HKSPO 香港眼科視光師學會

10/04/2026

【🎉 活動回顧｜博愛中原義診之旅（中國河南）🇨🇳】

今年清明加復活節，我哋香港眼科視光師學會（HKSPO）五位視光師（有委員、會員，仲帶埋屋企人同朋友👨‍👩‍👧‍👦）自費組隊，聯同牙醫🦷同醫生🩺嘅團隊，一齊去咗河南登封，幫當地學生做眼科視光檢查👁️、牙科檢查同身體檢查，仲為有需要嘅學生配眼鏡👓、洗牙同補牙。💪✨

短短幾日，我哋成功幫咗差唔多 300 個小朋友 🧒👧 檢查眼睛，包括屈光度數同散瞳驗眼。當中大概 90 個 要換眼鏡或者新配，比例真係幾高吓！😲📊👏

今次係我哋學會第一次用跨專業合作嘅方式返祖國做義工——視光師、牙醫、醫生各自發揮所長，一齊幫中國學童守護健康。❤️🤝 呢份心意，啱啱好呼應今年世界眼科視光學理事會（WCO）嘅主題：

🌐「明眸天下：睛暉共築同心策」
（A Shared Vision: Collaboration in Global Eye Care）🌟

HKSPO 要特別多謝以下幾位會員同朋友（排名不分先後）：
👓 鄭潤添、徐嘉儀、廖翠婷、李頌儀、張天暘

仲有特別感謝：
🙏 會長陳文彬博士 提早安排運送儀器 📦
🙏 副會長林文凱先生 幫手統籌香港物流同其他嘢 📞✅

做完嘢之後嘅分享環節，大家都話今次活動令佢哋對唔同專業了解更多，火花四起！ 💥🤝

義工部分完結之後，我哋仲趁機深入了解中原文化 🏯📜。河南係中華文化嘅發源地，大家一齊尋根，親身感受自己文化嘅底蘊，真係好有意思。🧡

差唔多尾聲嗰陣，大家一齊分享總結，個個都話：出年再嚟多次，約定你！ 🗓️💪

再次多謝每一位參與嘅同工，你哋嘅付出令呢次旅程特別有意義！🎯💖

#博愛中原義診之旅 #河南登封 #香港眼科視光師學會 #跨專業合作 #義工服務 #學童眼睛健康 #散瞳驗眼 #驗配眼鏡 #明眸天下睛暉共築同心策 #尋根文化 #中華文化之源 #感謝有您 #守護靈魂之窗 #出年再約

08/04/2026

2026.04.06 (mon) 《專家話》

【眼科視光師Ep.1】

每次去配眼鏡要驗度數嘅時候，都會有視光師幫你驗眼～
佢哋拎住啲鏡片喺度拼嚟拼去、攝嚟攝去，你知唔知道佢哋做緊乜嘢呢？

呢個星期有香港眼科視光師學會嘅會長Bruce同埋司庫Manki分享吓佢哋嘅工作，同埋好多大眾對於眼睛、視覺嘅謬誤！🤓係唔係睇嘢唔清楚嘅時候先至要去搵視光師呢？定係定期應該去？聽啦～

（留意返會長實在太高😝主持人要趷高腳追一追個高度👻）

#香港眼科視光師學會

31/03/2026

【🎉 活動回顧｜香港物理治療師協會 週年大會 暨 三十五週年晚宴】

香港眼科視光師學會（HKSPO）早前獲邀出席香港物理治療師協會（HKPU）舉辦嘅週年大會暨三十五週年晚宴，與一眾物理治療界同業、嘉賓及友好機構齊聚一堂，共同慶祝呢個別具意義嘅里程碑！🥂🎊

活動於早前圓滿舉行，現場氣氛熱鬧又溫馨✨。除咗有精彩嘅分享同交流環節，我哋亦藉此機會與不同專業界別互動，探討跨專業合作嘅可能性，特別係喺基層醫療同復康服務上，如何一齊為市民提供更全面嘅健康支援🤝💪。

