香港腔內微創泌尿外科學會 The Hong Kong Society of Endourology

30/04/2026

【 #泌尿迷思 | 搭車掔大腳或者關精子健康事？🥚】

搭車掔大腳坐會惹人公審，但原來保持下半身清涼，可以令精子健健康康，莫非作為男士，以後搭巴士都要擘大對腳？今日滴滴仔就同大家拆解下溫度與精子嘅親密關係！🌡️

溫度影響精子係有生理根據㗎！大家有無諗過，點解重要器官好似心、肝、脾、肺、腎都收喺體內保護，唯獨睪丸要生喺身體外面？主要原因只得一個：怕熱！ 🥵

💡 點解溫度咁重要？
精子嘅生產過程對溫度非常敏感。為咗維持最佳嘅「生產線」效率，睪丸嘅溫度通常要比體溫低大約2至3度。如果長期處於高溫環境，精子嘅產量唔單止會減少，仲會變到懶洋洋游唔郁，活動力下降，甚至增加畸形精子嘅比例。

等滴滴仔醒大家一啲預防「熱力陷阱」嘅小貼士啦：

👖 1. 褲頭太緊：長期著住太緊身嘅牛仔褲或內褲，會令下體密不透風，散熱不良，搞到變咗「焗爐」。

💻 2. Laptop擺大髀：唔少人鍾意將手提電腦放喺大腿上面做嘢，電腦發出嘅熱力直接傳到去下半身，分分鐘影響精子質素。

🛁 3. 浸浴、桑拿：雖然浸熱水涼、去桑拿好舒服，但如果長時間浸喺高溫水入面，對精子生產線嚟講簡直係一場災難呀。

🚴 4. 職業因素：廚師、長途車司機或者需要喺高溫戶外工作嘅人士，下半身溫度往往較高，需要特別注意散熱。

雖然「精子怕熱」係事實，但大家又唔使過份恐慌，因為只要離開高溫環境，精子嘅質素係有機會慢慢恢復嘅。不過，如果你同另一半嘗試咗一段時間都未有「好消息」，或者擔心自己嘅精子健康，最穩陣梗係搵泌尿科醫生做返個詳細檢查啦！🩺

想定時聽到泌尿科醫生講解嘅健康資訊？請即訂閱HKSE YouTube頻道：
📽️ https://www.youtube.com/

#香港腔內微創泌尿外科學會 #泌尿外科 #健康講座 #滴滴仔 #男士保健 #女士保健

24/04/2026

【「精」益求精系列：男士不育嘅多重對策 💪】

👉🏻 4月免費網上講座｜https://www.facebook.com/events/1722181355861621/

男士不育並唔係世界末日～收到報告、搵到原因之後，好多男士一聽見不育就會好大壓力，但隨住醫學進步，而家已經有好多方法可以幫到大家！滴滴仔同你盤點四大治療方向：

1️⃣ 生活習慣大改革 🚭
有時最好嘅「藥」就係你自己！戒煙、戒酒、避免長期浸熱水浴或者着太緊身嘅褲（以免睪丸溫度過高），加埋適量運動，已經可以顯著改善精子質素。

2️⃣ 藥物治療 💊
如果係因為荷爾蒙失調或者生殖系統感染導致精子出問題，醫生可以透過藥物去調整體內水平或消除炎症，幫你嘅「精兵」重拾戰鬥力。

3️⃣ 外科手術 🔪
好似之前提過嘅「精索靜脈曲張」，醫生可以透過微創手術將阻塞嘅血管處理好，改善睾丸嘅血液循環同降溫，令精子產量回升。

4️⃣ 輔助生殖技術 🧪
如果以上方法都未如理想，現代科技仲有最後防線：

人工授精：將精挑細選嘅精子直接注入子宮。
試管嬰兒：喺實驗室令精卵結合。
單精子卵胞漿內注射：專門針對精子數量極少嘅個案，由技術員挑選最強嘅一粒精子直接注入卵子。

記得，每個男人嘅情況都唔同，最緊要係同太太一齊同醫生商量，制定最適合你哋嘅「造人方案」！留意HKSE今個月嘅Facebook直播，兩位醫生會講解更多相關資訊畀你聽！✨

