06/06/2024
《九龍城寨之圍城》2024
其實 #九龍城寨之圍城 都已經冇乜嘢好講，因為上映到而家已經有太多人提及，但如果能夠成為香港電影票房第一，我又會覺得好值得和有代表性，因為無論故事脈落、香港的背景、人物刻劃、場景、美術、動作都能夠做到雅俗共賞，我相信不同文化的全球觀眾都會有共鳴，同時作為香港人都更有一番感受，去與留，「留不低，離不開」的主題實在太深刻。
片中嘅熱血又重回以前睇《古惑仔》嘅感覺，看完電影後都會諗跟邊個大佬最好，咁當然個個都跟龍捲風（剛柔並重），但其實其他大佬都有佢嘅故事和領導素質，再加上兄弟情，當然比較一廂情願，但熱血就是熱血，片中每一個角色都能夠拍成前傳，就算出鏡得幾個鏡頭的女主角（配角）都有他們各有的特色和耐人尋味嘅故事。
要劇透下，因為有一個好大嘅感受，當然電影都講過你留在一個地方和群體，最重要不是個地方有幾吸引，而是當中的人和之間互動，無論是一段婚姻、一個家庭、一間公司、甚至一個社會，延伸至自己個人都要懂得去信任和不介意付出，才能讓自己願意和喜歡留低在這地方，又好似男主角洛軍一直都想有一個確認嘅身份，而去到電影差不多最後，原來他一直都已經有這身份，好似聖經浪子回頭的比喻一樣，當你發現和醒悟自己都有這個身份嘅時候，你嘅心境和看到的所有一切都不一樣了，由最初捱世界，變做最後帶領人去改變世界嘅勇氣。 其實不單止男主角，而係四子每人都有自己身份認同嘅性格，甚至係每一個角色都有。
#身份 #九龍城寨 #古天樂 #林峯
