The Youth Flow

The Youth Flow Drama | Psychotherapies | Counseling | Training | Education
DM for enquiries

09/12/2025

⚠️警世⚠️
買iPhone 17系列去睇演唱會記得熄咗某個功能，否則後悔一世！
今年 Clockenflap 嘅回憶差啲俾部新電話毀咗

立即到YouTube及Spotify收聽Amy & Gen Z Podcast
Apple Podcast 稍後上架
(Link in Bio / Highlight)

【我與 Gen Z 的距離】我（Amy）係一個 80 後輔導員／治療師；而 HC 係我嘅 Gen Z 同事。無論傾咩話題，我都忍唔住思考Who am I / 人生的意義😅 佢到底會幾時頂唔順呢？兩個唔同世代、唔同工作崗位、唔同Trainin...
09/12/2025

【我與 Gen Z 的距離】

我（Amy）係一個 80 後輔導員／治療師；而 HC 係我嘅 Gen Z 同事。

無論傾咩話題，我都忍唔住思考Who am I / 人生的意義😅 佢到底會幾時頂唔順呢？兩個唔同世代、唔同工作崗位、唔同Training background嘅人對談，會唔會變成「佢講佢嘅，我講我嘅」？

喺呢個愈嚟愈少面對面溝通嘅年代，既然工作（暫時）仲需要見面，
不如就俾自己一個理由，傾多啲、聽多啲。
可能我最驚嘅係 —— 有一日，我會唔識點樣同人交流。

你呢？你同你身邊嘅人，仲有冇真實嘅交流？

&GenZ

05/12/2025

認知障礙症最明顯嘅特徵係「唔記得嘢」，點樣叫佢哋背劇本、做話劇？

今集，我同黃姑娘一齊拆解我哋呢個project點樣拋開背劇本嘅框框，全面發揮每位長者嘅技能，讓佢哋喺舞台上都可以充滿信心。

我哋更加喺節目入面探討咗一個好重要嘅概念——「無挫敗」。當我哋唔再怪責佢哋冇記性做錯嘢，而係接納佢哋每一個當下嘅反應，或者長者展現出嚟嘅就唔再係病徵，而係被抑壓已久嘅能力同心聲。

🎧 記得上 Spotify / Apple Podcast / YouTube 收聽 EP7！(Link in Bio / Highlight)

#認知障礙症 #長者戲劇

我哋呢個post無論你係喺office想唞下打開IG見到，上堂上到悶悶哋打開IG見到，咁啱有friend dm你打開IG見到，等車無嘢做想消磨時間打開IG見到，臨瞓前撳電話打開IG見到都好，呢度有十幾個日常心理小貼士送俾大家，希望除左提點大...
24/11/2025

我哋呢個post
無論你係喺office想唞下打開IG見到，
上堂上到悶悶哋打開IG見到，
咁啱有friend dm你打開IG見到，
等車無嘢做想消磨時間打開IG見到，
臨瞓前撳電話打開IG見到都好，
呢度有十幾個日常心理小貼士送俾大家，
希望除左提點大家之餘，
仲可以幫到大家由形成小習慣開始著手
提升同改善到心理質素同心理健康～

文：Tracey

［友直、友諒、友多聞］時代嘅轉變，網絡嘅普及，越嚟越容易喺社交平台見到助人工作者嘅言論。好多話題轉瞬即逝，「不專業輔導」嘅討論彷彿已經係上世紀嘅事。但係，話題消失咋，嗰啲「便辟、善柔、便佞」嘅人仍然喺度。睇得多，變得好多嘢諗，會諗點解、點樣...
21/11/2025

［友直、友諒、友多聞］

時代嘅轉變，網絡嘅普及，越嚟越容易喺社交平台見到助人工作者嘅言論。好多話題轉瞬即逝，「不專業輔導」嘅討論彷彿已經係上世紀嘅事。但係，話題消失咋，嗰啲「便辟、善柔、便佞」嘅人仍然喺度。

