14/02/2026
我人生中第一本書《Mind Reset：19個被改寫的人生實錄》正式面世了。成為催眠治療師至今，我已經陪伴咗好多個案走過心靈低谷，而我第一個正式個案喺2017年開始。
Mind Reset呢本書，係我同19位勇敢個案一齊走過心靈深處之後，凝聚而成嘅結晶，亦係我送畀自己、送畀你哋、同埋送畀天上爸爸媽媽嘅一份心意。
我點解要寫《Mind Reset》寫呢本書，對我嚟講唔只係「出書」咁簡單，而係三重意義嘅實現：
● 透過19個真實個案，我希望用書本呢個媒介，讓更多人認識點樣同潛意識溝通，了解催眠治療嘅力量。很多時候，我哋以為走到絕路，其實只係卡咗喺一個舊有信念入面，只要肯同潛意識好好對話，人生可以有另一個選擇；當你面對恐懼後，依然熱愛生命，黑暗之後，原來真係可以重見光。
● 《Mind Reset》，亦都係我人生旅程嘅一個深刻記錄，記錄住我點樣一步一步，用專業、用愛、用行動去陪伴每一位個案，一齊跨過情緒、關係、自我價值等一個又一個難關。
● 最重要嘅，喺獻畀已經喺天上的父母：想同你哋講句，「我依家過得好好，我學識愛惜自己，亦用我學識嘅知識去幫更多人，希望你哋放心，你嗰女雖然會掛住你哋，但已經學識喺愛入面繼續向前行，希望你哋會為我驕傲。」
喺催眠治療室裡，每一滴眼淚、每一個笑容、每一個「原來我值得被愛」、每一次「我可以原諒自己」，都令我深信——只要你願意踏出第一步去尋求協助，人生係可以被「Reset」，可以重新編寫屬於自己嘅故事。
另外，要感謝每一位同行者。
一本書，可以同大家見面，絕對唔係我一個人可以做到。多謝以下前輩及好友，為《Mind Reset》撰寫推薦序，將你哋對心靈成長、催眠治療同生命轉化嘅信念，同讀者分享：
👍🏻陳一德 醫師（美國催眠師學會（NGH）亞洲區 Master Certified Instructor／NGH 催眠認證講師）
「透過專業催眠技巧，結合溫暖同理心，Jinny 幫助個案發掘潛意識深層信念，達成真正嘅內在轉化。呢本書將19個真實故事完整呈現，係催眠治療喺華語世界嘅重要里程碑。」
👍🏻曾永康 教授（香港理工大學應用社會科學系講座教授）：
「催眠治療作為科學驗證嘅心理介入方法，喺呢本書中透過香港本地個案展現其實際效用。作者以專業態度記錄過程，值得心理學同行及大眾閱讀參考。」
👍🏻林翹翹 博士（首席導人元天心成立諮商所創辦人）：
「讀完呢本書，我深深感受到潛意識溝通嘅療癒力量。19個故事每個都充滿感動同啟發，證明心靈轉化係可能嘅，強烈推薦畀所有追求內在成長嘅朋友。」
👍🏻程衛強 先生（美國催眠師學會（NGH）催眠治療師／英國專業醫療保健學會（PBH）專業催眠治療師）：
「作為同行，欣賞作者對催眠治療嘅熱誠同嚴謹。書中個案由淺入深，展示咗由問題根源到解決嘅完整歷程，係一本實用又溫暖嘅催眠治療指南。」
👍🏻鄧傑安 先生（美國催眠師學會（NGH）催眠認證講師／婚姻及家庭治療師／企業培訓師）：
「19個人生被改寫嘅真實故事，證明咗催眠同潛意識工作嘅強大潛能。無論你係治療師定一般讀者，都會從中得到啟迪同勇氣，改變自己嘅人生軌跡。」
👍🏻李國豪 先生 企業培訓及心理輔導專業工作者
❤️衷心感謝你哋喺繁忙中抽時間閱讀原稿，寫低真誠而有力量嘅文字，對我嚟講係一份好珍貴嘅祝福同肯定。亦都因為有你哋嘅支持，我更加堅定，要用自己嘅專業同熱血，去陪伴更多人走出人生低谷。
