中醫動 HACMK

Home
Hong Kong
Hong Kong
中醫動 HACMK

醫院管理局中醫部為推動本地中醫服務發展、提升公眾對中醫藥的認識及鼓勵中醫師、醫護人員持續進修，醫管局中醫部設立了一站式的網上學習平台-「中醫動」。

為了提升公眾對中醫藥的認識及配合服務發展，醫管局中醫部開發了一個網上學習平台(https://cmk.ha.org.hk)，方便普羅大眾獲取中醫資訊與及為中醫師、醫護人員提供持續進修機會。

Hospital Authority Chinese Medicine Department (HACMD) has established an online education portal – HACMK (https://cmk.ha.org.hk) to increase the general awareness of Chinese Medicine in society and promote continuous education to Chinese Medicine practitioners (CMPs) and other healthcare professionals using a flexible and interactive approach.

25/07/2025

醫院管理局「四時中醫系列」，會邀請中醫診所暨教研中心嘅註冊中醫師，喺不同季節為大家分享四時養生與調適之道。踏進一年中最炎熱嘅三伏天，正係中醫所講嘅「長夏」季節。呢段時間大地處於濕熱交蒸，令人煩躁，亦容易削弱脾胃代謝水濕嘅功能。今集「長夏篇」同大家分享點樣健脾袪濕，喺盛夏之中增添涼意。與此同時，中醫認為三伏天係全年陽氣最盛嘅時候，進行天灸療法可以防治一啲冬季容易發作嘅痛症、呼吸及消化系統疾病等。😌

22/07/2025

今日係「大暑」，正值「三伏天」入面嘅「中伏」前後，係全年最熱🥵、陽氣最盛☀️嘅時間，亦係中醫保健養生中「冬病夏治」最好時機，喺三伏天透過天灸治療以辛溫中藥貼敷特定穴位，可以達至預防同治療哮喘、風濕痹、慢性氣管炎等慢性疾病嘅效果，詳情可以留意我哋早前發佈嘅天灸療法介紹👉https://www.facebook.com/share/p/18wikjSsZU/。

天時暑熱難免一身汗💦，但要盡量避免大汗淋漓就直接吹風扇或冷氣，否則好易受風寒之邪侵襲導致感冒或頭暈㗎。飲食方面，可以進食一啲有助消暑嘅食品，例如西瓜🍉、仙草、龜苓膏等，具有清熱、消暑、解渴嘅功效，不過要記住飲食要節制，以免損害脾胃。想知更多有關「大暑」嘅資訊，可以瀏覽中醫動網站：👉https://cmk.ha.org.hk/zh-cht/information-index/news/solar_terms/%e5%a4%a7%e6%9a%91

19/07/2025

因應天文台發出八號熱帶氣旋警告信號，我哋18區中醫診所會喺警告信號生效期間暫停服務，「18區中醫診所」流動應用程式嘅預約服務亦會即時停止。
有關18區中醫診所喺警告生效時嘅服務安排，詳情可以喺呢度睇到：https://cmk.ha.org.hk/zh-cht/services/notice/AdverseWeatherArrangement

大家要留意最新天氣消息，注意安全呀！

17/07/2025

「大灣區中醫訪問學者」主題研討會🎉
新一期網上研討會將於7月31日（星期四）舉行，我哋好榮幸邀請到廣東省中醫院腫瘤科何春霞副主任醫師，向大家分享中西醫協作治療腫瘤科病人嘅經驗。講座費用全免，出席嘅註冊中醫師仲可以獲1分進修學分，好歡迎各位中醫師、醫護同業報名參與🙋🏻♀️🙋🏻♂️🙋🏻！

講座名額有限，快啲去以下網址報名啦👇🏻
https://ha-org-hk.zoom.us/webinar/register/WN_IMPX3hnjTXm9P-nSBSGMCw #/registration

#大灣區中醫訪問學者計劃
#中醫專家
#中西醫協作
#腫瘤科
#中醫研討會

11/07/2025

【18區中醫診所開展夏季三伏天灸服務】

今年夏季，18區中醫診所會喺7月19日至8月20日期間為市民提供三伏天灸服務啦!

