https://www.facebook.com/107056775167552/

家大瑪 PLUS - 九龍西醫院聯網員工Channel

Q: What is the address?

九龍荔枝角瑪嘉烈醫院道2-10號

Home
Hong Kong
Hong Kong
家大瑪 PLUS - 九龍西醫院聯網員工Channel

家大瑪PLUS提供九龍西醫院聯網相關資訊，包括瑪嘉烈醫院、葵涌醫院、明愛醫院、仁濟醫院、北大嶼山醫院。歡迎瀏覽！如有任何查詢或意見，請電郵至pmh.enquiry@ha.org.hk

For queries or comments, please email to pmh.enquiry@ha.org.hk.

22/10/2025

#活動重溫｜醫管局行政總裁與九龍西聯網員工交流意見💬

醫管局行政總裁李夏茵醫生早前親臨瑪嘉烈醫院🏥，與九龍西醫院聯網員工近距離交流，聆聽前線同事的意見🗣️，是她上任後首次來到九龍西聯網。

座談會以答問形式進行，李醫生更走到同事當中，邀請他們表達意見。大約1️⃣小時的交流，李醫生和聯網同事就不同的議題分享看法和意見，展開真誠對話，座談會亦同步在聯網內其他醫院直播📡，讓同事可即時透過網上發言。

感謝所有參與同事的坦誠分享，共同為改善醫療服務提供意見👏。

#醫管局 #九龍西醫院聯網 #瑪嘉烈醫院 #葵涌醫院 #明愛醫院 #仁濟醫院 #北大嶼山醫院 #員工座談會

20/10/2025

#瑪嘉烈50周年｜人人有份💯 留言祝賀即送您紀念品🎁

Happy Birthday to PMH！🎂
#瑪嘉烈醫院🏥由1975年10月份開始，5️⃣0️⃣年嚟一直為區內居民提供醫療服務🩺，照顧大眾健康💪。為咗與各位 #九龍西醫院聯網同事分享「生日」喜悅🎉🥳，喺1️⃣0️⃣月底前留言同瑪嘉烈醫院講句㊗️賀說話，再inbox話俾小編 #家大喵😸 知您所屬嘅醫院📨，即送您瑪嘉烈醫院50周年紀念版毛巾一條！

稍後將會有專人通知領取紀念品嘅方法💁紀念品人人有份！記得Follow埋 Facebook專頁，留意九龍西聯網醫院最新動態😎

#院慶 #瑪嘉烈醫院 #明愛醫院 #仁濟醫院 #葵涌醫院 #北大嶼山醫院 #生日快樂

17/10/2025

#瑪嘉烈50周年｜院慶「五道菜」午餐🍲 與病人分享喜悅🥳

為慶祝 #瑪嘉烈醫院成立5️⃣0️⃣周年，醫院早前為住院病人準備咗一個特別版「院慶午餐」🍱，包括有精緻嘅迷你盆菜🥘、鮮甜嘅粟米瘦肉湯🌽、美味嘅南瓜西米甜品🍮和健康水果🍊，非常豐富。

除咗透過美食傳情之外😋，醫院仲特別訂製咗印有50周年標誌的紙餐墊、紙巾和紀念貼紙，與每一位住院病人同慶呢個特別日子🎊，讓佢哋分享到瑪嘉烈邁向重要里程碑嘅喜悅🥰。

當日院長羅振邦醫生、副行政總監（運作）尹志堅醫生及行政總經理郭詠儀女士，更親自參與病人午餐嘅準備工作，同 #膳食部同事們攜手合作🤝，一同為病人送上關懷💞。

感謝所有參與今次活動嘅同事，正正係大家嘅共同努力💪，令我哋嘅50周年慶典充滿愛心同溫暖！💕

#九龍西醫院聯網 #院慶

15/10/2025

#瑪嘉烈50周年 | 引領未來🚀 瑪嘉烈醫療學術研討會圓滿舉行！📚🏥

醫療發展不斷進步， #瑪嘉烈醫院創新步伐永不停步！📈🏃‍♀️由 #九龍西醫院聯網 #臨床研究中心 🔬籌辦的瑪嘉烈醫院醫療學術研討會早前圓滿舉行，今次研討會收到多份來自不同職系同事有關醫療及非醫療的論文摘要📖 ，結合人工智能等科技發展大勢🤖，探討如何為病人謀求更好福祉。💪🏻

