O-Mind Garden 塚愛友家

O-Mind Garden 塚愛友家 「塚愛友家」以主題樂園的形式為普羅大眾帶來不同精神健康的資訊。希望透過增加對疾病的了解，減少標籤效應並提升大眾對精神健康的關注。 HKOP-ABI-202203-003
(1)

隨住生理發育、性成熟，踏入青春期嘅「星兒」喺情緒及行為上都可能出現明顯變化，為佢哋帶嚟前所未有嘅挑戰。 1、對身體變化嘅焦慮感增加青春期帶來明顯嘅身體與性徵改變，對感官較敏感嘅星兒而言，呢啲變化容易引發不安、困惑，甚至產生抗拒情緒。[1]2...
13/04/2026

隨住生理發育、性成熟，踏入青春期嘅「星兒」喺情緒及行為上都可能出現明顯變化，為佢哋帶嚟前所未有嘅挑戰。

1、對身體變化嘅焦慮感增加
青春期帶來明顯嘅身體與性徵改變，對感官較敏感嘅星兒而言，呢啲變化容易引發不安、困惑，甚至產生抗拒情緒。[1]
2、社交挑戰加劇
青春期嘅人際關係變得更複雜，涉及更多潛規則、情感暗示與同儕壓力，對理解社交線索本來已困難嘅星兒來說，更易感到壓力或挫敗。[1]

3、情緒調節困難，精神健康風險上升
由於情緒調節能力較弱，自閉症青少年更容易出現焦慮、抑鬱等精神健康問題。家人需要及早留意佢哋嘅情緒變化。[1]

自閉症係一種伴隨一生嘅發展狀況，唔同階段需要唔同形式嘅支援。家長和照顧者應該及早、主動喺青春期來臨前就開始同孩子溝通，分享資訊，預留足夠時間俾星兒反覆吸收，慢慢建立安全感與適應能力，讓星兒都可以更有信心、更平穩地迎接成長中嘅重要變化。

#塚愛友家 #自閉症 #自閉症譜系障礙

Reference：
1. Autism and Puberty. Child Mind Institute. Available at: https://childmind.org/article/autism-and-puberty/ . Accessed on Feb 27, 2025.

HKOP-ABI-202603-008

自閉症譜系障礙（ASD）係一種先天性嘅神經發展障礙，患者喺社交溝通以至認知、情緒、行為方面都有唔同程度嘅困難和發展差異，影響其成長過程中每一個階段。到目前為止仍然未有根治ASD嘅藥物。[1] 自閉症兒童（星星兒童，簡稱星兒）本來喺社交互動、...
08/04/2026

自閉症譜系障礙（ASD）係一種先天性嘅神經發展障礙，患者喺社交溝通以至認知、情緒、行為方面都有唔同程度嘅困難和發展差異，影響其成長過程中每一個階段。到目前為止仍然未有根治ASD嘅藥物。[1]

自閉症兒童（星星兒童，簡稱星兒）本來喺社交互動、情緒表達及理解他人行為方面已較為吃力，而當佢哋踏入青春期呢個充滿變化與挑戰嘅階段，荷爾蒙嘅波動、愈趨複雜嘅人際關係，以及學業與生活壓力，都可能進一步放大原有嘅困難。

對自閉症青少年而言，青春期係一段需要重新適應世界嘅階段；對家人而言，亦係一段壓力密集、需要更多理解與支持嘅階段。及早、適切嘅介入與支援，對患者與照顧者都尤其重要！

#塚愛友家 #自閉症 #自閉症譜系障礙

Reference：
1. 自閉症譜系障礙. 陪我講. Available at: https://www.shallwetalk.hk/zh/mental-health-information/autism-spectrum-disorder/. Accessed on Feb 27, 2025.

