香港聖約翰救傷隊-北區支隊 Hong Kong St. John Ambulance Brigade,North District Divisions

21/09/2025

今日係新界總區比賽，我地參加左全部項目，包括急救學、家居護理學及步操比賽。好開心我地嘅成績都唔錯，平平穩穩攞左個全場亞軍👏🏼👏🏼👏🏼，madam 都話我地好叻呀！！！
其實今年都有好大困難，不過無論新人舊人都一條心，能夠齊人出賽，真係好滿足。全靠隊友各施其職，我地先可以有支旗拎番屋企，多謝大家嘅負付出同埋努力～～ 寄望來年大家繼續合作，再創佳績啦！！ 💪🏼💪🏼💪🏼

28/06/2025

急救證書課程仲有少量名額，大家好把握機會，趁暑假讀急救，既可以學多d 野，又可以幫助身邊有需要嘅人，一舉兩得，快d click 以下網址報名啦！！
https://forms.gle/UFiGfAgiTwbLhqm89

課程日期：2025年8月02, 09,16及23日（逢星期六）
2025年8月30日（後備日）
時間：0900-1730
地點：香港聖約翰救傷隊北區總部及訓練中心（上水彩園邨）
考試日期：預計2025年9月13日（時間待定）
如有問題，隨時inbox 我地啦～～

#香港聖約翰救傷隊




#急救證書課程

09/06/2025

大家有時間，又有興趣加入我地呢個大家庭，一齊做義工，為人類服務嘛？！

我地將會舉辦一個4 個全日嘅急救證書課程，歡迎各位有意加入我地而未考獲急救證書嘅朋友報讀。如有興趣報讀急救班嘅人士亦可報名，唯申請入隊人士報名優先。

課程日期：2025年8月02, 09,16及23日（逢星期六）
2025年8月30日（後備日）
時間：0900-1730
地點：香港聖約翰救傷隊北區總部及訓練中心（上水彩園邨）
考試日期：預計2025年9月13日（時間待定）

請即入以下網站報名啦！！
https://forms.gle/UFiGfAgiTwbLhqm89

如有問題，隨時inbox 我地啦～～

#香港聖約翰救傷隊




#急救證書課程

28/04/2025

27/4 真係好日子，有好多更當，第一炮係新界區連區公開長跑賽暨歡樂親子跑（第二站） 由大埔海濱跑到上水14km，還有4.5km & 2km 賽事，特別一提仲有極地同行傷健輪椅跑，共1800 人參加。
我地一早準備好物資及單車，就到現場候命喇～～ 總共動員32人為賽員服務，有四隊單車急救隊喺急救站之間巡邏。話說活動開始時都仲毛毛細雨，不過之後雨停左，天氣仲好好添，真係幸運喇。
第二炮係當完呢更再入馬場當值，辛苦咁多位長官隊友喇🙏🏼🙏🏼

你地有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群
#為人類服務

20/04/2025

20/4/2025 今日係天后誕，香港有好多地方都舉行慶祝活動。今日北區AB就去左打鼓嶺坪輋天后廟當值。今日天氣越來越好，今朝個天仲灰濛濛，越當就越天晴，太陽伯伯都出嚟同大家打招呼，氣溫仲高達31度添呀～～ 🥵🥵🥵

每年坪輋天后誕活動都會進行抽花炮儀式，原來各鄉/會都會按去年抽到炮嘅次序，做一個新花炮喺下一年等其他鄉抽，呢個習俗都好有趣。而各鄉抽到嘅花炮，就會返去自己條鄉入邊，比村民投上面嘅吉祥物，寓意全年都大吉大利，幸福滿滿。大家見到泊住喺度好高，上面好多飾物吉祥物嘅就係花炮。

另外，呢度亦會有獅子跳樁採青表演，我地梗係企側面睇啦，帶齊物資喺旁邊standby，不過醒獅隊好專業，唔洗我地出動，我地就欣賞左一場精彩嘅表演喇👏👏👏

多得madam Tang 巧遇嘅小學老師侯老師，佢講解我地知。而老師代表條村抽到第一炮，抽第一炮同尾炮都會比其他隊伍多一塊金牌架！！恭喜恭喜！！

你地有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群
#為人類服務

20/04/2025

13/4/2025北區龍舟邀請賽當值，喺沙頭角碼頭舉行，有睇開我地fb 嘅朋友都知道，之前介紹過呢個碼頭係全港最長，有300米咁長。而家申請禁區紙容易左，大家有興趣就入來參觀吓喇～～
今年當值我地嘅總監同高級長官都有來探訪，適逢香港聖約翰救傷隊龍舟隊出戰，佢地真係好叻！！冠軍都攞埋呀！！👏👏👏恭喜恭喜！！

