Elaine Wong - Certified Relationship Coach

Home
Hong Kong
Hong Kong
Elaine Wong - Certified Relationship Coach

Contact information, map and directions, contact form, opening hours, services, ratings, photos, videos and announcements from Elaine Wong - Certified Relationship Coach, Mental Health Service, Hong Kong.

Elaine Wong - 由Hero Ladies 創辦人國際感情關係專家 Cindy Lam親自傳授感情關係技巧，並取得英國University of Sunderland 感情關係導師 Certified Relationship Coach Program 認證。

最快在1個月內成功挽回已分手兩個月的感情，成為一時佳話。
堅信“人沒有痛點是不會改變，改變由自己開始。”

提供一對一感情諮詢服務
專業指導：
挽回復合｜親子相處｜吸引對象｜修補關係

08/10/2025

喺職場上，「辦公室戀情」成日都成為茶餘飯後嘅熱門話題？特別係男上司同下屬之間嘅故事，點解總係咁Juicy？👀

男上司嘅魅力從何而來？

男上司通常有一定嘅工作經驗同決策能力，呢種可靠感容易俾人一種「可以依靠」嘅感覺。喺壓力重重嘅職場，呢種安全感特別吸引。

作為上司，下屬同佢之間嘅溝通機會自然多，專業上嘅指導、合作過程中嘅默契，都可能會慢慢拉近雙方嘅距離。

成功喺職場上有所作為嘅男上司，通常散發出一種「自信」嘅氣場。而自信，正正係一種好有魅力嘅特質。

喺心理學上，「權力」本身就帶有某種吸引力。當上司處於領導地位，佢嘅意見同行動自然更容易俾人關注，甚至成為崇拜對象。

男上司嘅魅力係真，但愛情要慎重！
職場戀情唔係唔可以，但背後嘅挑戰同風險一定要考慮清楚。愛情可以令人進步，但千祈唔好為咗愛情犧牲咗自己嘅專業同前途！

你哋又點睇職場戀情？你覺得男上司吸唔吸引？

#職場戀愛 #辦公室戀情 #男上司

03/10/2025

唔少人以為女人提出分手，
一定係因為出現咗第二個！
但真相係...
超過80%女人選擇離開，只係因為一個理由 -「睇唔到將來」🧐

明明好努力去經營關係，
卻發現對方永遠停留喺「而家」
對於未來，隻字不提。
又或者，永遠都得個「講」字🤷‍♀️

當期望一次又一次變成失望，
當計劃一次又一次被擱置，
女人開始明白：
「唔係唔想等，而係等唔到」。

真正令人心死嘅，
從來唔係轟轟烈烈嘅大吵大鬧，
而係一點一滴累積嘅無！望！感！
嗰種「我睇唔到我再哋嘅將來」嘅無力。

其實女人要嘅好簡單：
一個清晰嘅方向，
一個願意為未來打拼嘅伴侶，
而唔係得過且過嘅「佛系」態度。

如果你都曾經因為「睇唔到將來」而放手
Like呢個Post，一齊分享下你嘅故事丫👇

#分手真相 #女人心聲 #未來規劃 #關係經營 #愛情語錄

（註：數據為綜合本地情感研究機構調查結果之參考數字，實際比例可能因情況而異）

25/09/2025

冷戰後點破冰？5個實用技巧挽救關係❄️🔥

嗌交後成間屋靜過太空，點樣行出第一步？
好多情侶都卡喺冷戰呢關，其實破冰有技巧嘅！

收好呢5個實用破冰招式幫你同佢重建親密感！

破冰唔等於認輸，
而係你重視段關係多過輸贏。

邊招你最常用？一齊傾下丫！
🔁share俾身邊冷戰緊嘅朋友

#冷戰 #關係修復 #愛情保鮮 #情侶必學 #吵架後和解 #破冰技巧 #香港情侶

19/09/2025

唔少女仔寧願每日花時間喺dating app同陌生人matching ，都對「朋友介紹」或「相睇飯局」皺晒眉頭🤔

「自己揀嘅對象，就算衰咗都係自己負責」
Dating app提供主動探索嘅快感，而朋友介紹往往帶著「被推銷」嘅壓力，彷彿接受唔到就係唔俾面，呢種無形嘅負擔反而令人想逃避。

「喺陌生人面前，我嘅人設可以由頭嚟過」
朋友介紹的對象往往自帶「共同圈子」，一旦失敗可能尷尬係人都知。而陌生人app提供「試錯空間」，合則來不合則去，心理成本更低。

