HealthyU 健康大學堂

02/04/2026

【復活節健康加油站💪 健康大學堂爲您打氣🏃‍♀️✨】

復活節快樂！❤️健康大學堂祝願各位度過一個健康又愉快嘅復活節假期。🌷

嚟緊5月份會有更多精彩嘅活動陸續登場，大家記得留意有關「全民關注血壓月 2026」嘅活動消息喇！✨

健康大學堂會繼續同大家一齊守護健康，希望每個人都可以活出精彩人生！💪🏻

#復活節快樂 #身體健康 #健康大學堂 #健康生活

20/03/2026

【以科技檢測牙齦炎 | 大學堂現場版精華片段】

隨著科技嘅進步，口腔健康嘅檢測方法亦變得越來越先進。你又知唔知道，牙齦炎係全球最常見嘅口腔疾病之一？原來及早檢測同治療對於預防嚴重嘅口腔健康問題和整體身體健康至關重要呢！

今次健康大學堂邀請到香港預防齒科學會主席 #陳慧玲牙醫，以及宏弇科技有限公司行政總裁 #周俊宏先生，詳細解釋牙齦炎成因，並帶來如何預防嘅專業見解，更同大家分享如何利用最新科技去檢測牙齦炎，幫助您更好地了解自己嘅口腔健康狀況。

想知道如何掌握口腔健康秘訣 ？即刻撳入片睇下啦！👇🏻
https://youtu.be/QnjnSVyQbaQ

參加我們的健康大學堂成為會員更可享有特權，網上重溫講座內容!

#健康大學堂 #健康秘訣 #牙齒健康 #健康講座 #健康生活 #長者健康 #健康知識

隨著科技嘅進步，口腔健康嘅檢測方法亦變得越來越先進。你又知唔知道，牙齦炎係全球最常見嘅口腔疾病之一？及早檢測同治療對於預防嚴重嘅口腔健康問題至關重要！今次健康大學堂邀請到香港預防齒科學會主席 #陳慧玲牙....

13/03/2026

【中藥知多啲——牛膝篇】

上次【中藥知多啲】爲大家介紹了中醫常用的平肝潛陽藥「石決明」。今次會爲大家介紹中醫常用的活血化瘀藥——牛膝。

牛膝的主要功效包括：
活血化瘀，通經止痛：
用於瘀血阻斷引起的經痛、閉經、跌打損傷、關節疼痛
改善血液循環，輔助治療心臟、腦血管疾病
補肝腎，強筋骨（懷牛膝）：適用於腰膝酸軟、骨質疏鬆、風濕麻痺痛，特別適合中老年人肝腎不足者。
引血下行，降火降壓：適用於肝陽上亢、陰虛火旺型高血壓，緩解頭暈、頭痛、臉紅耳赤等症狀。
抗炎、抗氧化：對關節炎、動脈硬化有一定改善作用。

在降血壓方面，牛膝萃取物具有擴張血管、利尿及調節腎素-血管張力素系統的作用，能降低血管周邊阻力及減少血液容積，間接輔助降血壓。其降壓效果較溫和，適合早期高血壓或與西藥合用，不能取代降血壓藥。

⚠️注意⚠️
⚠️川牛膝（活血強）→ 適合瘀血型高血壓、經痛、關節痛
⚠️懷牛膝（補肝腎強）→ 適合肝腎不足型高血壓、腰膝酸軟
⚠️禁忌人群：
孕婦禁用（活血作用可能引起流產）
低血壓、月經過多者慎用
脾虛便溏（易腹瀉）者不宜長期服用

如有健康問題，建議諮詢專業中醫師或專業醫生。

#中藥 #中醫 #牛膝 #飲食 #健康大學堂 #健康 #飲食貼士

07/03/2026

【圓滿結束｜以科技檢測牙齦炎 感謝各位參與！】

多謝各位朋友支持今次「以科技檢測牙齦炎」講座！你哋嘅參與，等我哋見證到大家對健康管理嘅重視！

特別感謝陳慧玲牙醫及周俊宏先生嘅分享，為大家分享預防口腔健康嘅專業見解，以及透過利用最新科技去檢測牙齦炎，幫助大家更清楚地了解自己嘅口腔健康狀況！

錯過今次講座嘅朋友唔使擔心！健康大學堂未來仲會繼續為大家帶來更多優質講座！稍後仲會有講座精華重溫！記得留意我哋嘅最新動態！

想第一時間收到最新活動資訊？
🔔追蹤我哋Facebook專頁
📲下載HealthCap拍健手機應用程式
🙋🏻加入健康大學堂會員

再次感謝各位嘅支持！
願大家都可以喺忙碌嘅生活中，找到屬於自己嘅一片寧靜天地！

#健康大學堂 #健康秘訣 #牙齒健康 #健康講座 #健康生活 #長者健康 #健康知識

25/02/2026

【中藥知多啲——石決明篇】

上次【中藥知多啲】爲大家介紹了中醫常用的平肝息風藥「鉤藤」。今次會爲大家介紹中醫常用的平肝潛陽藥——石決明（即鮑魚的貝殼）。

石決明的主要功效包括：
平肝潛陽：主治肝陽上亢型高血壓，改善頭暈、頭痛、臉紅耳赤、易怒等症狀。
清肝明目：用於目赤腫痛、視物模糊（如高血壓引起的眼底病變）。
鎮靜安神：輔助治療因肝陽上亢導致的失眠、煩躁。

