What are the opening hours?

Wednesday 11:00 - 20:00 Thursday 11:00 - 20:00 Friday 11:00 - 20:00 Saturday 11:00 - 20:00

https://www.facebook.com/102543634939828/

DietWerkz Nutrition Consultancy

Home
Hong Kong
Causeway Bay
DietWerkz Nutrition Consultancy

DietWerkz Nutrition Consultancy 由註冊營養師創辦，運用多年於香港社區工作的經? 註冊營養師

19/10/2022

碘質
近日消委會測試咗市面上多款 #紫菜，指出大部分 #鈉（鹽分）含量高，而且 #碘質含量豐富，唔建議經常食太多。好多人都知道碘質對 #甲狀腺功能好重要，但除咗甲狀腺功能，碘質亦都係胎兒同嬰幼兒腦部、骨骼發展嘅重要營養素。

碘質唔止可以由紫菜攝取， #牛奶、 #乳酪、 #雞蛋都係豐富嘅來源😉 不過記住碘質唔係愈多愈好，太多會擾亂身體甲狀腺素水平嫁 😥

#紫菜 #碘質

#註冊營養師

17/08/2022

Plant-based 雪糕知多點
近日新推出嘅 #純素雪糕，係咪好似 #素食一向俾人嘅感覺咁，健康啲？
從營養師角度去睇，佢哋可以話係一種合格嘅 #零食，因為卡路里大約100千卡/杯、糖份都唔特別高（約2茶匙糖/杯），但總脂肪嘅含量同我哋之前推介過嘅雪糕/ 雪條比就高咗啲啲（約1茶匙油/杯）。

#純素雪糕嘅優點係冇奶， #乳糖不耐人士都啱食😋 其實同一品牌之前都出過冇奶冇蛋嘅 #雪葩條，而且卡路里低啲，仲零脂肪添！

#雪糕

#註冊營養師

03/08/2022

我哋搬咗喇！新地點喺更方便嘅 #金鐘 #海富中心 😆

#搬遷

#註冊營養師

24/05/2022

寶寶加固陷阱！
近日消委會抽查咗37款嬰幼兒食品，發現當中29款含有添加糖、4款含有添加鹽。有啲樣本嘅糖份甚至達到「高糖」，即係每100克食品含高於30克糖。根據建議，俾1歲以下寶寶嘅食品唔建議含有添加糖或鹽。因為添加糖無營養價值，同埋會增加蛀牙嘅風險，而由於1歲以下寶寶嘅腎臟未完全發育完成，鹽分係唔建議使用嘅。

#固體食物 #加固
#嬰幼兒食品
#添加糖 #鹽 #高糖 #高鈉
#消委會

#註冊營養師

11/05/2022

寶寶加固宜？不宜？
上次講到寶寶加固時試嘅食物係冇一個特定嘅次序，也唔需要刻意避免一啲易過敏嘅食物。今次同大家講吓有咩係寶寶唔食得嘅，主要係食物安全方面嘅考慮。

🍯 蜜糖 - 含肉毒桿菌孢子
🥛 牛奶 - 難消化
🍇 提子 - 高哽噎風險
🍿 爆谷 - 高哽噎風險
🌰 果仁 - 高哽噎風險
🐟 大型魚類 - 水銀含量高
🥓 加工肉類 - 含硝酸鹽、高鈉質
🧃 果汁 - 營養價值低

寶寶需要大量營養支持發育及多方面發展，多啲揀營養價值高、少加工嘅食品，同時要避免寶寶免疫力、消化力、咀嚼能力未能handle到嘅食物 😉

#固體食物 #加固
#食物敏感 #食物安全

#註冊營養師

03/05/2022

寶寶加固Q&A
爸媽們都想俾寶寶最好嘅！引入固體食物時，爸媽都想揀最好營養，最健康嘅！咁寶寶試食咩係最好？米糊？冇咁容易致敏嘅？要試咗菜先？等註冊營養師話你知喇😉

市面上好多米糊都添加咗一啲寶寶需要嘅營養素，而且米糊嘅稀稠度容易調較，的確係加固初期嘅一個唔錯選擇。但其實只要稀稠、軟硬度適合，任何天然食物都可以作為寶寶第一口食物！

