Jue Jue’s Safe Space

22/11/2025

December Monthly Continuing Education Session for JJSS Volunteers

Su***de Prevention Helpline နှင့် Peer Support Helpline များတွင် ပါဝင်ကူညီအားဖြည့်နေကြတဲ့ volunteers (စေတနာဝန်ထမ်းများ) အတွက် Jue Jue’s Safe Space မှ အစဉ်မပြတ် ပြုလုပ်ပေးလျက်ရှိတဲ့ Monthly Continuing Education Session ကို လာမည့် ဒီဇင်ဘာလ (၆) ရက်၊ စနေနေ့၊ နံနက် ၉ နာရီ (မြန်မာစံတော်ချိန်) တွင် ပြုလုပ်သွားမှာဖြစ်ပါတယ်။

ဒီတစ်လမှာတော့ JJSS volunteers များအနေနဲ့ Mindfulness ကျင့်စဉ်နဲ့ပတ်သက်ပြီး အသေးစိတ်လေ့လာခွင့်ရမှာဖြစ်ပြီး mindfulness meditation ပြုလုပ်ခြင်းဖြင့် လူတို့ရဲ့စိတ်ကိုဘယ်လိုအကျိုးသက်ရောက်မှုတွေပေးစွမ်းနိုင်မလဲ၊ mindfulness ကိုဘယ်လိုထိထိရောက်ရောက်ပြုလုပ်နိုင်မလဲ ဆိုတဲ့အကြောင်းအရာများကို ဆွေးနွေးပေးသွားမှာဖြစ်ပါတယ်။

ဒါကြောင့် volunteer များအနေနဲ့ မပျက်မကွက် တက်ရောက်ပေးဖို့ တိုက်တွန်းလိုက်ရပါတယ်။ Zoom Link များကိုလည်း Email နှင့် volunteer Telegram channel များမှ တဆင့်ပေးပို့သွားမှာဖြစ်ပါတယ်ရှင့်။

22/11/2025

ဒီနေ့ Wattana Resort မှာ တွေ့ကြမယ်နော်

မဲဆောက်မြို့ရှိ မြန်မာပြည်သားများအတွက် Jue Jue's Safe Space မှ အခမဲ့ သင်တန်းတက်ရောက်ပြီး ပညာတွေကို ချက်ခြင်းလက်တွေ့အသုံးချနိုင်မည့်အခွင့်အရေး

ခက်ခဲကြပ်တည်းတဲ့ကာလကြား ရုန်းကန်ရှင်သန်ကြရင်း ကျွန်မတို့ပတ်ဝန်းကျင်မှာ မိမိကိုယ်ကိုယ်အဆုံးစီရင်ခြင်းဆိုတဲ့ ဖြစ်ရပ်တွေ ပိုပြီး ကြားသိလာရပါတယ်။ ဒီလို စိတ်ပိုင်းဆိုင်ရာပြဿနာတွေကို မှားယွင်းစွာအဖြေမရှာမိဖို့ ကျွန်မတို့အချင်းချင်း ကူညီဖေးမဖို့ လိုအပ်ပါတယ်။ လူတွေကို ကူညီချင်တယ်၊ မိမိပတ်ဝန်းကျင်မှာ အခက်အခဲကြုံတွေ့နေရတဲ့လူတွေကို ကူညီဖို့ စိတ်ဝင်စားတယ်ဆိုရင် ယခု သင်တန်းလေးကို တက်ရောက်ဖို့ ဖိတ်ခေါ်လိုက်ရပါတယ်။ လူဦးရေအကန့်အသတ်ဖြင့်သာလက်ခံမှာဖြစ်ဖို့ စိတ်ပါဝင်စားတယ်ဆိုရင် အခုပဲ​ Registerလုပ်လိုက်တော့နော်။​

သင်တန်းပို့ချသွားမည့် ဆရာမများဟာဆိုရင်လည်း ကျွန်မတို့ Jue Jue's Safe Space ရဲ့ Founder ဆရာမဂျူးဂျူးမင်းသူနဲ့အတူအရည်အချင်းပြည့်မှီတဲ့ သင်တန်းဆရာမများက သင်ကြားပို့ချသွားမှာဖြစ်ပါတယ်။ သင်တန်းတွင်ပါဝင်မယ့် သင်ရိုးညွှန်းတန်းများကလည်း Americ‌an နိုင်ငံမှာ လက်ရှိအချိန်ထိ ကျင့်သုံးနေတဲ့ Su***de Prevention အချက်အလက်များအပြင် Safety Planning များလည်းပါဝင်မှာဖြစ်ပါတယ်။

ယခု Training ကို နိုဝင်ဘာလ (၂၂) ရက်တွင် မနက် (၉း၀၀) နာရီမှ ညနေ (၄:၀၀)နာရီထိ စုစုပေါင်း (၈)နာရီကြာသင်တန်းကို ထိုင်းနိုင်ငံ၊ မဲဆောက်မြို့မှာ ပြုလုပ်သွားမှာဖြစ်ပါတယ်။

စိတ်ဝင်တစား ပါဝင်တက်ရောက်လိုသူများအနေနှင့် နိုဝင်ဘာလ (၁၄) ရက်နေ့ နောက်ဆုံးထားပေးပို့ပြီး စာရင်းပေးသွင်းနိုင်ပါတယ်။ အောက်ပါ Registration Linkမှတစ်ဆင့် စာရင်းပေးသွင်းနိုင်ပါတယ်။

Register here - https://airtable.com/app51WBo8jRybJGtQ/shrDS4CqK0rV56NiI

Jue Jue's Safe Space မှ သင်တန်းသားများအတွက် အစားအသောက်များနဲ့ မေတ္တာလက်ဆောင်များကိုလည်း ပြင်ဆင်ပေးထားမှာဖြစ်ပါတယ်။

အခုလိုမျိုး အကြပ်အတည်းကာလကြီးရဲ့ ရိုက်ခက်မှုတွေကြောင့် မလိုလားအပ်တဲ့ဆုံးရှုံးမှုတွေမဖြစ်ရအောင် ကျွန်မတို့အားလုံး အထိရောက်ဆုံးနည်းလမ်းများဖြင့် အတူတူ ကူညီကယ်တင်ကြရအောင်။

