermi killiffeqartarpugut inuunerput nalilersorlugu ilumut inuunerup sinnerani taama inoorusunnerluta. Malugingaangatsigu inuunitta ilaani allannguisariaqarluta ingerlariaqqissagutta, ujartuilertarpugut ikiuutaasinnaasunik. Amerlanertigut aaqqiissutissat nammineq nassaarisarpagut. Aporfiilli ilaat pisariaqartarput allanik ilisarisimanngilluinnakkamik ikiorteqarluni oqaloqateqarluni ingerlariaqqiffiginissaat. Oqaloqatigineqarlunga iluarineqartarsimagama saaffigeqqinneqartarpunga. Aperisarpakka sooq saaffiginneqqinnersut, akisarpaannga eqqarsalersitsisunik aperisarama. Paasinnillunga pisaramangooq. Taakkua misigisimasaat illit aamma misigisinnaavat. Oqarasuaatikkut oqaloqateqarneq misilittagaqarfigilluarpara. Aamma soorlu FaceTime atorlugu oqaloqatigisinnaavakkit.

Ilisarnaatit qulit inuuninni ajunngitsumik ingerlaninni 🥰

Ullumiinnaasariaqanngikkaluartoq, tamatta iternerluttaratta ulluluttarlutalu.

Tassami aallartilluaannarit! 😘

Pilerinerit imaassaaq suulluunniit unitsissinnaanatit! 🤩

Ujaraangunannginnami qaangerneqarsinnaavoq 😉

Soorlu tassarluinnaq! 😉

Ippassaq saqqummiussaq nangillugu inuup imminut iliuuserinissaanut oqaatsit

Ataasinngorneq - sapaatip akunnerata ullua siulleq aallarnerlugu una misiliguk!

videnskab.dk

Hvordan kan man forelske sig i en, man ikke bryder sig om?

Qallunaatut paasisinnaagaanni atuagassaqqissoq - eqqarsaatissatut immaqalu iliuuseqarfissatut.

♥️

videnskab.dk En læser er faldet pladask for en fyr, der er egoistisk, selvglad og tøsefornærmet.

[12/07/18]   Aluu tamassi

Siullermik qujanarujussuaq una qupperneq nuannaralugu oqariartuutai ingerlateqqittarassigit. ♥️

Apererusullusi, angajoqqaaminni suli najugaqartut, qanoq ikioqatigiittarpisi soorlu qanoq angajoqqaasi qujaffigalugit ikiortarpisigit? (Ukua pivakka 18-reersimasut)

Meeqqaminnik ineqartitsisunut, qanoq meeqqasi piumasaqarfigisarpisigit ikiuutaassasut? (Ukua pivakka 18-reersimasut)

Isumassanniguna ujaarlertunga 😊 Neriullunga kommentarip allattarfiani akissagissinga.

💝 Qujareerlunga,
Paniaraq

Nammineq Coaching

Suli ullut qulit atuutissaaq! :-)

Aluu tamassi,
neriullunga aasarsiorluarsimassasusi. Amerlanerit tassa sulinngiffeqareerlutik sulisaqqilerput. Aavarfilli aamma aallartippoq.

Nalunaarutiginiarlugu ataasinngorpamiik aggutsip 6-niik 31-ta tungaanut e-mailikkut oqarasuaatikkullu coachertinneq 250,00 kruuneqassaaq!

Coachertikkusukkaanni 250,00 kr. akunneq ataaseq - qaammallu ataaseq qaangiuppat naliliineq.

Saaffissaq sms 553494 imalt. sianerluni inniminniisoqassaaq

E-mailikkut perusukkaanni uunga: [email protected]

Qilanaarlunga tusarfiginissassinnut! 😊

MALUGIUK:
Akileereeraanni oqaloqatiginninneq aatsaat pisinnaavoq.

Konto ikisiffissaq nalunaarnermi tunniunneqartassaaq - ilismassavalli ullut arlaliusinnaammata ikisinermi aqqut.

[08/03/18]   Aluu tamassi,
neriullunga aasarsiorluarsimassasusi. Amerlanerit tassa sulinngiffeqareerlutik sulisaqqilerput. Aavarfilli aamma aallartippoq.

Nalunaarutiginiarlugu ataasinngorpamiik aggutsip 6-niik 31-ta tungaanut e-mailikkut oqarasuaatikkullu coachertinneq 250,00 kruuneqassaaq!

