養生・心理學

31/12/2025

2025 就像蛇一樣慢慢脫皮而去，
希望大家也將不再適合自己的脫去。
2026 是一頭Fire Horse，
祝願大家也如這隻火馬勇往向前，
跑出自己的路途，
跑向自己的願景。

🐍 to 🐎
2025 to 2026
old me to new me
old you to new you

Happy New Year 🥂

20/12/2025

17/12/2025

從出生到離世之間的時間裡，我們到底在等什麼？

為了等待這個不知道是什麼的什麼，我們又在做著些什麼？

如果我們不做著些什麼，時間又要怎麼過？

我們都是被隨機地投擲到世上的人，被隨機地安排了角色和身份。

每個人都只知道他自己所經驗的，其餘的一切都只是聽聞。無論你以為自己確切地知道什麼，都只是聽聞。

思想很吵耳，很重覆，是一種叫人抓狂的技能。回憶很脆弱，很破碎，是一個不可靠的安慰。

從出生到離世之間的時間裡，我們都在做些什麼來打發時間。為了內心更好過，我們又會為那些做些什麼附加意義。偶爾，我們會窺探到那其實並無意義的實相，但隨即我們又繼續做些什麼去逃離這個實相。

我要走了。
不可以走。
為什麼？
因為要等果陀。

#等待果陀
#鄧樹榮戲劇工作室
#林家棟極之好睇
#爐火純青
#朱柏謙

#倪秉郎
#香港舞台劇

09/12/2025

火災過咗兩個星期，望落去好似大家都繼續生活上嘅各種忙碌。事實上悲傷仲未淡去，而之前抑壓落嚟嘅情緒壓力反而會因「已成定局」而慢慢釋放返出嚟。

如果你覺得好似個人提唔起勁，冇乜力水，冇乜精神；又或者仲係會好留心關於火災嘅新聞，腦入面成日loop住啲畫面嘅話，首先你唔需要太擔心，可能你仍然需要一啲時間去整合同清理。盡量俾自己接觸下陽光，去啲空曠啲嘅地方行一陣，呼吸下新鮮空氣，飲啲檸蜜幫自己身體排下毒。

如果你有種好重好壓住嘅感覺嘅話，搵你信任而情緒穩定嘅親朋講下傾訴下。將壓住嘅說話同想法釋放出嚟。講出嚟唔可以改變發生咗嘅事，但係係一個認知同接納自己嘅舉動，亦係一個透過被聆聽而重建聯繫嘅過程，好重要。當然，如果你覺得你日常生活係受到好大影響，食唔倒嘢瞓唔倒覺，或者好多無由來嘅焦慮，咁可能搵下專業機構或人士咨詢下會好啲嘅。

如果你想搵個陌生人傾下，都可以DM俾我，同我傾下計㗎☺️

#災後情緒支援
#心靈支持
#一齊行
#山斗心靈對話

30/11/2025

災難面前，見眾生相。

有人口裡說幫，身體在行行企企；有人默默無語，搬搬抬抬從未休息。有人攞盒飲品都會覺得唔好意思怕麻煩其他人；有人揀物資有如入連卡佛揀季初新裝。有人一鼓朝氣沿途入隊幫手，亦有人憂心忡忡席地而坐冇乜反應…

我哋當中好多都唔認識對方，一齊搬過嘢行過幾轉打過下氣，但唔知亦冇問對方叫咩名。過咗呢幾日，就此可能一世都唔會見返，見返都可能唔會記得。但係喺呢個小小嘅時空，我哋相遇咗。呢一個偶遇，不論大家感受如何，或許係感動或許係熱血甚至係生氣或者厭惡，都為世界種下咗一粒種子。呢粒種子一定會慢慢發芽🌱，為世界帶嚟改變。

我記得當我經過認相嘅會堂時，嗰個地方好靜，旁邊明明好多人行嚟行去搬緊物資，但行到呢個點都會靜咗，無聲咁離開，個能量好重好悲傷。我心跳得好快，頭亦會痛。有太多家庭喺呢個位置被無情地確認粉碎，有太多未完嘅故事喺呢度被粗暴地寫下句號。受災者嘅世界，喺一夜之間完全崩裂。外人連想像都難如登天，又點能切身明白嗰份痛？

呢一課提醒我要好好修行。看穿幻象，世間一切都係共業，我都係其中一個播種嘅人，保持覺察同慈悲，每一刻專注做該做嘅事，散播善嘅種子，擇善而固執，僅此而已。

再黑嘅地方，只要打亮一點光，即使係小小嘅一點，就可以開始看見。讓我哋一齊播光嘅種子，照亮我哋嘅香港！

#有感而發
#修業
#擇善固執
#持守善念
#山斗心靈對話

28/11/2025

好多人都好有心，希望幫助親朋好友分憂，甚至當義工幫助災民/陌生人抒緩情緒。咁大嘅災難事件，對我哋好多人嚟講都係人生裡面第一次，現職心理專科嘅人亦唔例外，不論我哋本身係唔係受災市民都會有自身嘅情緒感受，所以再要同人「傾計」去承接別人嘅情緒其實都唔係一件容易嘅事。