香港眼科視光師學會一直重視與醫療衞生界別嘅協作，未來會繼續與各專業夥伴保持緊密聯繫，共同推動基層醫療發展，守護市民嘅健康👁️🛡️。

感謝香港物理治療師協會嘅邀請，讓我哋可以見證呢個重要時刻，並祝願協會喺未來繼續發光發熱，為社會帶來更多正能量！✨🎉
physiounion

#香港眼科視光師學會 #香港物理治療師協會 #三十五週年晚宴 #週年大會 #跨專業合作 #基層醫療 #復康服務 #守護市民健康 #醫療衞生界 #攜手同行

30/03/2026

【🎉 活動回顧｜中國香港傷殘人士體育協會 丙午年新春聯歡晚宴】

香港眼科視光師學會（HKSPO）獲邀出席中國香港傷殘人士體育協會舉辦嘅丙午年新春聯歡晚宴 🧧🥂，活動於早前假沙田麗豪酒店麗豪廳圓滿舉行！

當晚唔同界別嘅嘉賓、運動員同友好機構齊聚一堂，氣氛熱鬧又溫馨 ✨。除咗有精彩表演同豐富節目，我哋亦藉此機會同大家交流 👁️💪。

香港眼科視光師學會一直關心傷殘人士嘅視力需要，特別係低視能復康方面 -- 視光師唔單止係驗度數，仲會處方同教導使用助視器（例如特殊望遠鏡），幫助患者利用剩餘視力閱讀同生活，提升生活質素 🌟👀。

另外，視光師喺殘特奧會中亦扮演住關鍵嘅專業角色，佢哋係保障視障運動員公平參賽同眼健康嘅重要一環，支援主要體現喺賽前嘅醫學分級同賽時嘅健康篩查中 🤝🔍。呢啲工作都係推動運動共融、守護運動員靈魂之窗嘅重要一環。

未來我哋會繼續積極參與社區活動，推廣眼科視光保健，為唔同需要嘅朋友提供支援 ✨。

多謝中國香港傷殘人士體育協會嘅邀請，讓我哋可以喺新春佳節與大家同樂，一齊迎接美好嘅丙午年！🐎🎊

#香港眼科視光師學會 #中國香港傷殘人士體育協會 #丙午年新春聯歡晚宴 #沙田麗豪酒店 #社區參與 #傷健共融 #低視能復康 #殘特奧會 #醫學分級 #眼睛健康 #眼科視光保健 #新春快樂

25/03/2026

【🎉 HKSPO 2026 週年晚宴｜圓滿結束】

香港眼科視光師學會（HKSPO）2026年度週年晚宴
已於3月12日假香港康得思酒店圓滿舉行！🥂✨

當晚一眾會員、業界友好及嘉賓聚首一堂，
喺愉快嘅氣氛下交流分享，
共同回顧過去一年成果，展望未來發展。

我哋好榮幸邀請到多位嘉賓蒞臨支持：

🎤 致辭嘉賓：
立法會醫療衞生界 林哲玄醫生議員
立法會 陳凱欣議員
立法會 范凱傑教授議員

🤝 特別嘉賓：
中聯辦協調部 白陽處長
中聯辦協調部 潘健春先生

仲有一眾醫療衛生界別嘉賓及眼科視光仝業嘅支持，
令今次晚宴生色不少！💪👁️

當晚精彩環節包括：
🧧 醒獅表演
🔔 手鈴表演
✨ 魔術表演
🏮 展覽攤位
🍽️ 豐富晚宴
🎁 幸運抽獎

今年適逢世界眼科視光週，
我哋一齊響應大會主題：
🌐「明眸天下：睛暉共築同心策」
（A Shared Vision: Collaboration in Global Eye Care）

展望未來，我哋會繼續喺基層醫療網絡上，
同心同行，發光發熱！🌟👁️

期待下次活動再見到大家！🙋‍♂️🙋‍♀️

📸 活動花絮相片：

#香港眼科視光師學會 #週年晚宴2026 #圓滿結束 #感謝各位蒞臨 #業界交流 #註冊視光師第一部份 #會員聚會
#明眸天下:睛暉共築同心策 #世界眼科視光週2026

25/03/2026

【👁️ 活動回顧｜世界眼科視光週：「活力健康觀塘」基層醫療教育系列 - 眼睛健康講座及檢查 圓滿結束 🎉】

早前世界眼科視光週，3月22日，我哋香港眼科視光師學會（HKSPO）去咗觀塘，同街坊、特別係一班老友記，分享眼睛健康嘅知識，仲有簡單嘅視力檢查。👀✨

當日除咗有註冊視光師講解吓日常點樣護眼、常見眼疾嘅徵兆 👩‍⚕️👨‍⚕️，最開心係見到一班眼科視光學系二年級嘅同學仔都有嚟幫手 🙋‍♀️🙋‍♂️。佢哋跟住前輩，一邊學一邊做，幫手解答問題、協助檢查，見到佢哋咁有心，真係覺得傳承呢兩個字好實在 💪🤝。

我哋一直都好希望可以多啲入社區，尤其係社區長者 🧓👵，好多時對眼有咩唔舒服都未必出聲，或者覺得小事唔理 😔。透過呢類活動，可以俾佢哋知道眼科視光保健唔單止係驗度數，仲可以及早發現問題，睇得更清、生活得更安心 🌟👁️❤️。