Coachertikkusukkaanni 250,00 kr. akunneq ataaseq - qaammallu ataaseq qaangiuppat naliliineq.

Saaffissaq sms 553494 imalt. sianerluni inniminniisoqassaaq

E-mailikkut perusukkaanni uunga: [email protected]

Qilanaarlunga tusarfiginissassinnut! 😊

MALUGIUK:
Akileereeraanni oqaloqatiginninneq aatsaat pisinnaavoq.

Konto ikisiffissaq nalunaarnermi tunniunneqartassaaq - ilismassavalli ullut arlaliusinnaammata ikisinermi aqqut.

Nammineq Coaching

Suli periarfissaavoq! :-)

Aluu Qaqortumi najugallit

Suliaqarlunga Qaqortumiissaanga sap. ak. tullianiik. Piffissaqarpunga oqaloqateqarnissamut ulluni ukunani: 14.+15. april aammalu unnukkut periarfissaqarsinnaallunga. Qaqortumiissaanga ulluni ukunani: 10.-20. apriili

Oqaloqateqarneq ataaseq akunneq ataaseq affarlu missaani sivisussuseqartarpoq. Taannalu akeqarpoq 750,00 kr.
Neqeroorutilli aajukua: Oqaloqateqarnerit pingasut: 2.000.00 kr. Sipaarut 200.00 kr. Oqaloqateqarnerit tallimat: 3.250.00 kr. sipaarut 500.00 kr.

Inniminniiffissaq: 55 34 94 imalt.: [email protected]

Oqaloqatiginnikkusuttunut tassa piareersimavunga. :-)

[04/04/18]   Aluu Qaqortumi najugallit

Suliaqarlunga Qaqortumiissaanga sap. ak. tullianiik. Piffissaqarpunga oqaloqateqarnissamut ulluni ukunani: 14.+15. april aammalu unnukkut periarfissaqarsinnaallunga. Qaqortumiissaanga ulluni ukunani: 10.-20. apriili

Oqaloqateqarneq ataaseq akunneq ataaseq affarlu missaani sivisussuseqartarpoq. Taannalu akeqarpoq 750,00 kr.
Neqeroorutilli aajukua: Oqaloqateqarnerit pingasut: 2.000.00 kr. Sipaarut 200.00 kr. Oqaloqateqarnerit tallimat: 3.250.00 kr. sipaarut 500.00 kr.

Inniminniiffissaq: 55 34 94 imalt.: [email protected]

Oqaloqatiginnikkusuttunut tassa piareersimavunga. :-)

[04/01/18]   Tamannguassi qujaffigalusi påskemi pilluaqquassi

Nammineq Coaching

[01/31/18]   Ullut qaamanerit takkuttalerput. Ilinniaqqinnera naammasseriarakku piffissaqaqqilerpunga oqaloqateqartarnernut. Sulili allaffittaanngilanga, taanna ilungersunalaarpoq. Taamaattorli oqaloqatigiinneq sumiluunniit pisinnaasarmat ilisimatitsissutigissavara. Aamma oqarasuaatikkut iluarineqartarpoq :-) Akit una toorlugu: Om tassani takuneqarsinnaapput.
Ernumanerujussuarnermut tunngasut, imminut naleqartittannginnerit, imigassamik atornerluiffiusumi peroriartorsimanerit, kinguaassiuutitigut atornerlunneqartarsimanerit allallu inuunermi uniffiusinnaasut oqaloqateqartarnikkut annissuinermi tusarnaartarpakka iliuusissanillu ujartuinermi ikiuisarlunga. Inuunermi pisut oqimaattut nuanniilliuutit kinguarsaatit qaangersinnaavatit!
Attaviginnga ugguuna 55 34 94 imalt. [email protected]
Ilinnut paarinerit annertuserusukkukku eqqissillutillu inoorusulersimaguit.

[12/03/17]   Minitaqarnanga qamannga pisumik tamassi sapaassuit aallartinneranni pilluaqquassi. Qanortoq atorluarisigit.

❤️🌟❤️

[11/27/17]   Qujanaq uunga quppernermut nuannarinnittunut. Neriuppunga iluaqutigisassagissi saqqummiuttakkakka. Aamma periarfissaqarpoq isingalunga imalt. oqarasuaatikkut oqaloqateqarnissamut, akit uani takusinnaavatit: Om toorukku nuissapput.