天灸治療已經有千年歷史㗎啦~ 喺中醫理論裡面，夏季「三伏天灸」會根據傳統曆法嘅二十四節氣計算，喺夏季最熱🔥同陽氣☀️最盛嘅時間進行，以達至預防同治療疾病嘅效果。「三伏天灸」分為初伏、中伏同末伏，三伏為一個療程。每次都會利用辛溫中藥貼敷喺特定穴位，補益人體陽氣，特別適用於體質虛寒、患有呼吸系統、痛症及腸胃疾病等人士，有助減少及預防冬天疾病發作，以達到「冬病夏治」嘅作用。不過每個人嘅身體狀況都唔同，所以小編建議大家要先諮詢註冊中醫師嘅意見，評估咗自己適唔適合進行天灸服務先呀。

有需要嘅市民，可以留意吓18區中醫診所嘅夏季三伏天灸服務時間表。快啲打電話☎️去你就近嘅中醫診所查詢服務安排同預約啦！
各區服務日期:👉 https://cmk.ha.org.hk/services/notice/tianjiu2025

#18區中醫診所 #三伏天灸 #天灸
#中醫治未病

07/07/2025

踏入「小暑」，表示夏季嘅炎熱天氣正式開始。小暑時節，氣溫較高，特別係正午時分，陽光直射☀️，容易令身體吸收過多暑氣，流失較多水分和鹽分導致中暑，因而要避免長時間暴露喺烈日底下。如需進行戶外活動，應盡量選擇朝早或傍晚時分，仲要做好防曬措施，適當時間補充水份💦。夏季炎熱嘅天氣亦會令人體容易出現疲勞、失眠、心神不寧嘅情況，所以應有充足嘅睡眠😴去增強免疫力💪，以更好嘅狀態應對酷暑。飲食方面，建議以清淡為主。喺傳統嘅民俗中，小暑節氣有三寶：黃鱔、蓮藕同綠豆芽。黃鱔可以補血益氣；蓮藕可以生津養脾胃；而綠豆芽就有清熱解毒嘅功效。同時間大家亦要注意，切勿進食過多生冷食物，令脾胃損傷。想知更多有關「小暑」嘅資訊，可以瀏覽中醫動網站：👉
https://cmk.ha.org.hk/zh-cht/information-index/news/solar_terms/%E5%B0%8F%E6%9A%91

27/06/2025

全港18間中醫診所暨教研中心將會喺香港特別行政區成立紀念日公眾假期（2025年7月1日）休息，詳情請留意：👉https://cmk.ha.org.hk/hksar-establishment-day-2025

21/06/2025

最近天氣悶熱又潮濕，原來已經到左「夏至」。呢個節氣代表自然界嘅陽氣升發到極致，亦係一年之中日照時間最長嘅日子。夏至期間天氣炎熱🥵，人體出汗增多，容易熱瀉或上火🔥，應避免進食過量生冷食物及凍飲🥤，以免引起腸胃不適，建議多吃清淡、清熱嘅食物，例如綠豆湯、冬瓜湯、清蒸蔬菜🥬等。夏至之後陽光充足，係戶外活動嘅好時機，不妨同屋企人、朋友一齊外出活動，享受大自然嘅美好，令心情舒暢😊。平日就建議選擇溫和適中嘅運動，避免過度消耗體力。想了解更多夏至養生貼士，可以瀏覽中醫動網站：👉https://cmk.ha.org.hk/information-index/news/solar_terms/%E5%A4%8F%E8%87%B3