大會主席係我地第二聯隊嘅會長迪倫，佢已經約定我地出年再來喇～～ 下年見！！🤣🤣🤣

19/02/2025

16/2 星期日
話說前一晚新春團拜我地飲飽食醉真係好滿足，希望大家食得開心，抽到心水大獎😛
瞓醒覺來到星期日，北區隊又再🐎不停蹄，四出活動喇～～
9人 - 上Home Nursing班增值自己，向職人嘅目標進發
2人 - 龍尾單車更
6人 - 童軍嘉年華
5人 - 北區導賞單車遊
仲有做HN班Helper嘅Madam Tang，同臨危受命做Helper嘅Helper嘅青芸師姐，今日我哋總共有2️⃣4️⃣人次嘅活動，真係不容小覷。

係咪好似好忙呢？！係架，不過忙得有意義囉～～

大家睇吓班長鈞灝幾威風？！攞完獎都繼續一早就去當更喇，佢獲得值勤同勤到獎係實至名歸嘅！！💪🏼💪🏼💪🏼 真係我地嘅榜樣喇！！

你地有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群
#為人類服務

19/02/2025

15/2 上星期六北區A&B支隊舉行新春團拜，我哋邀請到聯隊長官、會長同埋友隊隊友參加，當日大家聚首一堂，輕鬆愉快咁渡過左一個晚上。
🥰🥰

當晚仲頒發左獎項比兩隊當值最高時數嘅隊友，同埋出席活動及訓練最積極嘅頭幾位：
2024訓練時數排名：
NDAD
1. 郭鈞灝 128小時
2. 林玉嬋 84小時
3. 石小蘭 76小時

NDBD
1. 梁玉霞 139小時
2. 潘臻翰 125小時
3. 李羿鋒 113小時
4. 黃笑娥 112小時

2024當值時數排名：
NDAD
1. 郭鈞灝 416小時
2. 陳偉彬 321小時
3. 李家汶 270.5小時
4. 石小蘭 268小時

NDBD
1. 李羿鋒 321小時
2. 杜金英 270小時
3. 梁玉霞 226小時
**潘臻翰 128小時（入隊只有半年）

你地嘅努力同付出，係值得我地表揚嘅～～ 繼續努力，當多d 更，為人類服務喇！！

你地有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群
#為人類服務

04/12/2024

1/12 係香港聖約翰救傷隊周年檢閱，見到好多唔同總區嘅同事，真係好開心！！天氣好好又涼爽添！！今次邀請到政務司副司長卓永興做主禮，檢閱時副司長仲同我地嘅長官傾偈，唔知佢地傾咩呢？！～～

周年檢閱係我地一年一度嘅活動，集合全港聖約翰救傷隊成員一齊出席。當然，梗係唔係全部7,8千人啦，場地所限，當日只係出動部分成員都已經有千幾人參與，真係盛況空前架～～

為多謝總監四十幾年嘅貢獻，我地仲特別3歡呼向總監致敬，大家喺操場上嘅大聲歡呼，果d 回音好震撼呀，能夠成為操場一份子我地都好自豪架，未試過嘅隊友有機會都要落場操喇！！你地又有無興趣呢？！

大家有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群

23/11/2024

23/11 今日終於到我地回歸每年一度嘅HK Open Golf 比賽喇，天氣清涼，雖然有d 小傷小痛，仍然不負我地平安大使嘅美譽，無嚴重個案，祝傷者早日康復🙏🏼🙏🏼
今日有幸拍到港島運輸支隊嘅師兄當值，跟佢地學野，好快咁渡過愉快嘅一天。
聽日比賽總決賽，係當更最後一日，希望天氣一樣咁好啦～～

大家有興趣參與我地既義務工作嗎？快d 行動，加入我地香港聖約翰救傷隊啦！！
網上報名： http://goo.gl/forms/X2um4oa7Gd



#歡迎加入
#服務社群

19/11/2024