Qujaqqippunga.

Illit tassa inuunerit

Eqinneqarnerup kiminga

[10/24/17]   Taarsisalernera inuit arlaatigut inuunerminni artorsaatillit assut malugisarpaat. Oqaloqateqarnissamut piffissaq atorluarneqarsinnaavoq, piffissanngortutummi ittarami aasap qaamanerani ajornartorsiutaasinnaasut puigortutut ittaratsigit. Aneernerusaratta sila kialaartaleraangat. Ukiuleraangallu taartaleraangat angerlarsimaffimmi isersimanissaq orniginarnerusarluni.
Massakkut piffissaq annerusoq nuummiissaanga. Taamaattorli nuup avataani najugaqartut oqarasuaatikkut oqaloqatigineri ingerlattarpakka. Iluarineqartarpoq qanilluni imminut isiginngikkaluarluni oqaloqateqarluni nammineq qamuuna pigisat aaqqinniarnerini.

Uani quppernermi allaqqasoq: Om - toorukku tassani allaqqapput qanoq akeqarnersoq oqaloqatiginninneq allallu paasissutissat.

Ajunngikkisi - tusass! :-)

[06/29/17]   Tamannguassi qujaffigalusi aasarsiorluarnissassinnik kissaappassi!

Nukissassinnik aallerluarisi ❤️❤️❤️

[06/18/17]   Maani Nuummi Uummannarmiut qanormita kateritinneqarsinnaappat? Assorsuaq eqqarsaatinniitippakka.

[06/06/17]   Ajuallatsittinaveersaartarneq nukinnik annertuumik atuiffiusarpoq.
Misigissutitigut pissusitsigut oqalunnertigullu ilusilersuinikkut ajuallatsinnaveersaartarpagut ilagut, ikinngutigut allallu annerusumik minnerusumilluunniit avatagiisitsinniitittakkagut.

Uanga inuusuttuaraallunga taamaannikuuvunga, eqqaamavara ajuallatitsisooqattaarama taama siunertaqanngeruttorlunga. Assorsuaq utoqqatsisarnikuuvunga pisannut. Kingorna eqqarsarpunga inoqatikka uanga ajuallatseqqissanngilakka! Tassa aalajangerpunga. Sunaaffali uannut pilliutiginialerama!
Ukiorpassuit taanna aalajangiussara atuutsippara qanorluunniit uannut kinguneqaraluarpat soqutiginagu. Imminut qasuterujussuartarlunga nukissaarutsittarlunga. Paasilerakku itinerusumik qanoq uannut pilliutigitiginerlunga aalajangersimanera nalilersulerpara. Paasigakku allatut ajornaqaaq inuunerup piumasaqaataasa ilagingaat inunnik allanik ajuallatitsisarneq pinngitsoorneqarsinnaanngitsoq - aalajangeqqippunga oqaasissakka pissusikkalu aallaavingalugit allanik ajuallatitsisariaqartarlunga.
Tassaniippoq aamma uanga akisussaassuseqarlunga iliuuseqarnera, inuk alla nuannaartinniaarnarlugu pilluartutut misigitinniaarnarlugu sallu uukapaatitsinerlu atuutsillugit inuuneq.
Soorunami nalilersungassaavoq inuk oqarfigisassaq iliuuseqarfissarlu qanoq ittumik apuussivigissanerlugit, nalunngittariaqarpoq inuup taassuma ajuallannissaa. Aamma nalunngittariaqarpoq allatorluinnaqqissaaq qisuariarsinnaanera. Uanga aqussinnaanngilara inuup allap qanoq qisuariaateqarnissaa, uangali akisussaaffigaara qisuariaataa aallaavigalugu iliuuseqaqqinnissaq.

Qanortoq illit inuunerit pissarsilluaqarfiugili

[05/24/17]   Netflix-raanni qallunaatullu paasisinnaalluni una isiginnaagassaq: I'm not your guru, Tony Robbins-ip inulerinermini sulinera isiginnaarlugu paasisaqarnarlunilu ilikkagaqarnarlunilu eqqarsarnaq. Assut ilaaffiginissaa pilerinarsilluni.
Takorusukkukku ujarniariuk.