容易致敏嘅食物唔好試住？！其實近年嘅研究指，延遲或唔俾寶寶試易致敏嘅食物，係唔能夠降低日後患上食物敏感嘅機會，相反，或者會增加食物敏感嘅風險😱
如果寶寶冇濕疹或已確診嘅食物敏感，爸媽可以將蛋白、小麥、海鮮、花生醬、大豆、果仁等食物俾寶寶試，唔需要一定要滿咗1歲先。試任何食物，爸媽都記得要細心觀察有冇過敏反應 😉

有人話，如果寶寶試咗水果先，會冇咁鍾意食菜⋯其實試新食物係冇一個特定嘅次序。爸媽只需要跟隨自己家庭嘅習慣，俾寶寶試平日家人常用嘅食材，當寶寶見到爸媽都食同樣嘅食物，寶寶嘅接受程度會大啲嫁！

#固體食物 #加固
#米糊 #食物敏感

#註冊營養師

15/03/2022

儲糧攻略 - 分開放? 放埋一齊？
儲糧唔只買咩有技巧、放邊度要知道，就連咩應該分開放、一齊放都係一種學問！
有啲蔬果🍎🍐🍌🥝🥑🍑🫑🍅會釋放乙烯 (ethylene)，如果同一啲對乙烯敏感嘅蔬果🥬🥦🥒🥕🧅放埋一齊，會令敏感嘅蔬果快啲熟，冇咁襟擺⋯

但換個角度睇，如果我哋想一啲水果快啲熟、快啲有得食，咁就要將熟咗會釋放乙烯嘅蔬果同未熟又對乙烯敏感度高嘅蔬果放響同一個紙袋裏面，焗住佢哋😋

要留意好多會釋放乙烯嘅蔬果本身對乙烯都敏感 🍎🥑🍌🍈🥝🍑🍐🫑 同一種蔬果熟咗同未熟都要分開放，咁先唔會影響保鮮期😉

#乙烯
#儲糧攻略 #存放期長 #延長保鮮期
#健康儲糧 #均衡飲食

#註冊營養師

02/03/2022

儲糧攻略
近日禁足嘅消息令大家都忙住買多啲食物儲響屋企 😵‍💫
要儲糧，好多時我哋都會揀即食麵、罐頭（午餐肉、豆豉鯪魚、五香肉丁等）。呢啲選擇打風時都仲可以，但如果係一個星期都食呢啲就唔太健康。要營養均衡咁儲糧，記得5大食物種類都要有，而且仲要揀啲襟擺嘅 😉

🍚五穀類：乾貨（米、蝦籽麵、米粉、粉絲、蕎麥麵、意粉、麥皮等）；薯仔、番薯、芋頭、南瓜、栗子都可以當飯食嫁！
🥩肉類：冰鮮（牛扒、豬扒、雞扒、三文魚、鯖魚、蝦、青口、帶子等）；乾貨（銀魚仔、蝦乾）
🥬 蔬菜類：5-7日存放期（蕃茄、茄子、燈籠椒、菇類等）；1星期以上存放期（椰菜、西蘭花、椰菜花、西芹、蘿蔔、洋蔥等）；乾貨（冬菇、木耳、雲耳）
🍎水果類：1星期以上存放期，且不需雪藏（蘋果、橙、奇異果）、果乾
🧀奶類：芝士、經高溫處理可存放於室温的豆漿、杏仁奶、燕麥奶

蕃茄、茄子、洋蔥 🍅🍆🧅 放陰涼地方就得啦，唔駛雪嫁！
乾貨、唔駛雪嘅蔬果🍎🍊🥝仲可以慳翻雪櫃、冰櫃啲位 😆

#儲糧攻略 #存放期長
#健康儲糧 #均衡飲食

#註冊營養師

24/02/2022

懷孕期間的運動
健康孕媽媽響懷孕期間都可以做運動嫁！適量嘅運動唔只可以避免增重過多、過快、減低妊娠糖尿病嘅風險，仲有研究話有運動嘅孕媽媽嘅寶寶肺功能好啲添🤩 之前有其他研究發現，肺功能較弱嘅寶寶，日後患上哮喘或其他阻塞性肺病嘅機會係高啲 😯

