16/06/2019
半世人既一個重大人生決定🦷
屬於草根階層，從18歲比阿媽婉拒箍牙既請求，心裡也明白家庭狀況，所以往後想都不敢想直到踏入中年一直內心爭扎至今年女人四十終於下定決心為自己作一場人生革命。
由計劃到定案
呢十幾年黎參考左7位醫生👩⚕️👨⚕️既醫療意見，數位家庭牙科醫生，專做穩適美箍牙醫生，牙科醫院，兩位箍牙專科。
家庭牙科醫生意見係牙齒健康無必需性箍牙，呢一席話將我箍牙既想法放在深處亦錯過左最適合箍牙既年齡。直到29+1，旅行時認識了一位同年齡既台灣朋友，當時佢剛開始箍牙，佢問我點解唔箍，我猶豫，比佢一句「早做早享受！」燃燒起我心深處既心願。我返香港積極問朋友有無醫生介紹，最後我預約左3間。
第一間在長沙灣專做隱適美既箍牙醫生，由於價錢優惠亦很多好評，都等左幾星期，醫生同時處理幾位病人，醫生建議我比較適合用傳統鋼線，再問話隱適美可以做但起碼五年亦唔擔保效果。連醫生都咁不確定我又點敢搵佢做，比左$150檢查費就離開。
第二間係位於西區既牙科學院，當然係要比學生做敎材嗰隻，好處係佢一定要你讓你的個案成功但做白老鼠就要預好多時間，加上門檻係30以下又限時抽籤，我一等就等左8年，終於見倒佢接受新一輪報名，30有8都膽粗粗填左網上表格。竟然在我結婚前一個月接到電話「你的申請已被取錄！」我的喜悅不能用言語形容，簡直係上天給我的結婚禮物，我想也沒想馬上預約及做了一個$1500牙齒倒模，問題係只有傳統箍牙，我咁既年紀帶著鋼箍幾年喎！？在我考慮之際佢得悉我下月結婚即婉拒我因爲佢地係半教學形式所以唔可以等我結婚後開始。我失望而回。結婚後數月竟又收到電話，「現在還有興趣箍牙嗎？」我又馬上預約見面，收費只是$25000加上暖男醫生，真的很吸引，可惜經考量一翻，仍是猶豫過程，效果及時間等問題。
最後我在中環見左一位很有名氣既箍牙專科。病人就如朝聖，生意無憂。佢一口答應幫我做亦可用隱適美但我的情況必須配合傳統鋼線，醫生怱怱的接見我再見其他病人留下姑娘講解。只是收費$80000！！我付了$500檢查費就離去。我需要時間考慮，一考慮就幾年。最後，還是覺得用錢可以買都的心願其實一點也不貴。我電郵醫生再預約，因過了半年，檢查費又$500，今次索價$100000！我真的崩潰了！醫生仍是怱怱的接見我再見其他病人留下姑娘講解，我花了15分鐘問了一堆問題，我決定做！鋒回路轉，醫生拒絕接我呢個診証！我也攪不請狀況，只是嘗試游說醫生但不成功。瞬間㥬惶絕望，醫生竟給我介紹了一個人。
這是一位位於中環高級牙醫診所裡專做隱適美箍牙專科醫生。預約檢查$350，過程非常順利，醫生講解詳細，姑娘服務水評屬一級。由於是轉介，價錢仍是$100000卻不是我花了幾年時間去消化認定的那位資深權威箍牙醫生。但感覺這位醫生也很值得信賴，幾經議價，終於$80000成交！太感動！我可以開始寫我既箍牙日記了！
