Elaine Wong - Certified Relationship Coach

Home
Hong Kong
Hong Kong
Elaine Wong - Certified Relationship Coach

Contact information, map and directions, contact form, opening hours, services, ratings, photos, videos and announcements from Elaine Wong - Certified Relationship Coach, Mental Health Service, Hong Kong.

Elaine Wong - 由Hero Ladies 創辦人國際感情關係專家 Cindy Lam親自傳授感情關係技巧，並取得英國University of Sunderland 感情關係導師 Certified Relationship Coach Program 認證。

最快在1個月內成功挽回已分手兩個月的感情，成為一時佳話。
堅信“人沒有痛點是不會改變，改變由自己開始。”

提供一對一感情諮詢服務
專業指導：
挽回復合｜親子相處｜吸引對象｜修補關係

10/09/2025

喺感情中，有時我哋可能無意中做咗啲行為，令對方覺得自己嘅價值被貶低。
今日想同大家分享幾個例子，等我哋更加珍惜自己，提升自身魅力！💖

過度迎合：不斷遷就對方嘅需求，卻忽略咗自己嘅感受，會令對方覺得你缺乏自我價值。

輕易妥協：喺關係中，隨便放棄自己嘅底線，會令對方覺得你唔夠堅定，太易拿捏！小心你嘅底線會無限被觸碰！

尋求認可：不斷尋求對方嘅讚美與認可，可能會令對方覺得你唔夠自信。

唔尊重自己時間：隨時隨地都安排時間畀對方，卻忽略咗自己嘅生活與目標。

過於依賴：喺情感上過度依賴對方，除咗畀到壓力對方，亦可能會令對方覺得你無法獨立。

記住，真正嘅吸引力來自於自信同自我尊重。
想對方尊重你，你一定要先自尊自重自愛！
過好自己嘅生活，唔係隨時standby 等你搵。
花若盛開，蝴蝶自來🦋
無論喺任何關係中，保持自我價值感，先可以吸引到對的人！🌹

#感情關係 #愛情心理學 #男人心態 #愛自己

07/09/2025

「你愈用力討好，男人愈唔會珍惜。」

呢句話有冇令你即刻諗起某個人？
好多女仔以為拼命付出、處處遷就就可以換來對方嘅愛同珍惜，但真相往往係...你越放低自己，他越習慣忽略你。

點解？人性本來就係咁微妙：當你覺得自己「已經得到」自然就唔會再花心力去追求。
你一再降低底線，甚至過度討好反而會令對方覺得你「離不開」慢慢變成理所當然。

✨與其討好，不如吸引！！！
建立自己嘅框架，唔好因為愛情放棄自己原則。
有底線嘅女仔先會被尊重🫶
學識「適可而止」嘅付出愛情係雙向嘅，單方面付出只會消耗自己。

記住：真正愛你嘅人，唔需要你委屈求全，佢會主動珍惜那個「原原本本」嘅你。❤️

如果你習慣不斷討好，又或者成日內耗，
可以搵我哋傾下，我哋陪你搵番自己！
記得要愛自己呀！

#戀愛智慧 #討好型人格 #女性成長 #愛情心理

01/09/2025

成日懷疑對方唔愛自己？
好想check對方手機，但係睇完仲唔安心？
一同對方分開就不安好想喊？
呢種可能係心理學上感情依附類型中嘅焦慮型依戀。

焦慮型依戀係心理學上嘅一種依戀模式，通常源於童年時期對關係安全感嘅缺乏。呢類型嘅人對親密關係特別敏感，經常擔心被忽略或者被拋棄。

每個人嘅依戀模式都可以改變，無論你係焦慮型依戀，定係有焦慮型依戀嘅伴侶，最重要係雙方都願意互相支持同成長。透過接納自己、進行自我覺察嘅練習與專業引導，焦慮型依戀者都可以逐漸轉向「安全型依戀」。關鍵在於學習自我安撫、重建對關係嘅信任！

焦慮型自救，唔止係為咗伴侶，更重要係為咗自己，
讓自己重新感受愛自己同被愛嘅感覺，
明白呢種模式曾經保護過你，
多謝佢，同時練習遠離佢，重拾安全幸福嘅甜蜜。

好多學員喺諮詢時係焦慮型依戀都漸漸有所改變，初初大家都係唔想再內耗，只係唔知道點幫自己。

可以諮詢我哋俾d意見你同你一齊加油！

#焦慮型依附 #焦慮型依戀 #安全感

29/08/2025

人生排序對感情關係的影響：你哋有冇同步？
喺感情關係入面，每個人都會有自己嘅「人生排序」——即係你對唔同範疇（例如事業、感情、家庭、興趣等等）嘅優先次序。當兩個人嘅排序唔一樣，可能會引發唔同程度嘅矛盾或者誤解。

