Bilibama Aromatheraphy

19/10/2024

很多年後再次踏足呢個我畢業後，第一份工作嘅地方～
呢一架𨋢、呢一個門口、呢一個reception、呢一個台～都有滿滿嘅回憶～

今日我再次搭足荃灣青年空間～做嘅唔再係表演、跳舞、搞活動～而係變咗同家長分享香薰治療同減壓按摩～

希望上我堂嘅大家，都會識得放鬆～幫自己打打氣～ 有自己解決唔到嘅問題時勇敢搵人幫手～ 亦都幫手將上堂學到嘅嘢，可以教育到身邊嘅人～ 同埋足夠令你識得分析如何安全使用精油😉

希望你哋鍾意呢堂充滿香氣～又充滿歡笑嘅課堂❤️

#香港青年協會 #荃灣青年空間 #香薰治療工作坊 #減壓 #情緒 #香薰治療師 #親子課程 #家長課程 #學校課程

20/09/2024

如果有荃灣嘅街坊，特別係媽媽有壓力，可以送完小朋友返學就過去荃灣青年空間，體驗下香薰治療～ 幫你減下壓～

Scan 下面個QR code或者click入下面條link就可以報名:

https://event.hkfyg.org.hk/event.php?id=1788
日期：18/10/2024
時間： 9：30-11：00am
地點：荃灣青年空間
費用： $40
*我會準備小禮物俾各位參加者㗎～
快啲報名啦～

#荃灣媽咪 #荃灣青年空間 #減壓 #香薰治療 #工作坊 #阿細老師

04/09/2024

I miss the people in childcare home.

十年前未有哥哥～我喺Mother's Choice做咗好一段時間義工～ 後期我有段時間無做嘢，我差唔多日日去幫手～會帶小朋友去outing，會陪佢哋玩，又會餵佢哋食飯，氹佢哋瞓覺～每次去完都好快樂咁返屋企～每一個staff每一個義工，都係好有愛心～

當中都參與咗佢哋性教育講師，代表Mother's Choice去學校講解性教育嘅topic~ 獲益良多！

另外都好榮幸，亦都開過嬰兒按摩workshop俾領養父母～

Mother's Choice係好有心去幫佢哋嘅對象同做社會教育嘅機構～ 如果你哋有時間都可以register加入佢哋嘅義工服務或者捐款，等佢哋可以多啲資源去幫到多啲小朋友❤️

希望我好快可以再同佢哋合作或者可以再返去幫手照顧啲BB❤️❤️

44！這是我們的‘幼兒之家’同一時間可以照顧到的孩子的總數。

我們每天都忙於疼愛這班寶貝，為他們預備食物、和他們一起玩耍、帶他們外出並照顧他們。簡單來說就是在他們找到永久家庭之前，成為他們可以依靠的臨時家人。

#母親的抉擇 #香港母親的抉擇 #香港領養 #香港寄養 #改寫生命故事 #社區 #香港 #每個孩子都有一個關愛的家

-

44! That’s how many children we care for at a time in our Child Care Home.

We love them, feed them, play with them, take them on outings and care for them, standing in as family until they join their forever homes.

04/01/2024

上個月我咪講過管理員姨姨整親條腰嘅～我一路唔敢問佢有無用支油，因為我驚佢無用到，我個心就會覺得浪費咗大自然俾我哋嘅資源，就會失望😅

今朝佢同我講，多謝我支油，佢話搽完好咗好多呀～即刻開心哂🥰

12/12/2023

剛剛喺度諗，平日去做義工又好，接case都好，要做得好，最重要嘅元素到抵係咩呢？

其實用幾好嘅油，手勢有幾好都未係第一重要，我覺得最重要係有心～

要用心去聆聽，細心分析人哋嘅需要，同埋真心咁關心坐喺你前面嘅人～

最開心就係見到完成任務後，每個臉上掛住嘅笑容💕💕

09/12/2023

你哋知道治療師嘅手會有咩嘢特徵嗎？

03/12/2023

我對腳自從生完之後就無哂力，我啲筋經過咁多健跳舞之後又何其地鬆，所以好多時一急停就會受傷～

呢幾年睇骨科嘅次數，簡直多過我約朋友食飯～ （因為我真係好少約朋友食飯🤣🤣）

早個星期架巴士衝紅燈急停，我隻左腳大力氹咗落地，嗰下個心諗，唉又夠期探醫生～ 不過其實我唔可以即刻去睇～ 因為要湊仔又要做嘢，所以返到屋企自己開咗啲扭傷配方嚟用～

