香港恐音症互助怯會 Misophonia Hong Kong

10/04/2025

#恐音症

10/04/2025

https://youtu.be/Mzt0jItJcc4?si=fTPf6dEEd7I711c-

早晨！各位朋友好，2025年小弟 繼續馬不停蹄，仍然係繼續say sorry（餵，你個group唔郁嘅……)，個訪問都出咗兩個禮拜有多我今日先有時間整理一下，真係唔好意思。

首先，多謝Mill Milk MM - Mill MILK團隊，多謝策劃及主持牙朗同攝影師阿正，多謝素年YEARS YEARS HKHK老闆好朋友Kay 借出餐廳場地，亦都多謝音樂圈朋友張聰陪我接受訪問，確實令到訪問生色不少，亦令我學習到原來有Trigger 時身體會因人而異，我會頭痛唔舒服，原來佢會身痕。

我自己俾視覺影響嘅唔算太多，當然唔會想望到其他人個嘴，但係原來有人會好似阿聰咁視覺會比較串連埋恐音症。

我亦都考慮緊有時間會搵佢同其他朋友自己傾下偈拍低佢當做個訪問俾多啲人瞭解唔同人有唔同嘅情況，咁當然要有時間先，因為近年搞返音樂後都真係比較忙。

亦都可以順手update下大家，最近同樂手朋友傾開，大家都覺得可以因應恐懼而做一隻有關恐音症主題嘅歌曲，音樂部份已經完成，會係偏向Band Sound 嘅Nu-Metal 類型，stay tuned ，幾時release真係答唔到，今年內出到當贏。

講返今次MM訪問，經過咗呢幾年嘅努力，開始感受到坊間多咗人對恐音症，亦真係見到多咗媒體會留意我哋呢種人，係開心嘅，今次MM訪問嗰位醫生，我亦都覺得佢講得好好（我自己覺得係做過咁多訪問咁多個醫生最了解我哋最明白我哋嘅一位，多謝醫生）。

今次節目主題係聲音，所以訪問篇幅唔算長，但係相信最精華嘅部份都已經剪咗落嚟，有興趣大家可以睇曬條片。其實訪問錄低咗好多訪問片段，我發現都仲有好多嘢想表達，下一步可能就係自己搵朋友傾嚇偈做個節目再分享再推廣，當然前提如上，時間係人生最需要而最缺少嘅嘢。

另外提一提大家，條片會有大量Trigger ，大家睇嘅時候小心，我事前唔記得提佢哋落返個warning ，sor🙏🏻。

各位朋友如果有興趣麻煩幫手share出去，繼續俾多啲人知，多謝。

問多句，如果我開個IG推廣恐音症各位點睇？歡迎留言大家討論傾嚇偈。

// 聽到刮玻璃、黑板會起雞皮你可能有恐音症？恐音症患者分享最怕咀嚼聲 入餐廳要搵角落位置坐 會感到痕癢、頭痛 但聲音可以醫病 仲可能係酷刑？日常生活中，總有些聲音會令我們雞皮疙瘩，例如刺耳的聲音.....

10/04/2025

28/03/2025

https://youtu.be/ZWN_SKssWWM?si=tkn5rm4jmyevwkjm

要提一提大家先，佢入邊有Tigger，唔記得叫佢哋落warning添🙏🏻  (今晚佢哋出Full Version )
大家有興趣就留意下～

// 聽到刮玻璃、黑板會起雞皮你可能有恐音症？恐音症患者分享最怕咀嚼聲 入餐廳要搵角落位置坐 會感到痕癢、頭痛 但聲音可以醫病 仲可能係酷刑？日常生活中，總有些聲音會令我們雞皮疙瘩，例如刺耳的聲音.....

21/06/2024

https://youtu.be/YLaX0-SGrKo?si=_RdmJJjL5Ysoug-B

好耐都冇update呢個page，事關除咗公事繼續繁忙之外，小弟近半年開始忙於推廣個人音樂活動，今次多謝移居英國音樂監製朋友阿堅同我做咗個個人專訪，第一part係有關恐音症，而之後嚟緊兩個禮拜仲有兩part ，係講小弟嘅音樂同埋新搞緊嘅project，
內容與恐音症無關，但係如果有興趣嘅都可以加佢哋YouTube Channel and follow IG ，thank you ~

https://www.instagram.com/shapop_radio_?igsh=bW41ejVob3d3cGlx

今集我地只講聲音，不講音樂，點解呢？因為我地請到一位朋友 DJ 毅 親身討論恐音症恐音症（Misophonia）是一種對特定聲音極度敏感，或產生強烈負面情緒和反應的狀況。這些聲音通常是日常生活中常見的，如咀嚼、敲打、呼吸...

09/07/2023

首先又係say 咗Sorry 先，小弟份工實在太忙，宜家住住都好耐唔update ，今次share 呢個雜誌訪問都遲咗成季😅，首先要多謝Health Action 健康動力雜誌嘅Denise 早半年搵咗我做呢個報導，今時今日做紙媒，佢地公司都真係好厲害！大家對醫療話題有興趣可以買佢哋雜誌同埋上網睇下。

另外就係感謝喺南豐紗廠嘅ROOOT HK餐廳借出場地訪問，多謝同闆Soto 同阿Kit 🙏🏻🙏🏻🙏🏻佢哋餐廳啲嘢好好食，我次次去都飲紅菜頭汁，佢地餐廳亦會有DJ同埋音樂演出，南豐紗廠係Pet friendly 嘅一個活化工廠大廈，如果有朋友有寵物嘅可以帶埋小朋友去Chill , 行吓食吓。

今次訪問大家有興趣可以睇以下條e-book link

https://ebook.sportsoho.com/HA167_emag/

多謝！

16/01/2023

https://youtu.be/XnOuvrdsRt0

星期五同星期日錯過咗電視直播嘅朋友宜家可以網上睇返了，如果大家好難同親戚朋友家人解釋的話，可以比佢哋睇睇了解一下🙏🏻

不同人對一些事物有不同程度的恐懼，好像有人畏高，有人害怕昆蟲。原來有些人會害怕聽到某類聲音，例如咀嚼聲及鍵盤聲等，醫學界稱為「恐音症」。今集《杏林在線》帶大家了解患者面對恐音症的困擾，亦請來精神科醫生...

