27/09/2024
膝關節退化就要即刻做手術？唔一定！
呢位病人喺今年4月時坐咗幾個鐘後就開始膝頭痛，情況逐漸惡化，關節開始彎曲，拎拐杖行一條街都需要休息兩三次。
試過睇跌打、中醫，但作用不大。見骨科醫生時，醫生話：「你關節彎曲得好嚴重，需要做手術換膝關節！」
佢好怕做手術，機緣巧合下經朋友介紹7月底黎搵我，第一眼見到時，的確似喺嚴重關節退化。不過詳細問診後發現佢4月前關節喺可以伸直，行路唔需要拐杖，病理學黎講唔應該退化得咁快。再者，檢查時發現膝關節coronal plane/兩側變形程度唔算嚴重，關節內應該都喺軟骨磨損，未嚴重到骨頭磨骨頭，關節唔應該咁痛（可以睇返我之前嘅post解釋軟骨磨損未必會痛），反而關節附近嘅筋膜好緊，似喺筋膜軟組織嘅問題。
3-4次治療後，膝關節已經明顯變直。治療多一個月後行路可以唔用拐杖，依家可以如常出街飲茶。最開心喺醫生話唔洗做手術！
人工膝關節有其使用壽命，有機會因為鬆動或磨損等原因而需要再做一次。假如太年輕時就做，可能到80幾歲時就需要換多一次，但當時嘅身體容許我地進行呢個大手術嗎？有問題應適時求醫，唔好俾問題惡化。加上平時妥善保養自己嘅身體，咁先喺最佳方法！
備註：內容已得病人同意發佈
如果你覺得有用就share/tag朋友啦！
有問題可在下方comment或者DM📩
#物理治療 #膝痛 #痛症 #運動 #行山 #深蹲 #關節退化
