澳洲營食日常 Aussie Wellness Daily

澳洲營食日常 Aussie Wellness Daily Contact information, map and directions, contact form, opening hours, services, ratings, photos, videos and announcements from 澳洲營食日常 Aussie Wellness Daily, Health & Wellness Website, Hong Kong.

大家好！我是Annie，一位土生土長的香港人。大學時主修食品及營養科學，畢業後曾在香港的私人營養中心擔任營養師，專長體重管理，幫助大眾建立良好飲食習慣，重拾健康體態。2022年移居澳洲雪梨。移居後，一直很希望能夠繼續分享實用貼地的營養飲食資訊，所以創立了這個平台。同時我也是一個熱愛烹飪、享受各國美食的吃貨，期望能夠跟大家分享交流在澳洲的餐廳、超市好物和健康食譜。

*歡迎私訊查詢關於一對一線上營養諮詢服務詳情。
*此平台上所有資訊純屬分享，任何有關個人的健康疑問或疾病治療，請向專業醫護人員或營養師諮詢。

誤打誤撞嚟咗試呢間居酒屋，平日夜晚去好靜，全場得兩三枱客😂 我哋初時都有啲擔心食物質素，結果比想像中好好多。尤其個釜飯同牛肉壽喜燒鍋都唔錯，刺身都算新鮮。串燒就不過不失啦，冇乜特別，反而調味偏咸少少。釜飯有幾款海鮮，鮑魚、比目魚同大蜆，全部...
30/01/2026

誤打誤撞嚟咗試呢間居酒屋，平日夜晚去好靜，全場得兩三枱客😂 我哋初時都有啲擔心食物質素，結果比想像中好好多。

尤其個釜飯同牛肉壽喜燒鍋都唔錯，刺身都算新鮮。串燒就不過不失啦，冇乜特別，反而調味偏咸少少。

釜飯有幾款海鮮，鮑魚、比目魚同大蜆，全部都煮得啱啱好，大蜆仲好鮮甜，係全晚最好食😋

Crispy Aged Quail 香氣幾特別、脆口，不過肉質冇話特別嫩。比起燒乳鴿遜色得多，不過都可以一試。

平日每日有一個精選優惠，我哋當日係半價Grilled Kingfish Fin ，只係AUD $10。👍🏻👍🏻

Miji Bar & Grill
📍 T25/100 Miller St, North Sydney NSW 2060

上次介紹過嘅日本急凍蠔，好多人都DM問我煮完究竟會唔會縮水得好勁。其實佢就真係唔叫大隻，今次特登烚完俾大家望吓真實大細。呢個韓式煎蠔仔係跟IG Reels 學嘅，唔錯，都幾好食。記得煎起即食，攤凍咗就冇咁好食😆
24/01/2026

上次介紹過嘅日本急凍蠔，好多人都DM問我煮完究竟會唔會縮水得好勁。其實佢就真係唔叫大隻，今次特登烚完俾大家望吓真實大細。

呢個韓式煎蠔仔係跟IG Reels 學嘅，唔錯，都幾好食。記得煎起即食，攤凍咗就冇咁好食😆

跟下風，整無水雞脾😌用電飯煲整冇咁容易失敗，同埋我用咗娃娃菜墊底。可惜隻大雞髀醃得唔夠耐比較淡，雞肉係滑嘅，又帶淡淡蘋果香氣🍎下面啲娃娃菜同洋蔥吸晒啲精華，又甜又好食，變咗MVP 😂😂好彩買咗個大容量(10杯米)電飯煲，整任何電飯煲料理都冇...
21/01/2026

