Suye is Eating

  • Home
  • Suye is Eating

Suye is Eating Instagram: ohsuyehere
零食愛好者 + 懶惰人👽

介紹得比大家嘅，當然唔係一般麵包店咁簡單😎呢間位於天后嘅【TASTE+BAKERY】主打每日新鮮出爐嘅創意手作烘焙，人手製作款式創新！店內環境明亮乾淨，各類手作麵包整整齊齊咁分類好，連貝果都有好幾款口味選擇💨海苔肉鬆貝果佢哋貝果拎上手就覺得...
13/05/2026

介紹得比大家嘅，當然唔係一般麵包店咁簡單😎呢間位於天后嘅【TASTE+BAKERY】主打每日新鮮出爐嘅創意手作烘焙，人手製作款式創新！店內環境明亮乾淨，各類手作麵包整整齊齊咁分類好，連貝果都有好幾款口味選擇💨

海苔肉鬆貝果
佢哋貝果拎上手就覺得好有份量，質感紮實得嚟好有咬口，切開係鹹鹹甜甜嘅肉鬆餡，中間仲夾雜住海苔嘅碎屑！

抹茶紅豆麻糬貝果
抹茶味好清新，內裡麻糬帶來一層軟綿拉絲嘅驚喜，配埋綿密紅豆嘅甜度啱啱好，口感層次豐富，係會令人想再食嘅組合🤤

伯爵茶白朱古力貝果
伯爵茶茶香優雅，配埋軟心白朱古力，帶點濕潤感，味道甜而不膩，啱晒配杯熱茶做Tea Time～

開心果千層酥
見到得返最後幾個即刻掃！拎上手好有重量。外面酥皮酥脆層次分明，入面係好滑嘅布甸餡，面層滿滿開心果醬同開心果碎💚

明太子鹽卷
明太子特有嘅微微辣意同濃郁鹹香好有存在感！配埋上層鬆軟、底層烤到金黃酥脆嘅麵包，鹹鹹香香底脆內軟，越jap越香～

#天后美食 #天后麵包店 #手作烘焙 #貝果 #香港美食

灣仔呢間成日排晒長龍嘅手工甜品最近真係燒到我，舖頭以粉紅色為主調，入到去見到整齊擺滿晒當天手作甜點，每一款都標住價錢，有想認真試晒每一件嘅衝動🙂‍↕️櫻花紅豆大福100% 日本食材製作，外皮用咗「道明寺粉」五割糯米，口感粒粒分明得嚟透亮，最...
08/05/2026

灣仔呢間成日排晒長龍嘅手工甜品最近真係燒到我，舖頭以粉紅色為主調，入到去見到整齊擺滿晒當天手作甜點，每一款都標住價錢，有想認真試晒每一件嘅衝動🙂‍↕️

櫻花紅豆大福
100% 日本食材製作，外皮用咗「道明寺粉」五割糯米，口感粒粒分明得嚟透亮，最特別係塊日本櫻花葉，入面嘅紅豆蓉用黑糖慢熬過，甜得好清幽，聽講塊葉都成本貴㗎🥸記得連埋塊葉一齊食，鹹鹹甜甜層次好豐富😋

芒果卷
標榜完全唔加糖，用新鮮芒果最精華部分切片烘乾，食落口陣酸甜味係好濃縮、好天然嘅果香，質地軟糯得嚟帶點韌勁，大人小朋友都一定會越食越上癮🥭芒果卷可以豪邁咁直接咬，又或者好似細個食卷仔軟糖咁拉開成長條慢慢 dap，越咬越出味，係一款會令人食到停唔到口嘅健康零食！

香橙朱古力
呢啲功夫嘢唔試對唔住老闆娘嘅心機🧡選用時令澳洲血橙，每片都用新鮮雲呢拿籽糖水浸泡再風乾（橙片上面點點黑星就係珍貴嘅香草籽）最後沾上瑞士黑朱古力，苦甜比例啱啱好，橙皮嘅甘香配埋朱古力嘅絲滑，係小眾又高級嘅味道，買返去做零食一流🖤

