http://instagram.com/voracious.foodie

Voracious 香港飲食, 車公廟路18號, Tai Wai (2026)

22/05/2026

深圳灣萬象城·小巧節 ♡
-
深圳灣萬象城BAY MARKET最近全新升級，
創意市集每個周末都有唔同主題，
今期正正係以朱古力為主題嘅「小巧市」，
由5月22至24號三日限定，
結合超過30個人氣朱古力品牌，
朱古力迷絕對不容錯過‼️
仲要係免費入場，
周末必去😍🙌🏻

今次嘅「小巧節」有多個品牌重點推介，
例如新歐式烘焙生活方式品牌Labaker，
橙香巧克力恰巴塔、巧克力可頌、
杏仁巧克力可頌、巧克力司康等都超正🍫
Eva Sweet主打可露麗銅模現烤，
外脆內軟，
有逾20種口味，
仲有節日限定嘅抹茶生巧系列同勁hit嘅杜拜朱古力餅乾😍

上海排隊王FLUFFY嘅雪糕8秒極速成冰，
不加一滴水，
香濃軟滑，
夏天消暑必食🍦
Appleby FARMS喺紐西蘭自有牧場，
Cow to Cone天然無添加，
奶香醇厚😍

跟隨其後即將有同樣精彩嘅「好！莓好·草莓節」，
由5月29至31日、6月5至7日同6月12至14日三個星期五至日舉行，
聯乘25間特色商戶，
士多啤梨蛋糕、果醬、特調飲品一應俱全，
仲有精美手作飾品、木雕、毛氈飾物，
全部都係以士多啤梨為主題🍓
仲有更多驚喜攤位未公佈，
記得bookmark定唔好錯過‼️

靜雞雞話你知🤫
咖啡排隊王o.p.s華南首店即將喺8月上旬開張，
主打100%創意特調，
熱切期待😍
—————————————————————————————
📍地址：深圳灣萬象城C區戶外街區BAY MARKET
[地鐵2/11/13號綫後海站A/K/M出口直達商場]
—————————————————————————————
#深圳商場 #深圳購物 #深圳美食 #深圳旅游

22/05/2026

7-ELEVEN·水果忌廉三文治 ♡
-
呢兩日喺Threads俾7仔新出嘅水果忌廉三文治瘋狂洗版，
行咗幾間7仔終於畀我搵齊兩款🥹
水果忌廉三文治系列分別有士多啤梨同雜果兩款，
試食價每款$20💖
麵包質感鬆軟而忌廉香滑，
個人覺得忌廉份量恰到好處，
食完兩份都唔會覺得過分甜膩，
而水果亦唔會只有切面擺滿濫竽充數，
背後都有切片水果同忌廉🙌🏻
雜果除咗士多啤梨之外仲有蜜瓜同黃桃肉，
兩款水果都香甜多汁，
同微酸嘅士多啤梨相輔相成，
個人覺得雜果比士多啤梨更勝一籌💕

另外吐司系列繼岩燒三重芝士火腿吐司之後都有新成員，
韓式芝士餐肉滑蛋吐司每件$24，
入面好貼心地有個紙兜方便拎住食，
唔怕整污糟手🙌🏻
多士本身加咗蒜蓉牛油所以香口得多，
夾住芝士、餐肉同滑蛋，
加熱後芝士半融更加滋味😍
你哋都快啲試吓啦！
————————————————
📍7-ELEVEN 🇭🇰
————————————————
#自家品牌

21/05/2026

黃油熟成牛扒·艾雷牛排館 ♡
-
呢間由米芝蓮星級大廚陳使欽CIN同常住聡Sato主理嘅艾雷牛排館主打黃油熟成牛排，
陳使欽CIN係首位喺歐洲獲得米芝蓮榮譽嘅華人廚師，
曾經喺Boscareto Resort & SPA奢華超五星度假酒店、
米芝蓮二星餐廳Antica Corona Reale、
米芝蓮三星餐廳Dal Pescatore等工作，
而常住聡Sato亦擁有15年以上米芝蓮餐廳工作經驗🌟