跟下風，整無水雞脾😌
用電飯煲整冇咁容易失敗，同埋我用咗娃娃菜墊底。可惜隻大雞髀醃得唔夠耐比較淡，雞肉係滑嘅，又帶淡淡蘋果香氣🍎

下面啲娃娃菜同洋蔥吸晒啲精華，又甜又好食，變咗MVP 😂😂

好彩買咗個大容量(10杯米)電飯煲，整任何電飯煲料理都冇難度🤩

借呢個平台輕輕幫我朋友推廣一下如果有Sydney 北區嘅家長想幫小朋友報廣東話班，可以考慮一下🤩 Miss Patsy 經驗豐富，教學用心💓💓有興趣嘅家長請聯絡佢🙏🏻 #雪梨香港人 #兒童廣東話
19/01/2026

借呢個平台輕輕幫我朋友推廣一下
如果有Sydney 北區嘅家長想幫小朋友報廣東話班，可以考慮一下🤩

Miss Patsy 經驗豐富，教學用心💓💓有興趣嘅家長請聯絡佢🙏🏻

#雪梨香港人 #兒童廣東話

同大家分享一下呢兩款喺中超買到嘅急凍日本蠔，一般都係AUD35-38蚊一包。藍色嗰包嘅蠔比較細隻，煮熟咗之後縮咗水，都冇手指公咁長。相反綠色嗰包係大隻好多，口感更加好。呢兩款我哋都會定期買返屋企做存貨，煮熟咗都冇乜腥味，口感唔錯。試過用嚟打...
18/01/2026

同大家分享一下呢兩款喺中超買到嘅急凍日本蠔，一般都係AUD35-38蚊一包。藍色嗰包嘅蠔比較細隻，煮熟咗之後縮咗水，都冇手指公咁長。相反綠色嗰包係大隻好多，口感更加好。

呢兩款我哋都會定期買返屋企做存貨，煮熟咗都冇乜腥味，口感唔錯。試過用嚟打邊爐同炒餸，效果都唔錯。

如果鍾意食蠔嘅朋友都可以考慮吓😋

有冇人明白我嘅心情？🥹 喺澳洲從來冇食過又綿又甜嘅番薯。之前喺韓超見到呢隻急凍嘅烤蕃薯減價，所以就決定睇吓究竟韓國蕃薯係咪真係好食啲！擺喺室溫回一回溫之後，我用氣炸鍋焗15分鐘就獲得煨蕃薯一嚿🤩 食落真係好軟綿嘅口感，同埋甜味十足🤣 加多半...
17/01/2026

有冇人明白我嘅心情？🥹 喺澳洲從來冇食過又綿又甜嘅番薯。之前喺韓超見到呢隻急凍嘅烤蕃薯減價，所以就決定睇吓究竟韓國蕃薯係咪真係好食啲！

擺喺室溫回一回溫之後，我用氣炸鍋焗15分鐘就獲得煨蕃薯一嚿🤩 食落真係好軟綿嘅口感，同埋甜味十足🤣 加多半個蘋果就係我哋今日嘅簡單早餐。

💡好多年前開始已經網傳雪凍過嘅蕃薯，因為會產生抗性澱粉，所以熱量會減低。不過其實即使蕃薯雪凍過，翻熱之後所產生嘅抗性澱粉唔多，所以同普通整熟嘅蕃薯嘅熱量差距極細。 大家千祈唔好誤會啊！ 所以無論有冇雪過嘅蕃薯，大家都係享受美味啦😆

呢隻韓國製海苔小食非油炸、成分天然、無味精。照燒味雖然有啲鹹，但都幾好食。最驚喜嘅係打開個包裝同拎上手都冇乜油。中意食紫菜嘅大家可以試下，仲有其他味。
11/01/2026

呢隻韓國製海苔小食非油炸、成分天然、無味精。照燒味雖然有啲鹹，但都幾好食。最驚喜嘅係打開個包裝同拎上手都冇乜油。中意食紫菜嘅大家可以試下，仲有其他味。

早兩日特朗普政府推出咗新嘅美國飲食指南，引起咗好多人嘅關注同討論。其中最重點提議要「Eat Real Food」。國民要以蛋白質攝取入為優先，同時亦建議食全脂類奶製品。澱粉質食物來源則佔最少比例，建議優先選擇進食全穀(Whole Grain...
09/01/2026

