https://www.facebook.com/639267169259413/

SilverHope NeuroFitness 銀曦腦健中心, 香港鰂魚涌華蘭路20號華蘭中心308室, Hong Kong (2025)

Q: What is the address?

香港鰂魚涌華蘭路20號華蘭中心308室

28/11/2025

🔥 宏福苑火災後的社區支援
作為一直服務長者嘅團隊，我哋深知佢哋喺突發事件中最容易手足無措，所以火災後，我哋立即主動聯絡大埔區嘅醫療復康用品
店鋪，希望能夠為本區受影響嘅老友記爭取到切實嘅支援🙏🏻
非常感謝康盈長者護理用品願意伸出援手，提供免費護理物資畀有需要嘅老友記。
📦 可支援物資包括（數量有限）：
成人尿片（視乎需要，每位約 2–3 包）
長者營養水奶（直接飲用不需要沖調，視乎需要，每位約 1–2 支）
🧓👵 如你或屋企長者受火災影響，可自行前往康盈大埔店查詢及領取。
🙏🏻物資有限，希望真正有需要嘅長者可以優先受惠

🏪 康盈（大埔店）門市
📍 地址：新界大埔廣福道 127 號地舖
🕒 營業時間：
星期一至日及公眾假期：10:00 AM – 7:30 PM
📞 電話： 9851 3400

🙏 多謝康盈嘅善舉，也希望大家幫忙轉發，讓更多有需要嘅長者收到資訊，一齊渡過呢段難關💪🏻
#長者支援 #大埔 #宏福苑 #火災 #護理用品 #社區同行 #老友記 #同心同行

26/11/2025

好多慢性腰痛，其實唔一定係「一次拉親、扭親」引起，而係因為你一路用緊錯嘅方法處理！💬

🙅🏻‍♀️最常見嘅誤會係——以為戴住腰封就可以長期「保護腰部」，唔再痛。

好多人一扭親腰就第一時間搵腰封戴，以為箍住就安全、行路都覺得「硬淨」啲。
但其實，腰封只係幫你「減痛」，唔係幫你「變好」。腰封嘅作用係短暫幫你穩定腰椎、減少壓力，令痛楚冇咁明顯。

