Jovial Sleepers - 嬰幼兒睡眠諮詢, Hong Kong, Hong Kong (2026)

04/05/2026

之前Q&A有不少爸媽提到BB扶住床欄企起身，唔肯瞓嘅問題 🫠

呢個情況好大可能係「8個月睡眠倒退期」 🙈

BB大約8-10個月大嘅時候，開始學坐、學爬、學習扶住啲嘢企起身，剛剛學識新技能時，佢哋會好努力、爭分奪秒去練習，連瞓覺嘅時候都會😅

不過所謂「睡眠倒退期 - regression」，其實係「躍進期 - progression」，意味著BB喺發展上達到新嘅里程碑 😉💪

呢個情況一般會維持幾日至4-6個星期左右。面對呢種情況，爸爸媽媽可以留意以下幾點：

1️⃣ BB瞓覺嘅時間合適
如果BB未有足夠睡意就落床，佢好大可能會練習一段長時間先肯瞓；如果過攰個人亢奮咗，亦會不停企、不停跳，好難入睡！

2️⃣ 日間多練習新技能
爸爸媽媽可以用玩具或者健康嘅小食引導BB，畀佢哋日頭練習多啲，快啲掌握新技能，減少佢哋想喺夜晚瞓覺時候練習嘅機會。

3️⃣ 注意回應方式
如果BB只係剛剛學習呢啲新技能，未有能力有技巧地由坐/企變番瞓低，爸爸媽媽可以引導BB瞓低。如果BB已經識得自己由坐/企/瞓低，又無大喊求救，咁爸爸媽媽要做嘅嘢就係靜觀其變，避免養成其他不能持續嘅新習慣😉

有時候爸爸媽媽好心急，好怕BB會一直企喺度唔瞓，就會千方百計想佢哋瞓低，甚至又拍又搖又唱歌，務求令睡魔急call佢哋😅 但係咁樣做會對BB有一定嘅刺激性，令佢哋誤以為爸爸媽媽同佢哋玩，延長入睡時間。你越心急，BB就越難瞓到🙈 習慣係易請難送，BB經歷呢個「8個月睡眠倒退期」時入睡時間可能會長啲，但盡量維持現時嘅方式，以免養成唔好嘅習慣，令新嘅睡眠問題出現呀！

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

30/04/2026

講到BB瞓覺，最令人頭痛同崩潰嘅莫過於夜醒😖 好多爸爸媽媽都話BB十二點前都算瞓得OK，但去到半夜兩三點之後，喺大人最攰最想瞓覺嘅時候，總係特別容易醒，而且醒咗唔易氹番佢瞓🤯 到底點解？

其實係同BB嘅睡眠週期同睡眠荷爾蒙分泌有關 💡

如果BB睡眠狀態一直唔太差，無累積睡眠債的話，佢哋夜晚就寢後頭3-4小時會有較多深層睡眠，會係全晚瞓得最好嘅時間。加上係睡眠荷爾蒙分泌高峰期，就算扎醒咗都會好容易瞓得番。但去到半夜三四點，BB淺層睡眠密咗，會較容易受到周邊環境或聲音影響而醒。

亦正因為咁，如果BB入睡嘅時候需要大人高度安撫或幫助先瞓到，半夜淺層睡眠嘅時候亦更容易察覺「大人消失咗」，所以醒得密咗、醒左亦喊得勁咗😖 而且愈近天光，睡眠荷爾蒙水平愈低，BB醒咗就未必好快去到熟睡階段，需要大人再次高度安撫或者幫助入睡嘅時間會更長🫣

如果BB持續地出現呢個情況，長期影響到小朋友同父母嘅作息，係時候需要考慮會唔會係入睡情況影響了！

需要更多協助及詳細分析，歡迎預約1-1睡眠諮詢 😉

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

24/04/2026

【睡前規律 DOs & DON'Ts】

之前同大家分享過睡前規律除咗可以幫助BB放鬆，亦係一個提升親子關係嘅好時機 💛

今日想同大家講下同BB進行睡前規律嘅 DOs & DON'Ts 👇

✅ 睡前規律應該係喺平靜嘅氣氛下進行，幫助BB慢慢放鬆，準備瞓覺
✅ 要注意房間嘅光暗度，進行睡前規律嘅時候要將房間嘅燈光較暗，房燈用黃光較理想
✅ 維持睡前規律嘅一致性，睡前嘅活動每日都應該大致相同

