承福殯儀社企 Glory Funeral

Home
Hong Kong
Hong Kong
承福殯儀社企 Glory Funeral

承福殯儀是政府持牌殮葬商，擁有多年經驗，一直為家屬提供專業、值得信任和價錢相宜的高質素殯儀服務，包括為先人在香港各大殯儀館籌辦喪禮服務，承福細心地照顧每一個微小的細節，以真誠的態度陪伴家屬渡過哀傷時刻。

承福殯儀是政府持牌殮葬商，擁有多年經驗，一直為家屬提供專業、值得信任和價錢相宜的高質素殯儀服務，包括為先人在香港各大殯儀館籌辦喪禮服務，由安排政府文件至撰寫聞，以至喪禮後的哀傷支援，承福細心地照顧每一個微小的細節，以真誠的態度陪伴家屬渡過哀傷時刻。

27/11/2025

就近日大埔宏福苑發生的嚴重火災意外，承福殯儀社企全體同仁深感痛心。我們在此向罹難者致以最沉痛的哀悼，願逝者安息；並向所有傷者及痛失至親的家屬，致以最深切的慰問。

在這艱難時刻，我們希望能與家屬並肩同行。承福殯儀社企啟動緊急援助機制，願為是次火災中不幸離世的 *”獨居長者”、”家庭經濟有困難人士” ，免費提供一站式專業喪葬禮儀服務及相關支援。

免費提供的喪葬服務包括:
1. 辦理死亡證及死因證明文件
2. 與家屬商討後事安排
3. 按家屬意願提供喪禮所需宗教儀式
4. 陪同家屬到公眾殮房或醫院辨認遺體
5. 申請火葬服務
6. 領取先人骨灰
7. 提供骨灰後續安排

我們盼望略盡綿力，為逝者送上最後一程的莊嚴與體面，讓家屬在悲痛中能稍感輕省與慰藉。

如有需要，請隨時與我們聯絡，我們將全力協助。

支援熱線：96629573

「逝者安息而往生，生者安寧而誕生」

10/09/2024

屍體唔同等級代表著什麼？

香港屍體分類制度用紅、黃、藍三種顏色標籤黎識別，分別代表唔同等級。呢個制度主要係幫助相關人士識別屍體嘅潛在風險，並根據等級限制作出相應嘅處理方式。

紅色標籤：

代表最高等級，意味著屍體處理受到最嚴格的限制。包括無法進行瞻仰遺容、化妝和防腐處理，政府建議只能盡快火葬。

紅色等級反映屍體可能帶有極高傳染風險又或者其他危險因素。

黃色標籤：

代表第二級，屍體需要放入屍袋處理。雖然有一定限制，但仍然可以為逝者舉行適當喪禮。

黃色等級限制相對比紅色輕，但仍需謹慎處理，以避免潛在風險。

藍色標籤：

而藍色代表最低等級，屍體處理方式與一般情況相同。可以進行適當的後事安排，限制最輕，反映屍體風險較低或無特殊要求。

呢種分類制度提醒我哋，有時限制越多，我哋可以為逝者做既就越少。當收到相關文件時，我們應該留意標籤顏色，以便安排適合嘅殮葬事宜。

#喪禮 #葬禮 #醫院文件
#殯儀服務 #殯儀 #標籤 #香港
#遺體 #處理 #小知識 #醫院

06/09/2024

殘缺的遺體要點出殯？

小部分人可能因為車禍、工業意外等原因不幸去世，導致遺體殘缺不全。遇到呢啲情況，殯儀業人士又會點樣處理？

當遺體不全，通常會有幾種處理方法。第一種就係將遺體所有部分放入棺木、然後直接封棺，唔舉行瞻仰遺容嘅儀式，為逝者保留最大嘅尊重，亦都避免親屬再見到遺體而傷心。

第二種係搵方法幫逝者掩蓋或者搵辦法代替不全嘅部位。例如失去肢體可以嘗試用衣物遮蓋，頭部受損或者用假髮、帽去掩飾一下。部分親屬甚至會委託紙紮師傅製作相關部位嘅模型，代替不全嘅部位，等逝者早日安息。

最後就係嘗試搵遺體修復團體幫手，遺體修復團體會按照先人相片用蠟像等材料造模塑形，盡量還原先人容貌。但係因為本地技術所限、無呢類嘅專才，本地嘅殯儀業界暫時都無辦法提供呢種服務，要搵台灣或者其他地方嘅專業人士先做得到。