另外呢度嘅千層糕都係必試，斑蘭椰汁糕用咗純正斑蘭葉熬出清香翠綠，配埋濃厚滑順嘅椰汁底，清爽得嚟甜度啱啱好，層次感分明。仲有出面好少見嘅南棗椰汁糕，係專為女仔設計嘅養生甜品，將補血養氣嘅南棗融入溫潤椰汁，甜而不燥，帶住淡淡棗香，食得出食療嘅溫柔💆🏻‍♀️兩款口感都好Q彈～

至於皮薄餡靚嘅獨家秘方糯米糍都係必試✔️重點係每日新鮮手作，賣完就無㗎啦！個皮咬落去煙煙韌韌，完全無厚粉感。必食推介芒果糯米糍，有半個手掌咁大個🥹仲有開心果糯米糍，濃郁嘅開心果醬塞滿晒成個糯米糍，堅果香好突出，仲帶點沙沙嘅果仁碎，口感極豐富；最後芋頭糯米糍內餡呈現淡淡嘅天然灰紫色，質感綿密紮實，配埋煙韌外皮，整體唔會太甜💜

甜品唔一定要好複雜，有時呢種帶住手作溫度、注重食材原味嘅小點心，反而最能療癒疲憊嘅心🌿。下次經過灣仔，不妨入去呢間粉紅小店，帶走一份屬於自己嘅甜度啦！



#灣仔 #灣仔美食 #甜品 #芒果糯米糍

返到屋企，真係攰到連煮飯嘅力氣都無，只想搵份簡單又暖心嘅滋味，喺荔枝角呢間「町町丼丼」專賣各款日式丼飯、烏冬同小食，份量仲要好大份～如果都係飯桶或者日式丼飯控，呢間低調同時高質嘅丼飯專門店一定要Mark低！方便收工買返份外賣返屋企慢慢dap...
08/05/2026

返到屋企，真係攰到連煮飯嘅力氣都無，只想搵份簡單又暖心嘅滋味，喺荔枝角呢間「町町丼丼」專賣各款日式丼飯、烏冬同小食，份量仲要好大份～如果都係飯桶或者日式丼飯控，呢間低調同時高質嘅丼飯專門店一定要Mark低！方便收工買返份外賣返屋企慢慢dap🫶🏻

汁燒鰻魚丼
鰻魚大大條、厚肉又肥美，咬落去肉質嫩滑得嚟仲好 juicy，充滿魚油香。蒲燒醬汁甜甜鹹鹹咁淋喺軟熟嘅珍珠米上面係靈魂！配菜仲有清爽嘅醃黃蘿蔔同玉子燒，剛好中和咗鰻魚嘅油膩感，好開胃😋

香蒜牛肉丼
海量炸蒜鋪滿晒面，牛肉炒得好香～餸同埋飯係分開上，唔怕浸淋啲飯粒，每啖飯吸滿牛肉汁精華，簡直係打工仔嘅體力燃料🙌

吉列炸豬扒熱湯烏冬
豬扒厚切大件炸到外脆內嫩，佢哋嘅烏冬較粗身，食落更有咬口、嚼勁十足，飲多啖暖笠笠嘅湯底，食完真係滿血復活🙈

至於小食方面，日式炸餃子外皮脆卜卜，點埋餃子醬油好滿足；個人認為更驚喜係紫菜粉絲卷！外皮炸得好香脆，入面嘅粉絲口感Q彈，點埋蛋黃醬一齊食，非常惹味，側邊仲配埋沙律菜平衡返添！

打開IG不時見到 Hashtag B 嘅蹤影，睇到人心癢癢，有時返工咁攰，真係要食啲甜嘢嚟補償吓自己，見到Hashtag B梗係要入去掃幾款返屋企當獎勵自己啦！望住櫃台堆得滿滿嘅美點，心情即刻好咗一半，果然生活係需要呢啲甜甜嘅儀式感～醇滑芝...
05/05/2026