❌ 預留足夠時間進行睡前規律，唔好去到BB非常疲倦先開始，否則BB會有較多負面情緒，睡前規律功效大打折扣
❌ 睡前規律嘅活動不能過分刺激或需要體力勞動，例如同BB睇圖書應該挑選一啲輕鬆愉快嘅睡前故事，避免一啲有機會令小朋友感到恐懼嘅故事
❌ 唔好使用電子產品，因為電子屏幕發出嘅藍光會抑壓褪黑激素分泌，會令小朋友越嚟越精神，阻礙入睡

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

16/04/2026

【建立睡前規律幫助寶寶放鬆提升親子關係】

睡前規律，亦即係睡前儀式，係指我哋臨瞓前會做嘅一系列活動，例如刷牙洗面、換睡衣、聽音樂等等。有人將睡前規律比喻為「睡眠魔法」，因為一致嘅睡前規律可以協助嬰幼兒建立健康嘅睡眠習慣，幫助佢哋瞓得更安心更安穩 ☺️

嬰幼兒喜歡有規律嘅生活，因為規律可以讓佢哋預計到即將會發生咩事，令佢哋更有安全感。每晚進行睡前儀式可以幫助BB放鬆、收拾心情準備瞓覺，減少睡前哭鬧。

美國兒童睡眠醫學權威學者明德爾博士 (Dr. Jodi A. Mindell) 嘅研究發現，如果父母每晚都同小朋友進行睡前規律，可以帶來好多好處，包括小朋友嘅就寢時間較早、入睡時間較短、夜醒次數同時間減少、睡眠時數增加等等。研究結果指出，每晚都進行睡前規律嘅嬰幼兒，比起無睡前規律嘅小朋友，夜晚嘅睡眠時數會多大約1.5小時㗎！

除此之外，睡前規律亦有助提升親子關係。好多爸爸媽媽都係全職工作，平日陪伴BB嘅時間唔算好多，夜晚進行睡前儀式時就正正係一個最好、最親密嘅親子時間。雖然睡前儀式嘅時間短，但「質」比「量」更重要，每晚花少少時間同BB一齊進行睡前規律，已經可以大大拉近親子關係 ❤️

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

14/04/2026

🎁
有足夠人數舉手😆
做番個限時優惠畀大家🫶🫶

🎁
(名額有限，先到先得)

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

08/04/2026

【長假期後，孩子有「負債累累」嗎？】

今個復活節假期，相信大家都有唔同嘅活動，對於需要較長睡眠時數嘅嬰幼兒嚟講，出去玩嘅日子多咗，休息時間會減少，可能會積落一定嘅「睡眠債」。

欠睡眠債，就好似欠錢一樣，如果我哋唔還清債務，債務係唔會突然消失🙈 如果小朋友一向有健康睡眠習慣，而且大部分日子都休息足夠，只係一兩日瞓少咗影響就唔會太大，「債務」好快還清。

不過，如果小朋友一直都瞓得唔太好，加埋歡樂嘅節日所累積睡眠債，佢哋好可能會「負債累累」。長期積落睡眠債、長期睡眠不足會令BB好炆憎、無乜精神，影響身心健康，更會衍生其他深遠嘅睡眠問題（難以入睡、夜醒、早醒等等）😣

如果過去幾日嘅假期小朋友真係休息唔夠，爸媽們可以留意以下兩點，幫小朋友快啲「還清睡眠債」😉

1️⃣ 將夜間睡眠放喺第一位

爸媽們請讓小朋友有充足而且優質嘅夜間睡眠💤 因為夜晚睡眠係最具修復性，可以更快幫BB回復體力叉足電。
要延長夜間睡眠，提早就寢時間係首選。若然朝早BB未醒，都可以比佢哋比平時瞓晏少少，但係唔應該比正常起身時間遲多於1小晚，以免影響佢哋嘅生理時鐘。

2️⃣ 調整小睡時間及次數

對於月齡比較細嘅BB，佢哋每次嘅活動時間唔會太長，有可能要增加多一次小睡。但去到幼兒階段，小朋友日間只係需要1-2次小睡，所以可以延長每次小睡時間。
不過要記住，小睡時間唔可以過多，以免影響夜間嘅入睡情況，形成惡性循環！

⭐️ 如果你嘅小朋友已經長期「負債」，長假期後睡眠情況更差，建議你盡快從根源入手，改善小朋友嘅睡眠問題🫣 如果需要更多針對性建議，盡快搵出問題根源，歡迎預約1-1 睡眠諮詢🫶

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

25/03/2026

BB瞓好啲，育兒會更輕鬆、更有信心！

充足的睡眠有助孩子腦部健康發展，有利學習，亦讓父母維持身心健康，好好裝備自己，精力充沛地照顧家庭和兼顧工作。

你是否 ...

