05/11/2025
身為業界嘅我，應該有可以講幾句，呢個殮房收費，其實真係不人道，尤其對啲基層市民，簡直百上加斤！正常喪禮，舉辦日期都係個零兩個禮拜之內，即係市民最少都要多俾千幾蚊！增加咗喪禮嘅成本！
唯一嘅好處，就係等啲人唔好濫用殮房，好多時辦理喪禮要揀日期，揀星期六日，揀假期，大家會要求好日子，有時又要等外國親友返嚟，又要夾殯儀館日期，明白既，隨時擺殮房,一兩個月，其實咁樣對先人遺體係非常唔好，時間長，遺體會變化會好大，甚至乎化妝都化唔到，遺體腐爛程度超乎想像！如果要收費，就會減少好多呢啲情況🙏🏻
都係嗰句死者唯大，盡快辦理好喪事，但求生死兩心安🙏🏻
#2026年殮房收費 #死人都唔放過
#殮房收費 #入土為安 #死者為大
#殯儀先生子力
【公立醫院明年1.1起 遺體存放改為收費】
醫院管理局在上周五(10月31日)公布「優化醫療費用減免機制下的申請安排」，當中包括調整部分醫院行政費用，根據醫管局新收費安排，遺體存入後首三日豁免，第4日起每日收費100元，第18日起升至每日200元，第34日增至每日550元。有從事殯儀業界的網民指，現時火化排期逼爆，先人一般需存放醫院殮房三至四星期，整體喪禮開支或因新政策上升，料額外負擔四位數費用。
網民熱議新收費，有人形容「如自提點收費模式」，過期計罰款。不少人指現實情況下，三日內完成所有出殯手續幾乎不可能，因相關文件及火化期安排常遇假期和人手問題，收費期內難以趕及。
對於政策實施後家屬如何減輕負擔，部分網民提出將遺體轉往公眾殮房以避免收費，但殯儀業界指出，僅非自然死亡個案才會送往公眾殮房，絕大部分院內遺體並不適用。
#公立醫院 #遺體存放 #收費 #排期 #殯儀