在降血壓方面，石決明作用較溫和，可緩解頭暈、頭痛等症狀，但降壓力度較弱。適合早期高血壓或輔助西藥治療，不能取代降血壓藥物。嚴重高血壓患者仍需以西藥控制為主。

⚠️注意⚠️
⚠️脾胃虛寒（易腹瀉、怕冷）者慎用
⚠️低血壓患者不宜長期服用
⚠️過量服用可能會引起消化不良
⚠️石決明質地堅硬，煎藥時應搗碎並先煮沸30分鐘，再下其他藥物

如有健康問題，建議諮詢專業中醫師或專業醫生。

#中藥 #中醫 #石決明 #飲食 #健康大學堂 #健康 #飲食貼士

25/02/2026

精明飲食+舒適運動 | 大學堂現場版精華片段

喺都市生活中，不健康嘅日常習慣往往令我們忽略咗身體嘅真正需要。事實上，健康並不等同於節食或完成高強度訓練。究竟點樣做先可以幫到自己呢？

今次健康大學堂 #蔡錦輝教授 同大家分享咗近期熱話嘅營養資訊，以及安排咗營養小教室介紹2026年最新嘅食物金字塔以及得舒飲食。另外，我們亦邀請到多元化綜合體適能教練 #陳曉杰教練，為大家深入剖析運動對健康嘅影響同帶領大家練習日常實用嘅簡單運動！

想知道如何建立輕鬆嘅健康生活模式 ？即刻撳入片睇下啦！👇🏻
https://youtu.be/ctJVt7jMNPI

參加我們的健康大學堂成為會員更可享有特權，網上重溫講座內容!

#健康大學堂 ＃健康秘訣 ＃運動 ＃飲食健康 ＃健康講座 ＃健康生活 #長者健康 ＃健康知識 #輕鬆運動

喺都市生活中，不健康嘅日常習慣往往令我們忽略咗身體嘅真正需要。事實上，健康並不等同於節食或完成高強度訓練。究竟點樣做先可以幫到自己呢？ 今次健康大學堂 #蔡錦輝教授 同大家分享咗近期熱話嘅營養資訊，以及安.....

20/02/2026

【以科技檢測牙齦炎】

隨著科技嘅進步，口腔健康嘅檢測方法亦變得越來越先進。你又知唔知道，牙齦炎係全球最常見嘅口腔疾病之一？🦷😲及早檢測同治療對於預防嚴重嘅口腔健康問題至關重要！😎

今次健康大學堂邀請到香港預防齒科學會主席 #陳慧玲牙醫，以及宏弇科技有限公司行政總裁 #周俊宏先生，帶來預防口腔健康嘅專業見解，同大家分享如何利用最新科技去檢測牙齦炎，幫助您更好地了解自己嘅口腔健康狀況。

📝 立即報名，一齊掌握口腔健康秘訣！

📣活動詳情：
主題：以科技檢測牙齦炎
日期：2026年3月7日（星期六）
時間：[已更新]上午10:00~上午11:30
地點：香港中文大學鄭裕彤樓 LT1A (港鐵大學站B出口)
嘉賓：陳慧玲牙醫 (香港預防齒科學會主席)、周俊宏先生 (宏弇科技有限公司行政總裁)
對象：18歲或以上，關注健康的人士
名額：150位（會員將獲優先安排，非會員先到先得，額滿即止）

📌注意事項：
- 成功登記的參加者將會收到WhatsApp或電郵通知確認。
- 如香港天文台於活動當日上午 8 時30分或之後發出八號或以上熱帶氣旋警告信號、紅色或黑色暴雨警告，或出現其他特殊情況導致活動無法正常舉行，活動將取消並另行通知延期安排。
- 「健康大學堂」保留所有最終決定權利。

報名連結：
https://forms.gle/oGK6MXWYEpZynvhU6

#健康大學堂 #健康秘訣 #牙齒健康 #健康講座 #健康生活 #長者健康 #健康知識

17/02/2026

【新一年，為健康加油！健康大學堂陪住你繼續守護健康！🏃‍♂️💪】

農曆新年快樂！🧧✨ 健康大學堂祝各位新年行大運，龍馬精神！

大家過年都會食好多好嘢！但記住要適可而止，等自己開心過年之餘，都唔好太過放縱喎～以下幾個小貼士送俾大家：

🔸 飲食要適量，唔好一次食太飽
🔸 每日飲6-8杯水，有助消化同排毒
🔸 抽空做運動，保持身體健康
🔸 早啲休息，唔好熬夜打麻雀啊
🔸 保持好心情，笑住迎接馬年！

