Me to Me Meditation Centre

Me to Me Meditation Centre Contact information, map and directions, contact form, opening hours, services, ratings, photos, videos and announcements from Me to Me Meditation Centre, Meditation Center, Balaramapuram.

ആത്മീയജ്ഞാനം ഏവരുടെയും ജന്മ അവകാശമാണെന്നും അതിനാൽ ആത്മജ്ഞാനം ഏവർക്കും പ്രദാനം ചെയ്യുക എന്ന ലക്ഷ്യത്തിലൂന്നി പ്രവർത്തിക്കുന്ന Me to Me ധ്യാനകേന്ദ്രത്തിന്റെ FB പേജ് ആണിത്.. ഇതിലെ രചനകൾ എല്ലാം ധ്യാനഗുരു അവധൂത് ജി സത്യാന്വേഷികൾക്കായി സൃഷ്ടിച്ചിട്ടുളളതാണ്...

05/08/2025

Monthly Meditation Class

Me to Me Meditation Centre
Balaramapuram, kerala
919895953002

*വൃത്തത്തിലെ ശൂന്യത*🔅🔅🔅🔅🔅🔅🔅🔅നമ്മൾ കേട്ടതും അനുഭവിച്ചറിഞ്ഞതുമാണ് മസ്തിഷ്കത്തിൽ കിടക്കുന്നത്. അതുകൊണ്ട് അതിനെപ്പറ്റി മാത്ര...
05/08/2025

*വൃത്തത്തിലെ ശൂന്യത*
🔅🔅🔅🔅🔅🔅🔅🔅

നമ്മൾ കേട്ടതും അനുഭവിച്ചറിഞ്ഞതുമാണ് മസ്തിഷ്കത്തിൽ കിടക്കുന്നത്. അതുകൊണ്ട് അതിനെപ്പറ്റി മാത്രമേ നമുക്ക് ചിന്തിക്കുവാനാകൂ. പലയിടത്തു നിന്നും നാം പലതും കേട്ടു പഠിക്കുന്നു. ചിലത് അനുഭവത്തിൽ നിന്നും പഠിക്കുന്നു. ഇങ്ങനെ കിട്ടിയ അറിവ് മാത്രമാണ് നമ്മിലുള്ളത്. അപ്പോൾ നമുക്കുള്ള അറിവിനുളളിൽ നിന്നേ നമുക്ക് ചിന്തിക്കുവാൻ സാധിക്കുകയുള്ളൂ. ആ ചിന്തകളാവും നമ്മുടെ പ്രവൃത്തികളായി മാറുന്നത്. അങ്ങനെ ചിന്തകളിൽ നിന്നും പ്രവൃത്തിയിൽ നിന്നുള്ള അനുഭവങ്ങളിൽ നിന്നും നാം അറിവ് സമ്പാദിക്കുന്നു. പക്ഷേ നിരീക്ഷണത്താൽ നാം എന്തെങ്കിലും അറിവ് അവനവനിൽ നിന്നും നേടിയിട്ടുണ്ടോ?

ചിന്തകൾക്ക് അന്ത്യമില്ലെന്ന് നമുക്കറിയാം. അറിവിനും അന്ത്യമില്ല. ചിന്തകൾ സ്വതന്ത്രമാകണമെങ്കിൽ നമ്മുടെ അറിവ് വർധിക്കണം. കാരണം വർധിച്ച അറിവ് വിശാലമായി ചിന്തിക്കുവാൻ നമ്മളെ പ്രേരിപ്പിക്കുന്നു. നമ്മളിലെ അറിവ് ചുരുങ്ങിയതു കാരണം ചിന്തകളും ചുരുങ്ങിയ അറിവിനുള്ളിൽ പരിമിതപ്പെട്ടു പോകുന്നു. ശരിക്കും ചിന്തകൾ സ്വതന്ത്രമാണ്. അങ്ങനെയല്ലേ സ്വതന്ത്രമായ ചിന്തകൾ സ്വതന്ത്രമാവുകയുള്ളൂ? ബാഹ്യമായി നേടുന്ന അറിവിനെപ്പറ്റി മാത്രമല്ല പറയുന്നത് നിരീക്ഷണത്തിലൂടെ നമ്മളെപ്പറ്റിയും നാം അറിഞ്ഞിരിക്കണം. അത് നമ്മുടെ ചിന്തകളെ സ്വാധീനിക്കുന്നു. അങ്ങനെ ഉണ്ടാകുവാൻ സാധ്യത ഉള്ള സ്വതന്ത്ര ചിന്തകളെയും നാം നിരീക്ഷിക്കണം.