多謝每一位嚟參與嘅老友記，仲有一班咁熱心嘅同學同視光師 🙏💕。我哋會繼續落區，同大家一齊守護對眼！🏃‍♀️🏃‍♂️🛡️

#世界眼科視光週2026 #活力健康觀塘 #基層醫療教育 #香港眼科視光師學會 #眼睛健康講座 #視力檢查
#眼科視光學系學生 #傳承 #社區長者 #眼科視光保健 #守護眼睛健康 #社區服務

23/03/2026

18/03/2026

【👁️ 校園活動｜同學生講吓眼睛健康・隱形眼鏡護理】

香港眼科視光師學會（HKSPO）現正推出校園教育講座，希望透過互動形式，同中學生分享實用嘅眼睛保健知識，以及正確戴con嘅習慣。👀✨

我哋相信：
好習慣，由了解開始。

是次講座內容包括：
✅ 日常護眼小貼士
✅ 隱形眼鏡使用安全
✅ 數碼生活下如何減輕眼睛疲勞
✅ 配合簡單問卷調查，讓視光師更了解學生需要

講座由 註冊視光師(第一部份) 主講，可因應年級調整內容，時間約1小時，配合學校日程安排。🕒

【👁️ 關於註冊視光師第一部份 Part I】
我哋嘅註冊視光師擁有專業資格：
👁️ 可使用診斷藥水（如放瞳藥水）
🔍 進行全面眼睛檢查及篩查眼疾
🎓 通常為理工大學五年制眼科視光學畢業生

📅 講座詳情：
* 形式：註冊視光師 (第一部份) 主講｜互動教學
* 主題：眼睛保健｜正確戴con習慣
* 時間：約1小時
* 時期：2026年3月至7月
* 報名：2026年3月起接受申請

我哋希望透過講座，協助學生建立終身受用嘅護眼習慣。💪👁️

如有興趣，歡迎填妥以下 Google Form，我哋會盡快聯絡安排！👇
https://docs.google.com/forms/d/e/1FAIpQLSfZvsaabil3B8fN9x03MRs2uACeiAB_EtKNDg477dDmxK6QZA/viewform

📞 查詢：9252 1138
📧 電郵：hkspo.clproject@gmail.com

歡迎分享俾同區校長同老師！
一齊守護學生嘅靈魂之窗。🏫❤️

#校園講座 #眼睛健康 #隱形眼鏡護理 #註冊視光師第一部份 #香港眼科視光師學會 #中學生護眼 #免費講座 #歡迎報名

09/03/2026

【👁️ 善學「美麗綻放‧活出姿彩」慈善步行日暨嘉年華 2026｜活動花絮回顧】

多謝大家！活動已完滿結束！🎉

上個星期日，香港眼科視光師學會（HKSPO）喺科學園設置攤位，
同大家近距離互動，
一齊關注眼睛健康！👀✨

當日精彩片段包括：
✅ 簡單視力檢查
✅ 眼睛健康資訊分享
✅ 同場仲有好多家長帶埋小朋友嚟了解SEN眼睛健康需要

我哋見到大人細路都踴躍參與，
仲有唔少朋友仔第一次認真了解自己對眼嘅狀況，真係好有意義！💛

立即睇吓當日嘅活動花絮相片！📸👇

再次多謝每一位過嚟支持嘅朋友！
我哋下次活動再見！🙋‍♂️🙋‍♀️

#善學 #美麗綻放活出姿彩 #慈善步行日 #嘉年華2026 #香港眼科視光師學會 #眼睛健康 #視力檢查 #活動花絮 #多謝支持 #下個活動見

08/03/2026

【👁️ 搵註冊視光師檢查眼睛・好簡單】

成日聽到「驗眼要搵註冊視光師」，
但係…去邊度搵？邊個信得過？🤔

香港眼科視光師學會（HKSPO）網站
設有「尋找眼科視光師」功能 🔍
幫你輕鬆搵到就近嘅註冊視光師！

📌 點解要用呢個功能？
✅ 全部會員均為專業註冊眼科視光師
✅ 可按地區、姓名、服務類別搜尋
✅ 直接連結視光中心網站／電話／社交媒體
✅ 覆蓋全港提供全面眼睛檢查嘅專業視光師

無論係例行驗眼、配con、小朋友視力檢查，
定係懷疑眼睛健康問題，
都應該搵專業註冊視光師做返個全面檢查！🛡️👁️

👉 即刻上嚟搵你附近嘅眼科視光師：
🌐 https://hkspo.org.hk/zh/

對眼得兩隻，搵專業嘅先安心。👀✨

#尋找眼科視光師 #註冊視光師 #眼睛檢查
#香港眼科視光師學會 #驗眼唔好是但
#全面眼睛檢查

This search tool lists members of the Hong Kong Society of Professional Optometrists (HKSPO) to help the public easily find qualified optometry services. All listed members are Part I or Part II registered optometrists with recognized professional qualifications. Users can filter results by region,....