***dePreventionTraining

21/11/2025

ဒီအပတ်ရဲ့ Friday LIVE အစီအစဉ်လေးမှာတော့ “No Men No Cry” ဆိုတဲ့ ခေါင်းစဉ်ကို CETA (Common Elements Treatment Approach) Global မှ Mental Health Counselor, Trainer တစ်ဦးဖြစ်တဲ့ ဆရာထင်အောင် နဲ့ Jue Jue’s Safe Space မှ Dr သည်းသု တို့က ဆွေးနွေးသွားမှာ ဖြစ်ပါတယ်ရှင်။

https://youtube.com/live/hQGmkuQVBuI?feature=share

19/11/2025

အားလုံးပဲ မင်္ဂလာပါရှင်

ဒီအပတ်ရဲ့ Friday LIVE အစီအစဉ်လေးမှာတော့ “No Men No Cry” ဆိုတဲ့ ခေါင်းစဉ်ကို CETA (Common Elements Treatment Approach) Global မှ Mental Health Counselor, Trainer တစ်ဦးဖြစ်တဲ့ ဆရာထင်အောင် နဲ့ Jue Jue’s Safe Space မှ Dr သည်းသု တို့က ဆွေးနွေးသွားမှာ ဖြစ်ပါတယ်ရှင်။ ကျွန်မတို့ရဲ့ Friday LIVE Programကို Jue Jue’s Safe Space ရဲ့ Youtube Channel မှာ အပတ်စဉ် သောကြာနေ့တိုင်း ပြုလုပ်သွားမှာဖြစ်လို့ Subscribe မလုပ်ရသေးရင် အခုပဲ လုပ်ထားလိုက်ဖို့ မမေ့ပါနဲ့ရှင်။

Jue Jue’s Safe Space YouTube Channel- www.youtube.com/

ကျွန်မတို့ လူမှုပတ်ဝန်းကျင်မှာ “ယောကျ်ားဆိုရင် မျက်ရည်မကျရဘူး” ဆိုတဲ့စကားကို တွင်တွင်ကျယ်ကျယ်သုံးတာ ကြားဖူးပါလိမ့်မယ်။ ဒီလိုယဉ်ကျေးမှုဓလေ့ထုံးတမ်းတွေက ကလေးဘဝထဲက အမျိုးသားတွေရဲ့စိတ်ခံစားချက်များကိုဖုံးကွယ်ဖို့ ဖိအားပေးနေပါတယ်။ ဒါကြောင့် အမျိုးသားများနဲ့ စိတ်ခံစားမှုဖော်ပြဖို့အားနည်းတာနဲ့ ဘယ်လိုဆက်စပ်နေမလဲ၊ အမျိုးသားတွေ အများဆုံးရင်ဆိုင်နေရတဲ့ စိတ်ကျန်းမာရေးပြဿနာတွေက ဘာတွေဖြစ်နိုင်မလဲ၊ အမျိုးသားများစိတ်ခံစားချက်ဖွင့်ဟလာအောင် ဘယ်လိုကူညီနိုင်မလဲ၊ အမျိုးသားများအတွက် လေ့ကျင့်လို့လွယ်ကူမယ့်စိတ်ကုထုံးတွေက ဘာတွေဖြစ်မလဲ၊ စတာတွေကို ဆွေးနွေးသွားမှာဖြစ်ပါတယ်။

Jue Jue’s Safe Spaceရဲ့ Follower တွေအနေနဲ့လည်း ဒီအစီအစဉ်လေးမှာ သိချင်တာ မေးမြန်းချင်တာတွေရှိရင် ပါဝင်ဆွေးနွေးဖို့ မေးခွန်းလေးတွေ ပို့လို့ ရသလို ကိုယ်တိုင်စောင့်ကြည့် ဝင်ရောက်ဆွေးနွေးဖို့လည်း အားလုံးကို ဖိတ်ခေါ်ပါတယ်။ Live မှာ ပါဝင်ဆွေးနွေးပေးသွားမယ့်သူတွေကတော့ ဆရာထင်အောင် နဲ့ Jue Jue's Safe Space က ဒေါက်တာသည်းသု တို့က ဆွေးနွေးပေးသွားမှာ ဖြစ်ပါတယ်။

ရက်စွဲ : ၂၁.၁၁.၂၀၂၅ (သောကြာနေ့)
အချိန် : ည( ၈ ) နာရီ (မြန်မာစံတော်ချိန်)
Live ပြုလုပ်မည့်နေရာ - Jue Jue’s Safe Space YouTube Channel
မေးမြန်းချင်တာတွေ ၊ သိလိုတာတွေရှိရင် comment မှာရေးပေးလို့ရသလို Chat Box မှာလည်း ကြိုတင်မေးခွန်းများပို့ကာ မေးမြန်းထားနိုင်ပါတယ်။

18/11/2025

Eco-harmony : From Trauma to Trust

TEDx Chiang Mai ရဲ့ ပထမဆုံးပွဲနေ့ဖြစ်တဲ့ နိုဝင်ဘာလ (၁၅) ရက်နေ့မှာ Jue Jue's Safe Space ရဲ့ Founder ဆရာမဂျူးဂျူးမင်းသူမှ သဘာဝဘေးအန္တရာယ်ကြောင့် ခံစားရတဲ့ စိတ်ဒဏ်ရာကို သဘာဝတရားနဲ့ပဲအတူယှဥ်တွဲ နေထိုင်ရင်း ဘယ်လိုပြန်ကုစားမလဲဆိုတဲ့ “Eco-harmony : From Trauma to Trust” အကြောင်းကို ဒီဟောပြောပွဲမှာ သဘာဝဘေးအန္တာရာယ်ကြောင့် ကြုံ‌တွေ့ရတဲ့ အကြောက်တရားတွေ၊စိတ်ဒဏ်ရာတွေ ခံစားလာရခြင်းကြောင့်ဖြစ်ပေါ်လာတဲ့အကြောင်း ၊ သဘာဝဘေးအန္တာရာယ်ရဲ့ရိုက်ခတ်မှုကြောင့် ဖြစ်ပေါ်လာတဲ့ ကြီးမားတဲ့ ဆုံးရှုံးမှုနဲ့အတူ ဘဝပြောင်းလဲမှုတွေ၊ ကိုယ့်ရဲ့ စိတ်ဒဏ်ရာကို လှုံ့ဆော်နေတဲ့အရာတွေနဲ့ ယှဉ်တွဲနေထိုင်ရတဲ့ ဖြစ်စဉ်တွေ၊ ဒီစိတ်ဒဏ်ရာတွေကို ကိုယ်ကိုယ်တိုင် ပြန်ကုစားနိုင်မယ့် Grounding Techniques တွေကို သဘာဝတရားကြီးနဲ့ အမြဲတမ်းအတူယှဉ်တွဲနေထိုင်ရင်း ယုံကြည်‌မှုတွေကိုဘယ်လိုပြန်လည်တည်ဆောက်ပြီး စိတ်ဒဏ်ရာတွေကို ဘယ်လိုကျော်ဖြတ်နိုင်မလဲ ဆိုတဲ့အကြောင်းတွေကိုပြောကြားခဲ့ပါတယ်။

