ياسر عكاوي معالج نفسي Yasser Akawi -Psychotherapist

12/09/2022

أنهاء علاقة:
يمكن أن تؤدي الى مشاعر غير صحية وتتفاقم (القلق) ويمكنني القول لنفسي اذا التزمت بمعايير الالتزام والتغيير: " يمكنني الان التفرغ لبناء صداقات جديدة, انشطة جديدة والعمل على سعادتي مع انني سأتقبل انني سأعيش فترة ما وحيدا"

12/09/2022

ألقلق هو شعور وليس فعل...
مع الشعور يمكننا التعاطف ومع الافعال يمكننا ايجاد حلول

12/09/2022

أعاني من قلق شديد...

التغيير لا يحدث عبثاً, أنما يتخلله ألألتزام أولاً وبعدها تحديد ألأشياء التي تقدر/يها وتريد/يها لكي تجلب/ي لنفسك السعادة.
المعيق: القلق وهو تقبل, غصباً عنك, ما لا تريد/يه لكي تشعر/ين بهدوء لحظي.

03/10/2021

فقط لأهداف توعوية
ألعاب ألكترونية خطرة وغير محبذة: أبعد أطفالك عنها

1- الحوت الأزرق
هاي مش لعبة وانما الشر بحد ذاته لأنه صاحبها المشؤوم نواياه عاطلة وشرانية وجاي من عالم داخلي مريض. على كل هاي اللعبة مش موجودة على التطبيقات بس اغلب الأولاد سمعو عنها وبعرفوها. وبتعرفو حب الاستطلاع عند الأولاد لوين مرات بوصل. هاي اللعبة مكونة من مجموعة مهم ولازم ومجبور اللاعب يطبقها واذا لا بصير عليه ضغوطات كبيرة. اخر مهم هي الانتحار وااله يحمينا ويحمي اولادكو.
2- مريم
لعبة من السعودية (الله عليكو), المهم هاي اللعبة بتحكي عن بنت صغيورة مخيفة (مريم) وبتسألك أسئلة عشان تتعرف عليك بس هدفها مش منيح والله أعلم وثاني شي فش فيها أي اشي مفيد غير الاستحواذ على عقول أولادنا وتخويفهم...ففي وراها تأثير نفسي كبير.

3- جنية النار
نفس السناريو الأسبق وبتوهم أطفالنا اذا بولعو الغاز بتحولو لكائنات نارية (بتضحك ) بس للأسف لا لانه ذكرو انو أولادنا بعدهن مش ناضجين وممكن يصدقو مثل هاي الخزعبلات
4- تحدي تشارلي
لعبة شيطانية بون تفاصيل

21/09/2021

تحياتي للجميع
اللهم وفقني لما تحب وترضى
تكملة مشوارنا مع متلازمة الفومو واليوم بدنا نتعرف على شو أعراضها وعلاماتها, يعني كيف منقدر نميزها. طيب يا بينا...يلا بينا
- حب التواجد بكل زمان ومكان على صفحات التواصل الأجتماعي من تعقيبات، تريندات, لايكات واثبات وجود مستمر وفي بعض الأشخاص دائما بكونو السباقين لشراء كل الأجهزة الاكترونية الجديدة.
- المشاركة الوهمية زي لما بكتب اسمك انك راح تحضر محاضرة او اجتماع مع انك بكثير من الأحيان بتكون عارف مسبقا انم مش راح تشارك او تحضر ومش هذا المهم الأهم انو اسمك تسجل وأثبتت وجودك.
- قلق الاشعارات يعني بكون مشارك وعندو صفحات بكل وسائل التواصل الإلكتروني وببقى يفحص كل مدة قصيرة الاشعاراتOn The Button يعني ايدو عالكبسة واذا بكنش على تواصل بحس بالقلق.
- الشعور بالندم والحسرة اذا فاتك شي من اللي عم بصير "بالدنيا" وعنها بزيد القلق وبتوعد حالك وعقلك الباطني انو متعدش تعيدها وظلك متابع وهاي الائرة السحرية السلبية بس بتزيد وبتتفاقم زي النار اللي منزيد عليها كل الوقت حطب (عشان الزيت غالي السنة ).
- الإدمان وهو مرتبط بالوعد السابق عشان متخسرش اخبار لازم تكون متابع وعشان هيك لازم تظلك عال...ولما بضلك عال....بتيصل لحالة أدمان لاشباع الغريزة المكمونة (واللي هي بتشبعش الصراحة...شرهه كثير).
- وكمان الشعور بالنقص ولازم تعبي البطارية كل الوقت (حاسس حالي صرت زي الببغاء...المهم الرسالة بتأمل وصلت).
طيب وشو العمل:
قبل هيك والحكي بخلصش مهم انو الكل يعرف انو اليوم أغلب وسائل التواصل الاجتماعي والشركات الكبيرة عندها بطارية كبيرم من الاخصائيين النفسيين ومن علم الاعصاب عشان تصميم الموقع هو اللي يسيطر على المتلقي.
فش عصا سحرية والاشي بدو وعي, جهد والتزام.
- اول شي هو انو احنا نبلش نفهم انو هذا عالم افتراضي وغير واقعي او واقعيته محدودة والعالم الحقيقي هو برا الشاشات. الخوف هو شعور من ورا أفكار سلبية اللي بتغذي خوفنا وكل ما ابعدنا عن مصادر الاشباع الوهمية بزيد عنا الخوف والقلق.
- معالجة المشاعر السلبية ومرات هون بحاجة للتوجه لاشخاص مهنيين عشان يساعدو بشكل مهني مع اقل الاضرار.
- تقليل ساعات التواجد على الشاشات بشكل تدريجي ومقنن وهون بيجي موضوع الالتزام وكلو زي ما حكينا متعلق كمان بافكارنا ومشاعرنا السلبية وهني بوخذو دور كبير بمدى نجاحنا بالمهمة.
- الحمدالله مبين عليها كلمة بسيطة بس مضمونها وفحواها كبير وعظيم وبالأخص انو نعرف نقدر النعم اللي ربنا اعطانا إياها وانا بنصح كل واحد منا انو قبل النوم بشوي يشكر ربنا على بعض النعم اللي حس وشافها بخلال يومه...تقدير النعم بعملنا توازن بين العالم الحقيقي والافتراضي.
- واخر شي حابب اذكره انو انا بظن انو اغلبنا ما منعرف ذواتنا ورحلة البحث عن مين احنا وشو احنا بترجعنا كمان على علمنا الحقيقي عشان صعب كثير تلتقي مع نفسك لما انت خارج نفسك وبس متواصل مع العالم الافتراضي.