不過，如果長期依賴腰封，你啲腰肌同核心肌群活動量會少咗，慢慢就會變得無力、反應又慢，結果條腰愈嚟愈依賴支撐，一冇腰封喺身，就特別容易「再度」受傷😣！

🩺 咩時候先應該戴腰封？

其實腰封最啱用嘅時機係——喺急性痛楚發生後頭幾日（約2–3日內），
作為短暫「減壓、過渡期」用途。

當痛楚慢慢緩和，我哋就應該開始靠自己去穩定個身！
包括：
✅ 強化核心肌群、臀部力量
✅ 改善姿勢控制同活動模式
✅ 適度伸展同活動

腰部啲肌肉唔用就會退化，長期靠外力（例如腰封）去支撐，力量會越嚟越少，呢個先係好多腰痛反覆出現嘅真正原因。

只要你肯畀時間、堅持做針對性核心運動、配合伸展同正確姿勢，
身體係完全有能力重新修復同痊癒💪🏻✨！

⚠️ 但如果出現以下情況，就唔好再自行處理！
🚨 腳麻、腳軟、痛到瞓唔到覺
🚨 出現腿部無力、行路唔穩
🚨 或者排尿、排便出現異常

呢啲都可能係神經受壓嘅警號，
呢個時候就要立即搵醫生或物理治療師檢查，唔好等！

📘 想開始護腰？
我整咗份《腰痛運動指南》
如果你都成日覺得條腰緊緊、攰到伸唔直條腰，
留言「腰痛」，我地即刻DM 俾你！👀

💕 記得 Follow 我哋，定期都有實用痛症＋復康小貼士教你點樣有效改善！

#腰痛 #腰封 #腰痛復康 #痛症改善 #物理治療 #核心訓練 #姿勢改善 #急性腰痛 #護腰知識 #健康生活

25/11/2025

每次踎低起身都要「企定唔郁」先頂得順？其實唔正常⚠️

好多人體驗過——綁鞋帶、執嘢、起身嗰瞬間突然頭暈、發黑、腳軟。
大多數原因都係：血液循環追唔切身體變化。
一起身太快，血未上到腦，就會出現頭暈、眼前一黑、腳軟。

好多朋友以為蹲低起身見頭暈係小事，雖然呢個情況好常見，但有可能好危險——尤其係長者、中風後、帕金森、血壓偏低嘅人士就更加容易出現，如果唔識處理，真係好易一跤摔親。

而好消息係：
做好啲簡單動作，成件事可以改善得好快。
👇 3 個小技巧立即減少起身頭暈嘅方法：
1️⃣ 起身前停 5–10 秒，俾血液有時間衝上腦部
2️⃣ 腳尖–腳踭郁郁下，刺激血液循環
3️⃣ 鼻吸口呼，保持呼吸穩定，唔好急住彈起身

另外，記住：
某啲藥物（例如降壓藥、去水丸、左旋多巴）都有機會令頭暈加劇。
但千祈唔好自己停藥，一定要問醫生或治療師！

想知更多日常安全起身、行路唔易暈嘅實用小貼士？
我整咗係份《體位性低血壓指南》
👉 留言「頭暈」我 DM 你！
❤️Follow 我哋，學更多實用健康技巧！
#踎低起身 #頭暈 #體位性低血壓 #長者健康 #跌倒風險 #安全起身 #物理治療 #復康知識 #血液循環

21/11/2025

你以為請咗外傭，長者就一定相處融洽？
其實，最難搞嘅往往唔係照顧，而係——溝通。
好多家庭都分享過同一個問題：
「明明姐姐好盡力，但長者偏偏愈嚟愈抗拒佢。」
唔係脾氣問題，唔係唔合作——
而係腦部退化後，長者根本跟唔到快、長、複雜嘅語句。
再加上語言唔通、文化唔同，照顧變成雙方都辛苦嘅功課。
其實，長者要嘅未必係更多「指令」，而係一種被看見、被理解、被尊重嘅方式。
一個眼神👀、一個輕聲呼喚💬、一句簡單重複嘅提問，都比千言萬語更有效！
照顧從來唔止係一份工作，
佢係連結、係耐性、係一份慢慢建立嘅信任。
家人同姐姐，只要肯一齊學吓點溝通，成個屋企嘅氣氛，都可以柔軟返好多。
你又有冇試過同老友記或者姐姐之間出現「雞同鴨講」？留言講下你嘅故事，我哋都想聽❤️
👉 Follow 我哋學多啲實用又貼地嘅照顧小技巧，
令照顧變得更簡單、屋企更多笑容。
#長者 #長者照顧 #認知障礙症 #外傭姐姐 #家庭關係 #愛與陪伴 #照顧技巧

19/11/2025

點解我講極都聽唔入？
長者突然唔想講嘢？推開你嘅關心？
好多時，我哋第一反應係想安慰，但講得多反而會令佢更加抗拒😞
如果你照顧緊長者，你大概都試過呢種無力感…
佢哋唔開心、唔舒服，又唔願講；你想幫，又唔知從邊開始。

原來，有一個心理學小技巧 —— 鏡像回應法。
透過細心觀察、輕輕模仿長者嘅表情同語氣，就可以令佢哋覺得「有人明白我」。
唔需要複雜嘅方法，只要一個眼神、一句溫柔嘅話、一個微笑，已經可以拉近距離，減少佢哋心入面嘅挫敗感。
好多照顧者試完都話：
「長者突然變得願意講、願意合作，原來唔係佢倔，而係佢想被理解。」
其實長者要嘅好簡單：被理解、被陪伴。
下次試下呢個小技巧，或者你會發現，佢哋慢慢會打開心窗，願意多講少少。❤️