ကျွန်မတို့ရဲ့နေ့စဉ်ရှင်သန်မှုမှာ သဘာဝတရား ကမ္ဘာမြေကြီးနဲ့ယှဉ်တွဲနေထိုင်ရတာဖြစ်တဲ့အတွက်လိုအပ်တဲ့အရာတစ်ခုဖြစ်ကြောင်း၊ ဒီလိုနေ့စဉ်ရှင်သန်မှုမှာ သဘာဝတရားတွေနဲ့ ရင်းနှီးစွာ နေထိုင်ဖြတ်သန်းရင်း ရုတ်တရက်ကြုံတွေ့လာရတဲ့ သဘာဘေးအန္တာရာယ်တွေက ကျွန်မတို့ရဲ့ ရှင်သန်မှုကို တစ်ဆစ်ချိုးပြောင်းလဲစေခဲ့ပြီး ကြီးမားတဲ့ဆုံးရှုံးမှု၊ သေဆုံးမှု၊ ပျောက်ရှမှုတွေကြောင့်စိတ်ဒဏ်ရာတွေခံစားကြရပါတယ်။ ဒီလို သဘာဝဘေးအန္တာရာယ်ရဲ့အလွန်မှာ ခံစားရတဲ့စိတ်ဒဏ်ရာတွေနဲ့အတူယှဉ်တွဲနေထိုင်ရတဲ့အခါ လိုက်လျောညီထွေမှုဖြစ်အောင် စိတ်ခံနိုင်ရည်စွမ်းအား ဘယ်လိုပြန်လည်တည်ဆောက်ရမလဲ ဆိုတဲ့ ပြန်လည်ကုစားရေး နည်းလမ်းများအကြောင်းကိုလည်း မျှဝေပေးခဲ့ပါတယ်။

အခုလိုမျိုး စိတ်ဝင်စားဖွယ်ရာ အ‌ကြောင်းအရာများပါဝင်တဲ့ TEDx Chiang Mai ဟောပြောပွဲမှ အမှတ်တရပုံရိပ်များကို Jue Jue's Safe Space ရဲ့ပရိတ်သတ်များအတွက် ပြန်လည်မျှဝေလိုက်ရပါတယ်။

16/11/2025

မင်္ဂလာပါရှင်။

Jue Jue's Safe Space နဲ့ MAP Foundation တို့ရဲ့ ပူးပေါင်းတင်ဆက်မှုဖြစ်တဲ့ "လုံမေ့ခွန်အား" ရေဒီယိုအသံလွှင့်အစီအစဉ်လေးကို MAP Radio FM 102.5 MHz နဲ့ MAP Radio page တို့မှာ အပတ်စဉ် ကြာသပတေးနေ့တိုင်း ဂုဏ်ယူဝမ်းမြောက်စွာဖြင့် ထုတ်လွှင့်တင်ဆက်ပေးနေပါတယ်ရှင်။

ဒီတစ်ပတ်တင်ဆက်သွားမှာကတော့ “ယနေ့ကာလအမျိုးသမီးများ၏ဖြည့်ဆည်းဆောင်ရွက်မှု” ဆိုတဲ့ ခေါင်းစဉ်ကို တင်ဆက်သွားမှာပါ။ ယနေ့ကာလထဲမှာ အမျိုးသမီးတွေဟာ ပြောင်းလဲလာတဲ့ ခေတ်ရေစီးကြောင်း၊ပြောင်းလဲလာတဲ့ခေတ်စနစ်ဆိုးတွေနဲ့မျှော်လင့်မထားတဲ့ကံကြမ္မာတွေရဲ့ရိုက်ခတ်မှုတွေကြောင့်ရွေ့ပြောင်းအလုပ်သမားတွေအဖြစ်ထိုင်းနိုင်ငံထဲသို့တစ်ဦးချင်းဖြစ်စေ မိသားစုနဲ့ဖြစ်စေ ရောက်ရှိလာကြရပါတယ်။ ဒါပေမဲ့ရွေ့ပြောင်းအလုပ်သမားတွေအဖြစ် ရုတ်တရက် မမျှော်လင့်ပဲ ဘဝပေးအခြေအနေကြောင့် ရင်ဆိုင်ကြုံတွေ့လာရတဲ့အခါ ရေမကူးတတ်သူရေကန်ထဲကျရောက်သွားသလို ဘဝရဲ့လောကဓံလှိုင်းကြမ်းကို ဘယ်လို ဘယ်ပုံကူးခတ်ရင်ဆိုင်ကြသလဲဆိုတဲ့အကြောင်းကို ဒီအစီအစဉ်လေးကနေ ထုတ်လွှင့်သွားမှာဖြစ်ပါတယ်။

