Elaine Wong - Certified Relationship Coach

Elaine Wong - Certified Relationship Coach Contact information, map and directions, contact form, opening hours, services, ratings, photos, videos and announcements from Elaine Wong - Certified Relationship Coach, Mental Health Service, Hong Kong.

Elaine Wong - 由Hero Ladies 創辦人國際感情關係專家 Cindy Lam親自傳授感情關係技巧，並取得英國University of Sunderland 感情關係導師 Certified Relationship Coach Program 認證。

最快在1個月內成功挽回已分手兩個月的感情，成為一時佳話。
堅信“人沒有痛點是不會改變，改變由自己開始。”

提供一對一感情諮詢服務
專業指導：
挽回復合｜親子相處｜吸引對象｜修補關係

分手聽到「性格不合」，係咪即刻覺得好虛無，好似乜都冇講過？🙃 其實，呢句說話有時真係可以係一個藉口，但亦可能係真實問題嘅表現。 試下諗下，係咪真係有性格上嘅衝突，定係對方只係搵藉口？ 如果仲有機會，可以試下問清楚，對方究竟係咪有其他原因。 ...
03/11/2025

分手聽到「性格不合」，係咪即刻覺得好虛無，好似乜都冇講過？🙃 其實，呢句說話有時真係可以係一個藉口，但亦可能係真實問題嘅表現。

試下諗下，係咪真係有性格上嘅衝突，定係對方只係搵藉口？
如果仲有機會，可以試下問清楚，對方究竟係咪有其他原因。
無論真定假，對方講出口，可能已經代表佢對呢段關係嘅態度 - 就係：佢已經唔想再為呢段關係而努力！

與其死纏爛打，不如學識放低，為自己搵返一個更適合嘅人。

✨性格不合唔係一個失敗，而係一個契機，等你清楚知道，自己值得尋找一段更健康、更合拍嘅感情。💖

#性格不合 #分手 #感情導師 #愛自己 #情感成長

Happy Halloween！🎃👻今晚街上充滿「驚」同「喜」，其實愛情都一樣！「Trick」嘅時候佢已讀不回，你心臟跳得比撞鬼更快😱👻佢突然冷淡，你腦補咗100集恐怖連續劇📺嗌交時嘅對白，仲心寒過入咗鬼屋🏚「Treat」嘅時候一個攬攬，甜...
31/10/2025

Happy Halloween！🎃👻
今晚街上充滿「驚」同「喜」，其實愛情都一樣！

「Trick」嘅時候
佢已讀不回，你心臟跳得比撞鬼更快😱👻
佢突然冷淡，你腦補咗100集恐怖連續劇📺
嗌交時嘅對白，仲心寒過入咗鬼屋🏚

「Treat」嘅時候
一個攬攬，甜過拎到全桶糖果🍬
佢記得你唔食得辣，主動幫你落order🍴
一齊扮鬼扮馬，笑到見牙唔見眼😆

愛情小魔法🪄
唔好只係驚「邊個愛得多啲」
試下享受一齊「扮嘢」嘅樂趣——
扮下對方最鍾意嘅英雄，
或者扮睇唔到佢今朝唔記得剃鬚😏

今晚不妨問自己：
你願意同身邊呢位「隊友」
一齊面對更多「驚嚇」，
同時創造更多「甜」嗎？

🎃 祝大家搵到一個「永遠唔使驚佢走佬」嘅伴侶！
（P.S. 今晚如果佢扮喪屍求婚，記得大叫"I Do"！）

#愛情金句 #扮鬼扮馬好過扮忙 #愛情驚喜

一位資深藝人離世，雖然我們素未謀面，卻不禁感到心酸與哀傷。這份情感，源於他們在我們生命中的陪伴。在那個網絡尚不發達的年代，電視與電影成為我們生活的主要娛樂。記得那時放學後回家，第一個動作就是開電視，晚飯時總會一家人「電視汁撈飯」。然後去到哪...
29/10/2025

一位資深藝人離世，雖然我們素未謀面，
卻不禁感到心酸與哀傷。
這份情感，源於他們在我們生命中的陪伴。

在那個網絡尚不發達的年代，
電視與電影成為我們生活的主要娛樂。
記得那時放學後回家，第一個動作就是開電視，
晚飯時總會一家人「電視汁撈飯」。
然後去到哪裡都會和身邊的人討論劇情，
某個劇集播完了，還會感覺空洞。

與家人一起看過的劇集、與朋友共賞過的電影，
都是我們成長過程中的珍貴片段，
深深地連結著我們的回憶。
即使隨著時間的推移，
我們可能忘記了某些電影的名字，
甚至忘記了與誰共度那些美好時光，
但看着熟悉的演員臉孔，
彷彿回到了那段無憂無慮的時光，
那份熟悉感卻始終存在。
或者當年在身邊的人已經斷聯了，
然而這些藝人，在我們的人生旅途中，從未真正缺席。
他們的作品如同一面鏡子，映照著我們的成長與變遷。