❤️❤️❤️

[03/25/17]   Soormi ima ittoqaruni, sooruna taamaaliornianngitsut, imaaliullarunik tamakkulu assigisaat oqaatigisartakkagut asuli nukimmik atuiffigisartakkagut, soormi nammineq aallartitsigutta, misissuigutta ikiuiguttaluunniit?

Tassa ajornannginnersiuineq toqqakkajuttarparput uagutsinnut ersinngitsumik malunnarpianngitsumillu akisussaaffiarluta. Itinerusumilluunniit ilaatigut eqqarsaatiginngiivillugu taama oqaannartarpugut - iliuuseqaannartarpugut.

Imminut maluginarit qaqugukkut taamaalisarnerlutit. Paasigukkulu sukkut qaqugukkullu taama oqartarnerlutit iliuuseqartarnerlutillu taava ilinnut akisussaassusiviit atiartuaalissavat. Oqaatitsitit annittakkatit qamanilu pigisatit aamma allanngussapput, inuuninnullu annertuumik sunniuteqalissapput.

Oqaatsinukua kimilipilorujussuit!

Imminut maluginiarluarina ❤

[02/28/17]   Takorloortakkagut inuunitsinni pigerusullugit - inuunitsinnut ilaatikkusutagut amerlanertigut iperapallattarpagut qaatuaqeriataaraangatta ima eqqarsarluta: Aah! Piviusunngorsinnaanngillat! Misigilerlutatalu ajuallatallalluta.
Tassaniippoq siornatigut misilittakkagut nuannerpallaanngitsut aamma nammineq inuttut upperalugit eqqarsartaaserilersimasagut. Taakkua pisuullutik nuannersunik pilerinartunik takorluuisinnaanerput unitsittarpaat. Qaqutigoorporli takorluukkat piviusunngortissinnaasarnerat.

Takorluukkalli eqqartortaraanni neriuuteqarfigalugit kissaateqarfigalugillu takorluukkat piviusunngortissinnaaneri qaninnerulertarput.

Assersuutigalugu aasakkut sulinngiffeqarluni angalanissaq pilersaarutigigaanni. Nunanut kiattunut angalanissaq - imalt. nunatsinniusinnaavoq aamma. Ilukkut nukik pilersittarparput akiugassaanngitsoq! Takorluugarput anguniarniarlugu ilungersorluta suliniuteqalertarpugut, siornatigut takorloorsimanngisat aqqutit atulertarpagut siunertarput angorusullugu. Qamuuna nalunngilarput piffissaq annertunngitsoq atorlugu anguniagaqarluta taannalu anguniagaq qanorluunniit anguniarsarisussaallugu. Ilungersorluta qasulluta pisinnaasarpugut, siunertalli nukissamik tunisarpaatigut annertuumik.
Aamma taamaappoq inuunitsinni aaqqiissuteqarniaraangatta. Uani iluaqutaasarpoq oqaloqateqartarneq - tapersersorteqanngikkaluarluni qanigisamik. Naammagaluguli inuk nammineq inuunerminik aaqqeerusulluni qaangeerusuttup nukinga. Aaliangersimanera nikisitassaanngitsoq.

Illit inuunerit qanoq ippa? Aaqqitassaqarpa?

Oqaloqatiginnikkusukkuit aaqqiissuteqarusukkuit attavigisinnaavarma uunga 55 34 94 Akunneq ataaseq affarlu 750,00 kr. akeqarpoq. Arlaleriarusukkuit soorlu pingasoriarnermi 2.000.00 kr. sipaarut 250,00 kr. Tallimariarnermi 3.250.00 kr. sipaarut 500.00 kr.

[02/27/17]   Uunga quppernermut nuannarinnilerlutik Like-risunut nutaanut qujanaq! :-* Assorsuaq uannut isumaqaqaaq!
Qangalili maaniittunut qujanaq suli maaniikkassi!

Nammineq Coaching's cover photo

'Stay hungry' Steve Jobs-ip oqasserisimasaa, isumaqakannersoq Uninngisaannarit. Tassa aamma illit taamaassaatit.

Minitaqarnanga tamannguassi Juullimi pilluaqquassi, qanortoq eqqissinerup tikillisi.

🎄🎅🏼🎁❤

[11/27/16]   ⭐️ Sapaassuarmi tamannguassi qamannga pisumik pilluaritsi. Qanortoq eqqissinerup najorlusi. ❤️

[11/19/16]   Inoqammut mianerinnissinnaaneq ukiuini makkunani takujuminaassinnaavoq.
Internetip atugaalernerani sapingaaruttutut ililkuni akerartuisinnaaneq, inuttassarsiuilluni pissusilersortarnerit takussaapput.