例如：
一方緊張事業，一方重視感情。
一方重視自由，另一方重視穩定。

點樣處理呢啲排序差異？
1️⃣ 坦誠溝通，了解對方嘅優先次序同原因。可能佢嘅事業係為咗比你哋將來更好嘅生活，而你嘅重視感情亦係對佢嘅愛嘅表現。

2️⃣ 調整期望，每段關係都需要磨合，試下喺對方嘅排序入面搵到一啲共通點，或者重新分配時間，令雙方都感受到被珍惜。

3️⃣ 試下喺唔同嘅排序之間搵到交集，例如一齊建立共通目標，計劃點樣兼顧事業同感情，或者將自由嘅夢想融入穩定嘅生活藍圖。

人生排序差異未必係壞事，反而可以俾雙方學識點樣互相尊重同支持。當你哋搵到一個平衡點，呢段關係就會變得更穩固同有深度啦！

#感情關係 #人生排序 #關係成長 #愛情磨合

26/08/2025

有冇試過：
傾感情問題時，對方成日逃避？
感覺佢好少主動表達情感，或者拒絕深入講感受？🧱
你覺得佢總係保持距離，唔夠親密？

你嘅另一半可能係迴避型依戀！

感情依附理論由心理學家約翰·鮑爾比（John Bowlby）提出，講述嬰兒同照顧者嘅依附關係如何影響成人感情模式。👶❤️
了解自己或者伴侶係屬於邊一種依戀模式，
可以更客觀理解彼此行為，減少誤會。

迴避型依戀簡單嚟講，就係對親密關係有少少「抗拒」。佢哋可能會覺得自己好獨立，唔需要靠別人，但同時又好怕被人睇穿自己嘅脆弱。內心其實渴望愛，但又怕受傷，會用逃避同自我保護嚟面對感情。

不過，唔好即刻下結論！迴避型依戀並唔係問題，而係一種需要理解嘅情感模式。

#愛情心理學 #依戀理論 #迴避型依戀 #感情成長

23/08/2025

好多情侶喺關係出現問題時，第一時間就會搵「分手理由」。但其實，真愛並唔係靠逃避去解決問題！

以下10個理由，可能會令你重新思考：
呢段關係，係咪值得堅持下去？

愛情係需要經營嘅，唔好輕易放棄！
有時候，唔分手並唔係因為懦弱，
而係因為你夠勇敢去面對問題，同埋珍惜美好！！
如果你都遇到分手嘅掙扎，或者相處上嘅困難唔知點做好，
可以PM我，免費幫你分析🫶

#感情導師 #戀愛小貼士 #分手 #兩性關係 #珍惜眼前人

20/08/2025

唔想第一次見完面就冇影？
99%男生都唔知道的初次約會秘密！
唔扣分，先有機會加分！ 😎
以下幾個「扣分行為」，你中咗幾項？

❌ 儀容唔整潔
女仔最怕男仔個頭又油又立，指甲又長仲困哂黑邊，
仲有記得剃鬚，精神醒目最緊要！
❌️遲到
第一次約會遲到，無論原因係咩，都會俾人覺得你唔重視呢次約會。提早10分鐘到達，既尊重又有誠意！
❌ 揀選錯誤地點
選擇太嘈吵、太冷清或者完全唔啱對方興趣嘅地方，會令對方感到尷尬或者唔自在。
可以提前了解對方喜好，揀一個有氣氛又舒適嘅地點。
❌ 手機唔離手
如果約會中電話係咁響會打斷大家嘅對話，而一直低頭玩手機，俾人感覺你對對方無興趣。
建議將手機收起，專注喺對方面前，好好享受二人時光。
❌ 用詞太粗俗
喺約會中提到太多粗俗笑話或者習慣性句句粗口橫飛，會俾人感覺好無文化。注意保持得體，講笑都要睇場合。
❌ 淨係掛住講自己，唔聆聽對方
只顧炫耀自己成就，完全忽略對方嘅感受，會令人覺得你自私同無趣。
留意吓對方對你嘅話題有冇興趣，問多啲問題，展現你對佢嘅好奇心同真誠。

🎯 關鍵係「唔扣分」！
避免咗以上嘅行為，自然可以慢慢加分啦！❤️

18/08/2025

你有冇試過唔敢講出自己嘅需求？
其實好多時候我哋唔敢表達，係因為怕被拒絕、覺得自己麻煩、或者怕增加對方負擔。
成長經驗同內心嘅不安全感，都會令我哋選擇沉默。

但唔講，負面情緒會累積，好容易爆發，令關係反而變差。學識表達需求，唔係貪心，而係愛自己同愛關係嘅重要一步。勇敢說出心聲，幸福先會近啲🌈✨

你最近有冇勇敢表達過自己嘅需要？留言分享下丫！💬

#表達自己 #擁抱幸福 #真誠溝通 #愛自己

16/08/2025

「佢以為你會無理取鬧時，
你偏偏表現成熟。
佢以為你會同佢吵個你死我活時，
你偏偏主動停火。你情緒越冷靜，
對方就越怕失去你。」

以下4個情侶間常見情況，如果處理得好，
男朋友會更珍惜你💖
感情好嘅時候個個都好，
最有挑戰就係遇到唔開心嘅時候，
當你懂得用智慧同心機去經營，
反而會令對方更重視你、珍惜你！