餐廳位於深受香港人歡迎嘅卓悅中心北區，
臨近福田、羅湖同皇崗口岸，
搭地鐵到崗廈北站4號出口步行140米就到，
相當方便😎

店內環境氣氛浪漫典雅，
店員服務態度亦相當親切有禮，
食物方面擺盤精緻之餘質素極高，
食牛扒必不可少嘅拍檔餐酒都只係¥200起，性價比一流，
無論情侶約會抑或是慶祝生日都係不二之選❣️

香港人幫襯仲有特別優惠，
原價¥1270嘅雙人套餐現團購價只需¥990，
到店出示回鄉證即減¥100，
即¥890就可以食到‼
即使係平日簡單嚟食個午餐，
呢度星期一至五都有¥118嘅午間單人餐，
抵食到爆😎

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

黃油熟成牛排即係將排酸後嘅牛扒裹上黃油，放置於恆溫恆濕嘅環境下進行熟成，
保持溫度喺0-4度同濕度喺68-82度，
經過28日熟成令牛肉肉質因酵素作用而變得更嫩，
風味亦更加濃郁💗

＜黃油熟成和牛戰斧A2＞經過黃油熟成後，
除咗肉味香濃之外更多一份醇厚奶香，
炭火450°C烤製數分鐘令表面微微焦香，
毋須再多加花巧調味修飾，
原汁原味已經出類拔萃，
肉質軟嫩多汁，
油香豐腴🥩

＜凱撒沙律＞舖滿炸煙肉、雞肉、巴馬臣芝士等，
材料豐富🥙

＜蒜香蟹味奶油大蝦＞肉質爽彈，
蒜香惹味🦐

＜藍鰭金槍魚牛油果塔塔＞
上層藍鰭金槍魚肉質鮮嫩，
配上牛油果香濃綿密🥑

甜品作為一餐飯嘅結尾地位同樣重要，
而呢度嘅甜品水準亦係有口皆碑，
＜招牌開心果慕絲＞入口細滑輕柔，
開心果香配搭莓果酸甜更加清爽💚
＜招牌巴斯克黑芝士蛋糕＞表面炙烤焦香，
口感綿密之餘充滿醇厚芝香☺️

從酒櫃可見呢度嘅餐酒琳琅滿目，
邊飲酒邊嘆牛扒簡直絕配🥂

——————————————————————————————
📍艾雷牛排館LA.Prime Steakhouse
深圳福田區深南大道2005號卓悅中心北區L1層N113-N114
[地鐵崗廈北站4號出口步行140米]
——————————————————————————————
#深圳美食＃艾雷牛排館＃深圳高級西餐＃黃油熟成戰斧 #和牛戰斧＃米其林星廚＃港人優惠＃卓悅中心＃福田美食

20/05/2026

Yadllie Plate·龍蝦QQ意粉部隊鍋 ♡
-
平時一向對部隊鍋無任何好感，
感覺上就好似加工食品大雜燴咁，
畀幾百蚊食公仔麵、餐肉、腸仔真係不了，
但呢間嚟自韓國嘅連鎖炸雞專門店最近竟然推出咗龍蝦QQ意粉部隊鍋，
個人覺得足料程度絕對對對得住個價😂

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

🔸龍蝦QQ意粉部隊鍋 ($368)
單睇賣相已知絕非一般部隊鍋所能媲美，
真材實料用上原隻龍蝦、新鮮鮑魚同藍青口，
店員仲會即場刨上巴馬臣芝士，
芝士更加可以免費無限追加😍‼
️整壺龍蝦湯倒入鍋中後待10-15分鐘至沸騰，
龍蝦肉質較為結實，
龍蝦湯鮮美濃稠🦞
QQ意粉雖然不至煙韌彈牙但掛汁力強，
能夠充分裹滿濃厚龍蝦湯✨

