24/04/2026
📍情緒教練 📍Emotion Coaching
我地係上兩個post提及過，家長對自己嘅覺察有助於建立親密、支持性、健康嘅親子關係，促助有效教養，並以此成為孩子嘅「情緒教練」，提升小朋友嘅情緒能力。
咁到底乜野係情緒教練 Emotion Coach 呢？
情緒教練型 Emotion Coaching 係由Dr. John Gottman所提出嘅四種教養模式嘅其中一種。呢類型嘅家長傾向能夠覺察及同理子女嘅情緒，並視子女嘅情緒為加強親子關係及提升子女情緒能力(包括覺察、接納、表達、調節)嘅機會。情緒教練型嘅家長一般具有以下特質：
◼ 敏銳覺察孩子嘅情緒，及早作出反映及回應
◼ 接納及認可孩子嘅感受，以此為教導及促進親子關係嘅契機，而非負向標籤孩子嘅情緒反應 (如：百厭)
◼ 同理、不加批判、肯定孩子嘅感受；情緒係無分對錯應否架！
◼ 協助孩子辨識及描述自己嘅情緒，例如圖卡、字卡、身體反應
◼ 温柔及堅定地設限，協助孩子學習及練習以健康嘅方式表達情緒
而另外三種嘅教養模式則是
⚠ 疏遠型父母 The Dismissing Parent
無視、抑制、逃離子女嘅情緒，並視子女情緒為有害、不可控嘅
⚠ 批判型父母 The Disapproving Parent
批判、控制、否定子女嘅情緒，並忽視子女嘅情緒來源及需要
⚠ 放任型父母 The Laissez-Faire Parent
對子女嘅負向情緒及不健康/非適應性表達過於寬鬆，並不教導情緒表達及調節，亦不為子女不健康表達設限
Dr. Gottman 認為，情緒教練型父母能夠促進子女掌握自身情緒覺察及調控嘅能力，有利建立自信心、健康地應對生活中不同挑戰(如學業、社交)、提升身體健康。相反，其餘三種嘅教養類型會容易讓孩子缺乏情緒覺察及調控能力、產生自我懷疑、降低自我價值及能力感、影響同儕關係、影響精神健康。
輔導心理學家亦指出，子女係透過同父母嘅互動之中不斷模仿學習如何面對及應對情緒，而家長始終如一、穩定及接納嘅回應，有助子女建立安全感、提升情緒能力、自信心、自我接納、建立與父母嘅親密連結。當中包括父母對自身情緒嘅覺察 (家長的自我覺察)，以及父母對子女嘅情緒回應 (情緒教練型父母)。所以，家長嘅以身作則示範尤為重要！
不論情緒能力還是教養，都係一段艱難而長久嘅學習旅程；就讓我地，為自己、為子女，一同係情緒中學習及成長吧🌱
References:
Lisitsa, E. (2026, January 16). An introduction to emotion coaching. The Gottman Institute. https://www.gottman.com/blog/an-introduction-to-emotion-coaching/
方雅榕 (2023)。〈在家庭中，如何提供合適的情緒教育？〉。載於香港心理學會輔導心理學部(主編)，《與孩同行：心理學家教你拆解16個育兒挑戰》(頁81-85)。新雅文化事業有限公司。
----------------------------------
心導療(HoldingPCS)由輔導心理學家打理，寄望
💙以專業知識和督導承造專業輔導
💙以自主和同行普及心理輔導
歡迎IG DM或電郵了解個人服務及機構合作
#輔導 #輔導心理學 #精神健康 #情緒 成長 Counselling Counselling Psychology 心理治療 hongkong 心理學 psychology mentalhealth 香港 個人輔導 伴侶輔導 生涯輔導 親子 職業 方向 感受 職業 夫妻 關係
