聖賢堂中醫診所

16/10/2025

一句講晒：
退熱貼安眠大法，係有啲道理嘅！

針灸近尾指嘅少府穴，有清瀉心火嘅療效。
而退熱貼，都做到類似嘅清火安神功效。
可以紓緩心火盛❤️‍🔥、胸悶、煩熱🥵等症狀，自然會瞓得好啲！

手指尾，其實就正正喺手少陰心經嘅位置（左右手都有）🤙🏻
手少陰心經主理「血脈」同「神志」❣️
適當嘅針灸、按摩、推拿，都有助調理心神。

12/10/2025

去咗聖賢堂新診所拍嘢，我嘅感覺係…太新淨✨又太光猛💡喇！仲有啲cute cute公仔🧸喺度，太唔似中醫診所喇！應該要有少少藥粉味🌿、凌亂先得㗎嘛！咁舒服，拍劇場景咩🎬！

新診所嘅位置：青山道2號保安樓E及G舖📍 人嚟！同我用舊佢！！

09/10/2025

正式宣布：聖賢堂元朗診所，搬舖喇🙌🏻

新舖落地，係元朗大馬路尾嘅地舖。
地址係：青山公路2號元朗段 保安樓E及G鋪📍
開放時間：星期一至日 10AM-7PM （星期四設夜診至8PM）

即係加點Yoho Plus旁邊，舊Pizza Box位置，喺舊診所對面馬路🚶🏻🚶🏻‍♀️
元朗站C出口天橋，5分鐘直達！

天橋上面就可以睇到我哋診所招牌喇👋🏻
BTW，終於可以告別豪景嘅舊電梯…🫢

聖賢堂第一間地舖，唔知大家又點睇呢？
留言話我哋知啦🫶🏻

08/10/2025

💪🏻

#聖賢堂中醫診所 #愛心捐贈
親愛的中醫哥哥，姑娘姐姐：
我小亨曾經喺船上生活，後來因漁民轉行不能再養，被人發現在街上流浪，由隊長救起，一直在基地生活，現在已經10歲啦。
基地寶寶大部份已經超過10歲，醫療同處方糧嘅負擔越嚟越重，多謝《聖賢堂中醫診所》捐助基地🙏🏻基地先可以維持寶寶們嘅生活質素，同喺適當嘅時候得到醫治😇願各位好心人平安

🐶小亨同基地寶寶及流浪動物敬上
——————

#救援工作 #醫療及復康照顧 #請支持本會工作 #小團體大大愛 #志永基地 #愛浪奇蹟領養中心 #關愛動物復康犬舍

20/09/2025

買蟲草，都有好多學問。
唔細心研究，有機會被人呃而買錯種子…😂

蟲草嘅功效雖然多，但都要睇清。
唔係人人都啱食㗎🙅🏻🙅🏻‍♀️🙅🏻‍♂️

蟲草，有補肺止咳、壯陽益腎嘅功效。
甚至有現代研究指，蟲草可以提升免疫力💪🏻

但對於孕婦、兒童、自身免疫力病患者、癌症病患者等，蟲草就未必係補品喇🥺
更甚者會出現副作用，包括：腸胃不適、過敏反應、增加肝腎代謝等。

最好，都係喺進補之前問問醫師，以及注意服用嘅劑量喇👍🏻

12/09/2025

女人一世至少要嚟幾多次M？🩸最少420次！
每次嚟一個星期，呢度講緊成3000日！🥲

共你M Come三千天，如果每次都痛到死去活來...點得㗎😭
快啲嚟聖賢堂調理好身子，同大姨媽做個好朋友啦～

任何經期異常問題，都值得關注。
經痛，經期唔準，經月量多量少，經期頭暈等等等等...
無論係大大小小嘅問題，聖賢堂醫師都會幫你用心調理。

每月都要捱幾日？一日都嫌多！
提前調理好身子，唔好令月事變成折磨事～
快啲預約聖賢堂，讓專業的來❤️

02/09/2025

感冒一般唔難醫！
但有時候個難度，就係難喺病人亂食中成藥😮‍💨

四時感冒，會按照季節同病人體質，有唔同治理方案。
未明確斷症，胡亂服藥，有機會令病情惡化。

病向淺中醫，身體唔舒服就快啲向醫師求診啦👨🏻‍⚕️👩🏻‍⚕️
聖賢堂醫師比你更了解你身體，為你對症下藥，自然藥到病除。

06/08/2025

熱！日日都好L熱！🔥🔥
無嘢好得過衝返屋企，直吹冷氣，再瘋狂飲凍嘢。
再一個人啪埋一個西瓜…

⚠️小心！如果你都係咁，有機會中暑⚠️
夏天戶外溫差大，身體高速一熱一凍，寒邪容易入侵。
體內熱氣未能透過排汗排出，加上過量服用生冷食物，就好易中「陰暑」。
陰暑會引發嘔心、腹瀉，點估到吹冷氣都會吹到中暑吖🫢

消暑其實好簡單！記得食清熱解暑食物，食得清淡同注意溫差呀🫶🏻

24/07/2025

徐醫作為利迷，自己愛隊嘅水當然自己抽返。

病人睇症治療嘅路，有長有短。
但當大家需要協助嘅時候，聖賢堂一路都會伴你同行🫶🏻

開心嘢一齊分享，壓力事一齊分擔。
就好似利物浦嘅精神 You Will Never Walk Alone一樣！

（今晚睇練波，有無人相認？😂）

18/07/2025

感謝5年來嘅支持…
聖賢堂能夠走到今日，多得各位嘅同行。

5年間經營成本不斷上升，舖租加、藥物成本加、人事成本加…聖賢堂不得不作出呢個艱難嘅決定。

今日宣布，聖賢堂需要告別！
告別服務咗大家5年嘅收費表。

由本月20日起，聖賢堂將有輕微價格調整，調整如下：
每日藥費 80＞85 （+5蚊）
診金 100＞110 （+10蚊）
針灸 300＞320（+20蚊）
聖賢堂依然堅持，貴重稀有藥材不另收費。

希望大家可以繼續支持聖賢堂。
我哋會繼續用專業、真誠服務大家。