中醫動 HACMK

20/01/2026

今日係大寒🌬，係廿四節氣中最後一個節氣，代表冬季就快過去，春季🌸亦都唔遠喇。呢段時間我哋都要繼續貫徹冬季養生嘅原則，除咗早睡😴晚起，輕量運動外🏃‍♀️，臨瞓前可以熱水浸腳，促進血液循環，提升睡眠質素，對預防腳冷同防病保健都有益處。有心腦血管疾病或呼吸系統疾病嘅朋友記得要特別注意保暖🧥，避免凍親引起病發。飲食方面，可以多進食具有升散性質嘅食材，例如紫蘇葉、薑、蔥等，適當進食少許辛辣嘅食物，除咗有助防禦風寒邪氣嘅侵擾，亦為春天嘅來臨做好準備。想知更多有關「大寒」的資訊，可以瀏覽中醫動嘅網站👇👇👇:
https://cmk.ha.org.hk/information-index/news/solar_terms/%E5%A4%A7%E5%AF%92

05/01/2026

話咁快到咗小寒節氣，最近冷鋒又殺到🥶，早晚溫差明顯，偶然仲會寒風陣陣吹埋嚟🌬️，出街記得戴條頸巾🧣、著返件長外套🧥，保護好條頸同個身，避免風邪同寒氣入侵💪。除咗保暖防寒，飲食方面可以食多啲黑豆、桂圓、核桃等滋補食材；如果體質適合，仲可以適量食啲生薑、羊肉等溫補嘅食物👍，有助驅寒暖身。呢段時間寒氣積聚，人體陽氣潛藏，正正係養返好精神、打好身體底子嘅好時機🌟。喺新一年，不妨多啲進行輕鬆嘅運動，好似散步、耍太極或者喺陽光下舒展筋骨🌞，加強氣血運行，精神狀態都會更好㗎🥳。

30/12/2025

【元旦假期18區中醫診所服務安排】
18區中醫診所將會喺元旦假期（2026年1月1日）休息 ，詳情請留意 👉https://cmk.ha.org.hk/services/notice/on-the-new-year-holiday-2026

新嘅一年就快到啦，小編喺度先祝願大家新年快樂🥳，身體健康💪！

24/12/2025

由電子健康系統統籌處舉辦的「醫健通 - 中醫藥發展新時代」網絡研討會已於2025年12月17日(星期三) 圓滿舉行。

研討會旨在協助各位中醫同業掌握醫健通的最新發展，以及了解中醫師於醫健通可取覧範圍擴展至其他醫療資料的具體安排。各位中醫師如未能參與當日直播或有意重溫研討會內容，歡迎瀏覽研討會的簡報及重溫短片。
https://www.ehealth.gov.hk/tc/healthcare-provider-and-professional/resources/training-and-seminars/eHR-training/2025-12-17-webinar-on-new-era-in-ehealth-chinese-medicine-development.html

感謝各中醫同業積極參與醫健通的應用及持續關注中醫藥在醫健通的最新動向，與各業界專業攜手推動醫健通的發展。

如對是次研討會的內容有任何查詢，歡迎隨時聯絡電子健康紀錄中醫項目團隊 (電郵: ec-connect@ehealth.gov.hk )。

#醫健通
#醫承通
#中醫藥紀錄互通
#中醫藥發展

22/12/2025

就快到聖誕啦， 18區中醫診所將會喺聖誕假期（2025年12月25至26日）休息，不過為咗應對市民嘅求診需要，中醫診所亦會於聖誕假期前後（2025年12月24日、27日及29日）加強政府資助中醫門診服務。

求診人士可於中醫診所嘅服務時間致電或使用「18區中醫診所」流動應用程式（適用於曾登記使用18區中醫診所服務求診人士）預約服務。

相關服務安排嘅詳情請留意：👉https://cmk.ha.org.hk/christmas-2025

21/12/2025

冬至係廿四節氣入面最重要嘅節氣之一，俗語講：「冬至大過年」，傳統習俗入面少不免要食碗象徵團圓美滿嘅湯圓。享受美食嘅同時，不妨選取健康養生食材🥳，例如甜湯圓搭配紅棗、桂圓、紅豆等天然食材代替白糖；鹹湯圓就可以適量加入香菇、蔬菜配料，既提升鮮味，又可以減少油脂攝入；腸胃差或有慢性病嘅朋友要留意控制食量，以免影響健康。冬至過後，寒冷天氣或會持續🥶，記得注意保暖🧥，保持規律作息，適量運動。夜晚可以用艾草浸腳，促進血液循環，令身體由內到外都暖笠笠🥰！

