29/07/2023
催眠嘅程序係點嫁？
催眠係唔係一嚟度就開始催眠呢？其實唔係！催眠嘅程序係由客人到之前就開始，大概有以下嘅步驟：
1. 預約前咨詢
唔係每個人都適合或者需要催眠治療，係預約前我會初步了解下你嘅情況，睇下催眠治療對你嘅成效有幾多。因為催眠一次嘅價錢唔係話少，都想你哋用係幫到你嘅地方。
2. 催眠當日
當日你嘅狀態好影響你嘅成功率嫁，如果太攰或情緒上會有比較大嘅波動，其實會建議你重新預約另一個時間，我會比你優先約時間。
（如果要更改時間請係4小時前通知）
3. 個案咨詢
係我嘅角度而言，你能唔能夠被催眠唔係對個案嚟講最緊要嘅嘢，最重要嘅係咨詢環節，亦係我作為一個治療師最值錢嘅地方。透過中立中客觀嘅分析去睇返你真正需要治療嘅嘢係咩。根據個人經驗，有80%嘅個案真正需要處理嘅問題並非佢當初預約要處理嘅問題。所以咨詢十分重要！
4. 催眠環節
依度我唔會講太多，人人嘅體驗都好唔同，我亦唔想你哋因為已有概念影響實際體驗。
5. 後催眠咨詢
我會同你簡單睇返成個催眠旅程，睇下今次即時嘅成效有幾大。兩星期後會再同你進行跟進，睇下有無需要約下一次嘅治療。
依個就係大致嘅催眠程序，但實際上嘅細節會因人而異，因為你可能係揾我做改變某習慣嘅催眠，所以細節位會有調整。
#香港催眠治療 #香港催眠 #催眠治療 #催眠減肥 #催眠戒煙 #前世回溯 #催眠療法 #專業催眠 #催眠輔導 #香港輔導 #心理輔導