نلتقي قريبا

18/09/2021

تحياتي للجميع،
اللهم وفقني لما تحب وترضى

أخترت انو ابدا بوستاتي بموضوع، يمكن بهاي الأيام بخص الجميع وخاصة الأهالي بيناتنا، وهو موضوع الشاشات واثارها النفسية والاجتماعية علينا. وحبيت ابدا بمصطلحات او ظواهر بتخص الموضوع مثل متلازمة الفومو FOMO اللي راح أحكي عنها اليوم. وزي ما بقول عبد الله الشريف يلا بينا...طب يلا بينا

متلازمة فومو FOMO تعني الخوف من تفويت الأحداث أو الخوف أن تفقد شيئاً أو فرصة للحصول على شي أو اختبار شعور، وهي اختصار لجملة Fear Of Missing Out وهو الخوف من الانقطاع عن مواقع التواصل الاجتماعية وتفويت الأحداث والأخبار والتريندات، سواء المتعلقة بالأصدقاء، أو الأحداث العامة والمتداولة على مواقع التواصل والمؤثرين وصناع المحتوى وهاي المتلازمة كتبت ببحث علمي على يد الباحث دان هيرمان سنة 1996 ومن بعدها أصبحت عامة.
طيب السؤال هل هاي المتلازمة جديدة علينا؟
الجواب اكيد لا... لأنه متلازمة متابعة المشاهير من الناس كانت موجودة على مر الزمان والمحافظة على تفقد أخبارهم بشكل هوسي أيضا كان موجود. ألأختلاف بين زمان ومتلازمة فومو FOMO هو هو بنوعية المشاهير وسهولة الوصول إلى تفاصيل حياة الآخرين وما يمرون به على مدار اليوم، وطريقة تفاعلنا مع ووسائل التواصل الاجتماعي الحديثة، اللي بتلعب دور كبير بإشباع رغباتنا الغريزية بالمراقبة.
طيب كيف بتأثر علينا متلازمة الفومو وخاصة على أولادنا؟
الخوف من فقدان التواصل مع العالم او ضياع فرص بوسائل التواصل الأجتماعي هو جاي يغطي عل مشاعر صعبة موجودة بداخلنا زي الشعور بالندم, الشعور بالخوف ان أكون منبوذ او مرات كثيرة بكون من محل حسد بحياة الاخرين وعشان هيك بكثير من الأحيان بكون عنا مشاعر بالقلق اذا سمعنا خبر من الاخرين بدون ما نعرف عنه. هذا الخوف من القلق وعشان نمتنع نكون بهذا الشعور لانه شعور صعب كثير منجبر حالنا انو نكون على تواصل دائم بشبكات التواصل الاجتماعية.
وشو مخاطرها النفسية والاجتماعية؟
بالدرجة الأولى تنعكس متلازمة فومو على احترامك لذاتك بصورة سلبيه كبيرة، وبمراحل متقدمة من المتلازمة راح تدمن على الشاشات ويعني هيك بصير أغلب تفكيرك بس بهالموضوع والاشي راح ياثر عليك سلوكيا ووظيفيا ويمكن تصير تعاني من "هلع فوات الشيء" بسبب خوفك من الانقطاع او فقدان الاتصال.
يتبع (أعراضها, أسبابها وطرق علاجها)

17/09/2021

12/09/2021

12/09/2021

12/09/2021

والله ولي التوفيق