或許有一刻會感嘆 -
我們長大了，他們變老了，青春逝去了。
現實是即使他們離開，
卻未曾帶走那份歡樂的形象和光影的回憶。
讓我們在追憶中，珍惜那些陪伴我們成長的時光，
並以此為激勵，勇敢地面對生活中的每一次告別。
每一段回憶，都是我們生命中不可或缺的一部分，
讓我們在懷念中，繼續向前！

#回憶 #珍惜 #感激 #陪伴 #懷念 #告別

以前可能以為，互相鍾意、條件差唔多就可以拉埋天窗。但係好多人結咗婚先至知，離婚嘅好多都係嗰啲「睇落冇問題」嘅夫妻。揀老公，呢6樣嘢緊要過感覺：𝟭. 有冇邊界感感情係傾出嚟嘅，會同第二個女仔訴苦、曖昧嘅，婚後出軌機會率高幾倍。唔係多疑，係現實...
26/10/2025

以前可能以為，互相鍾意、條件差唔多就可以拉埋天窗。
但係好多人結咗婚先至知，離婚嘅好多都係嗰啲「睇落冇問題」嘅夫妻。

揀老公，呢6樣嘢緊要過感覺：

𝟭. 有冇邊界感
感情係傾出嚟嘅，會同第二個女仔訴苦、曖昧嘅，婚後出軌機會率高幾倍。唔係多疑，係現實。

𝟮. 點樣對屋企人
佢點樣對佢父母，某程度上，就係預告緊佢將來會點對你。

𝟯. 正能量定負能量
遇事就怨天怨地嘅男人，婚後有問題都只會暴躁。情緒穩定，識得解決問題，先至係可以過世嘅人！

𝟰. 工作態度
做嘢嘅態度決定生活質素，做嘢成日Hea做唔認真，反映係咪一個有責任感嘅人。

𝟱. 生活習慣
冷氣開幾度、對襪週圍飛？呢啲唔係濕碎嘢，係婚後每日都要對住嘅「現實」，決定家庭係和睦定係嗌交。

𝟲. 把口係咪有商有量
佢肯唔肯試下企你嗰邊諗？嗌交嗰陣，佢會選擇理解、收手，定係死都要同你拗到贏？

拍拖，其實係一場為自己揀人生合夥人嘅Long Interview。
千祈唔好因為感覺嚟到、年紀到咗、個個都話佢好就急住嫁。
要揀個可以同你行到尾嘅人，唔係淨係同你談情說愛嘅人。

無論點解釋，伴侶總係不斷咁提翻你以前嘅錯？甚至無視你而家嘅努力，仲將你過去嘅事放大再放大，令你覺得自己永遠都唔夠好？ 其實，呢種行為可能係情感操控 (PUA)嘅一部分。通過不停翻舊帳，對方可能係想： 👉 令你愧疚：即使你冇做錯，佢都會令你覺...
23/10/2025

無論點解釋，伴侶總係不斷咁提翻你以前嘅錯？
甚至無視你而家嘅努力，仲將你過去嘅事放大再放大，
令你覺得自己永遠都唔夠好？

其實，呢種行為可能係情感操控 (PUA)嘅一部分。通過不停翻舊帳，對方可能係想：
👉 令你愧疚：即使你冇做錯，佢都會令你覺得係你問題。
👉 削弱你自信：對方將你過去嘅錯誤放大，係想令你懷疑自己嘅價值。
👉 控制你：當你覺得自己「做得唔夠好」，你就會變得更順從、更易被掌控。

當伴侶不斷拎住你嘅過去攻擊你
唔好即刻懷疑自己係咪真係咁差
可能你正經歷緊情感操控嘅陷阱🚩

佢係咪總係用你嘅過去來批評你，而唔係解決當下嘅問題？
當佢提翻舊事時，係咪令你更有壓力，而唔係感到支持？
佢有冇畀到時間同空間，令你為自己辯護？

如果你發現以上情況出現得好頻密，可能要認真審視你嘅關係，甚至考慮尋求專業協助。

健康關係係互相支持，唔係互相指責！
留言：NO PUA
我會send應對技巧俾你💪🏻🫶

#情感健康 #關係成長 #自我價值 #健康關係

無論妳係20+、30+、甚至40+，內心深處都藏住一個細細嘅小女孩。呢個小女孩，渴望被保護、被疼愛，甚至有時想撒嬌，想有人氹你開心，想喺對方面前放低「成熟獨立」嘅面具。 呢個世界好奇怪，成日話女人要堅強、要獨立，但其實無論18定80，都總會...
16/10/2025