👉 想學更多簡單又有用嘅溝通方法？
記得 Follow 同 Share 呢條片，
你哋每一個支持，都令我哋更有動力繼續分享💞

#長者溝通 #居家安老 #心理學 #愛與陪伴 #溝通技巧 #家庭關係 #長照

18/11/2025

好多人屋企都放滿咗健身器材：單車機、彈力帶、健身波……樣樣都有，但用落去就發現：越做越攰、姿勢又唔知啱唔啱，最後乾脆擺喺角落「食塵」😅

其實，復康同運動一樣，重點唔係「有器材」，而係「識用器材」。🧘 Irene 本身好鍾意做運動，但屋企個健身波，佢都唔知點樣用落去訓練——坐落去驚跌、碌嚟碌去唔知點先安全。
經過李sir指導之後，先發現原來簡單嘅健身波，都可以變成好好嘅復康助手，仲可以安全咁帶住訓練返屋企，日日都可以延續進步💪

復康唔一定要大陣仗，識得點樣做，簡單器材都可以變成最佳幫手。✨
👉 你屋企邊件「健身神器」最後變咗掛衫架？
一齊留言分享下🤭
#復康訓練 #中風復康 #物理治療 #長者運動 #居家運動 #健身球

17/11/2025

🥺有時覺得冰到刺骨，有時又滾到好似火燙…
中風之後，Irene 一度面對極端嘅感覺過敏，冷熱交替、甚至抽筋，令佢連行路都變成一種挑戰。
呢啲，其實都係好多中風後患者常見嘅後遺症，
會影響平衡力、步態、甚至信心。
喺復康過程中，治療師會用一種叫Desensitisation（感覺重塑訓練）嘅方法，例如透過針灸、唔同質地嘅布料或觸感物去刺激皮膚，幫神經重新學識「正確」嘅感覺反應，再配合平衡訓練、反應訓練同本體感覺訓練，一步步幫佢搵返身體嘅控制權。💪
由最初嘅驚慌同無力，到而家行得更穩、更有信心，呢啲改變唔係奇蹟，而係努力同勇氣嘅結果。🌿

復康從來唔係直路，會有高低起伏，
但 Irene 用行動證明——只要唔放棄，
身體會記得你嘅堅持，信心會帶你走向更大嘅改變。✨
#中風復康＃中風後遺症＃腦健康＃復康治療＃長者 #長照 #復康之路 #愛＃堅持

15/11/2025

中風，唔代表人生要停低😫

Irene 就係最好嘅例子🫶🏻
先係中風，期後檢查又搵到腦幹附近原來有血管畸形，要做手術處理。手術雖然成功，Irene 卻承受中風再加手術後嘅後遺症，如平衡力差、容易跌倒嘅困難。曾經Irene 都十分之沮喪，覺得點解去到呢個年紀，個天先比一個又一個嘅難關佢，但 Irene 從來冇因為中風而放棄，反而更加積極—喺中心努力做復康訓練，返到屋企都堅持自己練習💪🏻
復康從來都唔係一條輕鬆嘅路，要流汗，要跌倒，要一次次重新嚟過。但Irene 用行動證明：只要肯努力，進步係真實存在嘅🌈

復康唔止係患者一個人嘅努力，背後仲有治療師嘅細心陪伴、家人嘅支持同自己嘅決心❤️
Irene 話：「最感恩嘅，就係一路上有人錫住我，扶我一把。」

願 Irene 嘅故事，可以畀到你或者你身邊人多一份力量：跌低咗，可以再企返起身；只要唔放棄，就一定見到希望🔅
#中風復康＃復康之路 #患者故事 #希望 #健康生活＃長照＃長者＃康復訓練 #復康治療＃感恩＃正能量