打開IG不時見到 Hashtag B 嘅蹤影，睇到人心癢癢，有時返工咁攰，真係要食啲甜嘢嚟補償吓自己，見到Hashtag B梗係要入去掃幾款返屋企當獎勵自己啦！望住櫃台堆得滿滿嘅美點，心情即刻好咗一半，果然生活係需要呢啲甜甜嘅儀式感～

醇滑芝士撻
一入口，芝士味真係濃郁到化唔開！質感超幼滑，配埋撻皮，每一口都係好厚實嘅滿足感，芝士控絕對會愛死🧀

明太子熱狗
腸上面擠滿鹹香微辣嘅明太子醬，再撒埋紫菜絲點綴，麵包底層次分明之餘仲脆卜卜，夾住青瓜鹹鹹甜甜咁～

藍莓忌廉芝士貝果
藍莓嘅酸甜同忌廉芝士嘅鹹香完美結合，食落好清新，唔會覺得膩。

開心果迷你丹麥磚
賣相真係超可愛，口感層次超豐富。開心果嗰種特有嘅果仁香味喺口腔散開，真係好療癒🟢



#香港必食 #香港麵包 #香港面包 #香港蛋撻
#香港甜品 香港旺角美食 香港銅鑼灣美食 香港尖沙咀烘焙 香港手信Key

近幾年，除咗勤力做運動，仲對入口嘅食物要求高咗好多～睇完阿Dee YouTube介紹呢間凍肉鋪之後，即刻被燒到，要衝去尖沙咀呢間「新國華肉食公司」朝聖吓！入到去肉種類多到眼花繚亂，無論係健身大隻仔要嘅高蛋白質肉類，定家庭快閃煮食之選嘅醃肉類...
05/05/2026

近幾年，除咗勤力做運動，仲對入口嘅食物要求高咗好多～睇完阿Dee YouTube介紹呢間凍肉鋪之後，即刻被燒到，要衝去尖沙咀呢間「新國華肉食公司」朝聖吓！入到去肉種類多到眼花繚亂，無論係健身大隻仔要嘅高蛋白質肉類，定家庭快閃煮食之選嘅醃肉類都有，放工返屋企半個鐘就食得！另外打邊爐/韓燒款肉片都有好多選擇，重點係分類得好清晰，想買咩一目了然！一站式買定幾日餸就最方便！

私心掃咗幾款心水肉！封門柳去晒油、去晒筋，肉質濃郁得嚟好軟腍，簡單煎吓已經牛味爆棚；另外梅花肉油脂分布好平均，輕輕一灼就食得，唔會韌的🐷有時放工想快手食好西，都入手咗幾款韓式系列，全部醃得好入味，辣味同甜味平衡得啱啱好，簡單煎一煎加熱就得，用嚟帶飯都好方便，好食過出面韓燒店～



#新國華 #賣肉大叔 #教肉大叔 #大叔的肉 肉肉大叔 生酮大叔

最近天氣濕濕悶悶，真係好易冇晒胃口～今日去咗「綠茶餐廳」滿眼都係清新嘅綠色，未食先興奮！翠綠麻婆豆腐貫徹一片綠油油嘅主題！平時見開嘅麻婆豆腐都係紅噹噹，呢款竟然係用菠菜汁同青線椒調出嚟嘅鮮綠色！豆腐質地香滑，入面仲混合咗牛腩粒同皮蛋碎，層次...
30/04/2026

最近天氣濕濕悶悶，真係好易冇晒胃口～今日去咗「綠茶餐廳」滿眼都係清新嘅綠色，未食先興奮！

翠綠麻婆豆腐
貫徹一片綠油油嘅主題！平時見開嘅麻婆豆腐都係紅噹噹，呢款竟然係用菠菜汁同青線椒調出嚟嘅鮮綠色！豆腐質地香滑，入面仲混合咗牛腩粒同皮蛋碎，層次感極豐富。