#喪禮 #葬禮 #傳統習俗
#殯儀服務 #殯儀 #殯儀館 #香港
#遺體 #處理 #小知識

03/09/2024

消失嘅和合石支線

每逢清明、重陽，唔少孝子賢孫會去和合石拜祭先人，有人會揸車、有人會搭的士或者巴士，但你又知唔知道曾經可以直接搭火車去和合石？

原來為咗應付去和合石拜祭嘅人流，港英政府曾經修築九廣鐵路和合石支線，方便市民往來市區同墳場。

呢條支線喺1950年代開通，全長只係1公里左右，位於大埔墟站和粉嶺站之間，總站喺而家嘅華明邨附近，只需要行一陣就到和合石墳場。支線除咗清明、重陽會加派特別車接載孝子賢孫去掃墓，平時每日仲會幫手運送棺材去墳場安葬。

只係隨住香港嘅發展，人口越來越多，1980年代北區新市鎮嘅發展，加上1983年九廣鐵路電氣化，和合石支線先停止運作，車站都拆埋。和合石支線先慢慢消失喺公眾記憶之中。近年有唔少香港歷史愛好者或者鐵路發燒友，會嘗試去支線遺址考古、現場想像一下以前嘅情況。

#喪禮 #葬禮 #傳統習俗
#殯儀服務 #殯儀 #殯儀館 #香港
#九廣鐵路 #和合石
#歷史 #文化 #小知識

30/08/2024

道教嘅地獄概念係點？

喺道教嘅文化裡面，「三塗五苦」呢個用語同傳統道教喪禮有住唔少嘅關係。不如趁今次機會，等我同大家分享下呢個小知識啦！

喺道教嘅文化之中，「三塗五苦」其實係講緊地獄裡面唔同嘅酷刑、苦難。

「三塗」就係指「火塗」、「血塗」、「刀塗」，即係喺地獄受猛火、互相啃食同埋刀劍之苦。而「五苦」就指「刀山地獄」、「劍樹地獄」、「銅柱地獄」、「鑊湯地獄」同埋「溟泠地獄」之苦。

道教文化透過呢啲生動全神嘅描述，去形容先人死後亡魂喺地獄遇到嘅遭遇。為咗等先人早日安息、脫離呢啲苦難，所以需要孝子幫先人沐浴，修復形骸、洗滌污穢，為先人打齋做法事，擺脫地獄之苦。講到底，各種嘅道教喪禮儀式，都係建基於呢種願望之上。

現代人可能無古代人咁篤信地獄呢類概念，但希望先人擺脫苦難、早日安息嘅願望其實無任何分別，係每一個生者嘅共同願望。

#喪禮 #葬禮
#殯儀 #殯儀服務
#道教 #道教喪禮 #中式喪禮
#歷史 #文化 #小知識

27/08/2024

死後三日大殮係古人智慧結晶？

死生大事，古代人對喪禮隆而重之、有好多唔同嘅規範需要跟從。其中一個傳統，就係喺先人逝世三日之後先舉行大殮，呢個傳統背後其實有唔少學問。

呢個做法其實係源自《禮記・問喪》一段嘅記載。內文就解釋到，「三日而后斂者，以俟其生也。三日而不生，亦不生矣。孝子之心，亦益衰矣。家室之計，衣服之具，亦可以成矣。親戚之遠者，亦可以至矣」。