早兩日特朗普政府推出咗新嘅美國飲食指南，引起咗好多人嘅關注同討論。其中最重點提議要「Eat Real Food」。國民要以蛋白質攝取入為優先，同時亦建議食全脂類奶製品。澱粉質食物來源則佔最少比例，建議優先選擇進食全穀(Whole Grains)食物。

整個指引都強調要避免精製澱粉、高度加工食物及仼何形式嘅添加糖份，一啲冇特別營養嘅代糖亦都被指出需要盡量避免。

根據返而家美國整體國民嘅健康狀況，尤其係特別高嘅過重同癡肥比例，部份嘅飲食建議都幾合理。不過睇晒成份嘢之後，呢個指南略嫌過於簡化，同埋仲有好多模糊嘅地方。唔知呢一場「健康革命」之後仲會唔會多啲詳盡嘅措施同埋政策呢？

不過有一點可以肯定嘅係，跟住落嚟會有更多打住「健康、天然、無添加」嘅食品出現，價錢亦都會有機會越嚟越貴。好多人都覺得食得健康嘅成本好高，希望美國政府可以俾到多啲實際嘅指引國民，點樣可以用普通嘅食材都可以食得健康同有營養。

大家對呢一份新嘅指引又點睇呢？

更多資訊
https://www.hhs.gov/press-room/fact-sheet-historic-reset-federal-nutrition-policy.html

https://realfood.gov

https://cdn.realfood.gov/DGA.pdf

平時喺魚檔買新鮮嘅魷魚或者八爪魚都幾貴㗎，起碼30幾蚊一公斤。大家不如試吓呢一個性價比高嘅選擇，Costco 八爪魚仔。一盒接近一公斤，有至少20隻。非常新鮮，而且已經清潔好。只需簡單清洗一下同切成想要嘅形狀就已經可以煮。因為一盒嘅份量比較...
03/01/2026

平時喺魚檔買新鮮嘅魷魚或者八爪魚都幾貴㗎，起碼30幾蚊一公斤。大家不如試吓呢一個性價比高嘅選擇，Costco 八爪魚仔。一盒接近一公斤，有至少20隻。非常新鮮，而且已經清潔好。只需簡單清洗一下同切成想要嘅形狀就已經可以煮。

因為一盒嘅份量比較多，所以我今次用咗兩個唔同方法烹調。一個惹味，一個清淡鮮味，唔知你哋鍾意邊一款多啲呢？

🐙爆炒八爪魚仔
材料: 蒜頭4-5瓣、洋蔥半個、蔥段10條、芹菜10條、八爪魚仔12隻、辣椒1條

調味: 花雕酒1湯匙、白胡椒粉半茶匙、魚露兩茶匙、蠔油半茶匙、糖¼茶匙、美極適量

做法:
1. 將八爪魚仔用熱水煮大約2分鐘。
2. 油鑊爆香蒜頭、洋蔥、蔥白。
3. 加入八爪魚仔炒匀，加入紹興酒炒至完全蒸發。
4. 加入調味料炒匀。
5. 最後加入辣椒、芹菜和蔥段炒匀。

🐙日式黃芽白八爪魚鍋
湯底: 洋蔥半個、海帶4湯匙、昆布粉8克、柴魚片4大匙

材料: 八爪魚仔10隻、黃芽白6-7片

做法:
1. 清水加入洋蔥煮滾。
2. 加入海帶乾、昆布粉、柴魚片(入袋)，煮至少10分鐘。熄靜候至少15分鐘。
3. 夾走柴魚片，如果只想要清湯底可以篩走所有湯渣。
4. 加入已經切好的黃芽白，再次開火煮滾。
5. 黃芽白軟身時，可以加入八爪魚，煮至變色即可。

