24/04/2026
最近一直在練習素描和人像，並非為追求寫實，而是希望鍛鍊刻劃事物、或表達情感的能力。一直是意識流/抽象創作者，但也希望將情感及經驗精準地表達。 有時又怕限制左創作同物料成形過程對自己既睇法，好矛盾。
呢幾年帶學生一樣，好想給予空間讓對方發展，但對基本嘅界線，操守，處理治療過程等等，又需要提供實際的回應。好難啊！
迷惘之際，看也斯老師嘅「街巷人物」，佢嘗試用文字去描繪環境同埋人物，非常有趣———字句慢慢雕琢，腦海彷彿看着素描筆畫緊story board，帶我進入他如電影般既簡單又遺美的畫面，正正如達文西話藝術創作就係藝術家將自己嘅視覺經驗呈現出嚟（大意），而唔係照抄眼前事物。
但講就容易，呢種對個人經驗既表達牽涉描繪能力，同埋環境與人和感受之間的種種動力。而做藝術治療師，點樣去理解呢個表達，就更複雜細膩，而作為督導去支持實習學生，難上加難，現今的訓練模式， 理念，整個大環境跟自己學習時完全不一樣，更莫說AI的影響。
老師的序言的最後一段大意係：「好多人認為創作是天才，不能教授，但老師認為如果可以讓學生諗諗點樣用佢哋摸索出嚟嘅方法寫佢哋當代周圍嘅環境同埋人物，係佢最樂於見到嘅。」正正係我宜家最想做到的，知道老師的想法差不多，感到很安慰，相信他可能也有經歷過我現在的矛盾吧！
寫呢篇序言時，我係大學上緊佢既創意寫作課。原來自己所追求的價值觀，同學科及環境未必有關，生命中有夠重要的人，總會啟發你在不同場域的想法。
謝謝 也斯！
圖： 5 分鐘Life Drawing，我看著模特兒的手
#街巷人物
#用自己摸索出來既方法描繪現在
#也斯