轉返做現代嘅語言，即係有幾個原因。第一個係古代醫療技術唔夠先進，要等三日先舉行大殮，係因為想睇吓先人會唔會「復活」，避免未死就俾人活埋嘅情況出現。

第二個原因，就係等家人親屬嘅情緒平伏落嚟，接受先人去世嘅事實，避免咗因為太過哀傷而處理唔到先人嘅喪事。

最後一個原因，就涉及好多現實嘅考慮。包括預留交通時間俾居住喺外地嘅親戚趕過嚟參與儀式，俾主家時間去籌措喪禮需要嘅物品等等。

當然，如果遇到天氣炎熱、遺體腐爛呢類情況，古人都未必會遵從逝世三日後先舉行大殮嘅規則，但呢樣傳統已經充份反映到古人殯葬文化嘅智慧。

#喪禮 #葬禮
#殯儀 #殯儀服務
#歷史 #文化

21/08/2024

戰前香港習慣在家治喪？

上次提到殯儀館嘅出現改變咗香港殯葬文化，咁其實戰前香港嘅殯葬模式，對我哋呢一代嚟講好難以想像，因為當時流行在家治喪。

生活喺香港狹窄嘅居住環境咁耐，自然好難想像舊時點樣可以在家治喪。有研究香港殯葬文化嘅學者就話，當時嘅人認為在家出殯先人就可以壽終正寢，所以就有呢種做法。

以前香港市區住宅一般樓高2至4層，走廊同樓梯轉彎位唔夠闊落，仲有棺材唔可以由門口進入嘅傳統，所以當時嘅人需要由地面搭棚上樓，再將棺材由露台搬入屋。

當做完大殮儀式後，靈柩就會再運返落地面。如果係大戶人家、想風光大葬嘅話，甚至會舉行盛大嘅「遊街」儀式。當時嘅有錢人好重視喪禮排場，出殯行列會有儀仗帶領、銀樂隊演奏、有人沿路撒紙錢，之後會有汽車運送靈柩跟隨、親友手拎白布「執紼」前進，成個隊伍浩浩蕩蕩，引起唔少人圍觀。

一般嚟講，遊街儀式要一、兩個鐘頭時間先完成，當時嘅人就透過呢種方式顯示出先人生榮死哀、突顯出佢生前嘅身份地位。嚟到今時今日，香港社會觀念唔同曬，好難想像有人再選擇在家出殯，而風光大葬嘅情況亦都係偶然先會見到。

#喪禮 #葬禮 #殯儀館
#殯儀 #殯儀服務
#香港 #歷史 #文化

20/08/2024

「大酒店」個名點嚟？

對於舉辦喪事嘅殯儀館，香港人習慣避諱、美其名叫做「大酒店」，呢個通俗叫法究竟係點嚟嘅呢？

有一種通俗講法解釋，話因為殯儀館嘅先人同酒店客人一樣，都係去到借宿一宵、瞓一晚就走，所以以前嘅人就用呢個婉轉啲嘅名嚟借代殯儀館。

除咗呢個講法之外，仲有學者話「大酒店」呢個名稱其實同殯儀館嘅發展有關。

因為戰前香港嘅殯葬文化同而家完全唔同，當時在家治喪或者去義莊先係主流，到殯儀館出殯嘅反而係少數。隨住時代變遷，戰後幾間大型殯儀館嘅出現，大大改變咗香港嘅殯葬文化。

當時幾間新落成嘅殯儀館，參照咗世界各地先進嘅殯儀館設計，禮堂面積龐大、樓高幾層，加埋有好多現代化冷凍、衛生設備，令到家屬可以安心喺靈堂守夜。

有報紙甚至形容到殯儀館有住酒店嘅氣氛，好似酒店一樣咁舒適。慢慢「大酒店」就成為咗殯儀館嘅暱稱，而去殯儀館舉殯變咗香港本地嘅主流殯葬文化。

#喪禮 #葬禮 #殯儀館
#殯儀 #殯儀服務
#香港 #歷史 #文化

16/08/2024

紅磡點樣成為殯儀館聚集地？

講起殯儀館，大多數香港人都會第一時間諗起紅磡，全因為紅磡聚集咗殯儀館、長生店、花店呢啲同殯儀業有關嘅店鋪。但係，你知唔知道點解殯儀館會集中曬喺紅磡區呢？

紅磡有咁多嘅殯儀業店鋪，其實係機緣巧合下嘅結果。

喺1940年代，港英政府修建咗和合石墳場，和合石就變成咗香港其中一個最大嘅墳場。當時和合石位置遠離市區，同埋交通都無現今咁方便，市民成日要長途跋涉去參加喪禮、拜祭先人。

因為當時政府為咗方便市民，就喺九廣鐵路沿線嘅紅磡撥地興建咗「永別亭」（而家理工大學附近位置）。「永別亭」用嚟暫時停放先人遺體，俾市民進行辭靈儀式，然後先再經鐵路將先人遺體運送到和合石墳場安葬。

紅磡係當時先人遺體安葬前嘅中途站。

近水樓台，唔少殯儀館揀咗呢度開業，方便搵客人、做生意。經過咁多年發展，紅磡就成為咗殯儀館、長生店嘅根據地，最後大家就產生咗呢個印象喇！

#喪禮 #葬禮 #傳統習俗
#殯儀服務 #殯儀 #殯儀館 #香港
#和合石 #墳場 #小知識

13/08/2024

「百無禁忌」？農曆七月可以治喪？

農曆七月禁忌多多，除了上次分享的三個冷門禁忌之外，還有切勿靠牆行、不要胡亂在街上執錢等等，而「鬼月忌喪」亦是其中一種常見禁忌，但這種禁忌又有何根據呢？

「鬼月忌喪」的說法，源於人們相信農曆七月鬼門關大開，此時舉辦喪事、出殯，或會招惹遊魂野鬼，可能損及主家運程，故此可免則免。

受傳統文化影響，不少人治喪會盡量選擇吉日、務求趨吉避凶。事實上，按照傳統的陰陽術數說法，農曆七月與其他月份並無不同，每月每日宜忌不一，當中也有適宜殯葬的吉日。約定俗成的「鬼月忌喪」只是一家之言、並不是定理。假如親友在農曆七月不幸離世，仍可考慮在適合日子治喪舉殯。

