兔醫師

27/11/2025

【利咽茶飲小貼士】
醫師從小在大埔讀書，第一年行醫就是在大埔那打素醫院，返的教會也在大埔，跟很多大埔人結緣，昨天徹夜難眠，擔心眾人是否安好。

千言萬語無從開口，唯有推介大家一個利咽養肺的茶方，6年前一眾中醫都有推介的，不小心聞到不好的煙也可以喝一喝保護肺部。

若曾吸入濃煙後覺得喉乾、胸悶、氣不順，可在家煮一杯「桔梗甘草茶」作日常紓緩：
材料：桔梗 6g、甘草 3g、清水 500ml。
做法：所有材料加水煮 10–15 分鐘，倒出當茶飲，小口慢慢啜飲即可。
這茶有助宣肺、減少喉頭緊繃感，讓氣順一點、喉舒服一點。

06/10/2025

🌕 中秋節快樂 🌕

祝您與家人月圓人團圓，身心安康。節日期間甜點較多，可試以下茶飲助消滯：

🐰 消滯茶飲
材料：陳皮 3克、山楂 10克、炒麥芽 6克、普洱茶 1包
做法：加水 600ml，煮滾後小火 5 分鐘即可
功效：舒緩脹悶、消滯解膩、調理脾胃

🐰更多秋季養生參考：
👉 初秋養陰湯水、茶飲與甜點
https://www.tcmlai.com/post/%E5%88%9D%E7%A7%8B%E9%A4%8A%E9%99%B0%E6%B9%AF%E6%B0%B4%E8%8C%B6%E9%A3%B2%E8%88%87%E7%94%9C%E9%BB%9E

祝中秋愉快，月滿人和🌾🎑

初秋氣候由熱轉涼，空氣開始乾燥，人體易出現喉乾口渴、皮膚乾燥等症狀。中醫認為，秋季宜「養陰潤燥」，保護肺、脾、腎，順應四時節氣調整飲食與起居，讓身心平穩過渡至冬季。以下為三大秋冬養陰食譜推薦，簡單易做...

18/09/2025

從『一次見效』到『痛到起唔到身』：痛症治療的迷思

++++++++++++++++++++++

最近有一個伯伯星期日腰背不適, 因為太痛等不及我開診, 去左屋企附近另一個都睇開既中醫處理, 一入場得到全套妥善照顧，又針又電又拔罐又正骨, 五星級享受.

佢話當刻離開診所時非常舒服, 覺得1 take 收工, 已經好返了。怎料翌日差啲起唔到床, 腰背痛以2倍反噬強勢回歸。最後痛多左兩三日先好返少少。

佢非常不解, 所以黎問我點解會咁。

well 呢啲故事就係我日常經常要執既蘇州屎既典型.

賣大包式綜合治療一直係非常受歡迎既practice, 醫師想比最多最好既野比病人, 病人又想快啲好，一拍即合。win win

但非常不幸的是，唔係個個都係氣血充足到、足夠捱到咁多item 架嘛。點解睇個痛症都要把脈，點解有時我會建議病人食下藥，都係通過專業知識+經驗去預判去阻止呢啲訓醒會懷疑人生既慘劇。

黎睇個痛症，睇完仲痛左，普通人好易慌，少啲溝通都會導致糾紛

唔好以為「唓，佢年紀大啫，我咁後生呢啲野唔關我事！我返工好忙，一場黎到，你同我咩都上哂啦」

由後生到廿尾，到三四十歲中年prime time 打工男女，呢啲情況都見唔少。最慘係痛住都仲要返工丫嘛

痛症及早治療係啱既，但自身氣血係好得快定慢既關鍵，睇到呢度既你，如果感冒1日好返，扭親肌肉兩三日自行康復慳到醫生錢，congrats 你要多謝自己一直有善待自己身體(或者多謝阿媽生出你咁精壯)

相反，如果係行直路可以拗親膝頭哥，或者自提點拎件貨返屋企都可以手臂痛3日既人，一旦有痛症，都唔會似其他人咁吽幾日會好返架啦，早啲黎維修下啦。無事既就快啲檢視下自已身體勞損程度，及早調理為妙。

23/06/2025

https://www.tcmlai.com/post/lychee

今年天氣好早就好炎熱, 所以都預感荔枝會大豐收,而家一街都係荔枝, 令人大飽口福。

不過最近求診既病人都會講：「呢排唔知係咪食左荔枝搞到病左」

所以又係時候推返篇舊文出黎解釋返，到底荔枝會搞啲咩出黎XD
咩人又最啱食, 同埋食壞左又可以點補救?