咁啱嗰日約咗做treatment ，therapist 知我整親，用咗部M6機幫我碌咗隻腳一陣，加埋我搽咗兩三次油，竟然第二日去阿仔swimming gala做家長義工企足半日都無再痛～ 我今日仲去上埋拉筋堂都無事～

呢一刻，真係覺得，生活上可能會面對好多唔如意嘅事～ 但係自己裝備好自己，同埋認識好嘅朋友，當唔好嘅事情嚟到，都會有佢好嘅一面～

今次嘅第一樣好事係我讀咗香薰治療，可以喺我得閒睇醫生前搞掂咗隻腳；第二樣係識咗gloria Harmony Aroma Care Wellness 幫手照顧我過度操勞嘅肉體～ 無論產後護理、facial、按摩、減肥、美容，咩都可以搵gloria幫手㗎～佢按摩手勢超好，同埋我未見過啲咁唔sell嘢嘅老闆～ 佢真係好人到一個點㗎，完全係幫到人佢自己仲開心嗰啲人嚟～

#痛症治療 #香薰治療師 #有病係一定要睇醫生㗎 #芳療 #舒緩治療 #我愛黎明 #請安全使用精油
#植物都會有毒性嘅 #化學成份你要識 #持續進修

22/11/2023

今朝趕住帶細佬落樓，（無錯...係趕住，因為佢又係喺出門口前五分鐘話要poopoo.....睇嚟成為🐏嘅潛質係天生嘅😓）

講返落樓，佢落到去一個🤧，流鼻水，但係我無tissue喺手，去到第二個座樓問姨姨借（攞）張tissue應急，點知發現姨姨行得好慢

原來前幾日好大風，姨姨幫住客開門拉到條腰，佢睇咗醫生，食咗消炎藥都仲覺得痛😖

作為治療師嘅我，點會忍到手呢，返上樓即刻開返個閃腰扭傷配方俾姨姨用，希望幫到佢啦～

*精油係可以幫助到舒緩好多病症，但係亦有好多禁忌；香薰治療師係可以幫你舒緩病症，但係唔可以幫你斷症，有唔妥點都睇下醫生作出全面檢查，避免延誤治療，記住要安全使用精油

#香薰治療師 #芳療 #痛症治療 #舒緩治療 #有病係一定要睇醫生㗎
#我愛黎明

28/08/2023

收工～～～～～

16/08/2023

早排整咗啲蚊膏同配方俾朋友～ 好開心收到正面feedback～ 你哋用得好就係我堅持嘅動力💪

為咗令產品可以幫到更多人，我9月會再進修～ 期待學完之後，會有更豐富嘅知識去幫大家！

#香薰治療師 #香薰治療 #嬰兒 #嬰兒按摩 #孕婦按摩 #產後紮肚 #痛症治療 #健身教練 #國際嬰兒按摩講師 #蚊膏 #止痛 #放鬆 #減壓

23/05/2023

我而家喺診所等俾錢，突然諗下自己有咩嘢心願🧐

1. 希望靠自己對手治療到有需要嘅人
2. 希望有朝一日可以成為寄養家庭
3. 希望啲細路大個咗，我可以返到兒童之家做義工
4. 希望打自己工🤣🤣🤣
5. 希望唔駛做啲唔想做嘅嘢

03/05/2023

早前同朋友一齊開workshop，推廣下嬰兒按摩同埋一啲親子工作坊，有興趣大家可以睇下呀，報得多會有更多優惠😊😊