Nammineq pineqartuusorisarnerit tassani aamma akuupput.
Ersiornermik aallaaveqarsinnaapput tamakkua. Pisussanik nalorninerit, imminut naleqartinnginnerit, imminut tatiginnginnerit allallu inummut nammineq nuanniitsumik aallaveqarsinnaasut.

Inuulli nammineq imminut ujartuilluni, taakkua imminermini nassaarisinnaagunigit ilisarillugullu namminermi aamma pigalugit taava akueralugit nammineq pigalugit qamani eqqissineq aallartittarpoq.
Alloriaqqinnissarlu pitsaap tungaanut aallartissinnaalluni.

Suna illit allanut uumissuutigisarpiuk? Qanorlu ilinni taanna allanut atortakkat unitsissinnaaviuk?

❤️

Narsami takusaq.
Qujanaq ❤️

[10/26/16]   Oqaaseq: Naamik. Inuunermi atussallugu ilungersunarnersat ilagivaat.
Amerlanertigut akisaratta aap, iliuuseqapallallutalu. Imminut pilliutigaluta immaqa suliassaq suliassarinngikkaluarlugu.

Maluginiutinut annertuumik ersinngitsumik qasutitsisinnaavoq oqaaseq Naamik atortanngikkaanni. Qaratsamut, sianiutinut timillu sinneranut annertuumik sunniuteqarluni qasutitserujussuartarpoq. Allaat qarasap sianiutit timillu sinnerata aaqqeqqissinnaaneranut innarliisinnaalluni.

Qujanartumilli ilinniarlugu ilikkarneqarsinnaaavoq. Kingusinaannginninni ilinniaruk, ilinnut annernalaartumiik aallartiffeqarlutit. Maluginiarullu qanoq ilinnut naameeravit sunniuteqarnersoq.
Sapiitsuliiorit! Nalunngilara sapinngikkit!
Sapileruillu nalilersuieriarlutit misileeqqigit!

Sapiiserluarina! :-)

Ullumi nuannaarpunga
Anaanakkunni tarrarsuutip sinaani nipitinnikoq. Ullaakkut ullukkut unnukkullu takusuaannagaq. Eqqaasitsissut pitsak! 😊

[09/21/16]   Inuusuttuulluni assortuinissaq qangaaniilli atuuttunut allanngortitsererusuttarneq naliginnaavoq. Inuunermut ilaavoq.

Nutaanngorsaarusunnerli nuannersuusarpoq ikiortissaqaraanni imalt. ima imminut suliassarlu kusanartumik inerneqarnissaanut tatigitigingaanni pisariaqartinnagu tapersersorteqarnissaq.
Iluarnerpaajuvorli misilittagalinnik oqaloqateqartarluni nutaaliorneq.
Taakkuami misilittareerpaat suut iluatsinnersut suullu iluatsippallaannginnersut.

Inuunermi aamma taamaappoq, tamatta pinngitsortaqarata assigiinngitsunik misilitassaqarpugut. Tamaammat misilittagaqarluartut oqaloqatigalugit assut toqqissisaasarpoq. Tusarnaarneqarneq, paasineqarneq takunngitsuukkanillu ilisimatinneqarneq nutaaliornissamut imalt. ingerlatitseqqiinissamut eqqarsaatissat allannguutissallu pilersinnerini eqqumaffigisassatut piareersimaffittullu pigisassanngortaramik. Taamaalilluni pisoqarnissaanut sillimareernissaq pilersinneqartarami.

Inuunerit inerisassagukku qanoq pilersaaruteqarpit? Suna - suut aqqut - aqqutit atorusuppigit?

:-)

[09/14/16]   Inuk inuunermini ingerlariaqqinnissaminut qamuuna piareersimasariaqarpoq. Tamannalu pisarpoq pisunik pisimasunillu akuerinninnermigut.
Anniaat tunjormititsisartoq qiviaraanni oqimaappallaarpallu oqilisarneqarsinnaasarpoq oqaasinngortitsinikkut.

Qaqugu ILLIT oqaasinnguissavit?