🔹首爾醬油無骨雞 ($135)
雞肉已預先醃製入味，
炸皮輕薄鬆脆且毫不油膩，
肉質嫩滑之餘仲保留豐富肉汁，
醬油甜中帶鹹亦可再加上檸檬汁，
配以番薯條整體比一般韓式炸雞清新得多🙌🏻

🔸香辣芝士八爪魚 ($145)
上枱後店員會即場炒製，
將巴馬臣芝士、車打芝士同八爪魚融為一體，
八爪魚質感爽彈毫不過韌，
香辣惹味🐙

🔹卡邦尼年糕 ($113)
韓式年糕煙韌軟糯，
另外配有魚糕、雞蛋、米通同椰菜，
卡邦尼醬奶香醇厚✨

🔸芒果乳酸雪冰 ($68)
雪冰有如雪花般細緻，
入口即化，
加上乳酸糖漿、芒果醬同新鮮芒果酸甜清新🥭

🔹草莓乳酸雪冰 ($68)
士多啤梨醬比較甜膩，
相對之下個人比較鍾意芒果乳酸雪冰🍓

🔸蜂蜜米酒 ($98)
將米酒加入帶蜜嘅新鮮蜂巢，
蜂蜜嘅甜味逐漸釋放，
令米酒酒味變得溫和順口🍯

🔹荔枝白桃梳打 ($48)
整體以荔枝味為主而白桃味為次，
不過不失🍑
————————————————————————
📍Yadllie Plate 야들리애플래이트 (荃灣)
大河道100號海之戀商場2樓2030-2032號舖
————————————————————————
#香港美食 #韓國美食 #炸雞

19/05/2026

喜茶·雪毫茉王芭樂 ♡
-
有無人同我一樣係勁鍾意番石榴味嘅嘢飲，
但香港真係唔多選擇，
喜茶之前出返清爽芭樂提實在太令人振奮，
估唔到依家仲出埋雪毫茉王芭樂‼️
九窨雪毫茉王茶底加入芭樂汁同鮮牛奶，
陣陣茉莉花茶幽香混和淡淡芭樂果香，
作為果茶嘅清爽芭樂提相比之下芭樂味會更突出，
整體係一杯走清新路線嘅輕乳茶，
表面仲有厚厚一層喜茶向來無得輸嘅奶蓋，
加上檸檬皮碎更加清新😎
———————————————
📍喜茶 .hkmacau
———————————————
#雪毫茉王芭樂 #新品 #手搖 #香港喜茶

17/05/2026

金稻園砂鍋粥 ♡
-
深圳呢間20多年老字號一向有口皆碑，
獲深圳官方高標準食安認證，
食材同出品都經嚴格把關，
全程溯源保證安全，
即點即製絕無預製菜，
一直深受唔少本地人同香港人歡迎，
上年仲獲得由深圳老字號協會同香港大灣區工商業聯合會頒發嘅「深受港人歡迎十大深圳號老字號餐廳」，
今次終於有機會朝聖一下✨

東門、景田、下沙、南頭、水圍等多間分店遍佈深圳，
而海上世界店位置鄰近蛇口口岸，
過關後搭地鐵到海上世界站A出口步行520米即達，
極之方便🙌🏻
環境舒適而且營業至凌晨，
絕對係宵夜首選😎

砂鍋粥作為主打招牌菜式當然不容錯過，
全部即點即製，
明火將生米熬成綿密粥底，
鮑魚仔基圍蝦砂鍋粥真材實料加入大量鮑魚仔同基圍蝦，
呢度嘅海鮮全部生猛即撈即煮，
粥底充滿鮑魚仔同基圍蝦嘅鮮味✨