💻 立即報名｜https://www.facebook.com/events/1722181355861621/
🔎 主題｜「造人」大計無進度？拆解男士不育症＋問答環節
🗓️ 日期｜2026年4月27日（星期一）
🕗 時間｜8pm - 8:45pm
👨‍⚕‍ 主持｜泌尿科專科 盧挺傑醫生
👩‍⚕‍ 嘉賓｜泌尿科專科 梁樂希醫生

#下尿路症狀 #男士不育 #滴滴仔 #醫學

23/04/2026

【「精」益求精系列：驗精到底驗啲乜？🧬】

👉🏻 4月免費網上講座｜https://www.facebook.com/events/1722181355861621/

決定咗要去搵專科醫生諮詢之後，男士們通常要做嘅第一件事就係精液分析（Semen Analysis）。到底醫生喺嗰一細杯樣本入面睇緊啲乜？如果報告出現紅字係咪等於判咗死刑？等滴滴仔今日同大家拆解啦！

📊 精液分析三大指標：
1️⃣ 數量：每毫升精液入面有幾多粒小蝌蚪？數量太少自然會降低成孕機會。
2️⃣ 活動力：小蝌蚪識唔識游水？游得快唔快？如果佢哋只係原地踏步，就好難接觸到卵子。
3️⃣ 形態：小蝌蚪個樣正唔正常？擁有標準頭部同尾部嘅精子，先至有最強嘅戰鬥力去穿透卵子。

⚠️ 如果報告「唔合格」點算好？
收到報告見到數據唔理想，第一時間千祈唔好自己嚇自己！
男士嘅精子質素會受壓力、近期有無病過或者生活習慣影響而出現波動。

✅ 醫生通常會建議：
重新複檢：因為精子由製造到成熟大約需要三個月，所以醫生通常會建議隔一段時間（例如 2-3 個月）再做一次檢查，去確認嗰次係「失手」定係長期問題。
進一步檢查：根據初步報告反映嘅問題（例如係完全無精子，定係單純游得慢），醫生會安排血液驗荷爾蒙、超聲波或者基因檢查，去搵出背後原因。

所以，一次檢查唔代表全部，最重要係聽從醫生建議進行複檢，同埋要留意HKSE嚟緊嘅Facebook直播，有問題就現場向醫生提出～💪

💻 立即報名｜https://www.facebook.com/events/1722181355861621/
🔎 主題｜「造人」大計無進度？拆解男士不育症＋問答環節
🗓️ 日期｜2026年4月27日（星期一）
🕗 時間｜8pm - 8:45pm
👨‍⚕‍ 主持｜泌尿科專科 盧挺傑醫生
👩‍⚕‍ 嘉賓｜泌尿科專科 梁樂希醫生

#下尿路症狀 #男士不育 #滴滴仔 #醫學

22/04/2026

【「精」益求精系列：男士不育嘅「幕後黑手」：精索靜脈曲張 🔎】

好多兩公婆喺「造人」路上卡關，第一時間都會諗：係咪太太身體唔夠補？🤔 但其實「滴滴仔」要話畀大家知，男士嘅生理結構問題，往往先至係成孕嘅關鍵「樽頸」！

男士不育嘅成因有好多，除咗大家聽過嘅遺傳因素或者生活習慣（例如煙酒、長期壓力）之外，最常見嘅一個生理成因其實係：精索靜脈曲張（Varicocele）。

🤔 到底呢個病係咩嚟？
你可以想像佢係陰囊入面嘅「靜脈曲張」。當靜脈入面嘅瓣膜失效，血液就無辦法正常流走，搞到陰囊入面嘅靜脈血管出現不正常腫脹。

🌡️ 點解會導致不育？
精子其實好怕熱，睪丸必須維持喺比體溫略低嘅環境先可以正常運作。但係，當出現精索靜脈曲張嗰陣：
1️⃣ 局部升溫：淤積嘅血液會令睪丸溫度升高，變咗做精子「桑拿房」。
2️⃣ 環境受損：高溫會直接破壞精子嘅生產環境，令到小蝌蚪嘅數量大幅減少，甚至活動能力變差、畸形。