所以有啲highlights 希望同未必係專業輔導人員但又好有心嘅大家分享一下，等大家可以企得穩自己之餘又可以有效支持倒身邊人。

「傾計前」，關於自己fact check的二、三事：

1/ 我此刻身體狀況如何。夠唔夠瞓？餓唔餓？攰唔攰？

呢一點係好重要！身體狀況係會直接影響我哋嘅思維同自我管理能力，意思即係你個人狀態好就會相對穩定，冇咁易俾外在嘅情況打亂自己，亦會處於更好嘅覺察。

2/ 我此刻心情感受如何。平靜？傷心？忿怒？不安…？

先覺察自己嘅情緒狀態，避免喺傾計時引發更多自己嘅困擾，更重要嘅係避免將自己嘅情緒投射落對話當中，令自己同對方更加難受。

3/ 我有冇自己嘅support team？

有好嘅身心狀態唔係永恆不變嘅，聽倒好多傷心痛苦嘅故事時作為人我哋一定會受影響。當我自己心累時我有冇人可以傾訴？我可以搵邊個支持？呢個至為重要。

如果以上三點都 ✅ ，咁你就相對準備好去成為別人傾訴對象喇。

喺「傾計」時，亦有一啲點子係會幫倒手嘅，大家可以留意下：

1/ 用實在而輕柔嘅實際事情展開對話，例如：「你此刻有冇咩需要？要唔要杯水或者食少少嘢？」

咁樣對方會容易follow，容易回覆亦都為對方保有一個安全而得到尊重嘅空間。如果對方經歷緊好大情緒壓力，你一嚟就問「你覺得點呀？心情如何？有咩想傾下？…」係好容易刺激對方嘅回憶同情緒，一係佢就唔想再講，一係佢就爆破，咁樣都唔太理想。特別如果對方真係情緒炸彈爆破崩潰而你未必handle倒嘅，咁就對大家都唔太好喇。

2/ 聆聽、聆聽、聆聽。

其實我哋要做嘅係保持住一個安全嘅空間俾對方，讓佢想講就講，唔想講就唔講，純粹喺你嘅陪伴下靜下沉澱下。我哋唔洗講好多嘢，亦切記唔需要fill up the dead air。容讓對方靜低，你靜靜地陪住佢，唔需要「鼓勵」佢講，因為對方內心都可能唔知點講、點表達，佢都可能好亂好迷惘，太「鼓勵」佢講反而會造成壓力。靜下來，有時都可以係一抹良藥。

3/ 唔需要太多安慰說話，更加唔好說教同幫佢合理化事情，唔係對方每句說話你都要回應嘅。

試想像你自己喺類此嘅情況（災害），你會最想聽倒啲咩說話？「冇事嘅」「唔好諗咁多」「最緊要人冇事」「錢財身外物」「唔好擔心」？定係「唔餓都食啲唔眼瞓都瞓下」？呢啲好心嘅安慰同開解都可以變成負擔。即使唔係直接受災人士，如果對方對呢件事情好有感受都會係有唔同嘅因素，你同佢講「你唔好俾啲新聞影響情緒啦」係零幫助，亦否定緊對方嘅情緒同需要。對你有效嘅做法對他人未必行得通，所以避免建議對方點做，只係讓佢知道你用心喺度聽並且努力明白佢就可以喇。

4/ 真係要講嘢嘅話，咁我哋可以點講呢？

「如果你想講，我會喺度聽。」
「不如我哋一齊飲啖水抖一抖咯。」
「我關心你嘅體力狀況，你要唔要補充一啲食物/睡眠？」
「我哋一齊搵方法。」
「呢度安全嘅，我喺度。」
「多謝你肯講俾我知。」
「未得就未得，唔需要勉強自己。」
「我相信你已經做咗你（當時/而家）能夠做嘅。」
…

上面嘅係簡單工具箱🧰，但當你真正面對一個有血有肉嘅人嘅時候，冇一套嘅方法係一定會work。作為傾訴對象最重要嘅力量係堅定而溫柔：自己嘅身心都堅定，對待對方嘅分享、情感同說話要溫柔。