今次醫療研討會更邀得不同星級嘉賓參與，除了有來自上海交通大學醫學院附屬瑞金醫院及 #北京協和醫院代表分享研究成果🫱🏻‍🫲🏽， #醫院管治委員會主席邱達根先生及成員亦親臨研討會以示支持！🎉會後，多名同事更獲頒獎項，鼓勵大家的研究努力和貢獻！💡📊

精彩影片及圖片花絮即刻看，一覽PMH如何在 #創新醫療更進一步📷👇🏻

#九龍西醫院聯網 #院慶 #瑪嘉烈醫院 #創新醫療 #觸動人心 #引領未來

13/10/2025

#疫苗接種 | 早打早安心！💉💪🏼流感針接種快問快答（上） 💬

「又打針？上年打咗今年又要打？」🤔… 為了解答同事對 #季節性流感疫苗嘅種種疑問， #九龍西醫院聯網感染控制職員講座就邀請了 #瑪嘉烈醫院 #內科及老人科副顧問醫生植韶洭醫生為大家逐一拆解！👨🏻‍⚕️🏥

❓ 之前已經打過流感針，為什麽還需要再打？
💬 植醫生提醒，每季流行的季節性流感病毒株不同，今季是甲型H3流感病毒株，上一季則是甲型H1流感病毒株。每年接種，可以獲得更好保護力！🦾🤩✨

❓ #三價疫苗和 #四價疫苗的效用有沒有分別？
💬 兩種疫苗都能夠有效預防流感！植醫生稱，四價流感疫苗在三價疫苗的基礎上增加了多一種B 型（B / Yamagata）流感病毒抗原，但世衞監測數據顯示，全球現時已經沒有再檢測到該種病毒，所以三價和四價疫苗都能夠提供足夠保護力！

❓打疫苗有機會引起導致嚴重神經系統的罕見病「 #吉巴氏綜合症」？😖
💬 植醫生指，因為疫苗而引發患上「吉巴氏綜合症」的機率是百萬分之一；可是，如果感染流感，患上「吉巴氏綜合症」的機率是高達百萬分之17.2！📈

提提大家，九龍西聯網員工季節性流感疫苗接種計劃已經展開🗣️，同事於十二月三十一日前接種疫苗將自動參加大抽獎🎁，越早接種中獎機會越大！🤩早前九龍西聯網各醫院管理團隊都已經率先接種流感疫苗及開展宣傳💪🏼💉，各位同事都記住「早打早安心，預防流感侵」！💥

即看精彩花絮📸：

#九龍西醫院聯網 #瑪嘉烈醫院 #葵涌醫院 #明愛醫院 #仁濟醫院 #北大嶼山醫院 #季節性流感疫苗 #接種疫苗 #大抽獎 #季節性流感防疫注射計劃 #早打早安心預防流感侵

09/10/2025

【KWC Chill Talk】演講嘉賓：香港人道年獎2024得獎者 - 陳志強先生

#香港人道年獎 2024得主陳志強先生是一名資深急症室護士，近五十年來一直熱心於義工服務及 #海外救援工作，足跡遍佈烽火大地，為災民和流徙人士進行救助治療，傳揚人道精神。
一介凡人之軀，如何身體力行，將仁者之心發揚光大？當中又有甚麽難忘經歷？

#九龍西聯網 10月，誠意邀請到陳Sir親臨瑪嘉烈醫院，與各位同事分享他的所見所聞，以及用關愛救助生命的種種感悟。

08/10/2025

讚讚您感謝您✨｜風雨無阻讓生命延續生命❤️

即使天氣不似預期，仍然無阻醫護人員為延續生命付出的決心❤️‍🔥。今年8月黑色暴雨☔懸掛的一天， #瑪嘉烈醫院 #器官捐贈服務團隊和醫療團隊謹守崗位，抵住惡劣天氣的挑戰，進行一宗器官捐贈和移植手術，順利完成了一場生命的接力🤝。