睇得多，變得好多嘢諗，會諗點解、點樣、點算…… 幸好身邊有朋友同樣喜歡思考，咁就可以透過討論疏理一下思緒。

做緊或讀緊輔導/心理治療嘅你，呢三集有冇嘢都啱你聽？歡迎DM或留言話我聽吖！

EP3-5 已經上載於各大平台，邀請大家去重溫！ (link in bio/IG story highlight)

【實習點滴】上星期六嘅實習，我有幸觀察咗一個關於親子溝通嘅工作坊。深刻體會到，破冰同建立共同話題真係好重要。當家長們分享彼此相似嘅育兒經驗時，氣氛瞬間熱絡起來，大家積極投入討論，揀選代表自己同仔女嘅角色，一齊探討時代轉變帶嚟嘅教養挑戰。成個...
19/11/2025

【實習點滴】

上星期六嘅實習，我有幸觀察咗一個關於親子溝通嘅工作坊。深刻體會到，破冰同建立共同話題真係好重要。當家長們分享彼此相似嘅育兒經驗時，氣氛瞬間熱絡起來，大家積極投入討論，揀選代表自己同仔女嘅角色，一齊探討時代轉變帶嚟嘅教養挑戰。

成個過程讓我深深感受到，而家嘅家長真係唔容易。佢哋唔單止願意學習新方法，更主動嘗試理解年輕一代嘅世界，努力拉近兩代之間嘅距離。

與其單向教仔女點做，不如先認識佢哋身處嘅環境。喺呢個科技主導嘅時代，社交媒體同網絡資訊嘅影響無可避免，但與其感到無助，不如轉個角度，學習點樣引導子女善用網絡資源，將大數據同演算法變成助力而非阻力。

每一次理解，都係拉近彼此嘅一步❤️

文：Terry

#實習分享 #親子溝通 #代際理解 #網絡世代 #教養新思維

14/11/2025

喺頭兩集，我哋聽過同事同intern嘅視角，分享佢哋作為年青人對認知障礙症長者戲劇嘅感受。

今集，我哋邀請咗另一位重要嘅持份者，真正喺前線每日同長者相處嘅註冊社工 - 黃姑娘。

喺佢眼中，認知障礙症長者嘅世界係點？點解佢唔滿足於傳統嘅認知培訓，反而會大膽到想同我哋一齊用戲劇去幫助佢哋？

我哋好易陷入一個盲點，就係淨係睇到認知障礙長者嘅「記憶」問題。當我哋唔再強求佢哋「記嘢」，或者先會睇到佢哋真正嘅能力，同埋最需要嘅尊嚴。一齊聽下黃姑娘嘅專業分享，理解咩叫「DementiAbility」。

🎧 記得上 Spotify / Apple Podcast / YouTube 收聽 EP6！(Link in Bio / Highlight)

#認知障礙症 #長者戲劇 #社工 #同理心 #長者服務 #情緒支援

［劇場的無限可能］劇場不僅是表演藝術的展現，更是溝通與情感交流的重要媒介。它透過生動的故事與角色，讓觀眾身歷其境，激發共鳴與思考。劇場能促進創意發展，增強自我表達能力，並創造社群互動的空間，讓人們在共同經驗中找到連結與意義。論壇劇場是由巴西...
09/11/2025

［劇場的無限可能］

劇場不僅是表演藝術的展現，更是溝通與情感交流的重要媒介。它透過生動的故事與角色，讓觀眾身歷其境，激發共鳴與思考。劇場能促進創意發展，增強自我表達能力，並創造社群互動的空間，讓人們在共同經驗中找到連結與意義。

論壇劇場是由巴西藝術工作者Augusto Boal於其「被壓迫者劇場」中發展出的一種劇場形式。論壇劇場特別適合社會倡議，因為它強調參與與互動，將觀眾從被動的觀看者轉變為積極的參與者。透過重演和即興改編，論壇劇場讓社會議題具體化，促使大眾討論、反思和行動。這種形式不僅喚起公眾意識，更提供了實踐變革的可能，讓劇場成為推動社會進步的有力工具。