HKOP-ABI-202603-007

躁鬱症患者常因病識感較低，在情緒稍有好轉時就以為「我好了」，於是自行減藥或停藥。但精神科專科曹宇光醫生提醒，這樣不但大大增加復發與入院風險，長遠更會影響大腦功能，包括記憶、專注與執行力。曹醫生分享 32 歲設計師 Alex（化名）的故事。A...
03/04/2026

躁鬱症患者常因病識感較低，在情緒稍有好轉時就以為「我好了」，於是自行減藥或停藥。但精神科專科曹宇光醫生提醒，這樣不但大大增加復發與入院風險，長遠更會影響大腦功能，包括記憶、專注與執行力。

曹醫生分享 32 歲設計師 Alex（化名）的故事。Alex 25 歲確診躁鬱症，躁期時，他連續三天不睡覺畫圖、瘋狂接案、刷爆信用卡；鬱期時，他則完全消失、無法工作。他非常抗拒口服藥，覺得「服藥提醒我有病」；也擔心影響創作靈感。因此他情緒差才服藥，情緒好轉或轉為躁期就停藥，以致他 5 年內住院 4 次，工作、感情、生活全被摧毀。
曹醫生曾告訴他：「你的才華及創意不是靠躁症維持的，穩定情緒才能讓你走得更遠。」並提出「不用每天服藥」的選擇 - 長效針劑。起初 Alex 有疑慮，直到第 4 次住院，他終於接受曹醫生的建議，轉用長效針劑。幾個月後，他發現睡眠更穩定、注意力更集中、創作力依然存在；很快，他完全適應了每月一次的針劑，覺得「更自由」。一年後，他沒有再復發住院，重新建立工作室，生活及人際關係都回到正軌。對 Alex 來說，長效針劑不是限制，而是讓他跳出情緒反覆的「無限循環」，重新掌控自己的人生。

每位患者的患病成因、症狀、情況也有所不同，治療躁狂抑鬱症亦有不同治療方案。如有疑問，請向你的主診醫生查詢。

#塚愛友家 #躁狂抑鬱症 #精神科專科 #曹宇光醫生

HKOP-ABI-202603-015

許多躁鬱症患者都很努力想維持穩定的生活，但情緒仍可能在不經意間再度失控。不是他不努力，而是躁鬱症本身就帶著很高的復發性。當患者自行停藥、熬夜、承受壓力、攝取酒精或濫藥時，這些因素都會打亂大腦節奏，引發躁鬱症再度復發。精神科專科曹宇光醫生指出...
02/04/2026

許多躁鬱症患者都很努力想維持穩定的生活，但情緒仍可能在不經意間再度失控。不是他不努力，而是躁鬱症本身就帶著很高的復發性。

當患者自行停藥、熬夜、承受壓力、攝取酒精或濫藥時，這些因素都會打亂大腦節奏，引發躁鬱症再度復發。精神科專科曹宇光醫生指出，躁鬱症有一個不可忽視的現象：「點燃效應 Kindling Effect」。每一次復發都會對大腦造成損害，使之後的發作變得更頻密、間隔更短、治療更困難。長期下來，記憶力、專注力與工作能力可能出現永久性下降，讓患者即使在情緒穩定時，也會覺得「自己不像從前」。因此，躁鬱症藥物治療的核心不只是為了快速遏止危險的躁狂或抑鬱症狀，更著重維持情緒穩定、預防復發，讓患者恢復工作與生活能力。治療躁鬱症的主要藥物包括情緒穩定劑及新一代抗精神病藥物。在部分抑鬱期個案中，亦可能會在情緒穩定劑的基礎上加用抗抑鬱藥。這些藥物多以口服形式處方，方便醫生按病情調整劑量或更換藥物；另外，亦可因應需要選擇長效針劑形式的新一代抗精神病藥物，藥效穩定釋放，更易維持長期平穩的情緒。

不少人仍以為「長效針劑＝病情嚴重」，但這已是過時的迷思。曹醫生指出，長效針劑和相關口服藥的成份一樣，只是形式不同。每數星期注射一次的長效針劑能穩定血液中的藥物濃度，有效穩定情緒，就像「情緒安全帶」，特別適合經常忘記服藥、反覆復發、躁期會否認病情、自行停藥、作息不規律，以及希望簡化治療的患者。