- 正在面對孩子各式各樣的睡眠挑戰，例如半夜頻繁地醒來大哭、每天都花很長時間哄睡、甚至需要一直抱著孩子睡覺？😔

- 正受孩子的睡眠問題困擾，令自己情緒低落，甚至孩子的睡眠問題已影響你和家人的關係？😔

- 正在擔心孩子出生後會睡得不好？

- 希望孩子有更好的睡眠質素？

⭐️ Jovial Sleepers的網上嬰幼兒睡眠課程可以幫到你！

✔️ 「S.T.A.R」課程 (0–3歲嬰幼兒) 或幼兒睡眠改善課程 (1.5–4歲幼兒)
✔️ 沒有時間地域限制，影片形式，隨時觀看
✔️ 清晰指引，讓你了解寶寶小睡和夜間睡眠挑戰
✔️ 教你制定不同階段嘅作息同飲食時間表
✔️ 長期支援，隨時發問，由嬰幼兒睡眠顧問親自跟進

🎁 🎁
由即日起至2026年4月4日，輸入優惠碼「jsbaby2026」報讀網上課程* 即享半價優惠！
最抵優惠，名額有限，先到先得！

馬上了解更多：
https://www.jovialsleepers.com/

(*優惠不適用於小睡調整必修班)

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

16/03/2026

有家長問：「BB夜晚好夜都瞓唔到，係咪小睡瞓得太多？」

日間小睡瞓得太多，的確有機會影響夜晚嘅睡意，令入睡時間長、就寢時間遲。如果家長希望小朋友大約晚上8-9時就寢，最後一次小睡唔能夠太晏，最遲需要喺以下時段叫醒佢哋👇

⭐️ 4至5個月：6-7 p.m.
⭐️ 6至11個月：5-6 p.m.
⭐️ 12至15個月：4-5 p.m.
⭐️ 15至24個月：3-4 p.m.
⭐️ 兩歲以上：2-3 p.m.

日間小睡對嬰幼兒好重要，但瞓得太多或太少都會影響夜間睡眠質素。如果你想知道BB每個月齡需要嘅小睡總時數，請留言「小睡」，我哋會將相關資料send俾你😊

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

10/03/2026

嬰幼兒嘅睡眠質素受好多因素影響，其中一個係飲食習慣同時間安排。要避免食得唔啱令小朋友瞓得唔好，爸爸媽媽需要注意以下5點👇👇

1️⃣ 避免過飽
有唔少人以為只要BB臨瞓前食多啲就可以令佢哋一覺瞓天光，延長夜間睡眠嘅時間，所以往往會喺BB臨瞓前比多啲野佢哋食。但其實係咪能夠「一覺瞓天光」或者夜晚連續可以瞓耐啲，好視乎BB嘅歲數同埋全日嘅吸收量㗎！如果BB過飽消化唔到，會覺得胃仔唔舒服，反而影響睡眠，半夜瞓覺輾轉反側扭來扭去😣
如果BB已經開始加固，建議晚餐喺就寢時間前至少兩小時，讓BB有足夠時間消化先瞓覺。另外，對於剛開始加固嘅BB，高蛋白質嘅食物（如雞蛋）或者十字花科蔬菜較難消化，所以唔建議晚餐時段進食。

2️⃣ 多吃含有豐富維他命C嘅食物
研究發現，體內維他命C濃度比較高嘅人會瞓得更好，而且就算偶然失眠嘅話，影響亦較低。如果維他命C濃度較低，夜晚睡眠問題會較多，例如經常出現夜醒，或者醒咗好難瞓番 🥱 豐富維他命C嘅食物亦有助鐵質吸收，而鐵質有助身體分泌睡眠荷爾蒙—褪黑激素(melatonin)，有助入睡同安睡。

3️⃣ 睡前攝取含有食胺酸嘅食物
臨瞓前幾個鐘攝取含有食胺酸(tryptophan)嘅食物能幫助大腦產生褪黑激素，令小朋友更有睡意😴 含有豐富食胺酸嘅食物包括牛奶（全脂牛奶更佳）、芝士、豆腐、家禽類食物、燕麥、小麥、果仁、芝麻、香蕉、車厘子等等。要令色胺酸更快抵達大腦令人產生睡意，緊記進食以上食物嘅時候需要同時進食含複雜碳水化合物 (complex carbohydrates)嘅食物，例如糙米、薯仔、蕃薯、全麥麵包等。