［Peer Supervision - 20th］面對青少年對存在的困擾，我們必定要使用存在主義治療嗎？在陪伴他們思考之前，我們是如何理解這些議題呢？第20場 Peer Supervision 將聚焦 「Youth with Existen...
07/11/2025

［Peer Supervision - 20th］

面對青少年對存在的困擾，我們必定要使用存在主義治療嗎？在陪伴他們思考之前，我們是如何理解這些議題呢？第20場 Peer Supervision 將聚焦 「Youth with Existential Issues」 ，共同進行案主概念化（Case Conceptualization）。

📆 14 Nov, 2025 (Fri)
🕢 7:30–9:30PM

可掃描 QR code 或 Link in Bio 報名參加！

07/11/2025

[與對的人說對的話]

子曰：「可與言而不與之言，失人；不可與言而與之言，失言。知者不失人，亦不失言。」
謹言慎行，是我做輔導這一行的原則；持續評論，是訓練思維及塑造價值觀的方法。
與對的人說對的話，可以修心和成長；對於那些不符合專業道德的行家，我會選擇保持距離。
輔導技巧多種多樣，人人皆可學習且應用，而且人工智能也能模擬輔導。但我們之所以是專業和獨特，是因爲我們是會實踐倫理與品格的「人」。

或許我不太喜歡在社交平台展示我的工作，亦不太會廣泛建立名人網絡，潛在客戶應該難了解我到底賣甚麼服務。這就是我，一個希望你聽我Podcast，認識我的價值觀才找我合作的人。

🎧 記得上 Spotify / Apple Podcast / YouTube 收聽 EP5！

#繼續思考

長者好多時都會被子女或者照顧者覺得佢哋失去日常生活所需嘅行動力，因此出於好意幫佢哋安排好日常生活大大小小嘅事，甚至幫佢哋做決定。尤其係患有認知障礙症嘅長者，會被視為更需要幫助嘅對象，從而令到佢地被睇低。戲劇同認知障礙驟眼睇好似係兩立嘅嘢，但...
05/11/2025

長者好多時都會被子女或者照顧者覺得佢哋失去日常生活所需嘅行動力，因此出於好意幫佢哋安排好日常生活大大小小嘅事，甚至幫佢哋做決定。尤其係患有認知障礙症嘅長者，會被視為更需要幫助嘅對象，從而令到佢地被睇低。

戲劇同認知障礙驟眼睇好似係兩立嘅嘢，但其實唔係㗎！專門為認知障礙症患者設計嘅戲劇活動，反而可以俾佢哋自由發揮，仲可以有效鞏固佢哋嘅心理健康㗎！

文：Tracey

實習小編Terry:最近我喺實習過程中接觸到好治癒嘅拼貼藝術。原來創作唔需要高超嘅畫功都可以開始，只要放鬆心情，直覺揀選觸動你嘅圖像同色彩，喺撕貼同組合之間，不知不覺就會投射咗內心嘅想法。每一個畫面，每一個創作都係屬於你獨一無二嘅故事。藝術...
03/11/2025

實習小編Terry:
最近我喺實習過程中接觸到好治癒嘅拼貼藝術。原來創作唔需要高超嘅畫功都可以開始，只要放鬆心情，直覺揀選觸動你嘅圖像同色彩，喺撕貼同組合之間，不知不覺就會投射咗內心嘅想法。每一個畫面，每一個創作都係屬於你獨一無二嘅故事。藝術最重要係真誠地表達自己，希望大家都可以搵到屬於自己嘅方法，聆聽內心嘅聲音。

Address

Hong Kong

Website

Alerts

Be the first to know and let us send you an email when The Youth Flow posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The Youth Flow:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category