無論妳係20+、30+、甚至40+，內心深處都藏住一個細細嘅小女孩。
呢個小女孩，渴望被保護、被疼愛，甚至有時想撒嬌，想有人氹你開心，想喺對方面前放低「成熟獨立」嘅面具。

呢個世界好奇怪，成日話女人要堅強、要獨立，但其實無論18定80，都總會有想撒嬌、想被寵愛嘅一刻。
唔係因為女人唔夠堅強，而係因為佢哋想喺愛入面體驗真正嘅安全感同輕鬆感。

一個真正愛你嘅人，唔係只係欣賞你成熟嘅一面，而係願意包容你天真、任性，甚至脆弱嘅時候。
喺你攰嘅時候，可以攬住你話：「唔使怕，我喺度。」🤗

佢會記得你細個最鍾意食嘅糖，會笑你睇戲喊到眼腫，會喺過馬路時自然拖實你手，會陪你一齊癲一齊笑一齊傻。
喺佢面前，你可以卸下所有盔甲，做返最真實嘅自己...
嗰個有點任性、有點黏人、需要被保護嘅細路女。

因為真正嘅愛，從來唔需要你勉強成長；
而係有人願意陪你保留最柔軟嘅部分，待你如初。💕

成熟同撒嬌唔係對立，而係愛入面嘅平衡。

無論你而家身邊有冇一個咁嘅人，都請記住：你值得被寵愛，值得被當成小女孩一樣疼惜。

#寵愛 #女人心 #關係哲學 #情感語錄 #小女孩心態 #幸福日常

喺職場上，「辦公室戀情」成日都成為茶餘飯後嘅熱門話題？特別係男上司同下屬之間嘅故事，點解總係咁Juicy？👀男上司嘅魅力從何而來？男上司通常有一定嘅工作經驗同決策能力，呢種可靠感容易俾人一種「可以依靠」嘅感覺。喺壓力重重嘅職場，呢種安全感特...
08/10/2025

喺職場上，「辦公室戀情」成日都成為茶餘飯後嘅熱門話題？特別係男上司同下屬之間嘅故事，點解總係咁Juicy？👀

男上司嘅魅力從何而來？

男上司通常有一定嘅工作經驗同決策能力，呢種可靠感容易俾人一種「可以依靠」嘅感覺。喺壓力重重嘅職場，呢種安全感特別吸引。

作為上司，下屬同佢之間嘅溝通機會自然多，專業上嘅指導、合作過程中嘅默契，都可能會慢慢拉近雙方嘅距離。

成功喺職場上有所作為嘅男上司，通常散發出一種「自信」嘅氣場。而自信，正正係一種好有魅力嘅特質。

喺心理學上，「權力」本身就帶有某種吸引力。當上司處於領導地位，佢嘅意見同行動自然更容易俾人關注，甚至成為崇拜對象。

男上司嘅魅力係真，但愛情要慎重！
職場戀情唔係唔可以，但背後嘅挑戰同風險一定要考慮清楚。愛情可以令人進步，但千祈唔好為咗愛情犧牲咗自己嘅專業同前途！

你哋又點睇職場戀情？你覺得男上司吸唔吸引？

#職場戀愛 #辦公室戀情 #男上司

唔少人以為女人提出分手，一定係因為出現咗第二個！但真相係...超過80%女人選擇離開，只係因為一個理由 -「睇唔到將來」🧐明明好努力去經營關係，卻發現對方永遠停留喺「而家」對於未來，隻字不提。又或者，永遠都得個「講」字🤷‍♀️當期望一次又一...
03/10/2025

唔少人以為女人提出分手，
一定係因為出現咗第二個！
但真相係...
超過80%女人選擇離開，只係因為一個理由 -「睇唔到將來」🧐

明明好努力去經營關係，
卻發現對方永遠停留喺「而家」
對於未來，隻字不提。
又或者，永遠都得個「講」字🤷‍♀️

當期望一次又一次變成失望，
當計劃一次又一次被擱置，
女人開始明白：
「唔係唔想等，而係等唔到」。

真正令人心死嘅，
從來唔係轟轟烈烈嘅大吵大鬧，
而係一點一滴累積嘅無！望！感！
嗰種「我睇唔到我再哋嘅將來」嘅無力。

其實女人要嘅好簡單：
一個清晰嘅方向，
一個願意為未來打拼嘅伴侶，
而唔係得過且過嘅「佛系」態度。

如果你都曾經因為「睇唔到將來」而放手
Like呢個Post，一齊分享下你嘅故事丫👇

#分手真相 #女人心聲 #未來規劃 #關係經營 #愛情語錄

（註：數據為綜合本地情感研究機構調查結果之參考數字，實際比例可能因情況而異）

冷戰後點破冰？5個實用技巧挽救關係❄️🔥嗌交後成間屋靜過太空，點樣行出第一步？好多情侶都卡喺冷戰呢關，其實破冰有技巧嘅！收好呢5個實用破冰招式幫你同佢重建親密感！破冰唔等於認輸，而係你重視段關係多過輸贏。邊招你最常用？一齊傾下丫！🔁shar...
25/09/2025