05/03/2026

【🌍 世界眼科視光週 2026｜3月22日至28日】

世界眼科視光日（每年3月23日）旨在推廣眼科視光學喺全球健康領域嘅重要角色 👁️，
同時強調：獲得眼睛護理，係一項基本人權 ✨

今年，世界眼科視光學理事會（WCO）
將於2026年3月22日至28日慶祝世界眼科視光週，
主題為：
「明眸天下：睛暉共築同心策」🌐

作為WCO嘅地區成員之一，
香港眼科視光師學會（HKSPO）全力支持此主題 💪，
並倡導擴大提供作為基層醫療服務嘅視光服務 🏥

我哋深信：
視光師不應單打獨鬥，我哋必須攜手合作 🤝
只有跨界攜手、同心同行，
先可以真正實現「明眸天下」嘅願景 🌟

一齊支持世界眼科視光週，守護每一個人嘅靈魂之窗 🛡️👀

--------------------

World Optometry Day, celebrated annually on 23 March, aims to promote the vital role of optometry in global health, while emphasising that access to eye care is a fundamental human right.

This year, the World Council of Optometry (WCO) will celebrate World Optometry Week from 22 to 28 March 2026 under the theme:
"A Shared Vision: Collaboration in Global Eye Care". 🌐

As a regional member of the WCO, the Hong Kong Society of Optometrists (HKSPO) wholeheartedly endorses this theme, advocating for expanded access to optometric services as part of primary healthcare.

We firmly believe:
Optometrists should not work in isolation. We must collaborate.
Only through cross-sector collaboration and united efforts can we truly realise the vision of 'Clear Vision for All'.

Join us in supporting World Optometry Week and safeguarding the windows to everyone's soul.

--------------------

#世界眼科視光週2026 #明眸天下 #睛暉共築同心策
#世界眼科視光學理事會 #香港眼科視光師學會 #基層醫療 #視光服務 #視光師攜手合作

26/02/2026

【👁️ 世界眼科視光週 2026 第一撃｜善學「美麗綻放‧活出姿彩」慈善步行日暨嘉年華 2026】

香港眼科視光師學會（HKSPO）全力支持！💪✨
我哋將會喺現場設置攤位，同大家見面！

📌 HKSPO 攤位活動包括：
✅ 簡單視力檢查
✅ 眼睛健康資訊介紹
✅ 即場解答你嘅護眼疑問

香港眼科視光師學會（HKSPO）發現，
特殊教育需要（SEN）人士嘅眼睛健康或會被忽視 👁️💛
我哋希望透過今次活動，
讓更多家長同照顧者關注SEN孩子嘅視力需要，
及早檢查，及早同行！

無論你想了解多啲關於眼睛保健嘅知識，
定係想同視光師傾下計、檢查下視力，
都歡迎過嚟搵我哋！👀💬

嚟緊呢個週末，一齊行多步、玩多啲，
同時學識保護自己同屋企人嘅靈魂之窗！🛡️👁️

📅 日期：2026年3月8日（星期日）
🕙 時間：上午10時至下午3時
📍 地點：科學園高錕會議中心（金蛋）及科技大道東

到時見！🙋‍♂️🙋‍♀️

# # World Council of Optometry (WCO)「世界眼科視光學理事會」的宗旨是推動全球眼睛護理與視覺健康的發展，涵蓋近視管理及標準化建設等相關領域，並定期舉辦「世界眼科視光周」（World Optometry Week）等活動。香港眼科視光師學會（HKSPO）作為WCO 的中國區代表會員之一，亦會定期舉辦相應活動以響應該盛事。

--------------------

【👁 World Optometry Week 2026 Kick-Off : Sheen Hok Charity Walk and Carnival 2026】

Fully supported by the HKSPO! We'll have a booth on-site to meet you all!

📌 HKSPO booth activities include:
✅ Vision screening
✅ Eye health tips
✅ Answers to your eye care questions

Whether you want to learn more about eye health or simply chat with an optometrist and get your vision checked, come and find us! 👀💬

Let's take a few extra steps, have some fun and learn how to protect the windows to your soul and those of your family! 🛡️👁️

# # The World Council of Optometry (WCO) is dedicated to advancing global eye care and visual health, encompassing areas such as myopia management and standardisation initiatives. It regularly organises events, including World Optometry Week. As HKSPO is a country member representative of China of WCO, we are also holding corresponding activities to mark this occasion.

--------------------

#世界眼科視光週2026 #第一撃 #美麗綻放活出姿彩 #慈善步行日 #嘉年華 #香港眼科視光師學會 #眼睛健康 #視力檢查 #護眼資訊 #到場支持
#特殊教育 #視力唔會被忽視