早在黑雨的前一晚，天氣已經非常惡劣⛈️，不過 #心臟科的醫護團隊，仍然為捐贈者進行合適性檢查🩺🔍，評估是否適合器官捐贈，這份責任感令人動容。

直至黑雨當日，醫院外風雨交加⚡🌀，經醫療團隊仔細評估後，深信捐贈手術可以繼續安全進行，不同專科的醫護人員🧑‍⚕️均展現高度專業和細心，確保整個捐贈及移植程序穩妥、順利地完成👍。而捐贈者捐出的其中一個肝臟，當天更要在惡劣環境下送往另一間醫院，最終經各方努力，器官安全送達🚑，並順利完成移植手術。

這個延續生命的故事，多虧捐贈者家庭的無私之心💓，我們的醫護團隊信守承諾，安排捐贈家庭與捐贈者好好道別，讓家屬輕輕握住捐贈者的手，低聲道出心底說話。

有賴瑪嘉烈醫院🏥器官捐贈服務團隊，以及 #深切治療部、 #泌尿科、 #腎科、 #神經外科、 #心臟科、 #病理科、 #麻醉科、 #牧靈部等不同部門和專科團隊的堅定信心與專業付出👏，成就這趟充滿愛與溫度的生命延續之旅✨。

這群生命守護者獲瑪嘉烈醫院 #管治委員會主席邱達根先生、九龍西醫院聯網行政總監羅振邦醫生頒發 #九龍西聯網「 #做得好獎🏵️」，表揚他們對捐贈者、捐贈家庭及移植者的細心守護和承擔。

#讚讚您感謝您 #九龍西醫院聯網 #器官捐贈

07/10/2025

聯網消息｜走廊變身中秋畫廊葵涌醫院與院友共度暖心中秋🎑

＃葵涌醫院＃病人資源及交誼中心為咗令病人喺院內都能夠感受到濃厚嘅中秋節日氣氛，早前就喺中心舉辦一系列應節活動✨。住院病人除咗有得玩 #攤位遊戲換領 #月餅同小食🥮，一齊 #猜燈謎💡，仲可以喺走廊欣賞同事用心繪畫嘅作品🖼️。

經過中心走廊，只要細心睇吓每幅玻璃上嘅畫作，就會發現當中蘊含豐富嘅細節！原來負責中心工作嘅註冊護士Echo喺過去一個月利用工餘時間，喺玻璃上畫上多幅唔同風格嘅作品，病人觀賞作品嘅同時亦可以欣賞到玻璃外嘅景色🌳，呢度更成為打卡位📸畀大家影相留念添啊！

佢又特意騰出一塊玻璃作為「期間限定」留言板✍️，等病人可以寫低對大家嘅節日祝賀，分享暖意❤️！

#葵涌醫院 #病人資源及交誼中心 #中秋節快樂

06/10/2025

#活動重溫｜《您好我係》巡迴攤位遊戲🎣 輕鬆玩Game攞禮物🎁

#您好我係👋推廣活動第二擊開鑼！ #九龍西醫院聯網自9️⃣月份開始，喺 #瑪嘉烈醫院、 #葵涌醫院同 #明愛醫院巡迴擺設攤位遊戲🎪，同事輕鬆玩小遊戲嘅同時，亦可以了解到醫護人員向病人主動 #自我介紹嘅好處👍。

正如平時「見面嚟個自我介紹」一樣咁簡單，用3️⃣分鐘玩晒四個攤位遊戲，就會獲贈精美實用嘅禮品包🎁，吸引唔少同事參與。現場亦設有即影即有相機攤位，畀同事拎住特色道具影相留念📸。

踏入金禧周年嘅瑪嘉烈醫院🏥，更喺攤位中融入50周年特色元素✨，同事以一把「荔景好聲音🎶」，讀出院歌《 #關愛在荔景山🎼》歌詞，有部分同事更即席組隊大合唱🎤，非常投入。明愛醫院就特意邀請咗醫生同護士學校嘅同學，分享佢哋喺日常工作中向病人自我介紹嘅親身經歷💬，以及做好自我介紹嘅得著。