#營食煮意

今日嚟Lidcombe 試呢間韓國餐廳，有釜山豬肉湯飯食😋 唔喺度度都揾到㗎。最近嘅天氣涼涼哋，食呢啲熱辣辣嘅湯飯就啱哂啦！豬肉湯飯雖然清淡，但一上枱就香氣十足，一啲豬肉嘅臊味都冇。大家可以揀普通嘅豬肉湯飯，或者豬肉加內臟湯飯。我今日揀咗有...
02/01/2026

今日嚟Lidcombe 試呢間韓國餐廳，有釜山豬肉湯飯食😋 唔喺度度都揾到㗎。最近嘅天氣涼涼哋，食呢啲熱辣辣嘅湯飯就啱哂啦！豬肉湯飯雖然清淡，但一上枱就香氣十足，一啲豬肉嘅臊味都冇。

大家可以揀普通嘅豬肉湯飯，或者豬肉加內臟湯飯。我今日揀咗有內臟嘅版本，所以另外有豬心片同埋豬肚絲。枱上有韓式嘅蝦醬，可以自行調味，加咗之後更加鮮味，亦都有少少鹹香，配埋多款小菜，真係好似去咗韓國咁🤣

另外仲嗌咗紫蘇蕎麥拌麵。之前喺Eastwood 食過一次之後就鍾意咗呢道菜。今次再試，覺得風味有啲唔同，另外配埋唔辣嘅水泡菜同埋紫蘇籽粉，口感都好唔錯☺️☺️ 紫蘇籽有豐富嘅Omega-3，亦有抗氧化同抗炎嘅功效。亦都有研究指出有助抑制體內組織胺釋放，可以減輕過敏症狀。

餐廳資訊
Songdo Gukbap
📍 Shop5 46/50A John St, Lidcombe NSW 2141

#澳洲外食健康選

2025年回顧💛今年做多咗唔同類型嘅分享，不過我一直都係佛系經營，亦都冇課金落廣告。見到follower 人數慢慢增長，係年底前Facebook 突破一千人，都帶比我少少嘅滿足感。多謝各位網友中意同支持我嘅日常分享😄 踏入新一年，祝願大家都...
01/01/2026

2025年回顧💛
今年做多咗唔同類型嘅分享，不過我一直都係佛系經營，亦都冇課金落廣告。見到follower 人數慢慢增長，係年底前Facebook 突破一千人，都帶比我少少嘅滿足感。多謝各位網友中意同支持我嘅日常分享😄

踏入新一年，祝願大家都平安順利，身體健康。享受美食及生活之餘，繼續滋養身心。🧘‍♀️ 我亦都會繼續分享關於飲食嘅大小事比大家☺️

呢個月整咗三次雪花酥，第一次整賣相一般，不過味道還好。第二次開始試唔同口味，愈嚟愈上手。尤其整好後切成一粒粒嗰下，真係好治癒。總共整咗原味、黑芝麻味同埋開心果味三種。我未揾到低糖或無糖棉花糖，淨係改咗用低脂奶粉。試完原版，下次會考慮試下改良...
31/12/2025

呢個月整咗三次雪花酥，第一次整賣相一般，不過味道還好。第二次開始試唔同口味，愈嚟愈上手。尤其整好後切成一粒粒嗰下，真係好治癒。
總共整咗原味、黑芝麻味同埋開心果味三種。我未揾到低糖或無糖棉花糖，淨係改咗用低脂奶粉。試完原版，下次會考慮試下改良版，盡量減少啲糖同脂肪。

小小心意當做禮物送比屋企人同朋友，喺年尾呢個日子分享下食物同祝福💓 本身已經諗住整咗三批，係時候暫時停下 (因為老公發現咗係用牛油同棉花糖整之後，話自己食太多肥咗😂😂) 。但係尋日朋友比咗兩包凍乾榴槤比我，我哋係度話應該可以整榴槤芒果味……

Address

Hong Kong

Website

Alerts

Be the first to know and let us send you an email when 澳洲營食日常 Aussie Wellness Daily posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category