19/09/2025
大家近兩個月月經有遲黎嗎?
或者有冇朋友月經遲左好多到呢
月經係血積聚在子宮，一段時間之後排出。
血係用腸胃吸收既養份去營造出來，
血聚去子宮都係一個將血向下、向入收藏既過程。
今年天氣偏離常態，熱得過份，
而熱會令身體能量、血都向外向上散發，
所以其實係會不利月經、不利血的積聚。
當然唔係每一個女仔都會月經遲啦，
但係如果本來就傾向遲、又或者血量好少的話，
遇上今年既天氣就好大機會受影響。
平時我都好少睇月經遲黎的病人，
一來我男仔，二來我冇表明自己屬婦科，
8-9月我竟然睇左5個月經遲左兩個月有多的病人，
有一個係40歲但停左6個月月經的。
最近終於到「收成期」，病人覆診時都話已經有返月經
多數都排出暗紅甚至啡色的血，
好似d血被燒焦左咁
天氣越熱，身體就越需要放慢，先唔會熱到血都燒乾呀
保持夠休息，忍下悶啦
心浮氣躁既時候接受好多時想學習事情都好難投入享受到，
用刺激玩意又容易令人更加浮躁。
而且好快就會轉變過黎，身體重拾活力架啦