什麼人適合吃荔枝、什麼人不適合? 出現上火怎麼解？

12/06/2025

看到這個post 想記錄一點往事
———————

多年前曾經有一個阿斯伯格症的年輕男子來求診 姑娘說他登記時舉止談吐都有點怪怪的 叫我小心點 她說她會打開診室門 叫我有什麼問題就立刻呼叫
我很感謝她們的細心和敏銳

病人一進來就很有手尾地關門
姑娘看到關門就立馬借故進來再開門
病人看到沒關的門又馬上走過去關上
然後姑娘又進來了 如是這3-4 個來回後 我觀察到他好像不是普通人 就示意姑娘放心 由他關門吧

他看了門口好幾眼 確定「沒禮貌的姑娘」不再搗亂 才開始說：
「媽咪說有教養的人要有手尾」
「媽媽跟我練習了說話好多次 確定我ok才過來這裡看病，媽咪說我進來一定要先跟你說我是阿斯伯格症 然後再講我的問題…」

他後來覆診好幾次，會跟人禮貌地打招呼 聊天時常常說「媽媽說…..」
雖然他有說他智商一百有多 算是偏聰明那種 但我仍覺得他媽媽好厲害 把特殊需要的孩子教得很好 多少心血才能培養出來的教養和禮貌 （每一個小細節都要教好多次才會變成待人接物的本能）

自閉症的孩子只能通過模仿去跟社會互動 但一些小細節因為不懂共鳴對方的情緒 所以有一點點違和感
他們基本上沒什麼壞心思 但需要大家多一點包容
而他們的特殊能力需要身邊人發掘才能發光

這位亞斯症的男生不開口說話根本看不出他有什麼跟別人不一樣
他媽媽把孩子生得一副好臉蛋 所以帶他去做模特試鏡 他跟我說他兼職做模特我還不信
結果他給我看手機上他工作的照片 硬照很帥呢 能直接出道那種帥

———————-
希望留言這位女士快點釋懷 找到如何跟孩子相處的方法❤️

10/06/2025

把完脈通常都係嘴巴封印解除既時候，一般病人有野問就會忍唔住開口：

🦊「出面有賣果個降三高保健品啱唔啱我體質?」
跟手喺電話比個簡體字廣告我睇
🐰「呢個廠未聽過喎, 又唔見佢有成藥註冊編號，咪下下都拎個腎出黎賭啦」

🦊「我其實都係血壓高咋. 食咩產品可以健康啲?」
🐰「其實健康唔係淨係食產品就有架，如果真係有啲咁既產品，啲藥廠發左逹啦」
🦊「咁出面咁多藥廠發左逹...」
🐰「咁靠呃人都可以發達既，但老實同你講，健康唔係咁低門檻食下野就有架」

根據十幾年同病人傾計既經驗，呢條友一定係為食既

🐰「你話呢排血壓無以前咁穩定，一般人控制血壓失敗都係衰三樣野：唔記得食藥、訓得差、食野太濃味，你衰邊樣先？」

跟手病人就自己招供啦：「唉我呢世人就係衰為食，重味先好食」

然後再招認一個星期內隊左兩袋龍眼乾，據說係睇電視果陣食下食下就無哂了，然後呢一個星期血壓就比較唔穩定，呢個亦係佢求診既原因

其實相較荔枝、榴槤呢啲大溫大熱既水果，龍眼係比較平和既補品，但食咁多都會上火架。

佢好乖咁戒左最愛既榴槤，雖然受左苦，但又放開肚皮食其他野，再留低唔減鹽呢個缺口，血壓一樣話失控就失控，聽落好唔抵

龍眼乾呢啲野, 食哂唔好再買就得，但咁脆弱既血壓，都係要做啲野保護一下好啲喎

🐰「咁你想血壓好啲, 似乎唔駛比錢買保健品喎，首先唔好出街食先，要食少啲鹽.....」

🦊「以後煮餸唔落鹽啦！」

🐰「又唔駛咁極端既, 你食開咁重味邊做到啫。少啲出街食先, 你控制唔到廚師隻手架嘛，淨係喺屋企食兩個星期先，血壓會即刻乖返架啦，慳到健康產品錢又慳埋鹽錢🤣」

+++++++++++++
望住佢果個不情不願既樣，佢個心魔其實就係出面啲唔健康但好味既各式美食，同埋睇得出佢應該仲未放得低🤣🤣🤣

13/05/2025

喺度記錄一下醫師自己嘅快速KO covid 病情先 示範下感冒應該咁快好先啱的

事緣一個好多年無見的同學仔返香港 星期四暢談一晚之後 星期五佢突然快測中左Covid 特地告知我
咁啱星期六晚book 好左澳門自助餐+joey concert 千祈唔好病丫😫

不過星期六朝早食左個朱古力醬包之後竟然喉嚨開始乾涸 感覺就快黎料😫😫😫😫😫😫😫😫😫😫
食完一劑桂枝湯+/- 先過大海 喉嚨短暫受控
但夜晚大合唱之後 頭痛惡寒無汗咽痛 發了