「佢哋介紹嘅多數係佢覺得好嘅俾你」
佢哋可能覺得「孝順=適合結婚」、「有錢=可靠」，但係未必理解你真正渴望嘅靈魂共鳴或生活默契。

Dating app可以瞬間用篩選條件例如：「唔食煙」、「鍾意狗」，而朋友介紹可能要食完一餐飯先發現對方根本唔符合基本要求。

無論邊種方式，核心都係「擴大選擇權」
與其糾結渠道，不如問自己：
我是否清晰自己想要點樣嘅關係？是否準備好接受關係中嘅不完美？

🌸 記住：對的人唔會因為邊度識而錯過，重點係你係咪準備好被愛同去愛。

#香港戀愛 #自主幸福

15/09/2025

「翻舊帳」係喺感情中常見但又好具破壞力嘅行為。當伴侶喺爭吵中提起過去嘅錯誤或者已經解決嘅問題，往往會令對方感到無助甚至憤怒。從心理學角度嚟睇，呢個行為唔單止破壞雙方嘅信任，仲可能引發更多情緒問題。

點解會咁嬲？
從心理學角度分析，討厭被伴侶翻舊帳其實同大腦的「自我防衛機制」有關！每當對方提起舊事，你會即刻感到煩躁同無奈。

點樣打破困局？
· 用「感受」代替指控：試吓講「我當時覺得好難過」而不是「你上次又係咁！」
· 設立「舊事時限」：雙方協議過咗某段時間的事不再提，比機會大家重新開始。
· 練習「情緒暫停」：一感受到想翻舊帳的衝動，先深呼吸10秒，問自己：「呢句話係為了解決問題，定只係想發洩？」

「翻舊帳」唔係解決問題嘅好方法，反而會令雙方都陷入情緒漩渦。愛情係需要溝通同接納，學會放低過去，專注於當下，先可以令關係更穩定、更幸福。

#愛情心理學 #關係成長 #翻舊帳 #情侶溝通

10/09/2025

喺感情中，有時我哋可能無意中做咗啲行為，令對方覺得自己嘅價值被貶低。
今日想同大家分享幾個例子，等我哋更加珍惜自己，提升自身魅力！💖

過度迎合：不斷遷就對方嘅需求，卻忽略咗自己嘅感受，會令對方覺得你缺乏自我價值。

輕易妥協：喺關係中，隨便放棄自己嘅底線，會令對方覺得你唔夠堅定，太易拿捏！小心你嘅底線會無限被觸碰！

尋求認可：不斷尋求對方嘅讚美與認可，可能會令對方覺得你唔夠自信。

唔尊重自己時間：隨時隨地都安排時間畀對方，卻忽略咗自己嘅生活與目標。

過於依賴：喺情感上過度依賴對方，除咗畀到壓力對方，亦可能會令對方覺得你無法獨立。

記住，真正嘅吸引力來自於自信同自我尊重。
想對方尊重你，你一定要先自尊自重自愛！
過好自己嘅生活，唔係隨時standby 等你搵。
花若盛開，蝴蝶自來🦋
無論喺任何關係中，保持自我價值感，先可以吸引到對的人！🌹

#感情關係 #愛情心理學 #男人心態 #愛自己

07/09/2025

「你愈用力討好，男人愈唔會珍惜。」

呢句話有冇令你即刻諗起某個人？
好多女仔以為拼命付出、處處遷就就可以換來對方嘅愛同珍惜，但真相往往係...你越放低自己，他越習慣忽略你。

點解？人性本來就係咁微妙：當你覺得自己「已經得到」自然就唔會再花心力去追求。
你一再降低底線，甚至過度討好反而會令對方覺得你「離不開」慢慢變成理所當然。

✨與其討好，不如吸引！！！
建立自己嘅框架，唔好因為愛情放棄自己原則。
有底線嘅女仔先會被尊重🫶
學識「適可而止」嘅付出愛情係雙向嘅，單方面付出只會消耗自己。

記住：真正愛你嘅人，唔需要你委屈求全，佢會主動珍惜那個「原原本本」嘅你。❤️

如果你習慣不斷討好，又或者成日內耗，
可以搵我哋傾下，我哋陪你搵番自己！
記得要愛自己呀！

#戀愛智慧 #討好型人格 #女性成長 #愛情心理

01/09/2025

成日懷疑對方唔愛自己？
好想check對方手機，但係睇完仲唔安心？
一同對方分開就不安好想喊？
呢種可能係心理學上感情依附類型中嘅焦慮型依戀。

焦慮型依戀係心理學上嘅一種依戀模式，通常源於童年時期對關係安全感嘅缺乏。呢類型嘅人對親密關係特別敏感，經常擔心被忽略或者被拋棄。

每個人嘅依戀模式都可以改變，無論你係焦慮型依戀，定係有焦慮型依戀嘅伴侶，最重要係雙方都願意互相支持同成長。透過接納自己、進行自我覺察嘅練習與專業引導，焦慮型依戀者都可以逐漸轉向「安全型依戀」。關鍵在於學習自我安撫、重建對關係嘅信任！

焦慮型自救，唔止係為咗伴侶，更重要係為咗自己，
讓自己重新感受愛自己同被愛嘅感覺，
明白呢種模式曾經保護過你，
多謝佢，同時練習遠離佢，重拾安全幸福嘅甜蜜。

好多學員喺諮詢時係焦慮型依戀都漸漸有所改變，初初大家都係唔想再內耗，只係唔知道點幫自己。

可以諮詢我哋俾d意見你同你一齊加油！

#焦慮型依附 #焦慮型依戀 #安全感

29/08/2025

人生排序對感情關係的影響：你哋有冇同步？
喺感情關係入面，每個人都會有自己嘅「人生排序」——即係你對唔同範疇（例如事業、感情、家庭、興趣等等）嘅優先次序。當兩個人嘅排序唔一樣，可能會引發唔同程度嘅矛盾或者誤解。

