25/12/2025
الدليل العلمي الكامل لتحليل منحنى السكر (OGTT) للحوامل
تحليل منحنى السكر أو Oral Glucose Tolerance Test اختبار لوظيفة البنكرياس وكفاءة الأنسولين في الجسم.
تعالوا نشوف التفاصيل العلمية اللي لازم تعرفها:
تحضير المريض (Pre-analytical phase)
النظام الغذائي: المريض لازم يكون ماشي على نظام غذائي فيه كربوهيدرات كافية (أكتر من 150 جرام في اليوم) لمدة 3 أيام قبل التحليل.
الصيام: صيام من 8 إلى 12 ساعة (يُسمح بالماء فقط).
الأدوية: يجب مراجعة الطبيب لوقف الأدوية التي تؤثر على السكر (مثل الكورتيزون) قبل التحليل.
الجرعة العلمية للجلوكوز
للكبار: يتم تذويب 75 جرام من الجلوكوز اللامائي (Anhydrous Glucose) في 200-300 مل مية.
للأطفال: الجرعة تُحسب بـ 1.75 جرام لكل كيلو من وزن الطفل (بحد أقصى 75 جرام).
للحوامل: أحياناً بنستخدم 100 جرام حسب بروتوكول الطبيب المعالج.
خطوات السحب (The Procedure)
* سحب عينة Fasting (صايم).
* يبدأ المريض بشرب المحلول في خلال 5 دقائق.
* يبدأ حساب الوقت من بداية الشرب.
* يتم سحب عينات دم وريدي (Plasma Fluoride) كل ساعة لمدة ساعتين أو 3 ساعات (حسب الطلب).
التفسير العلمي للنتائج (Interpretation)
حسب توصيات جمعية السكر الأمريكية (ADA)، النتائج بعد ساعتين من جرعة الـ 75 جرام تكون:
طبيعي (Normal): أقل من 140 mg/dL.
مرحلة ما قبل السكر (IGT): من 140 إلى 199 mg/dL.
إصابة بالسكر (Diabetes): 200 mg/dL أو أكثر.
محاذير هامة جداً:
* ممنوع التدخين أو المجهود البدني تماماً أثناء الاختبار (لأنها ترفع سكر الدم).
* إذا تقيأ المريض المحلول، يُلغى الاختبار ويُعاد في يوم آخر.
ليه منحنى السكر (OGTT) هو "الاختبار الحاسم"؟
اكتشاف السكر "الخفي" (Impaired Glucose Tolerance)
تحليل الصايم والفاطر والتراكمي ممكن يطلعوا "طبيعيين" أو "على الحافة"، ومع ذلك المريض يكون عنده خلل في التمثيل الغذائي.
منحنى السكر هو الاختبار الوحيد اللي بيحط البنكرياس في وضع "اختبار ضغط" (Stress Test) عن طريق جرعة جلوكوز صافية، فيبين هل الجسم بيقدر يتعامل مع صدمة السكر المفاجئة دي ولا لا.
التشخيص الأدق لـ "سكر الحمل" (Gestational Diabetes)
الحوامل حالة خاصة جداً.
التراكمي (HbA1c) مبيكونش دقيق معاهم بسبب زيادة تجدد كرات الدم الحمراء في الحمل. المنحنى هو "المعيار الذهبي" (Gold Standard) لتشخيص سكر الحمل، لأنه بيكشف بدقة إزاي جسم الأم بيستجيب للسكر اللي بيوصل للجنين.
الفرق بينه وبين التراكمي (HbA1c)
التراكمي: بيديك "متوسط" آخر 3 شهور. يعني لو المريض بيلخبط يوم وبياكل صح يوم، التراكمي ممكن يطلع مظبوط.
المنحنى: بيكشف سرعة استجابة الأنسولين. فيه ناس سكرها بيعلى جداً بعد الأكل وينزل ببطء شديد، وده التراكمي مش هيبينه في بدايته، لكن المنحنى يلقطه فوراً.
تحديد نوع الخلل (البنكرياس أم مقاومة الإنسولين؟)
من خلال شكل المنحنى (الكيرف)، الطبيب بيقدر يعرف هل المشكلة إن البنكرياس مبيفرزش إنسولين كفاية؟ ولا الإنسولين موجود بس الجسم مش مستجيب ليه (مقاومة إنسولين)؟