星期日發燒 🤒 喺沃門無藥之下食左兩粒兒童panedol 出少少汗 再加埋省中秘藥aka阿婆至愛中藥喉糖 喉可安 無惡化但都無好轉

星期一返工 下午又再喉嚨乾+發燒 再整多兩劑桂枝湯 星期二 今朝起身好好多了 熱退脈靜 咳都無乜

總結：
1） 源頭好重要 有個病左會做快測嘅同學仔 早啲察覺病徵早啲處理會好很快 吽多一日半日 就會有手尾
2） Covid 咽痛但寒症來的 2022 年經驗桂枝湯食到退燒 今次都係咁 （題外話：出面好多醫生開銀翹散個病人咳到甩肺搵我執手尾嘅 已經唔知執左幾多個了）
3） 戒口好重要 想唔想像到食自助餐唔食得龍蝦、無望過甜品區、食七成飽係咩感覺😫 戒生冷、甜食 會好好多 如果無戒口 應該星期日已經壞左 再執就手尾長
4） 好返之後繼續要戒口 今朝好返哂 精神返哂黎 但一飲soft drinks 馬上起痰+喉涸 其實有少少輕微嘅手尾 唔想病太耐 要繼續戒口/食多幾日中藥的 而家食完藥又好少少了

比大家參考下 想試下極速KO感冒唔要咳 可以下次有感覺要病嘅時候快啲搵我🥳

附圖：自助餐食粟米粥的me 忍唔住叫廚師加左粒迷你鮑魚

02/05/2025

孩子腹瀉了，到底該立刻止瀉還是讓身體排毒？中醫師教你辨清虛實，正確處理，幫助孩子止瀉又不傷身！

孩子一腹瀉，家長最擔心：「要不要立刻止住？」其實，腹瀉背後有虛有實，處理錯了，反而拖更久、體質變差。中醫師教你分辨孩子的腹瀉類型，教你怎樣止瀉又養脾胃，幫助孩子真正康復、體質更強！

21/03/2025

今日有個好有陽光氣息既靚女黎睇症
搞到我講野有少少窒下窒下

08/03/2025

春天到了，萬物復甦，然而對許多人來說，這個季節也是血壓開始蠢蠢欲動的時候。你有沒有發現，每到春天，身邊的人特別容易頭暈、臉紅，甚至有時候脾氣也變得比較暴躁？這可不是單純的季節情緒波動，而是因為血壓在搞鬼！今天我們就來聊聊，為什麼春天是高血壓的多發季節，以及該如何應對。 https://wix.to/X57m6B6

為什麼春天是高血壓的多發季節，以及該如何應對

20/02/2025

尋日去左同一班更新人士做針灸, 中途宿舍 (男宿) 成班已戒毒人士住埋一齊，有咩頭暈身興就同舍監報名，咁中醫師就會上黎整治下佢地

一去到，竟然係無成班男人住埋一齊的汗味臭味(唔好意思 我膚淺左) ，然後病人們都好有禮貎細細聲同我講野，雖然係講埋啲「早幾個禮拜同人打交搞到而家隻手舉唔起」、「早幾年比車撞飛左搞到而家腰好痛」之類既話題, 語氣同內容強烈反差 XD

10個有8個黎針灸，唔係腰痛就膊頭痛，針完好左啲, 就出去陽台食煙吹水

有一個返轉頭，話「媽咪打黎問我條腰咩情況，你幫我答佢丫」，想像下一個麻甩佬，人生第一次做完針灸，係同媽咪分享喜悅，呢種反差真係好可愛 XD

摸佢地脈象，佢地同果啲上黎求診既努力妹豬/拼博80 90 後女強人好唔同。難得地好多都係接近平和既脈，果然體力勞動有益健康，坐office 多會折壽。簡單黎講，佢地就係腰痛係腰痛既脈, 頸痛係頸痛既脈，唔會有太多內臟糾結鬱積，可能因為一有唔開心就搵個渠道發左佢( aka 打交)，雖然世俗上不鼓勵，但唔理後果(痛症)黎計，都算係chill life

做個外展做到反思人生.....

題外話：賭錢黎講幫襯馬會都真係choice of less evil, 個中途宿舍係lotteries fund 出錢起既，算係幫左好多人. 你班賭仔要賭就唔好過大海啦，喺馬會玩性價比好高，又有得玩又可以做善事. XD

17/02/2025

🌧️ 雨水期間，天氣開始回暖，但也要小心變化的氣候！來看看我們的養生小貼士，幫助你在這個季節保持健康！詳情請點擊這裡：https://wix.to/nUbgCzY #養生 #雨水 #健康

雨水時節，意味者天氣開始回暖，是大地回春的重要節點。但要注意氣候仍屬於多變，時冷時熱，看一下養生小貼士