ထိုင်းနိုင်ငံရောက် မြန်မာပြည်သူတွေ၊ ရွှေ့ပြောင်းနေထိုင်လုပ်ကိုင်သူတွေ၊ အထူးသဖြင့်အမျိုးသမီးနဲ့ မိန်းကလေးတွေအတွက် "လုံမေ့ခွန်အား" အစီအစဉ်လေးက စိတ်ကျန်းမာရေးနဲ့ပတ်သတ်တဲ့ ဆောင်းပါးတွေ၊ စိတ်ဝင်စားစရာဗဟုသုတတွေ၊ အမေးအဖြေတွေ၊ ရင်ဖွင့်ပေးစာကဏ္ဍတွေ တင်ဆက်ပေးသွားမှာဖြစ်လို့ နားဆင်အားပေးဖို့အတွက် ဖိတ်ခေါ်လိုက်ရပါတယ်။ရွေ့ပြောင်းအလုပ်သမားများနဲ့ အမျိုးသမီးများကို စိတ်ဓာတ်ခွန်အား ပေးလိုတဲ့ ပေးစာများကို ဖတ်ပြပေးသွားမယ့် အစီအစဉ်လည်း ထည့်သွင်းထားတာမို့လို့ ပေးစာပေးပို့လိုသူများ အနေနဲ့လည်း JJSS Page ကိုဖြစ်စေ MAP Radio FM 102.5 MHz Page ကိုဖြစ်စေ ပေးပို့နိုင်ပါတယ်ရှင်။
ထိုင်းနိုင်ငံအတွင်းက ပြည်သူတွေအနေနဲ့ ဒီအစီအစဉ်လေးကို နားထောင်အားပေးချင်တယ်ဆိုရင် (၂၀.၁၁.၂၀၂၅) ကြာသပတေးနေ့၊ နေ့လည် ၁ နာရီမှာ FM 102.5 MHz ကို ဖမ်းယူပြီး နားသောတဆင်နိုင်သလို တခြားနိုင်ငံက လူတွေအနေနဲ့ MAP Radio ရဲ့ pageဖြစ်တဲ့ MAP Radio- FM 102.5 MHz မှာလည်း နားသောတဆင်လို့ ရပါတယ်ရှင်။

ဒီတစ်ပတ်ရဲ့ ခေါင်းစဉ်ဖြစ်တဲ့ “ယနေ့ကာလအမျိုးသမီးများ၏ဖြည့်ဆည်းဆောင်ရွက်မှု” ဆိုတဲ့ အစီအစဉ်ကို လာမယ့် နိုဝင်ဘာလ (၂၀) ရက်၊ ကြာသပတေးနေ့ ထိုင်းအချိန် နေ့လည် (၁) နာရီမှာ ဖမ်းယူနားဆင်နိုင်မှာ ဖြစ်ကြောင်း သတင်းကောင်းပါးလိုက်ရပါတယ်ရှင်။

14/11/2025

ဒီအပတ်ရဲ့ Friday LIVE အစီအစဉ်လေးမှာတော့ “What the kindness is” “ကြင်နာမှုဆိုတာ” ဆိုတဲ့ ခေါင်းစဉ်ကို Mindfulness Teacher and Holistic Therapist, Mental Health Practitioner တစ်ဦးဖြစ်တဲ့ ဒေါက်တာခိုင်မွန် နဲ့ Jue Jue’s Safe Space မှ မသည်းသု တို့က ဆွေးနွေးသွားမှာ ဖြစ်ပါတယ်ရှင်။

တစ်ခါတစ်လေမှာ ကျွန်မတို့တွေက အားနည်းသောတခြားသူများကိုသာ အရင်ဆုံးကြင်နာတတ်ကြပြီး မိမိကိုယ်ကိုကြင်နာဖို့ ....

13/11/2025

စိတ်လက်ပိုမိုကျန်းမာဖို့ Relaxation Card သုံးကြစို့ …

နေ့စဉ်ကြုံတွေ့နေရတဲ့ စိတ်ဖိစီးမှုတွေ၊ စိတ်သောကတွေကြားက မိမိရဲ့စိတ်သက်တောင့်သက်သာဖြစ်စေဖို့ နည်းလမ်းကောင်းတွေ လိုအပ်နေပြီလား?

မိမိရဲ့ တစ်နေ့တာမှာ တကိုယ်ရေစိတ်ကြည်လင်လန်းဆန်းပြီး သက်သောင့်သက်သာဖြစ်စေဖို့အတွက်၊ စိတ်ကျန်းမာရေးဝန်ဆောင်မှုတွေဖြစ်တဲ့ Mindfulness Session, Emotional Support Group Session တွေမှာ သင်ထောက်ကူပစ္စည်းတစ်ခုအနေနဲ့ အသုံးပြုဖို့အတွက် ၊ မိမိသင်တန်းသားတွေအတွက် စိတ်ကြည်လင်လန်းဆန်းစေတဲ့ Activities လုပ်ပေးဖို့အတွက် အသုံးဝင်စေမယ့် အလွယ်တကူပြုလုပ်လို့ရတဲ့ နည်းလမ်းကောင်းတွေပါဝင်တဲ့ Relaxation card လေးတွေကို Jue Jue's Safe Space မှာ ဝယ်ယူရရှိနိုင်ပြီဖြစ်ပါတယ်။ Relaxation Cardတွေကဆိုရင် JJSS ရဲ့ Founder ဖြစ်ပြီး Qualified ဖြစ်တဲ့ စိတ်ကျန်းမာရေး Counselor ဆရာမ မဂျူးဂျူးမင်းသူမှ ကိုယ်တိုင်ကြီးကြပ်ပြီး လက်တွေ့မှာ အလွယ်တကူ ပြန်လည်အသုံးချနိုင်မဲ့ နည်းလမ်း (၃၀) ကို သေချာစီစစ်ရွေးချယ်ထားတာဖြစ်ပါတယ်။

Relaxation card မှာ ဘာနည်းလမ်းတွေပါဝင်မလဲ ဆိုတော့ ⬇️

✅ Breathing Techniques – အသက်ရှူခြင်းနည်းလမ်းများနဲ့ စိတ်ဖိစီးမှုကို လျှော့ချစေနိုင်သော နည်းလမ်းများ။

✅ Aroma Therapy – ရနံ့ကုထုံးနည်းလမ်းများဖြင့် စိတ်ကိုလန်းဆန်းစေသောနည်းလမ်းများ။

✅ Guidance Therapy – လမ်းညွှန်ခြင်းကုထုံးနည်းလမ်းများဖြင့် စိတ်တည်ငြိမ်စေသော နည်းလမ်းများ။

✅ Stretching Exercises – အကြောဆန့်ခြင်းနည်းလမ်းများဖြင့် ကိုယ်နှင့်စိတ်ကို သက်တောင့်သက်သာဖြစ်စေသော နည်းလမ်းများ။

