04/11/2024
一晚已睇咗一半嘅青少年親養書本😃👍🏼
一向以來，我都好鍾意買書，但因為太攰，經常都係處於一個買咗當睇咗嘅狀態😂
但今次竟然會有一本我睇到半夜三更都唔想停！？😱
**好書推介：《怎麼說，青少年會聽 vs. 如何聽，青少年願意說》 （How to Talk So Teens Will Listen and Listen so Teens Will Talk - Adele Faber, Elaine Mazlish)
最近因為工作關係，開始關注多咗青少年同家長之間會面對嘅問題：
- 缺乏溝通
- 互相衝突
- 管教困難
- 父母的擔憂
- 孩子面對青春期的困惑
等等.
即使你嘅孩子只係7-8歲嘅年紀，都十分建議各位家長睇定呢本書！
由其是而家網絡世代發達，孩子每日都接觸到源源不絕、唔同類型嘅資訊，令佢地思想上更早步入「青春期」，但佢地心靈上就未必有消化呢啲資訊嘅能力，好需要父母嘅引導。如果父母及早學識「同青少年溝通嘅技巧」，建立互信嘅關係，就唔使怕佢地遇到問題會「收收埋埋」，佢地會更願意向父母分享或求助！
期待已久嘅書，尋日終於到手啦！
非常簡單易明嘅一本寫作，有好多實用嘅案例去幫助家長同青少年互相聆聽及理解大家嘅感受，改善溝通關係，成功地「化干戈為玉帛」！
作為父母，你仲記唔記得你嘅「青少年階段」係點渡過呢？
我係🐿️松果老師 Miss Christie✨ ，都係一位媽媽，希望同各位爸爸媽媽喺育兒路上互相分享學習☺️❤️ 歡迎大家留言，分享下大家嘅「青春回憶」😂🙏🏻
#育兒小故事
——————————————————
教養小朋友不是一件容易的事，如果你和小朋友正經歷一些特別時期，相處及情緒出現困擾，想找人傾訴，歡迎DM我😊 傾訴就是走出情緒困擾的重要一步💗
——————————————————
#好書推介 #青春期好書 # 親子書
#兒童情緒治療及輔導
#松果老師 #小故事分享
#兒童遊戲治療 #遊戲治療 #遊戲治療師 #香港治療師 #情緒治療 #心理輔導 #育兒 #香港媽媽 #育兒日記 #育兒日常 #育兒資訊 #親子關係 #自閉症 #自閉症譜系障礙 #過度活躍症 #專注力不足 #情緒困擾 #尋求幫助 #人際關係 #新手媽媽 #新手爸爸
