04/07/2023
【講緣份你諗起邊段回憶?】
前幾日起menclub見到呢個Post﹐兩個人相遇﹐你鍾意我﹐我鍾意你﹐呢啲先叫緣份。認同啲有80% 如果你問我﹐其實我都好認同﹐因為我鍾意你﹐但到最尾你唔鍾意我﹐呢啲叫做單戀、暗戀、苦戀。
講起緣份﹐安妮係我一個朋友﹐有一次佢因為感情事飲到好醉同我講過「緣份緣份﹐其實你知唔知緣同份係兩回事黎架?」有緣﹐大家可以相遇到﹐但係當你鍾意佢但係佢對你冇意思一齊唔到﹐呢啲叫有緣無份,因為你地之間唔存在名份。我聽落又好似幾有道理…
佢覺得緣份呢家野好恰人﹐或者咁講感情根本就係好恰人。因為如果係事業金錢都係人同事﹐但係感情係人對人。人本身就係變幻莫測﹐變得快過天文台。當你以為對方對你都有好感﹐sorry 你諗太多。當你以為你地目前曖昧緊可以坐定粒六﹐sorry 你諗得太少。我地細個加減數1+1答2一定係岩﹐但自從學識待人接物、人生第一次心動嘅時候開始知道﹐原本1+1都可以等於零。工作只要有努力就可以有回報﹐但係感情唔係。
我經常為客人用奇門遁甲去分析感情發展、甚至有冇緣份、解決答情難題﹐其實每一次幫你地開盤都會好似身置其中咁﹐會為你地感到開心、成功甚至係失落遺憾…好多人問感情都會問「師傅我個case係咪最worse果個哈哈?」我冇異議﹐因為咩case都好﹐有感情煩惱就會令人好傷神。
如果講緣份你又會鉤起你邊段關係回憶呢?
【講緣份你諗起邊段回憶?】