只要持續治療並保持穩定生活方式，躁鬱症並不是人生的限制。患者可以逐步復元、擁有充實、有力量的每一天。

每位患者的患病成因、症狀、情況也有所不同，治療躁狂抑鬱症亦有不同治療方案。如有疑問，請向你的主診醫生查詢。

#塚愛友家 #躁狂抑鬱症 #精神科專科 #曹宇光醫生

HKOP-ABI-202603-014

你有沒有一位朋友，昨天約滿朋友、談笑風生，今天卻突然失聯、完全消失？這可能不是性格問題，也不是故意冷落你，而可能是躁鬱症被忽略的警號。躁期時就像開了「無限電量模式」，躁鬱症患者情緒異常高漲、自信倍增、精力充沛、決策衝動、瘋狂社交。從外人的角...
01/04/2026

你有沒有一位朋友，昨天約滿朋友、談笑風生，今天卻突然失聯、完全消失？這可能不是性格問題，也不是故意冷落你，而可能是躁鬱症被忽略的警號。

躁期時就像開了「無限電量模式」，躁鬱症患者情緒異常高漲、自信倍增、精力充沛、決策衝動、瘋狂社交。從外人的角度看，他好像「狀態超好」，但其實這可能是大腦過度運轉的病態亢奮狀態。一踏入抑鬱期，躁鬱症患者整個狀態會出現 180 度轉變，對所有事物失去興趣，不回訊息、不赴約，自我否定、睡眠混亂，甚至出現輕生念頭。
精神科專科曹宇光醫生指，患者在輕躁期時，感覺良好，工作效率甚至變高，往往缺乏病識感，以為自己「沒問題」。所以家人往往比患者本人更易察覺異常。早期警號包括睡眠明顯縮短、語速突然變快、精力不尋常、花費衝動、煩躁易怒等。

躁鬱症是大腦神經傳遞物質失衡所致的生理疾病，就如糖尿病、高血壓等慢性病一樣，需要長期的藥物穩定情緒與專業治療。而身邊的家人、朋友就是一個重要的把關者，幫助患者把握治療黃金期，支持他們面對治療。

每位患者的患病成因、症狀、情況也有所不同，治療躁狂抑鬱症亦有不同治療方案。如有疑問，請向你的主診醫生查詢。

#塚愛友家 #躁狂抑鬱症 #精神科專科 #曹宇光醫生

HKOP-ABI-202603-013

給患者❤️：躁鬱症會影響情緒、行為同思考，要理解呢啲波動嘅情緒同失控嘅行為並唔係你嘅本質。每個人對藥物治療嘅身體反應都唔一樣。你可以主動同醫生討論藥物嘅成效同副作用，更重要嘅係唔好自行停藥或更改劑量。康復唔單止要持續治療，建立一個健康嘅生活...
31/03/2026

給患者❤️：躁鬱症會影響情緒、行為同思考，要理解呢啲波動嘅情緒同失控嘅行為並唔係你嘅本質。每個人對藥物治療嘅身體反應都唔一樣。你可以主動同醫生討論藥物嘅成效同副作用，更重要嘅係唔好自行停藥或更改劑量。康復唔單止要持續治療，建立一個健康嘅生活方式亦有很大嘅幫助，維持規律作息、做運動、避免煙酒、保持社交等。你唔需要單打獨鬥，俾身邊人了解躁鬱症嘅病徵同發作先兆，佢哋可以幫手避開觸發點、喺危機時提供安全感同支持。「被理解」本身就係一種治癒。[1]

給照顧者💚：當照顧者了解患者情緒起伏嘅特性後，最重要嘅係關懷及接納嘅態度。尤其當患者喺躁狂期間，你可以積極鼓勵患者就醫接受治療，並緊密留意患者因情緒過度高亢可能失控嘅行為；喺抑鬱發作期間，你可以注意預防患者自殺嘅風險。當患者恢復正常情緒後，你應以正面嘅情緒支持，鼓勵患者持續接受治療，養成良好嘅服藥習慣，維持良好嘅生活規律。[2]

接受治療，從來都唔係一個人嘅事。當患者願意配合，照顧者願意理解支持，康復便指日可待！

#塚愛友家 #躁狂抑鬱症 #躁鬱症 #雙相情緒障礙 躁鬱症治療 藥物治療 持續治療 規律作息 被理解 情緒穩定 理解支持 康復

References：
1. Bipolar Disorder Treatment. HelpGuide.org. Last updated Feb 17, 2026. Available at: https://www.helpguide.org/mental-health/bipolar-disorder/bipolar-disorder-treatment. Accessed on Feb 23, 2026.

