02/09/2025
人生每個階段同經歷，就好似樹木年輪一樣🌳🫧，一層層累積，年復年記錄住我哋嘅變化。而原生家庭，就如年輪髓心🪵—— 原生家庭環境、互動同教養方式，深深影響我哋成長後嘅性格、價值觀、同行為模式🫀🧠。
「原生家庭」係指一個人成長嘅家庭環境，唔一定係親生父母所在嘅家庭，亦唔一定擁有血緣關係。如果係由爺爺嫲嫲、親友養育成長、或係被收養，呢個養育你成長嘅家庭，就係你嘅原生家庭🏡🌳。
原生家庭經歷，不知不覺奠定我哋嘅信念、價值觀，係我哋初次接受教育嘅地方👶🏻💭，學習關愛💞、衝突與批評等事🗣️；教導我哋認識自己、與人來往嘅方式、對於關係所抱持嘅期待。
今期心導遊+ 文章同你深入探討原生家庭同自我價值感嘅關係，了解照顧者削弱孩子自我價值感嘅常見特質🔍～ (https://www.jcthplus.org/article/family-of-origin-and-self-worth?)
#賽馬會心導遊 #精神健康 #心理健康 #香港心理服務 #職場心理 #心理支援 #自我照顧 #反污名 #香港賽馬會慈善信託基金 #原生家庭