最後嘅係，我哋自己都係人，如果傾計當中你察覺倒自己都開始負荷過重，就係時候要停一停，照顧返自己先，重建力量再嚟過，做我哋能夠做嘅就好。

希望我哋都可以互相支持，祝福大家都能喺風雨中好好安頓自己🩵🩵

#傾訴
#災後關懷
#情緒支援
#對話工具箱
#山斗心靈對話

28/11/2025

隨住確定死傷人數上升同時間嘅推移同訊息消化，再加上「倖存者內疚」，喺未來呢幾日將會有越來越多人感受到強烈嘅情緒壓力。

這不僅限于在地災民，其他人亦有機會產生呢個狀況。請大家務必多關心自己同身邊人嘅情緒狀態，及早尋求支援。

有需要情緒支援請跟我聯絡，能搵個朋友或家人傾訴都係好嘅。

呢個係我哋所有人一齊遇上嘅挑戰，我哋一齊去應對，一齊行過去。

You are never alone!

#災後情緒支援
#互相幫助
#守望相助
#我哋喺一齊
#山斗心靈對話

23/11/2025

大自然的美，沒有規則，沒有限制。就這麼隨意的一個藍天一抹雲彩，再灑下一點陽光的反射，就已經令人神往。

「觀身心·觀自在」退修營就在這樣的藍天下順利完成。每位參與者的「觀」，都為其他參與者加多一份「覺」。感謝來自不同文化不同地域不同年齡層的大家，你們真誠的分享和情感流動，豐富了兩天的活動。

一位參與者跟我分享：「這兩天好像沒有什麼特別事做過忙過，但和自己溝通之後內心的感受豐富了很多，也寧靜了不少。」

祝福所有參與者都能情感豐富，內心自在。

#山斗心靈
#山斗工作坊
#山斗退修

26/10/2025

新月，是除舊清洗和建立新願景的好時候。

第九屆身心療癒退修營將會於二零二六年一月舉辦。歡迎所有對水晶、能量、水晶治療及自我探索的朋友參加。趁著新月帶來的能量，幫助我們真正的去舊迎新，設立願景，向目標啟航。今次亦會加入天使訊息傳遞，令療癒效果更顯著。

詳細內容如下：

費用：$2200佔半房，$2400 單人房（費用包括星期六晚餐，星期日早午、午餐膳食、住宿、工作坊場地租賃及課程費用）
入營日期：2026年1月17日中午
離營日期：2026年1月18日中午

退修內容：
- 水晶療癒小知識
- 體驗水晶能量運用
- 體驗水晶療癒：減壓、回復身心平衡、平衡七脈輪，
- 認識及體驗天使療癒
- 建構水晶網及願景設定

營地：長洲慈幼靜修院

裝備：輕便衣著，瑜珈墊/大毛巾（必須），水樽（有冷熱水供應），防蚊，個人梳洗用品，個人藥物（若需要），保暖外套，個人喜愛之水晶（若有）

工作坊進行時間：
1/17 15:30-18:30、20:00-22:00
1/18 09:30-12:30、14:00離營

名額：12人。額滿即止

報名以交費留位作實，請填妥以下報名表格，我們會盡快跟你聯絡。

https://docs.google.com/forms/d/e/1FAIpQLSdbPQh1870KIk_XqeNjRpe6Uzmupa5dD5ApywZaJb3dKE-LQw/viewform?usp=header

期待與你見面😊

20/10/2025

各位《養生·心理學》嘅朋友仔大家好呀！
我已經建立咗新嘅地方繼續發嚕蘇、寫下字同分享下內心世界。誠邀你哋繼續支持同埋保持聯絡！以下就係新地方嘅ig喇，佢叫《山斗心靈》，歡迎connect❤️
Heidi

23 Followers, 35 Following, 7 Posts - See Instagram photos and videos from 山斗心靈 ()

06/10/2025

「觀身心·觀自在」靜修營：

日期：2025年11月22-23日(星期六、日）
入營時間：15:00
出營時間：14:00
靜修營地點：長洲慈幼靜修院

內容：
1/ 接觸及領受身體的訊息
2/ 與身體和解
3/ 覺察念頭鎖鏈
4/ 心田耕種
5/ 靜心活動
6/ 個人手帳製作
7/ 卡牌訊息交流

每位費用：$2200（佔一半雙人房）/$2400（單人房） *如需單人房請於報名時說明
*費用包括宿營費，星期六午晚餐，星期日早午餐，活動室，工作坊材料（除手帳）

詳細物品準備清單會個別跟參加者聯絡。

名額：12人
報名請PM本專頁或whatsapp至9468-7466截止報名日期：10月20日（先到先得，以付款為準）

07/09/2025

每個人都想被聽見。

處境不能定義一個人；
只有用心聆聽，
才可真正認識。

我們身邊都有很多故事，
你願意去傾聽嗎？