2. 關於躁鬱症. 衛生福利部雙和醫院. Last updated on Aug 26, 2021. Available at: https://www.shh.org.tw/page/HealthDetail.aspx?deptCode=600013&seqNo=20210826110236778278. Accessed on Feb 23, 2026.

HKOP-ABI-202603-006

「我而家覺得冇事，點解仲要繼續食藥？」「每日都要食藥好麻煩，可唔可以停一停？」呢啲都係躁鬱症患者好常見嘅疑問。但所謂嘅「好轉」，好多時只係症狀暫時緩和，並唔代表病情已經真正穩定。躁鬱症有復發嘅傾向，若患者喺首次病發後病情未有改善就自行停藥超...
27/03/2026

「我而家覺得冇事，點解仲要繼續食藥？」
「每日都要食藥好麻煩，可唔可以停一停？」

呢啲都係躁鬱症患者好常見嘅疑問。但所謂嘅「好轉」，好多時只係症狀暫時緩和，並唔代表病情已經真正穩定。躁鬱症有復發嘅傾向，若患者喺首次病發後病情未有改善就自行停藥超過一個月，會令復發風險增加五倍，而住院風險更會隨著復發次數而增加，並有機會導致腦部功能衰退，甚至影響工作與日常生活嘅能力。[1] 因此持續治療、規律用藥💊和預防復發尤其重要！

躁鬱症就好似其他慢性疾病，需要終身接受藥物治療，來平衡腦內神經傳遞物質嘅分泌、穩定情緒。當患者病情穩定後，醫生普遍會處方抗精神病藥物及／或情緒穩定劑，因應需要，患者亦可考慮選擇新一代抗精神病藥物嘅長效針劑作維持或單一維持治療。長效針劑透過肌肉注射，持續釋放藥效，每月或每數月一針就可以維持體內藥物水平，減少所需嘅用藥次數或種類，增加用藥依從性，有效預防復發，保護腦部功能。[1,2]

#塚愛友家 #躁狂抑鬱症 #躁鬱症 #雙相情緒障礙 藥物治療 躁鬱症藥物 躁鬱症復發 腦部功能衰退 新一代抗精神病藥物 長效針劑 穩定病情 持續治療 預防復發 用藥依從性

References：
1. 有關躁鬱症的迷思.雙相情緒學會. Available at: http://sabad.org.hk/public/what/faq.html. Accessed on Feb 23, 2026.
2. 什麼是雙相情緒病(躁鬱症)? 雙相情緒學會. Available at: https://www.sabad.org.hk/public/what/. Accessed on Feb 23, 2026.

HKOP-ABI-202603-005

躁鬱症嘅治療並非只為應付某一次情緒發作，而係著重長期穩定情緒和管理病徵。大多數患者會以藥物治療為基礎，鬱期患者更可配合心理治療。[1] 同時，建立健康嘅生活習慣，尤其係規律作息與充足睡眠，對穩定情緒亦很重要。[2]💊藥物治療：包括情緒穩定劑...
17/03/2026

躁鬱症嘅治療並非只為應付某一次情緒發作，而係著重長期穩定情緒和管理病徵。大多數患者會以藥物治療為基礎，鬱期患者更可配合心理治療。[1] 同時，建立健康嘅生活習慣，尤其係規律作息與充足睡眠，對穩定情緒亦很重要。[2]

💊藥物治療：包括情緒穩定劑及抗精神病藥物，其作用在於協助調節大腦神經傳遞物質，紓緩及治療情緒兩極化時嘅症狀、穩定情緒及預防復發。抗精神病藥物亦有口服及針劑等唔同劑型，醫生會按病情、生活模式及依從性，同患者一齊揀最合適嘅治療方案。[2]