除咗砂鍋粥之外其他菜式同樣值得一試，
秘製三杯豬手就係人氣必點之一，
皮滑肉嫩且軟糯入味，
肥而不膩✨
豉椒炒花甲鹹辣惹味，
鑊氣十足😎

蠔仔烙煎得外脆內軟，
而蠔仔粒粒飽滿且份量慷慨🦪
墨魚滑四季豆將手打墨魚滑釀入四季豆，
外脆內彈、口感豐富🥰

雞脆骨香脆可口；
而羊肉串肥瘦均勻；
烤羊排更加焦香，
羶味溫和討好🍢

活烤鰻魚外焦內嫩，
鮮美軟嫩😍
翡翠九肚魚酥脆可口，
肉質細緻無骨☺️
啤酒仲有特惠特惠活動，
邊飲酒邊嘆砂鍋粥同串燒簡直一生一樂也🍻
————————————————————————
📍 金稻園砂鍋粥 (海上世界店)
深圳招商街道水灣社區望海路海上世界船後廣場101
營業時間：星期一至日 10:00-02:00
————————————————————————
＃蟹叄寳＃羅湖口岸＃福田口岸＃皇崗口岸＃皇庭廣場＃購物公園＃文錦渡口岸＃蓮塘口岸＃蛇口口岸＃金稻園＃金稻園水圍店＃港人北上美食＃深圳砂鍋粥＃深圳老字號＃宵夜必食＃北上食好野 #深圳美食

15/05/2026

靚靚蒸蝦·頭牌蒸蝦 ♡
-
呢間武漢13年老字號主打精品小龍蝦，
向來係公認到訪武漢必食嘅地標美食，
曾經喺多個國民級電視節目中亮相，
更加榮獲「2025年度小龍蝦十大品牌」殊榮，
亦已經成為必吃榜餐廳足足七年，
絕對係湖北首屈一指嘅小龍蝦品牌🏆

品牌進軍上海嘅首間門店於2020年開業，
唔使長途跋涉遠赴武漢都可以一嘗靚靚蒸蝦嘅滋味，
門店位置靠近延安西路，
距離地鐵3/4號線延安西路站大約一公里，
亦可以搭71路中運量公交到定西路站落車，
交通都幾方便🙌🏻
而且鄰近愚園路、武夷路同新華路三大歷史文化街區，
可以喺附近遊覽打卡再嚟食靚靚蒸蝦，
作為一日完滿嘅行程😎

招牌靚靚蒸蝦選用高質活蝦即點即蒸，
店員仲可以提供專人剝蝦服務，
小龍蝦腮白腹淨而蝦黃飽滿，
肉質鮮美爽彈，
搭配秘製蘸料酸酸甜甜並帶梅子香，
清爽解膩之餘亦令鮮味昇華，
作為大眾點評上海蒸蝦菜品榜第一名果然名不虛傳🦞

老味油燜大蝦預先經過剪頭開背處理再猛火爆炒，
所以可以輕易脫殼食到蝦肉，
香辣濃郁但辣而不嗆，
唔會喧賓奪主蓋過蝦肉鮮味，
充滿武漢經典風味✨
蒜蓉大蝦嘅蒜蓉經過油潑後更加香氣四溢，
醬汁鹹度適中，
愈食愈上癮🦐

蟹麵麵條爽滑柔韌，
除咗蟹鮮之外蒜香濃郁🍜
經典涼麵實而不華，
充滿醇厚麻醬香😍
秘製毛豆鹹香微辣，
作為餐前小食就最適合不過✨
香炸藕海好似薯條一樣乾爽酥脆，
但藕條相對清淡所以食多多都唔易覺膩☺️
———————————————————————
📍靚靚蒸蝦·頭牌蒸蝦 (上海首店)
上海市長寧區定西路737號 (明旺大廈一層)
[地鐵3/4號線延安西路站步行約一公里/
乘坐71路中運量公交到定西路站]
營業時間：11:00-14:00、16:30-翌日02:00
———————————————————————

