27/11/2025
రాష్ట్రవ్యాప్తంగా జరుగుతున్న సంస్థాగత గ్రామ కమిటీల నిర్మాణ పర్యటనలో భాగంగా, బద్వేలు నియోజకవర్గంలోని కాశినాయన, పోరుమామిళ్ల, బి. కోడూరు, కలసపాడు మండలాల గ్రామ కమిటీల నిర్మాణానికి సంబంధించిన మార్గదర్శకాలు మరియు విధానాలను వివరించే అవగాహన సమావేశం ఈరోజు పోరుమామిళ్లలోని చిత్తా కళ్యాణమండపంలో విజయవంతంగా నిర్వహించబడింది. రాష్ట్ర మాజీ ముఖ్యమంత్రివర్యులు, పార్టీ రాష్ట్ర అధ్యక్షులు గౌ. వై.ఎస్. జగన్ మోహన్ రెడ్డి గారి సూచనలతో జరుగుతున్న ఈ సమావేశంలో రాష్ట్ర ఆర్గనైజేషన్ యాక్టివిటీ సెక్రటరీ శ్రీ వజ్ర భాస్కర్ రెడ్డిగారు ప్రధాన అతిథిగా హాజరై గ్రామ కమిటీల నిర్మాణ ప్రాధాన్యం, బూత్ స్థాయి బలం, డిజిటల్ పర్యవేక్షణ, పరిశీలకుల బాధ్యతలు, ప్రజా సమస్యలకు తక్షణ స్పందన వంటి అంశాలను స్పష్టంగా వివరించారు. ప్రతిపక్ష పరిస్థితుల్లో ఉన్నప్పటికీ బలమైన గ్రామ కమిటీలు, క్రమశిక్షణతో పనిచేసే కార్యకర్తలు, ప్రజలతో రోజువారీ మమేకం—పార్టీ భవిష్యత్తు విజయానికి కీలకమని ఆయన అన్నారు. ఈ సమావేశంలో ఎమ్మెల్సీ డీసీ గోవిందరెడ్డి గారు, ఎమ్మెల్యే డాక్టర్ సుధమ్మ గారు, నియోజకవర్గ పరిశీలకులు రెడ్డెం వెంకటసుబ్బారెడ్డి గారు, పార్టీ రాష్ట్ర విద్యార్థి విభాగం ప్రధాన కార్యదర్శి దేవసాని ఆదిత్య రెడ్డి గారు,మాజీ పంచాయతీ రాజ్ ప్రభుత్వ సలహాదారులు నాగార్జున్ రెడ్డి గారు, నాలుగు మండలాల అధ్యక్షులు, పరిశీలకులు, పలు ప్రతినిధులు బూత్ ఇన్‌ఛార్జిలు పాల్గొని పార్టీ సంస్థాగత బలోపేతంపై చర్చించారు. గ్రామాలలో పార్టీకి ఉన్న శక్తి, ప్రజల్లో జగన్ నాయకత్వంపై విశ్వాసం, యువత ఉత్సాహం అందరూ కలిసి 2029లో మరల ప్రజల కోరుకున్న పరిపాలనను తీసుకురావడానికి పునాది అవుతుందని నాయకులు అభిప్రాయపడ్డారు. చిత్తా కళ్యాణమండపంలో జరిగిన ఈ మొదటి దశ సమావేశం నాలుగు మండలాల్లో పార్టీ నిర్మాణానికి బలమైన ప్రారంభంగా నిలిచింది.