💗心理治療：包括認知行為治療、人際關係療法等方法，透過調整思想及行為、提升溝通技巧，讓患者學習解決問題嘅方法，提升自身管理情緒嘅能力。[2]

治療嘅道路唔係一條直路，而係一段需要耐性、調整與陪伴嘅山路。

#塚愛友家 #躁狂抑鬱症 #躁鬱症 #雙相情緒障礙 躁鬱症治療 大腦神經傳遞物質 穩定情緒 藥物治療 心理治療 抗精神病藥物 情緒穩定劑 認知行為療法 人際關係療法 陪伴

ReferenceReference
1. 「躁狂抑鬱症」的治療方法. 香港心聆. Available at: https://www.mind.org.hk/zh-hant/mental-health-a-to-z/躁狂抑鬱症/「躁狂抑鬱症」的治療方法/. Accessed on Feb 23, 2026.

2. 什麼是雙相情緒病(躁鬱症)? 雙相情緒學會Available at: https://www.sabad.org.hk/public/what/. Accessed on Feb 23, 2026.

HKOP-ABI-202603-004

躁鬱症嘅患者會出現躁狂及抑鬱兩種極端情緒。患者喺同一時間通常只會有躁狂或者抑鬱的徵狀，但亦可能處於躁狂及抑鬱嘅混合狀態。[1] 情緒狀態嘅出現難以預測，亦難以掌控。躁狂期患者表面上可能顯得精力充沛、狂妄自大、思維跳躍，難以靜下來，睡眠需求明...
13/03/2026

躁鬱症嘅患者會出現躁狂及抑鬱兩種極端情緒。患者喺同一時間通常只會有躁狂或者抑鬱的徵狀，但亦可能處於躁狂及抑鬱嘅混合狀態。[1] 情緒狀態嘅出現難以預測，亦難以掌控。

躁狂期
患者表面上可能顯得精力充沛、狂妄自大、思維跳躍，難以靜下來，睡眠需求明顯減少，腦袋停唔到落嚟，亦較容易出現衝動行為，例如衝動消費、作出高風險決定或忽略後果。[1]

抑鬱期
患者情緒明顯持續低落，經常感到疲倦，對原本有興趣嘅事物提不起勁，連日常生活與社交都可能變得困難，內心亦容易出現無力感與自責，嚴重甚至出現自殺念頭。[1]
情緒在躁期與鬱期之間反覆轉換，令生活節奏被打亂，亦增加患者與照顧者嘅壓力，因此躁鬱症患者需要長期持續而穩定嘅治療與支持，而非只在症狀最明顯時才被關注與介入！
#塚愛友家 #躁狂抑鬱症 #躁鬱症 #雙相情緒障礙 躁狂期 精力充沛 抑鬱期 情緒低落 情緒過山車 情緒兩極化 打亂生活節奏 壓力 躁鬱症治療

Reference：
1. 躁狂抑鬱症（躁鬱症）. 陪我講. Last updated on Feb 17, 2025. Available at: https://www.shallwetalk.hk/zh/mental-health-information/bipolar-disorder/. Accessed on Feb 23, 2026.

HKOP-ABI-202603-003

當躁狂發作時，患者往往缺乏病識感，好難察覺自己正處於異常狀態！處於躁狂期嘅患者可能誤認為自己「狀態很好」—— 精力充沛、思維活躍、自信心提升，甚至覺得自己表現前所未有地出色。唔少患者會非常享受躁期帶來嘅活力同創意，完全唔認為呢個係需要關注嘅...
10/03/2026

當躁狂發作時，患者往往缺乏病識感，好難察覺自己正處於異常狀態！處於躁狂期嘅患者可能誤認為自己「狀態很好」—— 精力充沛、思維活躍、自信心提升，甚至覺得自己表現前所未有地出色。唔少患者會非常享受躁期帶來嘅活力同創意，完全唔認為呢個係需要關注嘅問題。[1]