✅ Vocal Tone Techniques – အသံဖြင့် စိတ်ကျန်းမာရေးအားကောင်းစေမယ့် နည်းလမ်းများ။

စတဲ့ နည်းလမ်းကောင်း အမျိုး (၃၀) ပါဝင်မယ့် Relaxation card လေးတွေဖြစ်လို့ ကိုယ်နဲ့အဆင်ပြေမယ့်နည်းလမ်းတွေကို တစ်နေ့တစ်မျိုးမရိုးရဘဲ စိတ်ကြိုက်ပြောင်းလဲရွေးချယ် အ‌သုံးပြုနိုင်စေဖို့အတွက် အားလုံးနဲ့ကိုက်ညီအောင် စီစဉ်ထားပါတယ်။

ဒီ Relaxation Card များကို မိမိရဲ့နေ့စဉ်ဘဝမှာ အသုံးပြုနိုင်ခြင်း၊ သင်တန်းတွေရဲ့ Relaxation Time မှာ သင်ထောက်ကူပစ္စည်းအဖြစ်အသုံးပြုနိုင်ခြင်း နဲ့ Mindfulness လုပ်တဲ့အခါတွေမှာ Relaxation Card လေးတွေကို အသုံးပြုပြီး လွယ်ကူမှန်ကန်တဲ့နည်းလမ်းတွေနဲ့ ထိရောက်တဲ့ စိတ်ကျန်းမာရေးအကျိုးရလဒ်တွေကို ခံစားရရှိစေမှာဖြစ်ပါတယ်။


Relaxation Card ကို အသုံးပြုခြင်းရဲ့ ကောင်းကျိုးတွေကတော့ ⬇️

🌟 စိတ်ဖိစီးမှုလျော့ကျစေမယ်
🌟 အာရုံစူးစိုက်မှုပိုကောင်းလာမယ်
🌟 စိတ်တည်ငြိမ်အေးချမ်းမှုရစေမယ်
🌟 ကိုယ်နဲ့စိတ်ဟန်ချက်ညီမျှစေမယ်

အခုပဲ Relaxation Card ကို စတင်အသုံးပြုပြီး သင့်ရဲ့ စိတ်ကျန်းမာရေးကို ဂရုစိုက်လိုက်ကြရအောင်!

မှာယူလိုသူများအတွက် ဈေးနှုန်းလေးကတော့ မြန်မာငွေ ၂၀၀,၀၀၀ ကျပ်ပဲကျသင့်မှာဖြစ်ပါတယ်။

မြန်မာနိုင်ငံအတွင်း အိမ်အရောက် delivery ဝန်ဆောင်မှုရှိပြီး ထိုင်းနိုင်ငံက မှာယူလိုသူများကိုလည်း ပို့ဆောင်ပေးမှာဖြစ်ပါတယ်။

လွယ်ကူမြန်ဆန်အကျိုးရှိတဲ့ Jue Jue’s Safe Space မှ Relaxation Card လေးတွေကို စိတ်ဝင်စားလို့ မှာယူချင်တယ်ဆိုရင်တော့ အခုပဲ မှာယူလိုက်ပါ။

12/11/2025

အားလုံးပဲ မင်္ဂလာပါရှင်

ဒီအပတ်ရဲ့ Friday LIVE အစီအစဉ်လေးမှာတော့ “What the kindness is” “ကြင်နာမှုဆိုတာ” ဆိုတဲ့ ခေါင်းစဉ်ကို Mindfulness Teacher and Holistic Therapist, Mental Health Practitioner တစ်ဦးဖြစ်တဲ့ ဒေါက်တာခိုင်မွန် နဲ့ Jue Jue’s Safe Space မှ မသည်းသု တို့က ဆွေးနွေးသွားမှာ ဖြစ်ပါတယ်ရှင်။

ကျွန်မတို့ရဲ့ Friday LIVE Programကို Jue Jue’s Safe Space ရဲ့ Youtube Channel မှာ အပတ်စဉ် သောကြာနေ့တိုင်း ပြုလုပ်သွားမှာဖြစ်လို့ Subscribe မလုပ်ရသေးရင် အခုပဲ လုပ်ထားလိုက်ဖို့ မမေ့ပါနဲ့ရှင်။

Jue Jue’s Safe Space YouTube Channel- www.youtube.com/

တစ်ခါတစ်လေမှာ ကျွန်မတို့တွေက အားနည်းသောတခြားသူများကိုသာ အရင်ဆုံးကြင်နာတတ်ကြပြီး မိမိကိုယ်ကိုကြင်နာဖို့ မေ့လျော့နေတတ်ကြပါတယ်။ ယခုလိုခက်ခဲကျပ်တည်းတဲ့ကာလတွေမှာဆိုရင် တစ်ဦးနှင့်တစ်ဦးကြားဝင်ပြီး မျှဝေရန် အကြင်နာတရားတွေက နည်းပါးလာပါတယ်။ ဒါကြောင့် ကြင်နာမှုဆိုတာဘာလဲ၊ကြင်နာမှုနဲ့ သနားတာ၊ယဉ်ကျေးတာ၊ သဒ္ဒါတရားရှိတာတွေက ဘာတွေကွားခြားသလဲ၊ ကြင်နာမှုမရှိရင် လောကကြီးမှာ ဘာတွေကြီးစိုးနိုင်မလဲ၊ မိမိကိုယ်ကို ဘယ်လိုကြင်နာရမလဲ၊ တစ်ဦးနဲ့တစ်ဦး ကြင်နာမှုကိုမျှဝေဖို့ မမေ့လျှော့ဖို့ ဘယ်လိုလုပ်ဆောင်ကြမလဲ စတာတွေကို ဆွေးနွေးသွားမှာဖြစ်ပါတယ်။

Jue Jue’s Safe Spaceရဲ့ Follower တွေအနေနဲ့လည်း ဒီအစီအစဉ်လေးမှာ သိချင်တာ မေးမြန်းချင်တာတွေရှိရင် ပါဝင်ဆွေးနွေးဖို့ မေးခွန်းလေးတွေ ပို့လို့ ရသလို ကိုယ်တိုင်စောင့်ကြည့် ဝင်ရောက်ဆွေးနွေးဖို့လည်း အားလုံးကို ဖိတ်ခေါ်ပါတယ်။