14/11/2025

好多人以為「慢慢休息」就係中風後最佳做法？其實可能錯過咗最關鍵嘅時間！😨

好多人都以為中風之後要長時間靜養，但醫學研究發現——🧠
越早開始復康訓練，恢復自理能力同活動能力嘅機會就越高！
因為中風後頭3至6個月，就係腦部神經最容易「重新學識」動作嘅黃金時間，呢段時間內做訓練，對手腳控制、講嘢同平衡都會有明顯改善。💪

‼️唔好等，唔好拖
及早開始中風復康訓練，就係幫自己或者你愛嘅人搶返行得穩、講得清、生活自理嘅希望✨

👉想知中風後家居復康小貼士？
留言「想知」，我哋DM你！
記得Follow我哋，一齊守護長者健康，早啲郁、早啲穩！🌿
#中風復康 #長者健康 #復康治療 #銀髮族 #腦中風 #康復運動 #健康貼士 #復康之路 #復健運動

13/11/2025

👋手震震，攞杯水都會倒瀉？食飯、寫字樣樣都辛苦？
唔使氣餒，原來乒乓波 + 紙杯，都可以幫手改善手震！

呢個訓練睇落似遊戲，其實係「腦＋眼＋手」三大系統同步開工🧠👀✋：
✨練穩定度 — 疊杯過程中保持手定、眼準
✨練專注力 — 用視覺鎖定乒乓波，幫大腦前額葉同運動皮層一齊「出力」
✨練協調 — 學識慢、穩、準咁控制每一下動作
結合視覺＋專注＋動作控制三大元素，幫助大腦重新「學識」點樣指揮雙手。
一個杯、一粒波，
都可以成為你重拾自信嘅第一步🌈

最終極難度，你敢唔敢挑戰？🔥
留言「想知」
我哋即刻DM你終極Level4筆記！

👉 Share俾你身邊有需要嘅老友記／朋友～
原來乒乓波＋紙杯都可以玩出控制感、練出穩定💪
一齊嚟挑戰，搵返手嘅力量同自信！✨
Follow我哋，一睇更多有趣又有效嘅「動作訓練小貼士」
幫你郁得更順、更穩、更有自信。💪🌟
#柏金遜症 #手震訓練 #復康訓練 #動作協調 #專注訓練 #手眼協調 #銀髮族 #居家復健

12/11/2025

🔥 以為玩圈圈好易？一唔穩就輸晒！
呢個訓練睇落似遊戲，其實暗藏「高手挑戰」！😎

呢個圈圈＋BOSU波嘅訓練，睇落好似玩遊戲，其實係專為提升長者平衡力、專注力同手眼協調而設。
長者要一直腳企穩，另一邊踩住搖下搖下嘅BOSU波，保持身體嘅同時，仲要跟著治療師指令配顏色套圈圈
即係要腦、手、腳三合一咁一齊郁！🧠🖐️🦵

透過呢種「玩住訓練」嘅方式，長者唔單止可以強化下肢力量、提升平衡力，仲可以慢慢搵返控制身體嘅感覺，重拾自信與安全感。✨

👵🏻👴🏻呢個訓練特別啱
👉🏻平衡力較弱人士
👉🏻行路不穩人士
👉🏻預防跌倒人士
玩得開心，又練得實在💪
每一次專注、每一下保持平衡，
都係身體重新變強、變穩嘅時刻。🌿

👉Follow我哋，睇下仲有幾多「玩住練」嘅創新復康訓練～
一齊發現訓練都可以好玩又有成就感！🌟
#防跌 #平衡訓練 #復康運動 #長者運動 #銀髮族健康 #預防跌倒 #手眼協調

SilverHope NeuroFitness 銀曦腦健中心

28/11/2025

26/11/2025

25/11/2025

21/11/2025

19/11/2025

18/11/2025

17/11/2025

15/11/2025

14/11/2025

13/11/2025

12/11/2025

Address

Telephone

Website

Alerts

Shortcuts

Share

Category