西湖醋魚
比起傳統鱸魚，肉質更結實唔鬆散，而且口感更加細膩。個汁做得酸酸甜甜，味道拿捏得啱啱好，喺潮濕天氣食真係瞬間開胃，多人嚟食必點！

香乾涼拌馬蘭頭
馬蘭頭係春季時令野菜，平時好少見～佢哋將碎菜層層疊疊咁整成塔狀，食落有一種獨特嘅清香，入面仲加咗五香豆乾同金華火腿碎，豆乾嘅鹹香帶出咗馬蘭頭嘅鮮味，少少油脂感令成道菜更香口！

綠茶蝦餃
連蝦餃都變咗綠💚 綠茶色嘅皮薄到透光，入面嘅蝦肉爽口鮮甜，細細品嚐嘅話，個皮仲帶有一絲絲淡淡嘅茉莉龍井茶香，感覺比普通蝦餃清新好多。

櫻花糕
最後當然要食返個甜品結尾，呢款江南點心賣相粉嫩，口感Q彈，入面仲有甜甜地嘅櫻花醬。完美結束呢餐綠色盛宴💖

有時經過茶大椰見到人哋享用原個椰青，賣相超吸睛，呢間店將椰子發揮到極致，主打用新鮮椰子水同椰奶製成嘅健康茶飲，甚至原個大椰凍都有！一向都鍾意椰子清新又滑溜嘅口感，今次叫咗幾款同friend share👇焦糖大椰凍用原個椰青盛載，上面層焦糖燒...
30/04/2026

有時經過茶大椰見到人哋享用原個椰青，賣相超吸睛，呢間店將椰子發揮到極致，主打用新鮮椰子水同椰奶製成嘅健康茶飲，甚至原個大椰凍都有！一向都鍾意椰子清新又滑溜嘅口感，今次叫咗幾款同friend share👇

焦糖大椰凍
用原個椰青盛載，上面層焦糖燒到脆卜卜，用匙羹敲碎佢好興奮😍入面個椰凍好水潤，口感介乎喺超滑奶凍同動L啫喱之間，陣陣椰子清香同焦糖嘅微苦甜好夾，側邊仲有Q彈椰子肉可以刮嚟，食飽肚感十足🤭

山茶花椰子茶
入口先係陣陣清幽高雅嘅山茶花香喺口中散發，緊接住泰國香水椰子水嗰種天然甘甜。仲有粒粒啫喱有嘢比你咬下～整體感覺輕盈，行街行到攰啜一啖，由喉嚨涼到入心！

菠蘿椰
鍾意水果味嘅朋友可以試呢杯！清爽椰子水帶住菠蘿嘅甜香，透明杯望入去，已經見到絲絲菠蘿果肉纖維，真材實料睇得見，飲落啖啖清新，夏日感滿分🍍



#茶大椰 #新鮮椰子水  #山茶花椰子茶  summerdrink coconutlover healthchoice plantbase veganlover hkfoodie allaboutcoconut coconut refreshingdrinks summertime dairyfree

行過太古廣場，見到唔少OL人手一杯顏色鮮艷嘅飲品，原來係主打健康原汁原味嘅 Le Jus～佢哋堅持用原個新鮮蔬果調配，不含添加糖、防腐劑同人造色素，啱晒平時忙到無時間食水果嘅大家😇想補補營養，今次我同朋友們都一齊叫返幾杯寵愛下自己先！Coc...
28/04/2026

行過太古廣場，見到唔少OL人手一杯顏色鮮艷嘅飲品，原來係主打健康原汁原味嘅 Le Jus～佢哋堅持用原個新鮮蔬果調配，不含添加糖、防腐劑同人造色素，啱晒平時忙到無時間食水果嘅大家😇想補補營養，今次我同朋友們都一齊叫返幾杯寵愛下自己先！

Coco Papaya
號稱可以飲嘅護膚品！入面有抗氧化超強嘅木瓜，加埋植物性奶源嘅特調椰奶，口感滑溜得嚟清爽。最正係入面加咗美顏恩物桃膠，飲落去啖啖滑溜溜，仲帶點嚼勁！今次仲特意加配Greek Yogurt，質感即刻厚身咗，椰奶香加埋木瓜嘅清甜，混合埋希臘乳酪嘅濃郁，飲落非常Smooth，飽肚感十足，晏晝飲一杯提神又養顏🫰