14/05/2026

三哥·青花椒湯米線配黃金蛋餅 ♡
-
相信好多人都知，
早兩日上晝喺Threads俾三哥洗晒版，
主角就係新登場嘅青花椒湯米線配黃金蛋餅‼️
青花椒湯標榜選用產自中國花椒之鄉重慶江津嘅九葉青花椒，
湯底預設為5小辣，
入口辛香麻辣集於一身，
個人覺得比普通麻辣湯更有層次更上癮🌶️
青花椒湯米線配黃金蛋餅分別可以揀雞卷($45)或魚片．雞肉($49)，
全新配料黃金蛋餅浸入湯底後變得更加鬆軟，
好似海綿一樣完全嗦晒青花椒湯底精華😎

今期限定仲有全新小食涼拌金錢肚絲山藥粉皮($20)，
山藥粉皮口感爽滑，
同金錢肚絲一樣掛汁，
麻辣香濃🔥
新特飲椰果菠蘿綠茶($21/加配價$14)酸甜清爽，
仲有粒粒椰果豐富口感，
解辣一流🍍

三哥App會員仲有尊享套餐優惠，
用三哥App落單就可以用優惠價$58嘆到「青花椒湯米線配黃金蛋餅．雞卷一人餐」，
或以$62享用「青花椒湯米線配黃金蛋餅．魚片．雞肉一人餐」，
套餐除咗碗米線之外仲包括一杯飲品同一份小食，
更加抵食🙌🏻
——————————————————
📍譚仔三哥米線
——————————————————
#譚仔三哥 #青花椒湯米線 #米線

13/05/2026

譚廚· 中山神灣菠蘿宴 ♡
-
譚廚中山傳家菜創始人擁有40年下廚經驗，
將正宗中山菜帶入深圳已經17年，
現時深圳總共有五間分店，
仲連續兩年獲選為大眾點評必吃榜餐廳🏆
啱啱過咗立夏，
天氣開始愈嚟愈熱，
向來堅持「不時不食」理念嘅譚廚都以產自中山嘅國家地理標誌產品神灣菠蘿為主題推出菠蘿宴🍍

神灣菠蘿以皮薄肉厚、香甜多汁兼爽脆無渣見稱，
就連果心都可以食用，
果香層次豐富，
而且唔需要浸泡鹽水亦唔會有刺脷感，
每年4至7月正值當造季節，
唔好以為只有咕嚕肉可以配搭菠蘿，
從主菜、小食以至於甜品都以神灣菠蘿入饌，
每一款都別出心裁🧡

依家竟然唔使長途跋涉去中山都試到神灣菠蘿，
深圳門店鄰近福田、蛇口等口岸，
譬如去福田COCO Park店、深業上城店或華強北中航城店，
經福田口岸過關後都有地鐵直達，
相當方便🙌🏻

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

🔸 咖喱菠蘿脆鯇魚片
脆肉鯇作為中山另一國家地理標誌產品，
店內巨型魚缸都有大大條生猛脆肉鯇供應，
肉質緊實脆彈且毫無泥腥味，
咖喱椰香醇厚並微微帶辣，
加入菠蘿平衡辣度，
將米餅蘸滿咖喱汁再連脆肉鯇同菠蘿一齊品嘗，
口感豐富✨

🔹 菠蘿子薑炒牛肉
牛肉選用吊龍部位，
油花分布均勻，
猛火鑊氣快炒令肉質保持細嫩多汁，
子薑辛香而菠蘿清甜，
襯托出牛肉鮮味☺️

🔸 菠蘿叉燒
叉燒肥瘦相間，
肉質軟嫩且油香豐腴，
裹上蜜汁而表面微微焦香，
配以菠蘿中和油膩感🍍

🔹 菠蘿乳鴿
15日妙齡中山石岐乳鴿肉質固然幼嫩無比，
肉汁豐富，
2015年參加央視節目「中國味道尋找傳家菜」時烹飪茯苓中山鴿，
現場嘉賓仲出價60萬邀請合作，
仲貼心配搭菠蘿糕，
煙煙韌韌而且清爽解膩😍