另外，冬至係陰氣最盛嘅「三九天」嘅開始，係進行冬季三九天灸療法嘅最佳時機🌟，詳情可以留意我哋早前發佈嘅天灸服務安排👇 ：https://cmk.ha.org.hk/services/notice/winter_tianjiu2025-2026

想知更多有關「冬至」嘅資訊，可以瀏覽中醫動網站👇：https://cmk.ha.org.hk/information-index/news/solar_terms/%E5%86%AC%E8%87%B3

19/12/2025

【歡迎《中醫藥發展藍圖》 推動香港中醫藥發展】

醫院管理局歡迎醫務衞生局公布的《中醫藥發展藍圖》，為香港未來的中醫藥發展制定了全面的路線圖，有助進一步提升中醫藥在香港整體醫療體系中的角色及貢獻。醫管局會全力配合政府推動中醫藥發展政策方向，共同建設香港成為中醫藥走向世界的橋頭堡。

中醫藥是中華文化的重要組成部分，香港在中醫藥發展方面具備獨特優勢，有關藍圖為本港未來的中醫藥發展制定了全面的路線圖，有助進一步提升中醫藥在香港整體醫療體系中的角色及貢獻。

醫管局在過去20多年來一直積極配合政府推動中醫藥發展，包括設立及管理18區中醫診所暨教研中心（中醫診所），推展政府資助中醫門診服務，並設立多項培訓及科研項目，例如透過進修中醫師培訓計劃提升香港年輕中醫師的臨床能力；近年，醫管局亦積極於公立醫院推行中西醫協作項目，相關服務已涵蓋26間公立醫院、共67個指定服務點。

展望未來，醫管局聯同18區中醫診所將繼續提供優質醫療服務，鞏固及強化香港整體中醫服務網絡，令更多市民受惠。

#中醫藥發展藍圖 #中醫藥發展 #醫院管理局 #18區中醫診所

16/12/2025

18區中醫診所暨教研中心（中醫診所）會繼續支援大埔宏福苑居民。相關居民如有醫療需要，可預約政府資助門診服務，並可獲全額醫療費用減免安排，有效期至2026年12月31日。

【中醫支援】為全力支援大埔宏福苑火災受影響居民的身心健康需要💕，中醫義診服務由即日起（12月15日）推出，居民可經全港18區地區康健中心／站安排，接受最多三次免費中醫診症服務，包括按病情需要提供藥物及相關的治療。

另外香港中醫醫院及18區中醫診所暨教研中心亦提供多項中醫服務，全力照顧他們的醫療需要，可按圖了解詳情👀👇🏻

新聞公報： https://bit.ly/4iXvuUr

#大埔宏福苑火災 #中醫義診服務 #香港中醫醫院 #中醫診所暨教研中心 #醫務衞生局

16/12/2025

12/12/2025

【18區中醫診所開展冬季三九天灸服務】

最近天氣開始凍凍哋，18區中醫診所會由下周五（12月19日）起為市民提供三九天灸服務。「三九天」代表冬天最陰盛的日子，喺三九天進行天灸可作為夏季「三伏天灸」嘅補充和延續，加強治療效果，適用於體質虛寒、患有呼吸系統、痛症及腸胃疾病嘅人士，有助減少及預防冬天疾病發作。不過每個人嘅身體狀況都唔同，小編建議大家要先諮詢中醫師嘅意見，評估自己係咪適合接受三九天灸療程。

有需要嘅市民，可以留意吓18區中醫診所嘅冬季三九天灸服務時間表，服務期至下年1月17日。快啲打電話去你就近嘅中醫診所查詢服務安排同預約啦！
各區服務日期：https://cmk.ha.org.hk/services/notice/winter_tianjiu2025-2026

07/12/2025

嚟到「大雪」❄️節氣，天氣會開始又乾又凍，呢段時間係感冒🤧、支氣管炎等呼吸道疾病嘅多發期，大家要注意防寒保暖🧣。大家可以記住兩個「大雪」養生原則：首先係「養陰」，減少過度耗散陽氣，可以選擇較輕鬆嘅運動，例如散步、太極等，尤其適合長者；其次係「去寒就溫」，不宜穿著太厚或太薄，要根據氣溫嘅變化增減衣物🧥。飲食方面，少食燥熱、辛辣🌶️及鹹味食物，多食含有豐富維他命、易消化嘅食材，如合桃、淮山、黑豆、菠菜等。想知更多有關「大雪」嘅資訊，可以瀏覽中醫動網站：👉https://cmk.ha.org.hk/zh-cht/information-index/news/solar_terms/%E5%A4%A7%E9%9B%AA