Mango Yogurt
如果鍾意酸酸甜甜嘅口味，呢杯Mango Yogurt 係必試！入面有滿滿維他命 C 嘅芒果、特調椰奶同富含益生菌嘅乳酪，補充能量之餘，仲可以照顧埋腸胃健康，消化順暢冇煩惱🔋今次私心加配咗牛油果🥑本身芒果配乳酪已經好開胃解膩，質感變得好似絲絨咁順滑，雖然係健康果昔，但味道絕對拍得住甜品，健康飲食都可以好時尚好享受😎

Pink Jasmine
吸睛度100%！用咗鮮艷嘅紅火龍果，配埋菠蘿、蘋果同香氣十足嘅熱情果，底蘊仲帶有清幽嘅茉莉花茶味。飲落去酸酸甜甜，更有助清熱，下晝返工返到懨懨欲睡嘅時候飲一杯醒下神就最適合🔋最令我驚喜嘅係，每一啖都飲得出係完全靠水果本身嘅甜味同花茶嘅回甘，保留咗水果嘅纖維同營養，方便我哋呢啲忙碌都市人吸收每日所需嘅維生素同礦物質，健康到極致💖

#新鮮果昔 #健康生活 #無添加 #新鮮水果

呢排啟德真係好熱鬧～好似The Twins 雙子匯咁，引入咗超多高質餐飲，入去真係好似去咗轉日本咁，今次推介幾間餐廳：【Sunakku Mama】主打日式炸串同串燒，食材係食得出嘅高質！除咗和牛、豚肉，仲有熱辣辣嘅關東煮同清酒，同朋友嚟飲杯...
26/04/2026

呢排啟德真係好熱鬧～好似The Twins 雙子匯咁，引入咗超多高質餐飲，入去真係好似去咗轉日本咁，今次推介幾間餐廳：

【Sunakku Mama】
主打日式炸串同串燒，食材係食得出嘅高質！除咗和牛、豚肉，仲有熱辣辣嘅關東煮同清酒，同朋友嚟飲杯嘢、食件串燒，好似置身喺日本小街咁🍶

【OKOSTA御將燒】
鍾意食御好燒嘅朋友一定要試呢間過江龍🥢佢哋主打正宗廣島風味，睇住師傅喺鐵板上製作廣島燒係視覺享受，除咗御好燒，仲有好多鐵板燒套餐選擇！

【Sakana Hibi 肴日】
有多款燒物🏮菜式種類豐富，佐酒小食、清酒及果酒等佳釀等等都可以喺度享受。

【WASHABU】
主打一人前日式火鍋，每個座位前皆設獨立電爐～由日本黑毛和牛到澳洲和牛都；由啖啖龍蝦肉到龍蝦湯底，每一啖都係幸福嘅味道😋

三道SNDO B1美食廣場更匯聚多個餐飲品牌，熱食專區、壽司及刺身、糖果、日本麵包店、健康與養生產品都有齊～

【JAPAN SELECT】
全部係日本進口，性價比極高。有多款急凍食品選購，由炒飯、餃子到 Pizza、漢堡都有齊。

【DONQ & MiniOne】
麵包食得出嗰種手工藝嘅堅持。每一啖都係神戶嘅味道，經過記得要買返袋返屋企慢慢嘆！

【睿】
將潘總廚多年嘅中菜精髓變晒做燉湯同餸菜包。特別要推介佢哋嘅豬耳，真係爽口入味，質素仲要有晒食安認證，食得好放心。

【Wine Library】
有齊世界各地嘅紅酒、烈酒同日本清酒，放工想搵支好酒 chill 下，或者買嚟同朋友聚會，嚟呢度慢慢挑選，實會搵到Soul Mate🍷