👍🏻多謝红出版文化平台：特別感謝總經理 Patrick Lim、編輯 Joyce Shum，以及設計師 Dawn，喺整個出版流程入面，你哋嘅專業、耐性同細心，令《Mind Reset》可以咁完整、咁有質感地呈現喺大家眼前！每一個排版、每一個設計細節，都盛載住你哋對呢本書嘅用心。
🌈用真實個案，讓生命影響生命🌈
如果你、或者你身邊嘅人，曾經經歷情緒低谷、關係拉扯、自我否定，或者只係單純想更了解自己嘅內在世界，我好誠意邀請你，畀一次機會自己，或者你身邊愛錫嘅人，打開《Mind Reset》呢本書，入面嘅19個故事，都係真實個案改寫人生嘅歷程；佢哋願意畀自己被看見，被理解，被療癒，亦為你打開一扇門——原來，你或者你身邊關心嘅朋友都可以。
你可以透過以下網上或者實體店購買《Mind Reset》：
天地圖書
https://www.cosmosbooks.com.hk/index.php?route=product/product&path=10000_10400&product_id=988891758&srsltid=AfmBOorj1s0Tb7ehGwi1vPs2ZLdBqnfDJf592Y3pJANfMHb2gNGW1dztHKTVMALL
https://www.hktvmall.com/hktv/zh/main/Unstoppable/s/H5807001/%E7%8E%A9%E5%85%B7%E5%9C%96%E6%9B%B8/%E7%8E%A9%E5%85%B7%E5%9C%96%E6%9B%B8/%E5%9C%96%E6%9B%B8/%E5%BF%83%E7%90%86%E4%BF%AE%E9%A4%8A/%E5%8B%B5%E5%BF%97%E6%95%85%E4%BA%8B/Mind-Reset19%E5%80%8B%E8%A2%AB%E6%94%B9%E5%AF%AB%E7%9A%84%E4%BA%BA%E7%94%9F%E5%AF%A6%E9%8C%84/p/H5807001_S_9789888917587以下是《Mind Reset》上架的書店名單：
宏達圖書公司(澳門)
榆林書店(香港)有限公司
澳門文化廣場有限公司
序言書室有限公司
星光書店有限公司(澳門理工分店)
香港誠品文化有限公司
香港誠品文化有限公司(太古)
其他電商
三聯書店 中環分店
三聯書店 將軍澳分店
三聯書店 - 荃新天地分店
三聯書店 葵芳分店
三聯書店 莊士敦店
三聯書店 淘大分店
三聯書店 鑽石山分店
三聯書店 馬鞍山分店
三聯書店 元朗西分店
三聯書店 青衣分店
三聯書店 MOKO
三聯書店 APM分店
中華書局 油麻地分局
中華書局 將軍澳分局
商務印書館 銅鑼灣分館
商務印書館 北角分館
商務印書館 沙田分館
商務印書館 康怡分館
商務印書館 大埔分館
商務印書館 上水分館
商務印書館 尖沙咀分館
商務印書館 元朗分館
商務印書館 將軍澳分館
商務印書館 天水圍分館
商務印書館 德福分館
商務印書館 商務文化快線—美孚
商務印書館 旺角美觀分館本書資料亦已上載至紅出版網站、IG、Facebook：
https://www.red-publish.com/book/3201
https://www.instagram.com/redpublish/
https://www.facebook.com/redpublish/
💕如果你喺書入面，搵到邊一句說話、邊一個故事，曾經好似照到你心入面嗰部分，歡迎你留言同我分享。希望《Mind Reset》可以成為你人生其中一個溫柔轉捩點——讓你重新認識自己，重新擁抱生命，重新學識愛錫自己。💕
❤️👼共勉之👼❤️