躁鬱症難以被及早察覺，另一個重要嘅原因係好多患者有機會被誤診。因為好多患者求醫時處於低落、抑鬱嘅狀態，家庭醫生可能只見到抑鬱症狀，而忽略咗之前曾經出現過輕躁狂或躁狂嘅情況。另外，躁鬱症嘅症狀同其他精神健康問題好容易重疊，令診斷更加複雜。喺短時間嘅門診面談，家庭醫生往往好難一下子捕捉到所有警號，延誤正確診治。[1]

#塚愛友家 #躁狂抑鬱症 #躁鬱症 #雙相情緒障礙 躁狂期 抑鬱症狀 抑鬱期 躁鬱症誤診

Reference：
1. Understanding the diagnosis delay. Bipolar UK. Available at: https://www.bipolaruk.org/about-bipolar/diagnosing-bipolar/understanding-diagnosis-delay/. Accessed on Feb 23, 2026.

HKOP-ABI-202603-002

躁鬱症全名為躁狂抑鬱症（又稱雙相情緒障礙），喺香港，躁鬱症並非罕見，亦有著名唱片騎師及藝人曾公開分享自己嘅患病經歷同感受。躁鬱症有別於抑鬱症，最大特徵係反覆出現躁狂（情緒異常高漲）與抑鬱（情緒低落）兩種極端情緒狀態。躁鬱症嘅病情複雜，容易被...
06/03/2026

躁鬱症全名為躁狂抑鬱症（又稱雙相情緒障礙），喺香港，躁鬱症並非罕見，亦有著名唱片騎師及藝人曾公開分享自己嘅患病經歷同感受。躁鬱症有別於抑鬱症，最大特徵係反覆出現躁狂（情緒異常高漲）與抑鬱（情緒低落）兩種極端情緒狀態。躁鬱症嘅病情複雜，容易被誤診為抑鬱症或情緒疾病，部分患者由首次發病到正式確診可能要五至十年，以致延誤治療。[1]

躁鬱症係一種嚴重且不容忽視嘅情緒疾病。每年3月30日為世界躁鬱症日。今期塚愛友家帶大家更加深入了解躁鬱症患者所面對嘅世界，放低偏見與標籤，俾患者同照顧者多一份理解、多一份支持❤️。
#塚愛友家 #躁狂抑鬱症 #躁鬱症 #雙相情緒障礙 #躁狂 #抑鬱 #情緒兩極化 #情緒過山車 #誤診 #抑鬱症 #情緒疾病 #世界躁鬱症日 #3月30日 #放下偏見 #多點理解
Reference:
1. 什麼是雙相情緒病(躁鬱症)? 雙相情緒學會. Available at: https://www.sabad.org.hk/public/what/. Accessed on Feb 23, 2026.

HKOP-ABI-202603-001

如果情緒低落、焦慮、抑鬱持續超過兩星期，唔好一個人硬撐。可以先搵一兩個信得過嘅朋友或家人傾下心事，或者寫日記整理情緒，幫助自己釐清感受。假如負面情緒長期存在，甚至嚴重影響到日常生活，就應該尋求專業協助，例如心理學家、精神科醫生或其他專業人士...
27/02/2026

如果情緒低落、焦慮、抑鬱持續超過兩星期，唔好一個人硬撐。可以先搵一兩個信得過嘅朋友或家人傾下心事，或者寫日記整理情緒，幫助自己釐清感受。

假如負面情緒長期存在，甚至嚴重影響到日常生活，就應該尋求專業協助，例如心理學家、精神科醫生或其他專業人士嘅協助。記住，求助唔代表軟弱，而係一種勇氣，係你對自己嘅照顧同尊重。新一年，俾自己身心一個新開始啦！

#塚愛友家 #農曆新年 #節日抑鬱 #節日壓力 #自我照顧 #負面情緒 #不要硬撐 #尋求專業協助 #精神科醫生 #身心健康 #新開始

HKOP-ABI-202601-012

Address

Hong Kong

Website

Alerts

Be the first to know and let us send you an email when O-Mind Garden 塚愛友家 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category