【GELATO COMBO】
雪糕控注意🍦呢間係由兩個香港女仔專登去意大利學藝返嚟創立嘅手工Gelato店。雪糕真心好食，口感特別滑！甜點胃永遠有位，一定要試！

【T.Co 烤卷專門店】
想快速醫肚呢間係首選！牛肉同雞肉烤卷包滿晒鮮嫩肉片同秘製醬汁，再加埋清爽蔬菜，啖啖肉之餘仲好 balance。睇演唱會前嚟個輕食就啱晒🌯

【星州總廚 X 倆三杯】
東南亞星洲風味同台式小食，Why not both？佢哋嘅喇沙香濃又惹味，必試！

【Morozoff】
如果嚟緊要買禮盒送人，揀Morozoff絕對唔會失禮！多款精美曲奇餅乾，送畀朋友體面之餘，自己留返盒做下午茶都係一種享受。

【俄有貨】
由天然成分嘅洗頭水到俄羅斯朱古力、零食應有盡有。想搵啲不一樣嘅異國零食或者特色酒類，嚟呢度尋寶實有驚喜！

午市搵食有新驚喜！一直知湊湊有小火鍋套餐，套餐採用一人一鍋形式，有成十幾款口味可以揀，配置包含自選鍋底、優質肉品同蔬菜拼盤，配合半自助模式性價比極高🥢我哋揀咗「極鮮海陸自由拼」同「開心自由搭配」美國牛板腱涮煮後嫩而不柴，肉味十足！仲有白鰻片...
13/04/2026

午市搵食有新驚喜！一直知湊湊有小火鍋套餐，套餐採用一人一鍋形式，有成十幾款口味可以揀，配置包含自選鍋底、優質肉品同蔬菜拼盤，配合半自助模式性價比極高🥢我哋揀咗「極鮮海陸自由拼」同「開心自由搭配」美國牛板腱涮煮後嫩而不柴，肉味十足！仲有白鰻片入口即化，魚脂香氣滿溢，配埋口感彈牙嘅刀切麵或者南瓜麵，索晒湯底精華食唔停，一人餐都食到極致精緻😋除此之外，湊湊嘅自助小料台都好豐富，有齊醬料、新鮮生果同前菜✨

最精彩嘅戲肉嚟啦！湊湊火鍋同Lay’s 樂事強勢聯名推出全新Dip Dip 奶蓋茶飲系列，係鹹甜交織嘅新境界💛重點係上面嗰層厚厚嘅絲滑奶蓋，佈滿脆卜卜嘅Lay's 樂事薯條，咁樣沾裹住奶蓋嚟食，一脆一滑、鹹甜交織拼出新快樂，越食越上癮～「雲朵絲絨系列」茶底仲可以揀大紅袍/錫蘭紅茶/茉香茶，個人最推介大紅袍茶底，茶香夠濃厚，每一啖都係脆、滑、甜嘅三重奏，呢款新食法真係驚喜滿分😋

如果想豐富啲，一定要叫 $55「Lay’s 瘋酥小叛逆」套餐，套餐除咗有Dip Dip 奶蓋茶飲，仲有外脆內嫩嘅小酥肉，將小酥肉沾奶蓋食，鹹香得嚟又帶點奶甜味，雖是邪惡但停唔到！+$20 仲可以無限暢食台式經典DIY古早芋圓豆花，有齊Q彈芋圓、黑糖珍珠、滑嫩豆花同刨冰，淋埋多款蜜漬配料，先消暑、再開餐，火鍋時食或下午茶輕食都咁夾！

小資族留意！平時去超市買開Lay's嘅朋友記得留單，憑超市購買Lay's 任何產品嘅單據，去湊湊火鍋店仲可以享有鍋底半價優惠，快啲約埋朋友用inline訂座，記得用埋Promo Code : KOC （https://inline.app/booking/coucouhotpothk）