Live မှာ ပါဝင်ဆွေးနွေးပေးသွားမယ့်သူတွေကတော့ ဒေါက်တာခိုင်မွန် နဲ့ Jue Jue's Safe Space က မသည်းသု တို့က ဆွေးနွေးပေးသွားမှာ ဖြစ်ပါတယ်။

ရက်စွဲ : ၁၄.၁၁.၂၀၂၅ (သောကြာနေ့)
အချိန် : ည( ၈ ) နာရီ (မြန်မာစံတော်ချိန်)

Live ပြုလုပ်မည့်နေရာ - Jue Jue’s Safe Space YouTube Channel
မေးမြန်းချင်တာတွေ ၊ သိလိုတာတွေရှိရင် comment မှာရေးပေးလို့ရသလို Chat Box မှာလည်း ကြိုတင်မေးခွန်းများပို့ကာ မေးမြန်းထားနိုင်ပါတယ်။

11/11/2025

Relaxation Card Give Away Winner

ကျွန်မတို့ Jue Jue's Safe Space ရဲ့ လွယ်ကူထိရောက်တဲ့ Self Care နည်းလမ်းပေါင်း (၃၀) ပါဝင်တဲ့ Relaxation Card ယွန်းဘူးလေးတွေကို Give Away ပေးတဲ့အစီအစဉ်မှာ ပါဝင်ကြသူများထဲမှ ကံထူးရှင်(၃)ဦး ကို နိုဝင်ဘာလ (၇) ရက်နေ့မှာ YouTube LIVE ဖြင့် Lucky Draw မဲနှိုက်ရွေးချယ်ခဲ့ပါတယ်။

Give Away အစီအစဉ်မှာ သတ်မှတ်ထားတဲ့လုပ်ဆောင်ချက်အတိုင်းကိုက်ညီသူစွာပါဝင်သူ (၃၀) ဦးထဲမှ Kyaw Linn Thu၊ Khin Chawsu Yin၊ Myo Gyi တို့က Relaxation Card ယွန်းဘူးများကို ကံထူးရရှိသွားတာဖြစ်ပါတယ်။

Jue Jue's Safe Space ရဲ့ Relaxation Card Box တွေကို ကံထူးသွားတဲ့အတွက် ဝမ်းသာဂုဏ်ပြုပါတယ်။ ကံထူးသွားတဲ့သူတွေအနေနဲ့ Jue Jue's Safe Space ရဲ့ Relaxation Card မှ Self Care နည်းလမ်းလေးတွေကို အသုံးပြုပြီး နေ့ရက်တွေကို ကောင်းမွန်စွာဖြတ်သန်းရင်း စိတ်ကျန်းမာရေးပိုမိုအားကောင်းလာမယ်လို့ မျှော်လင့်ပါတယ်။ ကံထူးသူတွေရဲ့ Relaxation Card အသုံးပြုခြင်းမှ ရရှိတဲ့အကျိုးကျေးဇူးတွေနဲ့ အတွေအကြုံ Video လေးတွေကိုလည်း တင်ပေးသွားမှာဖြစ်တဲ့အတွက် အားလုံးစောင့်မျှော်ကြည့်ရှုရအောင်နော်။

ဒီတစ်ခေါက် Give Away မှာ Winner မဖြစ်ပေမယ့် Relaxation Card ကိုစိတ်ဝင်စားအသုံးပြုချင်တယ်ဆိုရင် Jue Jue's Safe Space ရဲ့ Page Messenger မှာ ဆက်သွယ်မှာယူလို့ရပါတယ်ရှင့်။

10/11/2025

“‘သုညကနေပြန်စကြပါစို့’”

‘ဒီလို ဖြစ်လာမယ်လို့ မမျှော်လင့်ထားခဲ့ဘူး’

ဘဝကြီးကို မျှော်လင့်ချက်များစွာနဲ့ ရှေ့ကို ဆက်သွားနေရင်းနဲ့ပဲ အနောက်ကို ခြေလှမ်းပေါင်းများစွာ နောက်ဆုတ်မိရက်သား ဖြစ်နေတယ်။ တချို့ မထင်မှတ်ထားတဲ့ အဖြစ်အပျက်တွေကြောင့် ဘဝက သုညဆိုတဲ့ ဘဝကို အလိုလို ရောက်သွားတယ်။ ဒီလို အချိန်မှာ ပြန်ရုန်းထဖို့၊ ဘဝကို ပြန်စတင်ဖို့ အားအင်တွေ အပြည့်အဝ လိုသလို အခုပြောပြမယ့် အချက်တွေကိုလည်း သိထားဖို့ လိုပါတယ်။

(၁) လက်ခံဖို့လိုတယ်

ဘဝရဲ့ တချို့အဖြစ်အပျက်တွေက အကြောင်းပြချက်မရှိ ဖြစ်ပေါ်လာတဲ့အခါ ဘာကြောင့် ငါကျမှ ဒီလို ဖြစ်ရတာလဲ၊ ငါက တော်တော် ကံဆိုးတာပဲ ၊ ဒီလိုမျိုး ခံစားချက်တွေနဲ့ ကြေကွဲ ဝမ်းနည်းနေမယ့် အစား ဒီ အဖြစ်အပျက်ကို လက်ခံလိုက်ပါ။ တကယ်တော့ ဆုံးရှုံးမှုတခုကို လက်ခံဖို့ဆိုတာ အချိန်အတိုင်းအတာ လိုသလို အဆင့်တွေလည်း အများကြီး ကျော်ဖြတ်ရပါတယ်။ ဒီအချိန်မှာ ငိုချင်လာရင် ငိုလိုက်ပါ၊ ရင်ဖွင့်လိုက်ပါ၊ ပေါက်ကွဲလိုက်ပါ၊ ပြီးရင်တော့ လက်ခံပြီး နောက်ဆက်လုပ်ရမယ့် အနေအထားကို ဆက်သွားဖို့ အရေးကြီးပါတယ်။