🔸 菠蘿芥末蝦球
蝦球爽彈鮮美，
裹滿芥末醬甜中帶酸並帶微微辛香，
加上菠蘿鮮甜多汁，
大人細路都愛不釋手🥰

🔹 菠蘿炸雲吞
雲吞炸得金黃酥脆，
內餡有大大粒完整瑤柱同鮮肉，
搭配菠蘿正好中和炸物油膩感☺️

🔸 菠蘿炒飯
炒飯炒得粒粒分明，
簡簡單單加入蝦仁同菠蘿，
樸實無華但愈食愈香口🤓

🔹 菠蘿砵仔糕
晶瑩剔透嘅手工製菠蘿砵仔糕煙韌彈滑，
香甜清爽並混有粒糖菠蘿果肉，
撒上椰子脆片令口感更豐富✨

🔸 鮮切菠蘿
神灣菠蘿即點即切，
原汁原味，
天然果香清甜多汁🍍

🔹 手打菠蘿汁
用新鮮神灣菠蘿即點即製，
無額外添加純粹天然菠蘿甜香，
同樣體現出原汁原味✨

——————————————————————————
📍譚廚中山傳家菜 (深業上城店)
深圳皇崗路5001號深業上城L3層T3030鋪
營業時間：11:00-21:30
[地鐵10號線到冬瓜嶺站E出口步行340m]
——————————————————————————
#深圳美食 #中菜

13/05/2026

壽司大 ♡
-
喺香港食一餐高級日本料理人均消費起碼過千蚊，
但喺深圳呢間壽司大用一半價錢已經嘆到，
活海膽、活鮑魚、藍鰭金槍魚、牡丹蝦、
魚子醬等矜貴食材一應俱全，
食材新鮮又真材實料，
性價比極高✨
大眾點評仲有多款套餐選購，
例如超值午市套餐同¥298單人omakase套餐，
更加抵食，
到店出示呢個post仲有驚喜福利，
可以免費獲贈一貫原價¥80嘅金槍魚鵝肝壽司🤩

博今國際店鄰近福田口岸，
搭地鐵9號線到下沙站C出口即達，
call車亦只需大約十分鐘，
極之方便🙌🏻
店內環境寬敞舒適，
除咗板前同卡位之外仲有私隱度極高嘅包廂選擇，
加上落地玻璃可以望到開揚景色，
用餐體驗一流🥰

季節限定活海膽雙人餐打響頭砲嘅有活海膽金槍魚蓉甜蝦魚子醬，
活海膽新鮮即開，
色澤金黃而味道甘甜，
配上金槍魚蓉同甜蝦三重鮮味，
再綴以魚子醬增添一絲鹹鮮✨
刺身三品包括牡丹蝦、
金槍魚中腹同金鯛卷海膽佐魚子醬，
牡丹蝦鮮甜爽滑，
金槍魚中腹油香豐腴，
金鯛卷海膽佐魚子醬一啖食晒三種鮮味超滿足😎

貝柱蒸蛋口感嫩滑，
充滿貝柱鮮香🥚
海膽紫蘇天婦羅炸漿厚薄適中，
夾住滿滿海膽外酥內軟，
紫蘇獨特嘅清新香氣配以甘甜幼滑嘅海膽係天作之合😉
M7和牛上腦壽喜燒選用M7和牛，
比日本和牛油脂較少但肉味更加香濃，
壽喜燒汁鹹鹹甜甜，
加上蛋漿更加滑嫩豐潤🥩
香煎鮑魚大大隻新鮮鮮活，
師傅即場細心清刷乾淨，
煎至邊位微微焦脆而肉質爽彈唔韌😎
最後仲有清甜暖胃嘅文蛤清湯同奶凍甜品作結，
絕對捧腹而回☺️
————————————————————————
📍壽司大 (博今國際店)
深圳市福田區沙頭街道博今國際L2-03鋪
[地鐵9號線下沙站C出口步行350米]
營業時間：星期一至日 11:30-14:00、17:30-22:00
預訂號碼：0755-23605867 13302977609