05/06/2025

話咁快就到「芒種」，意味住仲夏時節正式開始。呢個時節天氣炎熱🥵，降雨量充沛🌧，空氣潮濕，悶熱天氣下容易出現精神困倦、疲憊乏力、心煩氣躁嘅情況，同時要小心避免中暑。芒種時節亦係季節性疾病及傳染病嘅高發期，要注意增強體質，有充足嘅睡眠，同時亦要著重精神上嘅調養，保持心情輕鬆、愉快😊，令氣機宣暢。持續潮濕悶熱會影響脾胃運化功能，令消化功能同食欲下降，飲食宜清淡，可以選擇啲易消化、清涼嘅食物，如苦瓜、青瓜🥒、生菜🥬、蓮子心、蕎麥等，有助消熱袪濕。想知更多有關「芒種」嘅資訊，可以瀏覽中醫動網站：👉
https://cmk.ha.org.hk/information-index/news/solar_terms/%E8%8A%92%E7%A8%AE

30/05/2025

醫院管理局「四時中醫系列」，會邀請中醫診所暨教研中心嘅註冊中醫師，喺不同季節為大家分享四時養生與調適之道。
近日氣溫與濕度開始上升，來到初夏時節，陽氣升發，濕熱之氣逐漸聚集，中醫角度認為濕熱容易影響脾胃功能，令百病叢生。今集同大家分享吓初夏點樣祛除濕熱，調整飲食與生活作息，可以輕鬆自在迎接盛夏。😌

29/05/2025

全港18間中醫診所暨教研中心將會喺端午節公眾假期（2025年5月31日）休息，詳情請留意： 👉https://cmk.ha.org.hk/tuen-ng-festival-2025

28/05/2025

【深化與内地合作新增膝骨關節炎治療先導項目】

面對人口老化挑戰，醫院管理局關注市民對膝骨關節炎治療的需求，於2024年初與大灣區中醫醫院交流專業意見和治療經驗，成功構建嶄新的中西醫協作服務。「2025醫院管理局研討大會」更邀請了廣東省第二中醫院（省二中）劉軍院長聯同醫管局骨科統籌委員會主席尹耀宗醫生分享「中西醫療結合循證發展」，介紹雙方如何合作構建適用於香港的中西醫協作膝骨關節炎治療服務與策略。

在媒體簡介會中，醫管局總行政總理（中醫）黃巧雲女士感謝省二中的支持，讓醫管局可以借鑑內地豐富的經驗，成功構建該服務及臨床方案，惠及病人。2024年5月，博愛醫院首創的中西醫綜合門診為「膝骨關節炎治療先導項目」展開序幕。嶄新的服務由去年構建、開展至今，已擴展至五個醫院聯網。

劉軍院長在簡介會上亦分享了治療膝骨關節炎的策略和經驗，當中透過階梯分層治療，讓醫生就不同臨床分期的病人提供不同的中、西醫治療，以達至最佳療效。省二中亦派出兩位骨傷科中醫專家參與「大灣區中醫訪問學者計劃」，為香港中醫師提供培訓，深化兩地交流，從而傳承中西醫協作臨床專業知識。

尹耀宗醫生表示，香港過往一直有探討多管齊下的治療策略，對部分較早期病情的病人來說，手術並非唯一的治療出路，這與省二中「分層分治」的治療理念不謀而合。這次「膝骨關節炎治療先導項目」透過中、西醫以及物理治療等以跨專業團隊形式合作，為病人提供多一個治療選擇，幫助合適病人加強疼痛管理及改善關節功能，達至減慢退化之效。團隊欣悉參與先導項目的病人，治療後的疼痛情況有明顯好轉。

未來醫管局會繼續從中醫優勢病種出發，加強中西醫協作服務，同時會繼續與內地緊密交流和合作，促進中醫藥發展。

#2025醫院管理局研討大會
#醫院管理局 #中西醫協作服務
#膝骨關節炎治療
#醫療人才交流

Address

Hong Kong

Website

https://cmk.ha.org.hk/

Alerts

Be the first to know and let us send you an email when 中醫動 HACMK posts news and promotions. Your email address will not be used for any other purpose, and you can unsubscribe at any time.