07/02/2023
【威大夫診室見聞錄——有主見】
今日有個睇頸椎病人，因頸肩痛四處求醫，朋友介紹哪裡好就到哪裡睇醫生，香港大陸都睇不少，當然今次都係朋友介紹睇威大夫
病人講：我上樓梯容易氣喘，上一個醫師話“睇你行路就知你有心臟病”，嚇到我立即去檢查心臟，結果一點事都無，其實我唔帶口罩就無氣喘的，唔知算唔算有問題
行醫需要有醫德和醫療責任，每個診斷都要有依據，不能信口雌黃來恐嚇病人，故弄玄虛。相傳古代醫聖扁鵲得到神人傳受醫術，能用肉眼隔牆都能看見有人，一看身體就能知道五臟的癥結在哪，讀大學時大家都稱之為X光眼。事實現代X光都唔夠扁鵲犀利，X光只照到骨頭和肺部的問題，應該要用透視眼或者未來科技來形容扁鵲對眼。現在看來，故事視乎把中醫加上很多神秘色彩。現今中醫要得到尊重，不是靠「口術」，要達到「德術兼備」，需要經過千錘百煉。現今醫學診斷都講求實證，今時今日中醫都要學現代醫學技術，識得睇西醫的檢查及化驗報告，來幫助診斷，達到更客觀和準確。可能有不少人對中醫的認識仍然停留在古老及神秘的醫學，簡單地用一個”玄”形容。最後，大夫同病人講，都係比較相信心電圖和驗血結果。至於上樓梯氣喘可以換個舒適少少的口罩，或者多做帶氧運動，問題就會解決。
今次病人因為醫頸椎病及手麻痺，之前睇的醫師針灸太痛，而且還針了數十次都“效果麻麻”，針到怕怕了，今次想直接做頸椎牽引，不做針灸。威大夫有時對於病人的治療經過都感到很無奈，他們睇好多醫生都睇唔好，開始對醫生的治療失去信心，覺得上一個醫師做過針灸無效，所以針灸治療對她就一定無效，有這種想法的病人已經遇到不少。每次只好耐心跟他們解釋，針灸手法眾多，每一位醫師都不會全部掌握，唯有跟隨醫師最擅長的治療方法，才能達到最理想的效果。如果有效，2-3次已經見效，無效就算做100次都無效，要及早轉醫生。
結果，因為之前的恐懼仍未消除，大夫唯有轉用拔罐及推拿幫她放鬆肌肉，再進行頸椎牽引，做完治療就明顯覺得症狀減輕了。
大夫行醫睇症好怕遇到那些先入為主的病人，他們會帶著“主見”來看病，例如覺得自己一定是某某病，一定要做某某治療才有用，甚至一定要用某某藥才可以。遇到他們，讓大夫不禁想起實習的場景，上級主任醫師會一直說以上的話，我們實習生就在電腦做記錄和幫手治療。現在，如果患者用自己的“主見”要求醫師怎樣怎樣做，豈不是想醫師像實習生一樣醫治自己？定係大夫做返你嘅主診醫師角色比較好？
大夫行醫還是要不停學習，多學點方法傍身，萬一病人話做過所有大夫所識得的治療方法都無效，豈不是要放棄治療？
#小小故事
#威大夫
#診室見聞
#做到退休都仲學緊