#北大嶼山醫院同 #仁濟醫院攤位遊戲🧩將分別喺10月下旬同11月初壓軸登場，大家如果想拎《您好我係》獨家禮品包🤩，記得mark實日子📅，到時嚟玩遊戲喇！

#九龍西醫院聯網 #瑪嘉烈醫院 #明愛醫院 #仁濟醫院 #葵涌醫院 #北大嶼山醫院 #院慶 #醫患關係

03/10/2025

#瑪嘉烈50周年｜草坪花園🏡設計比賽賽果出爐

#瑪嘉烈醫院趁50周年慶🎊，早前舉辦活化 #草坪花園設計比賽，反應非常踴躍，收到22份九龍西聯網同事「您想花園」嘅創作🖌️。經評審委員會委員投票後，最終有6️⃣份作品入圍遴選，詳細介紹設計理念，再由委員選出冠、亞、季軍及優異作品🏆。

冠軍作品🥇嘅設計以幾何線條作為主題，喺保留花園現有植物🌳同花槽嘅前題下，刻劃出♾️同5️⃣0️⃣圖案，增添現代感，同時亦兼顧無障礙♿、環保♻️等要求。

恭喜晒六位得獎者👏！醫院稍後會研究將作品提出嘅設計元素，融入到活化花園🌹🪴嘅最終方案中，期望喺活化工程後提升花園使用率🆙，成為各位同事👨‍⚕️👩‍⚕️及病人一個可以放鬆身心嘅全新悠閒小天地🥰。

#九龍西醫院聯網 #瑪嘉烈醫院 #院慶 #活化草坪花園設計比賽 #明愛醫院 #仁濟醫院 #葵涌醫院 #北大嶼山醫院

02/10/2025

#活動預告｜KWC Chill Talk💬 香港人道年獎得主分享海外救援經歷❤️🛟

#香港人道年獎 2024得主陳志強先生是一名資深急症室護士🏥，近五十年來一直熱心於義工服務及 #海外救援工作，足跡遍佈烽火大地🗺️🪖，為災民和流徙人士進行救助治療，傳揚人道精神。🩺💊
一介凡人之軀，如何身體力行，將仁者之心發揚光大？當中又有甚麽難忘經歷？💭九龍西聯網1️⃣0️⃣月Chill Talk，誠意邀請到陳Sir親臨 #瑪嘉烈醫院🏥，與各位同事分享他的所見所聞，以及用關愛救助生命的種種感悟。💬

KWC Chill Talk 演講嘉賓：陳志強先生
📆日期：2025年10月9日（星期四）
🕒時間：下午1時正至2時正
📍地點：瑪嘉烈醫院 H座7樓演講廳
💻網上直播：ZOOM、家大瑪Plus Facebook專頁

#九龍西醫院聯網 #瑪嘉烈醫院 #仁濟醫院 #葵涌醫院 #北大嶼山醫院 #人道救援

29/09/2025

#聯網消息｜早打早安心💟 齊破流感疫苗迷思💉

「我咁健康大隻使乜打針啊！」💪
「上年咪打咗囉，今年又要打？」🤔
「打完針病得仲金喎！」😷

嗱嗱嗱！眾所周知，一旦感染流感病毒，唔單止會導致 #嚴重併發症，甚至增加 #死亡風險⚠️。為咗保護自己同家人👨‍👩‍👧‍👦，當然唔可以掉以輕心，要盡快接種 #流感疫苗啦💉。今年嘅員工季節性流感疫苗注射計劃已經展開啦！同事接種流感疫苗唔單止可獲得小禮物一份🎁，仲可以參加九龍西醫院聯網大抽獎添啊🎉。

今次就夥拍 #明愛醫院及 #瑪嘉烈醫院醫護同事👩‍⚕️👨‍⚕️，一齊為大家破解接種流感疫苗嘅迷思，了解及早打針嘅好處。即刻去片啦🎬！

重溫「KWC季節性流感防疫注射計劃」影片👇🏻
https://www.youtube.com/watch?v=t211RGyQaH0&list=PLQ8SsXSJIXQ937HpI0_PwQuN6Hoy2pZK1&index=1

#九龍西醫院聯網 #早打早安心預防流感侵

Address

九龍荔枝角瑪嘉烈醫院道2-10號
Hong Kong
100014

Website

facebook.com

Alerts

Be the first to know and let us send you an email when 家大瑪 PLUS - 九龍西醫院聯網員工Channel posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 家大瑪 PLUS - 九龍西醫院聯網員工Channel:

Shortcuts

Want your practice to be the top-listed Clinic in Hong Kong?