Dalia Youssef

19/05/2026

الشخص الطبيعي غالبًا يقدر يشوف أكتر من احتمال أو تفسير للموقف، حتى لو مقتنع برأيه.
أما بعض الاضطرابات النفسية أو الشخصية فممكن تخلي صاحبها متمسك بسيناريو واحد جدًا، ويشوفه الحقيقة المطلقة، وده بيخلي النقاش ومحاولات الإقناع صعبة جدًا.”




#العلاقات


#الوعي
#العقلية

18/05/2026

📍📍📍📍📍📍📍

الكلام اللي بنقوله هنا للتوعية مش للتشخيص
ولو شاكين في أي حاجة لازم نرجع لدكتور متخصص 🤍

نكمل سلسلتنا
( الجزء الثاني )

خلينا نتفق على حاجة مهمة 👌
مش معنى وجود أعراض معينة تروح وتيجي يبقى كده اضطراب
لأ… الاضطراب بيكون مستمر وبيأثر على طريقة التفكير والتعامل بشكل واضح ومتكرر

وارد جدًا يكون عندنا كلنا بعض الأعراض أوقات
وده طبيعي جدًا
ومش معناه إن عندنا مشكلة
لأن الكمال لله وحده 🌿

ومن أهم الحاجات اللي بتميز الشخص اللي عنده اضطراب:

❇️ غالبًا مش بيدور على حلول

❇️ دايمًا شايف إن المشكلة عند الآخرين

❇️ عنده صعوبة في تكوين العلاقات أو الحفاظ عليها

❇️ تفسيره للأمور بيكون فيه خلل بشكل مستمر
مش في مواقف معينة… لكن في أغلب تعاملاته وحياته

وعشان كده مهم نفرّق بين “صفة” أو “رد فعل”
وبين “نمط مستمر” محتاج تدخل متخصص 🤍






#العلاقات


#وعي

14/05/2026

مش كل طفل عنيد… قليل الأدب.
ومش كل تصرف مزعج… تربية غلط.

أحيانًا بتكون علامات مبكرة لسمات اضطرابات شخصية
ممكن نفهمها ونتعامل معاها بدري.

انتظروا السلسلة القادمة:
اضطرابات الشخصية



#النرجسية

11/05/2026

03/05/2026

لو لقيت نفسك شايل مسؤولية شخص
هو في الأصل قادر يشيل مسؤولية نفسه…

اسأل نفسك:
هل أنا بساعده؟ ولا بعوده على الاعتمادية؟

أحيانًا نكون بنعمل ده بدافع الحب…
بس النتيجة بتكون إننا بنمنعه يكبر ويعتمد على نفسه.

الدعم الحقيقي مش إنك تشيل عن حد كل حاجة،
الدعم الحقيقي إنك تساعده يقف على رجله.

#اعتمادية #حدود

26/04/2026

من اكتر الحجات اللي بتخلينا نخاف نجرب اننا خايفين نغلط
وساعات خايفين نترقض
نخاف منعجبش
نخاف يقولوا اننا مش كويسين
نخاف منتحبش
ساعات بنكون محتاجين نجرب واحنا مش مستنيين حاجه
مش يمكن تجي احسن من ما تخيلنا

23/04/2026

هي اول خطوه بس
وتلاقي الخطوات جرت بعضها
يالا ابدأي ❇️خطوه تلاوه❇️
#تلاوه #خطوه #بدايه

22/04/2026

من علامات المثالية…
إن يوم عادي يعدّي علينا واحنا مش في أفضل حالاتنا—ما نكونش نايمين كويس، مرهقين أو مضغوطين—
فنبدأ نجلد نفسنا بدل ما نرحمها.

نقنع نفسنا إننا وحشين، أو أقل من غيرنا، أو إننا “فشلنا” لمجرد إننا بشر واتعبنا.

المثالية مش قوة…
المثالية أحيانًا فخ بيخلينا نرفض إننا نكون بشر عاديين.

مفيش حد كامل…
وفي الأيام التقيلة، الرحمة بالنفس مش رفاهية—دي احتياج.

#المثالية

20/04/2026

آخر مره اتكلمنا عن كلمه "صبغه الله "
مذكوره في سوره البقره الايه ١٣٨
معناها ايه
دين الله
استخدام الكلمه دي ليها معني جميل
زي ما الصبغه ليها اثر علي الثوب
كذلك الدين له اثر في النفس
#تدبر #اثر

20/04/2026

وعشان الخطوه الاولي هي الاصعب
وعشان التردد اللي جوانا يختفي مع الوقت
كانت فكره خطوه تلاوه
اكتبي خطوه في الكومنتات ابعتلك التفاصيل
#تلاوه