12/01/2023

速報：今日（13-1-2023 Fri）6:30pm ViuTV 杏林在線節目有恐音症專題，各位有興趣可以留意下🙏🏻

20/07/2022

［恐音者的世界］

https://youtu.be/T8V2o2AYazU

https://scom.hsu.edu.hk/zh/2022/06/22/%e6%81%90%e9%9f%b3%e7%97%87%e7%9a%84%e4%b8%96%e7%95%8c%ef%bf%bc/

大家好，先同大家say 個sorry ，由於由上年4月轉咗新工開始工作實在太忙，自己連休息嘅時間都唔夠用，所以宜家都好少update 呢個page，inbox 我嘅朋友我亦都等咗好耐先有時間覆，唔好意思要大家久等了🙏🏻

今次文章會比較長，我希望盡可能將我今次想講嘅嘢一次過講晒。

話說早幾個月之前有一位讀緊恆生大學傳理系嘅學生Amelia聯絡我，想搵我做一個有關恐音症患者日常生活嘅訪問，最後前前後後我哋用咗三日時間拍攝（係我做咁多訪問最長時間嘅一次），

今次仲搵埋我一個開樂器店，同樣有恐音症嘅朋友阿龍一齊傾吓計，希望比大家更加知道我哋呢類人嘅生活係點樣，share 一 d 正常人唔需要計算嘅issues，例如我地入餐廳/戲院需要了解吓周圍環境有冇trigger ，甚至乎頂唔真係需要即時逃離現場，依d事如果冇我哋講出嚟，我相信冇人會明白同理解。

今次我亦都將我最貼身嘅嘢俾咗佢哋，因為本身年頭嘅時候某大電視台（由於小弟目的始終都係想比多啲人知道依件事，長時間考慮之後最尾我都應承咗我個導演朋友做呢個節目，亦都同佢哋一大班人開過一次會）一個年青人為主channel 一個呢排播緊嘅新節目本身我會係其中一集做嘉賓，但係最尾因為節目方向有變所以我哋成批嘉賓都被換走咗 。

同期，我就做咗佢哋呢一個訪問，所以我俾咗最好嘅嘢佢哋（本身諗住比大台個訪問用），而最後出嚟個效果我自己亦都相當滿意，Amelia 同埋佢哋個團隊雖然全部都係讀final year嘅年青人 ，但係過程中我係睇得出佢哋好有心機，好認真同埋亦都盡量想as 專業as possible ，所以我都盡量配合佢哋特登請咗幾日假，喺呢度再一次多謝佢哋搵我。

正如我片尾所講，如果各位有恐音症嘅朋友唔知點樣開口解釋俾身邊知呢件事，請隨便擺我出嚟，攞我依個人版出嚟講我個故事俾其他人聽，等佢哋知道世界上有呢件事同埋我哋呢一種人，多謝大家。

Update : 近期知道佢哋老師想攞呢條片去比賽，咁我當然希望贏啦，咁就可以再俾多啲人知道了。

恐音者的世界(BJC4112) 當聽到別人咀嚼的聲音、手機的訊息提示聲，對大家會覺得很平常，但對恐音症的患者，這些聲音足以讓他們難受到頭痛、暈眩，甚至影響情緒及社交，聽上去好像很誇張，但恐音症患者的生活正受著如此.....

30/03/2022

多謝小薯茄唯恐音症患者發聲

大量trigger，大家最好唔好開聲睇，內有字幕


23/06/2021

https://hk.appledaily.com/lifestyle/20210623/GM4HYCJY2BBDBJQPYQVE23PIT4/

多謝蘋果日報嘅報道令多咗人了解恐音症，多謝健康蘋台記者Esther，此刻只有無奈。

無言感激，珍重，加油。

根據香港醫務委員會的香港註冊醫生專業守則，當中有一項醫生對病人的責任是這樣的：竭誠地盡其所知學科的知識醫治病人。《健康蘋台》過去曾邀約無數醫生，謝謝你們，你們做到了，亦做對了。 還有曾經不健康的你，謝.....

08/05/2021

如果你鍾意王家衛導演嘅電影，如果你亦都準備會去戲院睇4K版花樣年華，真係要小心小心同埋小心！！

因為周慕雲同埋蘇麗珍喺2046酒店房role play 嘅時候，係有超過分半鐘，喺冇BGM（背景音樂）加現場收音（係唔係現場收音都好啦）嘅情況底下，

呀梁朝偉係會食住嘢，咀嚼聲+口水聲好L大聲嘅情況底下講對白，我睇咗10 秒真係頂唔順要搵隻手揞住兩隻耳仔死忍嗰分半鐘嘅時間，再比多10秒我真會沖出門口（我真係已經準備沖出去）..........

大家真係小心......

#恐音症
#王家衛
#花樣年華