新一年，健康大學堂會繼續同大家一齊守護健康，希望每個人都可以活出精彩人生！💪🏻

祝願大家：
🌟 身體健康
🌟 平平安安
🌟 心想事成
🌟 馬年大吉

#馬年行大運 #身體健康 #新年快樂 #健康大學堂 #健康生活 #農曆新年

11/02/2026

【中藥知多啲——鉤藤篇】

上次【中藥知多啲】爲大家介紹了傳統中醫常用的中藥材「天麻」。今次會爲大家介紹中醫常用的平肝息風藥——鉤藤。

鉤藤的主要功效包括：
平肝息風：對於肝陽上亢引起的頭暈目眩、頭痛及抽搐等症狀有良好療效。
清熱定驚：輔助治療高熱驚厥、小兒驚風，具有鎮靜抗驚厥作用。
降血壓作用：現代研究證實，鉤藤中的生物鹼能藉由擴張血管、抑制鈣離子通道等機制降低血壓。
改善腦循環：可增加腦血流量，對缺血性腦損傷有一定保護作用。

在降血壓方面，鉤藤的生物鹼成分透過降低血管平滑肌週邊阻力，進而有助於降血壓。然而其作用較溫和，無法取代降血壓藥物，尤其對嚴重高血壓患者需聯合治療。 適合作為輕症輔助治療或改善高血壓症狀。

⚠️注意⚠️
⚠️鉤藤性涼，脾胃虛寒（易腹瀉、怕冷）者慎用
⚠️少數人可能出現心跳減慢、胃腸不適，長期大量服用需謹慎
⚠️與降血壓藥合用可能增強降血壓效果，需要監測血壓避免低血壓情況出現

如有健康問題，建議諮詢專業醫生。

#中藥 #中醫 #鉤藤 #飲食 #健康大學堂 #健康 #飲食貼士

07/02/2026

【精明飲食+舒適運動】

多謝各位朋友支持今次「精明飲食+舒適運動」講座！你哋嘅參與，等我哋見證到大家對健康生活嘅重視！

特別感謝蔡錦輝教授團隊及陳曉杰教練嘅分享，為大家分享2026年最新飲食指南，同帶領大家練習簡易運動，幫助大家輕鬆建立健康生活模式！

錯過今次講座嘅朋友唔使擔心！健康大學堂未來仲會繼續為大家帶來更多優質講座！稍後仲會有講座精華重溫！記得留意我哋嘅最新動態！

想第一時間收到最新活動資訊？
🔔追蹤我哋Facebook專頁
📲下載HealthCap拍健手機應用程式
🙋🏻加入健康大學堂會員

再次感謝各位嘅支持！
願大家都可以喺忙碌嘅生活中，找到屬於自己嘅一片寧靜天地！

#健康大學堂 ＃健康秘訣 ＃運動 ＃飲食健康 ＃健康講座 ＃健康生活 #長者健康 ＃健康知識 #輕鬆運動

05/02/2026

【食物種類知多D-蔬菜及水果篇】

上次同大家分享咗健康飲食金字塔穀物類嘅小貼士，今日就想同大家介紹一下健康飲食金字塔入面另一個重要嘅部分——蔬菜類同水果類。

蔬菜類提供纖維、維他命、礦物質及抗氧化物，能夠增強我哋嘅抵抗能力。而蔬菜中嘅纖維素會令人有飽肚嘅感覺，亦有助預防便秘。因此喺日常飲食中進食足夠嘅蔬菜係非常重要嘅。

至於水果含有豐富嘅纖維素同維他命，亦有助於增強身體嘅抵抗力。不過，值得注意嘅係，水果中含有較高嘅果糖，過量攝取會導致肥胖以及血糖急升嘅問題。所以進食時記住留意份量啊！

想了解其他食物類別嘅資訊，記得留意之後嘅貼文分享啊！
HealthyU會員可登入HealthCap拍健(加強版)瀏覽更多資訊！

#蔬菜及水果 #飲食貼士 #飲食 #健康大學堂 #健康 #健康飲食金字塔

30/01/2026

🤔破解周邊血管疾病的迷思 | 健康大學堂 | 小學問

周邊⾎管疾病是指發⽣在⼼臟或⼤腦以外的⾎管問題，多數由⾎管阻塞或血管功能異常引起。如果沒有及時處理，可能會導致截肢和其他殘疾性傷害的嚴重後果！😨

今集健康大學堂就請來 香港中文大學醫學院心臟血管內科 #譚廣明教授 在這段影片中為您提供最專業的建議，幫助您了解周邊血管疾病的徵狀、風險及應對方法。不要錯過這段有價值的分享！✨

立即觀看，了解如何健康應對周邊血管疾病！
https://youtu.be/RW1zslmQ818

#健康大學堂 #健康秘訣 #周邊血管疾病 #血管阻塞 #健康講座 #健康生活 #長者健康 #辦公室運動 #久坐族

周邊⾎管疾病是指發⽣在⼼臟或⼤腦以外的⾎管問題，多數由⾎管阻塞或血管功能異常引起。如果沒有及時處理，可能會導致截肢和其他殘疾性傷害的嚴重後果。今集健康大學堂就請來 香港中文大學醫學院心臟血管內科譚廣明.....