冷戰後點破冰？5個實用技巧挽救關係❄️🔥

嗌交後成間屋靜過太空，點樣行出第一步？
好多情侶都卡喺冷戰呢關，其實破冰有技巧嘅！

收好呢5個實用破冰招式幫你同佢重建親密感！

破冰唔等於認輸，
而係你重視段關係多過輸贏。

邊招你最常用？一齊傾下丫！
🔁share俾身邊冷戰緊嘅朋友

#冷戰 #關係修復 #愛情保鮮 #情侶必學 #吵架後和解 #破冰技巧 #香港情侶

唔少女仔寧願每日花時間喺dating app同陌生人matching ，都對「朋友介紹」或「相睇飯局」皺晒眉頭🤔 「自己揀嘅對象，就算衰咗都係自己負責」Dating app提供主動探索嘅快感，而朋友介紹往往帶著「被推銷」嘅壓力，彷彿接受唔...
19/09/2025

唔少女仔寧願每日花時間喺dating app同陌生人matching ，都對「朋友介紹」或「相睇飯局」皺晒眉頭🤔

「自己揀嘅對象，就算衰咗都係自己負責」
Dating app提供主動探索嘅快感，而朋友介紹往往帶著「被推銷」嘅壓力，彷彿接受唔到就係唔俾面，呢種無形嘅負擔反而令人想逃避。

「喺陌生人面前，我嘅人設可以由頭嚟過」
朋友介紹的對象往往自帶「共同圈子」，一旦失敗可能尷尬係人都知。而陌生人app提供「試錯空間」，合則來不合則去，心理成本更低。

「佢哋介紹嘅多數係佢覺得好嘅俾你」
佢哋可能覺得「孝順=適合結婚」、「有錢=可靠」，但係未必理解你真正渴望嘅靈魂共鳴或生活默契。

Dating app可以瞬間用篩選條件例如：「唔食煙」、「鍾意狗」，而朋友介紹可能要食完一餐飯先發現對方根本唔符合基本要求。

無論邊種方式，核心都係「擴大選擇權」
與其糾結渠道，不如問自己：
我是否清晰自己想要點樣嘅關係？是否準備好接受關係中嘅不完美？

🌸 記住：對的人唔會因為邊度識而錯過，重點係你係咪準備好被愛同去愛。

#香港戀愛 #自主幸福

「翻舊帳」係喺感情中常見但又好具破壞力嘅行為。當伴侶喺爭吵中提起過去嘅錯誤或者已經解決嘅問題，往往會令對方感到無助甚至憤怒。從心理學角度嚟睇，呢個行為唔單止破壞雙方嘅信任，仲可能引發更多情緒問題。 點解會咁嬲？從心理學角度分析，討厭被伴侶翻...
15/09/2025

「翻舊帳」係喺感情中常見但又好具破壞力嘅行為。當伴侶喺爭吵中提起過去嘅錯誤或者已經解決嘅問題，往往會令對方感到無助甚至憤怒。從心理學角度嚟睇，呢個行為唔單止破壞雙方嘅信任，仲可能引發更多情緒問題。

點解會咁嬲？
從心理學角度分析，討厭被伴侶翻舊帳其實同大腦的「自我防衛機制」有關！每當對方提起舊事，你會即刻感到煩躁同無奈。

點樣打破困局？
· 用「感受」代替指控：試吓講「我當時覺得好難過」而不是「你上次又係咁！」
· 設立「舊事時限」：雙方協議過咗某段時間的事不再提，比機會大家重新開始。
· 練習「情緒暫停」：一感受到想翻舊帳的衝動，先深呼吸10秒，問自己：「呢句話係為了解決問題，定只係想發洩？」

「翻舊帳」唔係解決問題嘅好方法，反而會令雙方都陷入情緒漩渦。愛情係需要溝通同接納，學會放低過去，專注於當下，先可以令關係更穩定、更幸福。

#愛情心理學 #關係成長 #翻舊帳 #情侶溝通

Address

Hong Kong

Telephone

+85293849374

Website

Alerts

Be the first to know and let us send you an email when Elaine Wong - Certified Relationship Coach posts news and promotions. Your email address will not be used for any other purpose, and you can unsubscribe at any time.

Shortcuts

Share

Category