(၂) အခု လက်ရှိ အခြေအနေကို သုံးသပ်ပါ

ဘဝမှာ အသက်အရွယ်တခုအထိ ရှင်သန်ခဲ့ပြီးနောက်မှာ အရာအားလုံးဆုံးရှုံးခဲ့ရင်တောင် သင့်အတွက် ကျန်နေတဲ့ အရာတွေ ရှိနေပါသေးတယ်။ ဥစ္စာပစ္စည်း ဆုံးရှုံးသွားရင်တောင် သင်ယူထားတဲ့ ပညာတွေ ရှိနေသေးတယ်၊ မိသားစု ဆုံးရှုံးသွားရင်လည်း နားလည်ပေးတတ်တဲ့ မိတ်ဆွေ တွေ အနားမှာ ရှိနေနိုင်တယ်၊ နောက်ဆုံး ခန္ဓာကိုယ် အစိတ်အပိုင်း တချို့ ဆုံးရှုံးသွားရင်တောင် ရှိနေသေးတဲ့ တခြားအစိတ်အပိုင်းတွေက သင်ဘဝ ရှင်သန်ဖို့အတွက် ကူညီနိုင်ပါသေးတယ်။ ဒါ့ကြောင့် ငါ့မှာ ဘာမရှိတော့ဘူးလို့ တွေးမယ့်အစား ငါ့အတွက် ဒါတွေ ရှိနေသေးပါလားဆိုတဲ့ အတွေးနဲ့ ရှေ့ဆက်ရမှာ ဖြစ်ပါတယ်။

(၃) ငါအရာရာနောက်ကျ နေပြီလို့ မတွေးပါနဲ့

အသက် ၃၀၊ ၄၀ ဒါမှမဟုတ် အသက် ၅၀ မှာ သင့်ရဲ့ အရာရာကို မမျှော်လင့်ပဲ ဆုံးရှုံးလိုက်ရပြီ ဆိုတဲ့အခါမှာ ငါကြိုးစားခဲ့တာတွေက အလကားပါပဲ၊ အခုမှ ပြန်ကြိုးစားလည်း ငါက အရာရာ နောက်ကျသွားပြီလေ ဆိုတဲ့ အတွေးမျိုးက ကိုယ့်ကို ခြောက်လှန့်နေတတ်ပါတယ်။ ဒီလို အတွေးတွေကို တွန်းလှန်ပြီး မတူတဲ့ ပုံစံတမျိုးနဲ့ ဘဝကို ပြန်လည် ပုံဖော်ကြည့်လိုက်ပါ။ လူတိုင်းက သန်မာတဲ့လူအဖြစ် မွေးဖွားလာတာ မဟုတ်ပဲ ဘဝရဲ့ အဖြစ်အပျက်တွေက သင့်ကို သန်မာစေတာ ဖြစ်ပါတယ်။ ဒါ့ကြောင့် အရာရာက သင့်အတွက် နောက်မကျသေးပါဘူး၊ အခုပဲ ပြန်လည် ကြိုးစားပြီး ဘဝကို ရှင်သန်ပြဖို့ လိုပါတယ်။

(၄) ကိုယ့်ကိုကိုယ် ဂရုစိုက်ဖို့လည်း မမေ့ပါနဲ့

အရာရာ ဆုံးရှုံးလို့ အစကနေ ပြန်စဖို့ ကြိုးစားတဲ့ ခရီးစဥ်ဟာ သင့်အတွက် ကြမ်းတမ်းနိုင်တယ်၊ ပင်ပန်းဆင်းရဲမှုတွေ ရှိနိုင်တယ်၊ ဒီအချိန်မှာ ကိုယ့်ကိုကိုယ် ဂရုစိုက်ဖြစ်ဖို့လည်း သိပ်ကို အရေးကြီးပါတယ်။ အထူးသဖြင့် ကိုယ့်ရဲ့ ရုပ်ပိုင်းဆိုင်ရာ ကျန်းမာရေး အပြင် စိတ်ပိုင်းဆိုင်ရာကိုလည်း ဂရုစိုက်ဖို့ လိုပါတယ်။ ပင်ပန်းလာရင် အနားယူပါ။ ကိုယ့်အတွက်လည်း အချိန်ပေးပါ။ ဘဝကို အဓိပ္ပါယ်ပြည့်ပြည့်ဝဝနဲ့ ရှင်သန်ဖြစ်ဖို့ကို ပိုဦးစားပေးတာက သင့်ရဲ့ ဘဝအသစ်ကို ပိုလှပစေမှာ ဖြစ်ပါတယ်။

(၅) စိတ်ပိုင်းဆိုင်ရာ အကူအညီလိုအပ်ရင် ယူပါ

သင်ကြုံတွေ့ခဲ့ရတဲ့ အဖြစ်အပျက်တွေ ၊ ခံစားမှုတွေက သင့်အတွက် နာကျင်လွန်းတာကြောင့် ဒီအဖြစ်အပျက်တွေကို မေ့ဖို့ ကြိုးစားပေမယ့် ပြန်တွေးမိနေတယ်၊ အိပ်မပျော်တာတွေ ဖြစ်နေတယ်။ စိုးရိမ် ပူပန်မှုတွေက ခြောက်လှန့်နေတယ်။ ဆုံးရှုံးမှုတွေကို ပြန်စဥ်းစားမိပြီး အချိန်တိုင်းလိုလို စိတ်မသက်မသာ ဖြစ်နေရတယ်။ ဒါဆိုရင်တော့ သင့်အတွက် စိတ်ပိုင်းဆိုင်ရာ အကူအညီလိုနေတာ ဖြစ်နိုင်ပါတယ်။ စိတ်ပိုင်းဆိုင်ရာ အကူအညီ ယူတာက သင်အားနည်းလို့ မဟုတ်ပါဘူး။ ပိုမို သန်မာတဲ့ နေ့ရက်တွေအတွက် ကြံ့ခိုင်မှုကို တည်ဆောက်ရာမှာ အထောက်အကူဖြစ်ဖို့ အကူအညီယူတာ ဖြစ်ပါတယ်။

ဒါ့ကြောင့် စိတ်ပိုင်းဆိုင်ရာအားဖြင့် အကူအညီလိုရင် မတုန့်ဆိုင်းပါနဲ့၊ သင့်အတွက် မေတ္တာလက်ကမ်းပေးပြီး ခံစားနားထောင်ပေးဖို့ ကျွန်မတို့ Jue Jue’s Safe Space က အသင့်ရှိနေပါတယ်။ ဘဝကို သုညဖြစ်သွားရင်တောင် သင့်အနေနဲ့ အရာရာ ဆုံးရှုံးသွားတာ မဟုတ်ပါဘူး။ သင့်ဘဝရဲ့ မျှော်လင့်ချက်လေးကို ကျွန်မတို့နဲ့ အတူတူ ပြန်လည်ရှာဖွေကြပါစို့။