例如：
一方緊張事業，一方重視感情。
一方重視自由，另一方重視穩定。

點樣處理呢啲排序差異？
1️⃣ 坦誠溝通，了解對方嘅優先次序同原因。可能佢嘅事業係為咗比你哋將來更好嘅生活，而你嘅重視感情亦係對佢嘅愛嘅表現。

2️⃣ 調整期望，每段關係都需要磨合，試下喺對方嘅排序入面搵到一啲共通點，或者重新分配時間，令雙方都感受到被珍惜。

3️⃣ 試下喺唔同嘅排序之間搵到交集，例如一齊建立共通目標，計劃點樣兼顧事業同感情，或者將自由嘅夢想融入穩定嘅生活藍圖。

人生排序差異未必係壞事，反而可以俾雙方學識點樣互相尊重同支持。當你哋搵到一個平衡點，呢段關係就會變得更穩固同有深度啦！

#感情關係 #人生排序 #關係成長 #愛情磨合

26/08/2025

有冇試過：
傾感情問題時，對方成日逃避？
感覺佢好少主動表達情感，或者拒絕深入講感受？🧱
你覺得佢總係保持距離，唔夠親密？

你嘅另一半可能係迴避型依戀！

感情依附理論由心理學家約翰·鮑爾比（John Bowlby）提出，講述嬰兒同照顧者嘅依附關係如何影響成人感情模式。👶❤️
了解自己或者伴侶係屬於邊一種依戀模式，
可以更客觀理解彼此行為，減少誤會。

迴避型依戀簡單嚟講，就係對親密關係有少少「抗拒」。佢哋可能會覺得自己好獨立，唔需要靠別人，但同時又好怕被人睇穿自己嘅脆弱。內心其實渴望愛，但又怕受傷，會用逃避同自我保護嚟面對感情。

不過，唔好即刻下結論！迴避型依戀並唔係問題，而係一種需要理解嘅情感模式。

#愛情心理學 #依戀理論 #迴避型依戀 #感情成長

23/08/2025

好多情侶喺關係出現問題時，第一時間就會搵「分手理由」。但其實，真愛並唔係靠逃避去解決問題！

以下10個理由，可能會令你重新思考：
呢段關係，係咪值得堅持下去？

愛情係需要經營嘅，唔好輕易放棄！
有時候，唔分手並唔係因為懦弱，
而係因為你夠勇敢去面對問題，同埋珍惜美好！！
如果你都遇到分手嘅掙扎，或者相處上嘅困難唔知點做好，
可以PM我，免費幫你分析🫶

#感情導師 #戀愛小貼士 #分手 #兩性關係 #珍惜眼前人

20/08/2025

唔想第一次見完面就冇影？
99%男生都唔知道的初次約會秘密！
唔扣分，先有機會加分！ 😎
以下幾個「扣分行為」，你中咗幾項？

❌ 儀容唔整潔
女仔最怕男仔個頭又油又立，指甲又長仲困哂黑邊，
仲有記得剃鬚，精神醒目最緊要！
❌️遲到
第一次約會遲到，無論原因係咩，都會俾人覺得你唔重視呢次約會。提早10分鐘到達，既尊重又有誠意！
❌ 揀選錯誤地點
選擇太嘈吵、太冷清或者完全唔啱對方興趣嘅地方，會令對方感到尷尬或者唔自在。
可以提前了解對方喜好，揀一個有氣氛又舒適嘅地點。
❌ 手機唔離手
如果約會中電話係咁響會打斷大家嘅對話，而一直低頭玩手機，俾人感覺你對對方無興趣。
建議將手機收起，專注喺對方面前，好好享受二人時光。
❌ 用詞太粗俗
喺約會中提到太多粗俗笑話或者習慣性句句粗口橫飛，會俾人感覺好無文化。注意保持得體，講笑都要睇場合。
❌ 淨係掛住講自己，唔聆聽對方
只顧炫耀自己成就，完全忽略對方嘅感受，會令人覺得你自私同無趣。
留意吓對方對你嘅話題有冇興趣，問多啲問題，展現你對佢嘅好奇心同真誠。

🎯 關鍵係「唔扣分」！
避免咗以上嘅行為，自然可以慢慢加分啦！❤️

Address

Hong Kong

Telephone

+85293849374

Website

https://wa.me/85293849374/?text=%E6%88%91%E6%83%B3%E5%BE%97%E5%88%B0%E5%85%8D%E8%B2%BB%E6%84%9F%E6%83%85%E8%AB%AE%E8%A9%

Alerts

Be the first to know and let us send you an email when Elaine Wong - Certified Relationship Coach posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Hong Kong?