📍深圳灣店：深圳市南山區海德三道航天科技廣場B座2樓-2B04
📍福田店：深圳市崗廈社區海田路40號辛誠花園商鋪 (卓越世紀中心華為對面)
📍寶安店：深圳市寶安區海秀路熙龍灣一期(N23區)5-110商鋪
————————————————————————
#海膽 #日本料理 #壽司 #深圳美食

30/04/2026

玖樾 ·酒店式影院足道·芳療·SPA ♡
-
放假同朋友北上又想唱K又想按腳又想做SPA，
三心兩意最好就揀個可以滿足所有願望嘅地方，
而呢間正正係受唔少香港人歡迎嘅好選擇✨
主打酒店式影院足道、芳療同SPA，
嚟羅湖店只要搭地鐵9號線到向西村站B出口，
或者搭2號線到湖貝站A出口即達，
仲提供4小時免費泊車，
揸車去都一樣輕鬆🙌🏻
依家会员活動價70分鐘只係¥149，
仲送果盤同小食，
物超所值✨

呢度嘅技師全部經驗豐富，
手法純熟而且服務態度良好，
做完足療同SPA真係疲勞盡消😚
值得一提嘅係呢度嘅衛生都稱心滿意，
環境同設備乾淨而毛巾亦係每個客人換一次🙌🏻
另外仲特設1.2米榻榻米零壓床榻可以留宿，
服務員24小時隨傳隨到，
話係「酒店式」都絕對並非誇大其辭😎

除咗玩樂之外吃喝當然同樣重要，
呢度有各式各樣品牌飲品、小食同新鮮水果免費任食，
連香港人最愛嘅魚蛋、車仔麵等都一應俱全😍

逢星期一至四同星期日20:00至22:00個人消費滿¥288元、
22:00至23:00滿¥248或23:00後個人消費滿¥218就可以免費過夜🛌
而星期五六同節假日嘅話，
只要21:00至22:00個人消費滿¥438元、
22:00至23:00滿¥398或23:00後個人消費滿¥288都一樣可以免費過夜✨
如果打算成日嚟嘅話不妨考慮充值會員，
充值會員價¥169/70分鐘，
加上贈送金額低至¥149/70分鐘，
另外充值¥1000就送¥100、¥2000就送¥268、¥3000就送¥400，
抵上加抵💖

📍玖樾·酒店式影院足道·芳療·SPA (羅湖店)
深圳羅湖區春風路華潤萬家三樓
[地鐵9號線向西村站B出口步行100米/2號線湖貝站A 出口右轉200米]

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

最近全新開張嘅龍華店同樣方便，
由深圳北站搭地鐵5號線到民治站，
只係坐一個站大約3分鐘，
由B2出口左轉直行200米就到嘉熙業廣場(民治大潤發)，
搭𨋢上六樓就係喇✨

新店裝修時尚摩登，
仲設有獨立包房同唐龍太極高端系列音響，
一邊唱K一邊沐足都得，
一次過滿足唱K、足浴同飲酒三個願望，
啱晒成班friend聚會或者商務接待🙌🏻

📍玖樾·酒店式影院足道·芳療·SPA (龍華店)
深圳龍華區民治嘉熙業廣場六樓
[地鐵5號線民治站B2出口步行200米]
營業時間：星期一至日 24小時營業

————————————————————————
.
#港人北上＃深圳一日游＃香港人去深圳＃深圳水會＃深圳按摩spa #深圳按摩＃深圳影院式足道＃羅湖探店 #羅湖按摩 #深圳 #揼骨

Voracious 香港飲食

22/05/2026

22/05/2026

21/05/2026

20/05/2026

19/05/2026

17/05/2026

15/05/2026

14/05/2026

13/05/2026

13/05/2026

30/04/2026

Address

Website

Alerts

Contact The Practice

Shortcuts

Share