4️⃣ 避免含咖啡因嘅食物/飲品
咖啡、紅茶、綠茶、朱古力都含有咖啡因，有醒腦提神嘅效果，會令難以入睡，或者瞓着咗好容易醒㗎！

5️⃣ 避免進食過甜嘅食物
飲果汁或進食糖份較高嘅零食時，小朋友嘅血糖水平會先升高然後顯著下降。呢個時候，我哋嘅身體要重新穩定血糖，會釋放腎上腺素呢種壓力荷爾蒙，容易令小朋友夜晚瞓得唔安穩 😖 有研究亦指出，嬰幼兒睡前攝取過多糖份，會增加發噩夢嘅機會㗎！

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

02/03/2026

【幫助寶寶從小開始睡得好新任父母要知的6件事】

BB出世之後爸爸媽媽好難好似以前咁無憂無慮，休息難免會少咗🥲 但只要做好準備，從小幫BB打好睡眠基礎，BB瞓得好啲，父母自然都可以爭取多啲休息時間，育兒路亦會輕鬆啲㗎💪 所以今日想同各位新任父母分享幾個初生嬰兒睡眠貼士☺️

1️⃣ 了解嬰幼兒嘅睡眠需要
BB出世之後爸爸媽媽會好忙，所以可能喺BB出世前多了解BB嘅睡眠發展同需要，幫BB妥善地安排作息😉 配合番佢哋嘅需要係幫助佢哋瞓得好嘅第一步！預防勝於治療，盡量真係唔好等到有問題發生嘅時候先處理呀🙈

2️⃣ 留意準媽媽嘅作息
BB同媽媽嘅連繫好緊密，媽媽可以幫助BB調節佢哋嘅生理時鐘，所以準媽媽每日可以喺相約嘅時間起身同就寢，會有利日後穩定BB嘅作息㗎！尤其是去到孕後期，準媽媽記得要早睡早起，唔好做夜貓喇！

3️⃣ 選購實用嘅「哄睡產品」
BB出世前，準爸爸媽媽都會搜羅一系列嘅嬰兒產品，邊樣最好用，邊樣冇乜用，準父母都要做唔少功課😌 如果想提升BB嘅睡眠質素，以下三樣嘢會最幫到手：
- 包被/包被睡袋
- 白噪音機
- 遮光窗簾

至於用唔用安撫奶嘴就取決於準爸爸媽媽嘅意向。安撫奶嘴對初生BB有一定嘅安撫作用，亦可減少嬰兒猝死症(SIDS)嘅風險。不過未必每個BB都肯用😅 另外，埋身餵人奶嘅媽媽，要等BB埋身食得叻啲先好畀安撫奶嘴，以免令BB造成混淆，難以分辨奶嘴同乳頭。

4️⃣ 毋需擔心初生嬰兒跟唔上時間表
有啲爸爸媽媽好心急為BB設定一個時間表，希望BB可以定時定候瞓覺飲奶。不過，初生BB嘅睡眠發展未成熟，有時會瞓得短啲，有時又瞓得長啲，未算好穩定，如果急於要求BB跟上時間表，會為自己帶嚟太大壓力㗎！一般BB去到4-6個月左右先會有較穩定嘅時間表㗎😉

5️⃣ 給予寶寶適當嘅安撫，幫助入睡
初生BB剛剛嚟到呢個世界，仲適應緊子宮外嘅環境，有時候佢哋瞓覺的確需要大人嘅幫助同安撫㗎！BB需要嘅時候抱下佢哋絕對可以的☺️ 只要記住唔好只用單一嘅方式，係唔同時候比多啲機會BB熟習喺床仔瞓覺嘅感覺就可以了！

6️⃣ 日間按需要叫醒寶寶
BB瞓得到係好事，但係如果BB日間瞓得太好、太長，有可能會造成日夜顛倒🙈 所以如果日間BB已經連續瞓咗兩至三個鐘，就需要溫柔地叫醒佢，咁樣一來可以確保BB日間食得足夠（初生BB每2-3小時就要飲奶喇），二來可以避免BB出現日夜顛倒，日間瞓得多而夜晚好精神唔肯瞓 🙈

🫶

照顧初生BB需要好多心機同精力，多了解初生階段BB嘅睡眠需要，作出相應嘅配合，可以幫你更輕鬆渡過初生階段呢個既甜蜜又痛苦嘅時期😉 如果想對初生嬰兒睡眠有更多認識，可以留言「newborn」，我哋會send番 #免費嬰幼兒睡眠精讀班嘅詳情比你 💛

如果想深入了解BB出世後嘅睡眠安排，需要更長嘅支援，可以參考網上課程S.T.A.R ⭐️ （詳情可以參考網站上資料或DM我哋）BB出世後有睡眠問題都可以隨時問，睡眠顧問會定時回覆同跟進☺️ 詳情可以參考網站上資料或DM我哋！