為先人選擇良辰吉日出殯，求的是逝者安息、福蔭後人。有人相信「鬼月忌喪」，有人百無禁忌，各有各的做法，只要自己感覺心安即可。說到底，最重要的始終是心存崇敬、好好送別先人。

#熱愛生命 #生死 #禁忌
#農曆 #喪禮 #葬禮 #農曆七月
#傳統習俗 #殯儀服務 #殯儀
#生死教育 #綠色殯葬 #小知識

10/08/2024

百分之一的人，才知道農曆七月的冷門禁忌！！！

農曆七月鬼門關大開，「各方兄弟」從地府到人間四處遊蕩。其實有三個冷門嘅鬼節禁忌，唔係人人都知道。

第一，半夜晾衫。以前覺得唔影相、唔吹口哨、唔睇鬼片就可以安然渡過鬼月？其實唔係咁簡單。如果你喺夜晚先黎掛衫，有機會引來一堆遊魂野鬼探訪！有人話衫睇落似人形，更容易吸引鬼靈附身；亦有人話鬼魂係嚟借衫，衫一旦被佢哋著過，就會沾滿陰氣，唔係生病就係惡靈纏身。

第二，拖鞋頭朝向床放。每次沖完澡，第一時間就想跳上床訓覺。但聽講鬼會跟隨拖鞋放嘅方向走，所以準備訓覺時，唔好將拖鞋頭對住床，唔係就等於邀請「朋友仔」上演「鬼壓床」！

第三，拔腳毛。俗話有云：「一根腳毛管三鬼」，即係話拔一根腳毛，會失去控制三隻鬼嘅力量。據說腳毛係全身陽氣最重嘅部位，如果夜晚突然心血來潮想拔腳毛，就要忍住手。夜晚陰氣重，拔腳毛會損陽氣，就等於邀請「朋友」同你玩。

希望大家可以留意呢啲禁忌，平安度過鬼月！！！

#熱愛生命 #生死＃禁忌
#農曆 #喪禮 #葬禮 #農曆七月
#傳統習俗 #殯儀服務 #殯儀
#生死教育 #綠色殯葬 #小知識

09/07/2024

距離＝疏離？身在「異鄉」只可以愛莫能助？

喺香港因為種種因素令「獨居老人」人數節節上升，有既因為家人移民、有既工作地方係異地、都有既係因為自己本身無子女等等。當中就衍生出「孤獨死」既課題等著我哋，早係日本已經發生過令人唏噓既事，國外工作既兒女唔知家人離世，最後一面只係家人既骨灰。

可能有人覺得日本發生既案例喺香港未必會發生，但睇到香港其實都越黎越多獨居老人發生意外既事件，有時可能要一個多月先會發現。

而係香港無人認領既遺體，政府會將無人認領既遺體送到沙嶺墳場埋葬，七年後都無人認領，先會再挖起火化。埋葬係沙領既逝者，既無名，亦都無姓，只有刻上編號既牌：T2016 77、T2016 78、T2016 79，其實不論家人、朋友、同事，只要有一個人認領遺體，就唔需要去沙嶺。

我相信每個人都想至親安祥離去，但有時候未必可以盡如人意。當你發現身邊至親已失聯或者失蹤多時，不妨嘗試用吓食環署提供既「無人認領遺體搜尋系統」，嘗試搵下，呢個系統可以瀏覽過去10年食環署接收無人認領遺體資料，俾相關人士尋找逝者及處理相關事宜，但要前提係你需要知道逝者姓名等。

所以如果想將屋企人帶回身邊，但你又無從入手，可以搵專業人士幫手，因應唔同地方政策，將逝者帶返到你既身邊。

#小知識 #儀式 #喪禮 #葬禮 #悼念
#殯儀服務 #殯儀 #旅行
#骨灰 #生死教育 #綠色殯葬 #孤獨

Address

紅磡寶其利街145-163號寶利大樓地下8號舖
Hong Kong

Telephone

+85291372076

Website

https://gloryfuneral.com.hk/

Alerts

Be the first to know and let us send you an email when 承福殯儀社企 Glory Funeral posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 承福殯儀社企 Glory Funeral:

Shortcuts

Want your practice to be the top-listed Clinic in Hong Kong?