📊 佢有幾普遍？
喺普通男士當中，大約有15%患有此症；但喺面對不育問題嘅男士入面，比例竟然高達40%！最陰險嘅係，佢未必會令你覺得痛，好多男士都係到咗想生BB但唔成功，去檢查嗰陣先發現佢嘅存在。

所以各位男士，如果備孕一段時間都仲未有聲氣，唔好淨係叫太太去檢查呀！一齊搵醫生了解下個生理結構，先係最有效嘅解決方法。💪

想知點樣先算係「精兵」？記得留意住滴滴仔之後嘅分享喇！✨

💻 立即報名｜https://www.facebook.com/events/1722181355861621/
🔎 主題｜「造人」大計無進度？拆解男士不育症＋問答環節
🗓️ 日期｜2026年4月27日（星期一）
🕗 時間｜8pm - 8:45pm
👨‍⚕‍ 主持｜泌尿科專科 盧挺傑醫生
👩‍⚕‍ 嘉賓｜泌尿科專科 梁樂希醫生

#下尿路症狀 #男士不育 #滴滴仔 #醫學

21/04/2026

【「精」益求精系列：小蝌蚪罷工？滴滴仔同你拆解男士不育真相！🥚】

兩公婆結婚之後，好多人都想生返個活潑可愛嘅 BB，但原來「造人」大計未必次次都一帆風順，甚至有啲男士會覺得：「生唔出可能係太太身體唔夠補！」🙅‍♂️

滴滴仔喺度要同女士平反：生BB係兩個人嘅事，男士嘅參與度絕對係都係關鍵之一！

🤔 醫學上點先算係「不育」？
「不育」並唔係咩罕見嘅絕症。喺醫學定義上，如果夫婦雙方有規律嘅性生活，而且喺無採取任何避孕措施嘅情況下，嘗試咗一年都仲未成功懷孕，咁就已經屬於「不育」嘅喇。

📊 原來呢個問題好普遍？
唔講你未必知，根據研究數據顯示：
1️⃣ 香港大約每6對夫婦就有1對受到不育問題困擾。
2️⃣ 喺所有不育個案入面，有大約30%係純粹由男方因素引起嘅！

🔍 乜嘢係「男士不育」？
當男女雙方做晒檢查，確認生殖問題係出自男士嗰陣，就會診斷為「男士不育」。而最常見嘅情況，就係男士體內嘅 「健康精子」數量唔夠，令到小蝌蚪游唔到去目的地。

所以呢，各位男士，如果「造人」計劃暫時未有聲氣，唔好淨係叫太太去檢查呀！一齊正視問題，先係負責任嘅表現。💪

想知更多關於「精兵」嘅資訊？記得留意住滴滴仔之後嘅分享喇！✨

💻 立即報名｜https://www.facebook.com/events/1722181355861621/
🔎 主題｜「造人」大計無進度？拆解男士不育症＋問答環節
🗓️ 日期｜2026年4月27日（星期一）
🕗 時間｜8pm - 8:45pm
👨‍⚕‍ 主持｜泌尿科專科 盧挺傑醫生
👩‍⚕‍ 嘉賓｜泌尿科專科 梁樂希醫生

#下尿路症狀 #男士不育 #滴滴仔 #醫學

31/03/2026

28/03/2026

【 #泌尿迷思 | 夜尿多一定係前列腺出事？唔好屈錯人！🫣】

做咗前列腺手術，點解半夜仲要起身去廁所嘅？🤔

好多男士都有個觀念：男人半夜要起身，就一定係前列腺肥大頂住個膀胱。結果有啲朋友醫好咗前列腺問題，夜尿情況依然存在，就以為係手術無效。其實，夜尿係一個好複雜嘅綜合徵狀，前列腺雖然係常客，但絕對唔係唯一嘅兇手！今日滴滴仔就同大家盤點下，仲有邊啲因素會令你半夜「唔安樂」：

💧 1. 飲水習慣：呢個最簡單，但亦最容易被忽略！如果你習慣臨瞓前飲大杯水、飲湯，或者晚飯飲咗有利尿作用嘅咖啡、濃茶甚至酒精，身體自然要喺半夜搵地方排走佢哋啦。

🍭 2. 血糖與內科問題：如果患有糖尿病而控制得唔好，高血糖會令尿量增加；另外，心臟功能欠佳或者腳腫嘅朋友，夜晚平臥嗰陣，積聚喺下肢嘅水分會流返去腎臟變成尿液，造成「夜間多尿」。