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

26/02/2026

明天開始連續一星期都會天陰落雨，濕度上升⬆️ 爸爸媽媽要留意，潮濕嘅天氣有機會影響嬰幼兒嘅睡眠狀況㗎🫠🫠

研究指出潮濕嘅天氣會干擾我哋原有嘅生活節奏，令人體分泌嘅激素紊亂，影響睡眠狀況🫣 濕度高，床單、睡袋都會好濕，瞓落去黐立立嘅感覺，會令人瞓得唔舒服、較難入睡。加上最近溫度高咗，身體未能適應，BB夜晚瞓覺可能會熱到出汗🥲

想盡量減低天氣變化對BB睡眠嘅影響，可以：

✅ 睡前30-60分鐘開抽濕機，維持房間環境相對濕度喺大約40-60%
✅ 開風扇促進空氣流通，減少侷促嘅感覺
✅ 轉用較薄嘅睡衣、睡袋，有需要亦可以幫BB「攝汗巾」
✅ 定期更換床單，以免濕度上升令塵蟎真菌快速繁殖，引發鼻敏感或皮膚敏感問題

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

23/02/2026

【點解BB瞓瞓吓覺會喊，係咪反映睡眠質素唔好？】

作為父母，我哋好想BB瞓得好，但係可能唔少家長會發現，有時BB瞓瞓吓覺會喊，似乎瞓得唔係幾好🥺

對BB嚟講哭泣係其中一種表達方式，我哋可以視乎唔同情況，睇吓BB係唔係真係遇到阻滯，或者我哋係咪必須干預 😉 以下幾個係BB瞓瞓吓覺會喊嘅常見原因 ...

1️⃣ 有生理需要
BB肚餓或者尿片唔舒服，都會用喊聲去表達需要，月齡愈小嘅嘅BB合埋眼喊嘅情況亦會較普遍。父母可以盡快回應BB嘅生理需要，之後比佢哋重新入睡。

2️⃣ 身體不適
BB哭泣時間長、喊得較唔尋常甚至愈來愈激烈的話，有機會係唔舒服所致。例如初生嬰兒容易有脹氣或腸絞痛，如情況持續，建議諮詢兒科醫生意見，減輕寶寶不適。而月齡較大嘅BB間中有幾晚亦可能因為出牙不適，瞓瞓下大喊。如有需要，爸爸媽媽可以選用適合寶寶嘅teething relief gel，舒緩出牙不適。

3️⃣ 處於REM睡眠
BB同成年人一樣瞓覺嘅時候都會經歷唔同嘅睡眠周期、睡眠階段，當進入REM睡眠（快速動眼期），大腦活動嘅速度如同清醒嘅時候，眼球會快速轉動，手腳會有郁動、轉身等等。REM負責鞏固記憶、情感等等，此時大腦非常活躍，亦係我哋好常發夢嘅時候（有時甚至發開口夢🤭），所以有啲BB會喊幾聲、伊伊呀呀幾分鐘，然後再進入下一個睡眠階段，呢個情況通常唔會持續好耐。爸爸媽媽可以靜靜觀察幾分鐘，唔需要太快干預或者抱起BB，BB好快就可以繼續瞓覺喇 💤 太快抱起BB，可以會整醒咗佢，佢都會嚇親㗎 😉

4️⃣ 無法銜接睡眠周期
部分BB過份依賴大人幫助入睡，有時瞓瞓下扎醒咗自己就瞓唔番，於是會大喊求救！呢種情況BB哭鬧時間會長啲，直到搵番喜歡嘅入睡方式。如果觀察到BB每晚都係差唔多時間喊、喊嘅時間較有規律，有可能係無法銜接睡眠周期所致喇！

喜歡呢篇分享記得畀個👍like/comment/share ，平台就會自動安排多啲相關帖文畀你，讓你了解更多嬰幼兒睡眠資訊☺️

#國際認可嬰幼兒睡眠顧問
#已為多個本地及海外家庭進行諮詢及評估
#與爸媽合作改善寶寶睡眠
#睡眠諮詢及網上課程

#嬰幼兒睡眠顧問 #一覺瞓天光 #自行入睡 #親子 #新手媽媽 #新手爸爸 #育兒 #育兒日常 #寶寶健康

Jovial Sleepers - 嬰幼兒睡眠諮詢

04/05/2026

30/04/2026

24/04/2026

16/04/2026

14/04/2026

08/04/2026

25/03/2026

16/03/2026

10/03/2026

02/03/2026

26/02/2026

23/02/2026

Address

Website

Alerts

Contact The Practice

Shortcuts

Share