#感情智慧 #愛情小貼士 #兩性關係 #感情經營

14/08/2025

20歲同30歲嘅戀愛有咩唔同？🤔

✨ 20歲的戀愛：賭局
充滿不確定性，追求當下嘅浪漫同激情。
只要兩個人一齊，根本唔會諗大家以後會點，
經常係感性同衝動嘅決定。
🔹 追求「被愛」嘅感覺，希望對方時時刻刻都陪住。
🔹️ 戀愛大過天，開心唔開心都受對方影響。
🔹️ 可能會因為小事而開心，亦都會因小事而心碎。
🔹 爭吵總係想贏，想證明自己啱。

✨ 30歲的戀愛：棋局
好似步步為營嘅棋局，每一步都諗得更耐，
會考慮大家嘅價值觀夾唔夾，會考慮經濟同生活。
較為理性，如果睇唔到將來寧願唔開始。
🔹更重視「被懂」，渴望戰友型伴侶，一齊並肩作戰。
🔹️期待對方理解自己嘅需求同目標，尤其是遇到困難時，實際嘅支援比起甜言蜜語更珍貴。
🔹️懂得平衡生活及戀愛，尊重個人空間。
🔹吵架注重溝通，溫和表達需求同感受，達至雙贏。

20歲係「實習期」，學習點樣去愛，感受愛情甜酸苦辣；30歲係「正式入職」，重視穩定同深入嘅連繫，你會更明白自己想要咩，珍惜每一段關係。

💕 唔洗懷念過去，珍惜而家擁有嘅，先係「長大後嘅愛情」。

#個人成長

11/08/2025

“我想黐住佢，但係佢好似冇嘢同我講？係咪對我淡咗？”
熱戀期時候可能無時無刻都text，
成日講好多甜言蜜語，
日日都想見面。

💔當熱戀期嘅激情慢慢平息，
好多人會因為呢個落差感覺得失落不安，
甚至懷疑對方。
其實好正常！

初期嘅甜蜜濾鏡，會掩蓋咗現實中嘅挑戰。
呢個階段係愛情真正開始，
要慢慢學習點樣將激情變成「平淡中嘅親密同信任」。
人生唔係只有愛情，
我哋要接受對方都有自己嘅生活、有家庭、有朋友。

步入穩定期，如果你都視對方為長遠對象，
呢個時候同對方溝通嘅話題可以由大量講到膩嘅甜言蜜語，
嘗試多D互相分享對生活事情嘅睇法，
了解對方對未來生活嘅期待同價值觀。
透過溝通，除咗知道點樣配合一齊行，
令關係連結深層提升，
愈了解得多，仲愈少自我內耗，感覺都踏實D。

愛情唔係不斷苛索/控制，
愛情需要持續嘅努力同理解，
一段健康嘅關係，大家係可以俾力量對方去努力生活，
互相滋養，共同成長！😉

08/08/2025

心理學教你點解決價值觀分歧，令兩顆心自然拉近！

拍拖期間，價值觀分歧係最常見嘅挑戰之一，
容易引起爭執同誤會。
心理學上講，當伴侶面對「認知失調」- 即係兩人嘅思想或信念出現矛盾時，會感到不安同壓力。

分歧源於我哋有唔同嘅思維，
因為大家有唔同嘅成長背景同經歷，
有不同嘅思想藍圖。
其實好多嘢都係觀點與角度，
未必有絕對嘅對或錯，
最好嘅處理方法係透過開放式溝通，
尊重彼此觀點，而唔係硬碰硬。

當你準備同伴侶爭吵，
對方亦都會本能反應築起圍牆。
由理解對方嘅感受開始溝通，
對方自然減少防衛、態度軟化，打開隻耳仔。

例如，當你嘅另一半重視自由，
而你偏向安全感，不妨試試用「我訊息」去表達感受：「我覺得你想多啲自由，好理解。但我有時會擔心失去你覺得好不安，BB我哋可唔可以一齊搵個平衡點啊？」
呢種人性化溝通方式能夠減少防衛，增強理解同包容。

愛情唔係改變對方，而係尋找共識、彼此成長。
人性化嘅拍拖方式，令矛盾都成為了解對方嘅機會，彼此互諒互讓、雙向奔赴嘅付出，讓愛情更堅固。💘

大家最近有冇遇過價值觀分歧？點樣解決？

Address

Hong Kong

Telephone

+85293849374

Website

https://wa.me/85293849374/?text=%E6%88%91%E6%83%B3%E5%BE%97%E5%88%B0%E5%85%8D%E8%B2%BB%E6%84%9F%E6%83%85%E8%AB%AE%E8%A9%

Alerts

Be the first to know and let us send you an email when Elaine Wong - Certified Relationship Coach posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Hong Kong?