😴 3. 睡眠窒息症：當睡眠窒息導致缺氧嗰陣，心臟會分泌物質強迫腎臟排水，所以有時你以為係尿急醒咗，其實係因為呼吸唔順，個腦「整醒」你順便叫你去廁所。

🚽 4. 膀胱容量：除咗前列腺阻塞之外，如果膀胱過度活躍、有發炎或者石仔，都會令到膀胱儲尿能力大減，少少尿就已經要報警，令你半夜要起身幾次。

想知自己屬於邊一種？最簡單嘅方法係寫「尿量記錄日記」，記低幾點飲水、飲咗幾多、幾點去廁所。攞住呢份數據去搵泌尿科醫生，就最容易抽絲剝繭，搵出夜尿嘅真正根源喇！🩺

想定時聽到泌尿科醫生講解嘅健康資訊？請即訂閱HKSE YouTube頻道：
📽️ https://www.youtube.com/

#香港腔內微創泌尿外科學會 #泌尿外科 #健康講座 #滴滴仔 #男士保健 #女士保健

🔎 主題｜血尿的紅色警報🩺＋問答環節🗓️ 日期｜2026年3月2日（星期一）🕗 時間｜8pm - 8:45pm👨‍⚕‍ 主持｜泌尿科專科 余知行醫生👩‍⚕‍ 嘉賓｜泌尿科專科 胡展穎醫生- - - - - - - -📽️ 更多泌尿科資訊，盡在每月 Faceb...

25/03/2026

【激光手術驚出血？ #前列腺剜除術 嘅3大安全賣點🛡️】

👉🏻 3月免費網上講座｜https://www.facebook.com/events/1256673473114972/

講起做手術，大家最驚嘅通常係兩樣嘢：第一驚痛，第二驚出血！🩸 特別係好多長輩可能食緊薄血藥，就更加擔心手術風險。今日滴滴仔再同大家深挖一下「激光剜除術」嘅安全優勢！

點解越嚟越多醫生建議用激光去做剜除手術？主要係因為佢有呢幾個「保險制」：

✅ 清得徹底：成嚿拎走，復發機會低，唔使擔心幾年後又要再做過。
✅ 大小通殺：就算係極之巨型嘅前列腺，呢種技術都可以應付自如，以前可能要開大刀，而家微創就搞掂。
✅ 化驗更準：成舊組織拎去化驗，可以更全面咁檢查清楚有冇隱藏嘅惡性細胞。

手術期間同術後亦都有呢啲優勢：

🛑 出血量少：比起傳統手術，激光剜除手術具備較強嘅止血功能，令出血量大大減少，對於年紀大或者身體狀況較弱嘅男士嚟講，安全性高好多。
⏳ 復原速度快：傷口處理得好，出血少，病人通常術後第二日就可以拔除尿喉，住一兩晚醫院就返得屋企。
🛡️ 適合高風險病人：以往前列腺太大或者有長期病患嘅人，做手術風險好高。激光技術成熟，令呢類病人而家都可以安安全全咁解決前列腺嘅煩惱。

醫學進步係為咗令大家受少啲苦，激光剜除術唔單止追求清得乾淨，仲追求做得安全。如果你或者長輩有呢方面嘅憂慮，唔好收收埋埋，記得搵醫生傾下呀！💪

💻 立即報名｜https://www.facebook.com/events/1256673473114972/
🔎 主題｜下尿路症狀及前列腺治療🩺＋問答環節
🗓️ 日期｜2026年3月31日（星期二）
🕗 時間｜8pm - 8:45pm
👨‍⚕‍ 主持｜泌尿科專科 鄭冠中醫生
👩‍⚕‍ 嘉賓｜泌尿科專科 梁家偉醫生

#下尿路症狀 #前列腺 #滴滴仔 #醫學

21/03/2026

【世界艱難？ #水蒸氣熱力治療 陪住你行！🌬️】

👉🏻 3月免費網上講座｜https://www.facebook.com/events/1256673473114972/

學子華神話齋：「世界艱難，我哋照行！」良性前列腺增生又難唔難搞？食藥怕副作用？做傳統手術又驚要住院好耐？醫生可以用用蒸氣同你照行！近年嘅新技術「水蒸氣熱力治療」幫到你！🚀