Ullumi takusaq. ❤️

[08/08/16]   Eqqarsaatissiissut:
Amerikami inuusuuttuaqqat ukiumut tusintillit imminut toquttarput. 15-niik 25-nut ukiullit imminut toquttarnerisa kinguneraat Amerikami toqussutaasartut annerpaat pingajorigaat. Imminut toquttarnerannut peqqutaasorisaat tassaavoq angajoqqaat qitornaminnut ulluinnarni attaveqartarnerat annikippallaarmat. Tassa ullormut akunnialunnguit iluanni oqaloqatigineqarneq ajormata.
Nunatsinni aamma tassa taanna peqqutaasunut ilaanerluni? Taamaassappat suliassaqarpugut PINGAARUTILIMMIK!

Meerartagut ullormut sulerisimanersut SOQUTIGALUGIT oqaloqatigisartigit, imminut akilersinnaavoq. Meerartagut ilinniartitsigit oqaloqatigiilaarneq qanoq nuannertiginersoq, pasinnippalaartumik misissuerpalaartumik pinnata! Nuannersumilli tusaatissatut inersimarpalaartumik PISA!

[07/21/16]   Uanga oqaloqatigigumma illit allaniik tusartakkatit, malugisakkatit naatsorsuutigisatit uanniik pinavianngilatit.

Imminut ilisarerusukkuit, imminut naatsorsuutigerusukkuit imminullu aallavigerusukkuit oqaloqatigisinnaavarma.

Uani Om - toorukku paasissutissat tassaniipput.

Imminut pillarunnaarlutit, allaniik pillartikkunnaarlutit ingerlariaqqigit!

Aasaangaluarpat, ukiassaleraluarpat, ukiuungaluarpat upernaajungaluarpalluunniit akissat, piffissaq, sapersarneq assigisaallu aporfittut isigisakkatit tassaniittuassapput iliuuseqarfiginngikkukkit.

Tuavi! Saaffiginnga ingerlariaqqikkusukkuit!

[07/07/16]   Inuunippit sinneranut allannguutigisinnaasannik oqaloqatigisinnaavakkit - tusarnaarsinnaavakkit.

Tusarnaarneqarluni paasineqarluni eqqarsaatinik nutaanik pilersitsisarmat. Inuunermillu paasinnissimaneq allanngortarluni.
Qarasarput nipaarutiallattarpoq, timeq qasukkartarpoq, inuunerlu oqinnerulertarluni.

Qaqugu piffissaq ilinnorluinnaq atorniarpiuk?

Misiliiuaannarit

Ikiortissaq pitsak!

Vil du plassere din virksomhed på toppen av Klinik-listen i Nuuk?

Klik her for at gøre krav på din sponsorerede liste.

Sted

Telefon

Internet side

Adresse


Box 251
Nuuk
3900

Generelle oplysninger

Akit: Inunnut ataasiakkaanut Akunneq ataaseq affarlu (miss.) 750.00 kr. Akunnerit pingasut (agguataarlugit) : 2.000.00 kr. Sipaaruk 250.00 kr. Akunnerit tallimat (agguataarlugit) : 3.250.00 kr. Sipaaruk 500.00 kr. Suliffeqarfinnut: Saaffigisinga, isumaqatigiinneq atorlugu akeq nassaarissavarput. FaceTime atorsinnavoq.

Åbningstider

Mandag 09:00 - 16:00
Tirsdag 09:00 - 16:00
Onsdag 09:00 - 16:00
Torsdag 09:00 - 16:00
Fredag 09:00 - 12:00
Andre Rådgivning og psykisk helbred i Nuuk (vis alle)
Inunnik isumagittutut sulineq, ilaqutariinnut siunnersuineq Inunnik isumagittutut sulineq, ilaqutariinnut siunnersuineq
Box 251
Nuuk, 3900

Oqaloqateqarneq siunnersorneqarnerlu meeqqamut, inuusuttuaqqamut angajoqqaamullu. <3

Inuunerissaavik - Psykoterapi Inuunerissaavik - Psykoterapi
Postbox 4005
Nuuk, 3900

Familiebehandlinger - Rådgivning for pårørende af misbrugere - Krisehjælp - Psykisk førstehjælp - Familiehøjskoler - Personlig udvikling m. m.

Tarnip Nakorsaa Tarnip Nakorsaa
Nuuk, 3900

Tarnip Nakorsaa, kalaallisut oqalussinnaasoq Speciallæge i Psykiatri. Dobbeltsproget.