's脆薯 #奶蓋茶飲 #台式火鍋 #湊湊火鍋 hotpot 小火鍋 香港火鍋 香港打邊爐 午市火鍋

約朋友喺荃灣食火鍋，呢間『大滾友』絕對係我嘅口袋名單！呢間餐廳走嘅係華麗中式古典風，成日見到網友share 湯底一上枱，乾冰煙霧瀰漫嘅畫面，作為追求健康同養顏嘅火鍋迷，今次我哋主攻佢哋個龍躉木瓜魚湯🤤龍躉片木瓜魚湯鍋一上枱就噴晒乾冰煙，仙氣...
10/04/2026

約朋友喺荃灣食火鍋，呢間『大滾友』絕對係我嘅口袋名單！呢間餐廳走嘅係華麗中式古典風，成日見到網友share 湯底一上枱，乾冰煙霧瀰漫嘅畫面，作為追求健康同養顏嘅火鍋迷，今次我哋主攻佢哋個龍躉木瓜魚湯🤤

龍躉片木瓜魚湯鍋
一上枱就噴晒乾冰煙，仙氣十足🙂‍↕️店員會現場幫手將大木瓜切開入湯，配埋厚切、晶瑩剔透嘅龍躉片，滾起後湯頭呈奶白色，朋友提醒滾起要先飲返碗鮮甜魚湯，入口順喉又滋潤，清甜果香同鮮魚味融合得天衣無縫，龍躉片厚切無骨，肉質結實彈牙，富含膠原蛋白，女士必點滋陰養顏之選‼️

大滾友牛肉拼盤
拼盤由乾冰托住登場，份量極之澎湃，最正係一盤試齊多個部位，幾秒起筷就最能食出牛肉嘅鮮甜，拼盤包括安格斯牛小排、手切本地牛頸脊、牛舌花、封門柳、和牛牛展同牛肉粒。牛頸脊油花靚到爆，入口嫩滑多汁；牛舌爽彈有嚼勁。最驚喜係花雕酒浸牛肉，酒香入透肉質，滾熟後依然保留陣陣花雕香味🔥

即炸黃金響鈴
放落魚湯浸幾秒即刻夾起，半脆半軟嘅狀態索晒湯底精華，一咬落去爆汁，鹹蛋黃嘅沙沙口感好惹味，邪惡得嚟好幸福😈

蟹皇餃
粒粒都好飽滿，好似一粒粒元寶咁大隻🥟入面係紮紮實實嘅鮮甜蟹肉同濃郁蟹黃，真係啖啖肉，鮮上加鮮～

極品棉花魚肚
名副其實咁好似棉花咁鬆軟輕盈，每一塊都處理得好乾淨，放落去龍躉片木瓜魚湯度滾一滾，魚肚入面無數個小孔就會好似海綿咁，將奶白色嘅魚湯精華吸到滿一滿～

大滾友雜菜拼盤
拼盤砌到似花籃咁精緻，有齊唐生菜、金菇、粟米同蓮藕等，新鮮乾淨，吸晒魚湯精華非常鮮甜，補足返啲營養🥬

自家製足料竹蔗茅根
打邊爐最驚熱氣，飲呢壺就啱晒！佢係自家製出品，飲得出係真材實料熬製，非常清潤解膩。最加分係佢用咗個中式古典茶壺裝住，襯返晒成間鋪嘅宮廷風，飲嗰陣都覺得自己優雅咗😂

最後嘅壓軸驚喜，一定要留肚畀呢個火焰焦糖豆腐花，店員會捧住個精緻嘅木桶上枱，現場喺豆腐花表面灑上黃糖，經過火焰洗禮，黃糖會瞬間變成一層金黃脆口嘅焦糖脆殼，微微嘅焦香味同豆香融合，係完美嘅 Ending！
yl.tw.tp
#大滾友 #荃灣 #荃灣美食 #火鍋 #生啤 打邊爐 手切牛肉 花膠雞湯鍋 卜卜蜆 火鍋

Address

1 Tong Tak Street

000000

Website

Alerts

Be the first to know and let us send you an email when Suye is Eating posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Suye is Eating:

Shortcuts

  • Want your practice to be the top-listed Clinic?

Share