咩係水蒸氣熱力治療？ 簡單嚟講，醫生會將極高溫嘅水蒸氣注入前列腺肥大嘅組織入面，水蒸氣隨即釋放熱能，令到啲增生咗嘅細胞壞死並自然萎縮，從而「擴闊」番條塞咗嘅尿道。🤗

水蒸氣熱力治療4大優點你要知：
✅ 微創無需開刀：透過尿道進行，表面完全無傷口。
✅ 快靚正：過程通常只需10到15分鐘，好多時可以當日出院，唔使長住醫院。
✅ 保護「男士尊嚴」：相比傳統電切手術，水蒸氣治療影響性功能或導致逆行射精嘅風險極低，維持生活質素。
✅ 唔使長期食藥：好多病人做完之後，可以慢慢停咗啲前列腺藥。

邊種人最啱做？ 如果你唔想每日食藥，或者藥物副作用（如頭暈、性慾下降）令你困擾，又或者想選擇一啲復原期較快嘅輕微手術，呢個治療方案就非常值得同醫生探討喇。👀

醫學日新月異，前列腺肥大唔再係無得醫，亦唔一定要受大手術之苦，除咗水蒸氣熱力治療之外，仲有前列腺剜除術等等方法。即刻報名參加我哋HKSE嘅Facebook直播，聽下泌尿科醫生點講啦！✨

💻 立即報名｜https://www.facebook.com/events/1256673473114972/
🔎 主題｜下尿路症狀及前列腺治療🩺＋問答環節
🗓️ 日期｜2026年3月31日（星期二）
🕗 時間｜8pm - 8:45pm
👨‍⚕‍ 主持｜泌尿科專科 鄭冠中醫生
👩‍⚕‍ 嘉賓｜泌尿科專科 梁家偉醫生

#下尿路症狀 #前列腺 #滴滴仔 #醫學

19/03/2026

【點止驗血咁簡單！ #前列腺檢查 5大方法🔬】

早幾日同大家講解過前列腺肥大嘅徵狀，咁究竟檢查過程係點㗎呢？會唔會好複雜？痛唔痛㗎呢？

其實檢查過程比大家想像中簡單得多，所以唔使太過擔心！醫生一般會透過以下幾個方法嚟評估你嘅前列腺健康：

🧪 PSA 血液檢查 (Prostate Specific Antigen)
只需抽少少血，就可以驗出「前列腺特異抗原」數值。呢個數值如果升高，可能代表前列腺肥大、發炎，甚至係癌症嘅警號。

🚽 尿流速測試 (Uroflowmetry)
呢個有趣喇！你只需好似平時咁去廁所，部機就會紀錄你排尿嘅速度同流量。如果個圖表顯示尿流太慢，就代表前列腺可能受到阻塞。

📏 殘餘尿量超聲波 (Post-void Residual)
去完廁所之後，醫生會用超聲波照下你個膀胱，睇下入面仲剩返幾多尿。如果剩好多，即係代表個「泵」唔夠力，或者被塞住。

☝️ 醫生觸診 (DRE)
透過直腸指檢，醫生可以直接感受前列腺嘅大小、硬度同有無唔尋常嘅硬塊，呢個係最直接判斷肥大程度嘅方法。

📋 IPSS 症狀評分表
透過問卷形式，將你排尿嘅辛苦程度「量化」，方便醫生追蹤治療進度。

滴滴仔溫馨小提示：及早檢查唔單止可以對症下藥，最重要係排除惡性病變嘅可能。尤其是男人四、五十要開始定期檢查，咁就最穩陣啦！💪

💻 立即報名｜https://www.facebook.com/events/1256673473114972/
🔎 主題｜下尿路症狀及前列腺治療🩺＋問答環節
🗓️ 日期｜2026年3月31日（星期二）
🕗 時間｜8pm - 8:45pm
👨‍⚕‍ 主持｜泌尿科專科 鄭冠中醫生
👩‍⚕‍ 嘉賓｜泌尿科專科 梁家偉醫生

#下尿路症狀 #前列腺 #滴滴仔 #醫學