為咗自己同寶寶嘅健康，孕媽媽可以諮詢咗醫生意見後，按自己能力定期做番適量嘅運動。例如冇運動習慣嘅準媽媽，可以試吓散步，最初可以散步10-15分鐘，適應咗之後就慢慢加長個時間。如果一向有做開運動嘅準媽媽，可以做番同平時運動強度相若嘅運動，但就要避免一啲有撞擊（球類 ⚽️🏀🏐🎾）或會容易跌倒（單車🚴🛹🛼）嘅運動。

#懷孕 #運動
#妊娠糖尿病 #哮喘

#註冊營養師

07/02/2022

妊娠糖尿病風險與飲食
最近有研究指出，懷孕早期少啲食促炎性嘅食物或有助過重、肥胖嘅孕婦減低患上妊娠糖尿病嘅風險。

研究分析咗351位研究對象3日嘅飲食，指出包含多啲總脂肪、多啲飽和脂肪、多啲反式脂肪、少啲膳食纖維嘅飲食炎性指數（dietary inflammatory index)較高，而患上妊娠糖尿病嘅機會都高啲 😖

要減低妊娠糖尿病嘅風險，可以透過健康飲食，包括多啲揀不飽和脂肪代替飽和脂肪、反式脂肪、多啲食膳食纖維豐富嘅蔬菜、水果、全穀物，令整體飲食炎性指數低啲，對準媽媽同寶寶都健康啲啦！😉

#妊娠糖尿病 #低炎性飲食 #促炎性飲食
#懷孕

#註冊營養師

28/01/2022

虎年全盒食品調查
食物安全中心近日調查咗市面上超過600款年糕、糕點、油器、糖漬食品、糖果、湯圓、果仁、海味等樣本，對防腐劑、金屬雜質、致病菌、染色料、營養成分等進行測試，大部分樣本都合格👍🏻，只有一款蜜棗嘅防腐劑超標、一款年糕嘅鈉（鹽）含量同營養標籤不乎。

食安中心建議大家買呢啲賀年食品時要注意以下幾點：
散裝食品嘅色澤係咪天然（太白淨，可能漂白加工咗；太有光澤，可能加咗礦物油，食咗可能會導致腸胃不適嫁🤢）、售賣嘅店員個人衛生係咪良好、裝食品嘅容器係咪乾淨。
包裝食品嘅包裝係咪完整、比較吓營養標籤🧐，揀脂肪/ 糖/鹽少啲嘅。

始終傳統過年食品都比較多油、多糖、多鹽，食嗰陣要留意分量，唔好食太多。想應節得來又健康啲，可以揀無鹽果仁、無添加糖果乾或米餅、米通代替 😉

祝大家虎年健健康康！龍精🐯猛！

#全盒 #健康全盒攻略 #賀年食品

#註冊營養師

17/01/2022

虎年健康送禮
仲有大半個月就踏入 #虎年 🐯！又係 #辦年貨嘅時候🛍

送禮通常大家都係揀吓曲奇餅🍪、朱古力🍫、年糕、蘿蔔糕⋯ 營養師成日都話呢啲唔健康，話又肥又多糖。咁揀啲咩好？🤯

高脂高糖嘅年糕、朱古力、曲奇餅對於有三高嘅長者來講真係唔太適合。其實一啲乾貨係唔錯嘅選擇，尤其係送俾長輩。好似乾 #冬菇、 #瑤柱、 #蝦乾， #醣份唔高，冬菇又有 #膳食纖維；瑤柱、蝦乾就有豐富 #蛋白質，都係一啲對長者來講需要特別注意嘅營養素👍🏻 而且呢啲乾貨保存期都好長，唔駛急住要食晒佢哋 😆

「健康」未必送得到，但健康嘅禮品就好容易買得到 😉
嚟緊新一年祝願大家身體健康！平平安安！

#新年送禮

#註冊營養師

Address

利園三期, 新寧道1號
Causeway Bay

Opening Hours

Wednesday	11:00 - 20:00
Thursday	11:00 - 20:00
Friday	11:00 - 20:00
Saturday	11:00 - 20:00

Website

facebook.com

Alerts

Be the first to know and let us send you an email when DietWerkz Nutrition Consultancy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to DietWerkz Nutrition Consultancy:

Shortcuts

Want your practice to be the top-listed Clinic in Causeway Bay?