Reference

Amarvani, 2024, ‘How to rebuild your life when you have lost everything’, accessed from https://amarvani.blog/rebuild-your-life/



#သုညကနေပြန်စကြပါစို့

09/11/2025

မင်္ဂလာပါရှင်။

Jue Jue's Safe Space နဲ့ MAP Foundation တို့ရဲ့ ပူးပေါင်းတင်ဆက်မှုဖြစ်တဲ့ "လုံမေ့ခွန်အား" ရေဒီယိုအသံလွှင့်အစီအစဉ်လေးကို MAP Radio FM 102.5 MHz နဲ့ MAP Radio page တို့မှာ အပတ်စဉ် ကြာသပတေးနေ့တိုင်း ဂုဏ်ယူဝမ်းမြောက်စွာဖြင့် ထုတ်လွှင့်တင်ဆက်ပေးနေပါတယ်ရှင်။

ဒီတစ်ပတ်တင်ဆက်သွားမှာကတော့ “ဆေးကွဲတာလား၊ အသည်းကွဲတာလား” ဆိုတဲ့ ခေါင်းစဉ်ကို တင်ဆက်သွားမှာပါ။ အကြောင်းအမျိုးမျိုးကြောင့် သူများနိုင်ငံမှာ မဖြစ်မနေအခြေချနေထိုင်ရ တဲ့ရွေ့ပြောင်းတွေထဲမှာ အသက်အရွယ်မျိုးစုံ ဘဝပေးအခြေအနေမျိုးစုံနဲ့ ရင်ဆိုင်ရတဲ့ ဘဝအခက်အခဲ စိန်ခေါ်မှုတွေ မျိုးစုံရှိကြပါတယ်။ အဲ့ဒီရွေ့ပြောင်းတွေ ဟာ မိမိတို့ရဲ့ စိတ်ပိုင်းဆိုင်ရာ အခက်အခဲအကြပ်အတည်းများနဲ့ နှလုံးသားရေးပြဿနာများကို ဖြေရှင်းရာမှာ တခြားနည်းလမ်းကိုမရွေးချယ်ပဲ မူးယစ်ဆေးနဲ့စိတ်ကိုပြောင်းလဲစေနိုင်သော အရာများကို စိတ်ထွက်ပေါက် တစ်ခုအဖြစ် ရွေးချယ် သုံးစွဲမိရာကနေ ဘယ်လို အကျိုးဆက်တွေ ဘဝမှာဖြစ်ပေါ်လာနိုင်သလဲဆိုတဲ့ အကြောင်းအရာများကို အသံလွှင့်ဆောင်းပါး အနေနဲ့ပြောပြပေးသွားမှာဖြစ်ပါတယ်။

ထိုသို့ပြောကြားရာမှာ မူးယစ်ဆေးဆိုတာ ဘာတွေလဲ၊ ဘယ်လိုအရွယ်တွေ၊ ဘယ်လိုလူတွေက အများဆုံးလက်တည့်စမ်း အသုံးပြုကြသလဲ။ မူးယစ်ဆေးသုံးစွဲမိသူ တစ်ဉီးကို မိသားစု ၊ ပတ်ဝန်းကျင်နဲ့မိတ်ဆွေက ဘယ်လိုဆက်ဆံသင့်သလဲ ။ မူးယစ်ဆေးဝါးရဲ့ သားကောင်တစ်ယောက်ဖြစ်သွားသူက ဘယ်လိုပုံစံနဲ့အဲ့ဒီနွံထဲကနေ ရုန်းထွက်မလဲဆိုတဲ့ စတဲ့ခေါင်းစဉ်တွေနဲ့ ဒီအစီအစဉ်လေးကနေထုတ်လွှင့်ပြောကြားပေးသွားမှာဖြစ်ပါတယ်။

ထိုင်းနိုင်ငံရောက် မြန်မာပြည်သူတွေ၊ ရွှေ့ပြောင်းနေထိုင်လုပ်ကိုင်သူတွေ၊ အထူးသဖြင့်အမျိုးသမီးနဲ့ မိန်းကလေးတွေအတွက် "လုံမေ့ခွန်အား" အစီအစဉ်လေးက စိတ်ကျန်းမာရေးနဲ့ပတ်သတ်တဲ့ ဆောင်းပါးတွေ၊ စိတ်ဝင်စားစရာဗဟုသုတတွေ၊ အမေးအဖြေတွေ၊ ရင်ဖွင့်ပေးစာကဏ္ဍတွေ တင်ဆက်ပေးသွားမှာဖြစ်လို့ နားဆင်အားပေးဖို့အတွက် ဖိတ်ခေါ်လိုက်ရပါတယ်။ရွေ့ပြောင်းအလုပ်သမားများနဲ့ အမျိုးသမီးများကို စိတ်ဓာတ်ခွန်အား ပေးလိုတဲ့ ပေးစာများကို ဖတ်ပြပေးသွားမယ့် အစီအစဉ်လည်း ထည့်သွင်းထားတာမို့လို့ ပေးစာပေးပို့လိုသူများ အနေနဲ့လည်း JJSS Page ကိုဖြစ်စေ MAP Radio FM 102.5 MHz Page ကိုဖြစ်စေ ပေးပို့နိုင်ပါတယ်ရှင်။

ထိုင်းနိုင်ငံအတွင်းက ပြည်သူတွေအနေနဲ့ ဒီအစီအစဉ်လေးကို နားထောင်အားပေးချင်တယ်ဆိုရင် (၁၃.၁၁.၂၀၂၅) ကြာသပတေးနေ့၊ နေ့လည် ၁ နာရီမှာ FM 102.5 MHz ကို ဖမ်းယူပြီး နားသောတဆင်နိုင်သလို တခြားနိုင်ငံက လူတွေအနေနဲ့ MAP Radio ရဲ့ pageဖြစ်တဲ့ MAP Radio- FM 102.5 MHz မှာလည်း နားသောတဆင်လို့ ရပါတယ်ရှင်။