നിലവിൽ അനുഭവത്തിൽ നിന്നും നേടിയ അറിവുകൾ ശരിക്കും ഭൂതകാലത്തിൽ നിന്നും ലഭിച്ചതല്ല. അവ നമ്മളിൽ ഓർമയായി നിലനിൽക്കുന്നു. ശരിക്കും നമ്മളെ സ്വാധീനിക്കുന്നത് ചിന്തകൾ, ഓർമകൾ, വാസനകൾ, സങ്കൽപങ്ങൾ, സ്വപ്നങ്ങൾ, പ്രതീക്ഷകൾ തുടങ്ങിയ പലതുമാണ്. ഒരു തരം ആവർത്തനവും ആവർത്തനത്തിൻ്റെ വിരസതയിലും ഉള്ള ജീവിതം. ഇത് കാലങ്ങളായി തലമുറകളായി ജീവിക്കുന്ന മനുഷ്യൻ്റെ ഗതികേടാണ്. നോക്കൂ.., സ്വതന്ത്രനാകാനുള്ള അവകാശം നമുക്കുണ്ട്. പക്ഷേ എന്തുകൊണ്ട് നാം അതുപയോഗിക്കുന്നില്ല? ആവർത്തനത്തിൽ നിന്നുമുള്ള വിരസത മാറുവാൻ നമ്മളെ സഹായിക്കുന്നത് നിരീക്ഷകൻ തന്നെയായിരിക്കും.

*അവധൂത് ജി*

*ധ്യാനകഥകൾ*****************സത്സംഗംധ്യാനഗുരു : ഇന്നത്തെ സത്സംഗം പ്രിയനാണ് ചെയ്യേണ്ടത്.ധ്യാനസാധകൻ : മഹാഗുരോ.., ഞാനോ? അത് എ...
05/08/2025

*ധ്യാനകഥകൾ*
****************

സത്സംഗം

ധ്യാനഗുരു : ഇന്നത്തെ സത്സംഗം പ്രിയനാണ് ചെയ്യേണ്ടത്.

ധ്യാനസാധകൻ : മഹാഗുരോ.., ഞാനോ? അത് എനിക്ക് എങ്ങനെ സാധിക്കും?

ധ്യാനഗുരു : പ്രിയനേ, ഇത്രയും നാൾ നീ കേട്ട സത്സംഗങ്ങളും നിന്റെ വായനകളും ഗുരുവുമായുള്ള സഹവാസവും നിന്റെ കൈ മുതലായിരിക്കുമ്പോൾ എന്തുകൊണ്ട് പറ്റില്ല ?

ധ്യാനസാധകൻ : എന്നെക്കൊണ്ടു സാധിക്കുമോ എന്നറിയില്ല.

ധ്യാനഗുരു : ഇന്നത്തെ സത്സംഗം ചെയ്യേണ്ടത് പ്രിയൻ തന്നെയാണ്. വേഗം തയ്യാറാവുക.

ധ്യാനസാധകന്റെ കണ്ണു നിറഞ്ഞു. വല്ലാതെ ഭയന്നു വിറച്ചു. ഗുരുവിനെ എതിർക്കാനും സാധ്യമല്ല. തന്റെ ദയനീയാവസ്ഥയിൽ അവൻ തളർന്നു.
കുറച്ചു നേരം മൗനമായി അവൻ ഇരുന്നു.

ധ്യാനഗുരു : പ്രിയനേ, നീ സ്വയം ചിന്തിക്കുന്നുണ്ടാവും നീ കഴിവില്ലാത്ത ആളാണ് എന്ന്. നിനക്ക് എന്തിനേയും എത്രത്തോളം നിരീക്ഷണം സാധ്യമാകുമോ അത്രത്തോളം നിനക്ക് എഴുതുവാനോ പ്രഭാഷണം ചെയ്യുവാനോ സാധിക്കും.

ധ്യാനസാധകൻ അപ്രകാരം ചെയ്തു. അവനറിയാതെ അവനിൽ നിന്നും പലതും പൊന്തി വരാൻ തുടങ്ങി. ധ്യാനസാധകന്റെ കയ്യിലെ പേന ചലിച്ചു തുടങ്ങി. അദ്ദേഹം പേന ചലിപ്പിക്കാതെ ഇരുന്നിട്ടും പേന ധ്യാനസാധകന്റ കൈകളെ ചലിപ്പിച്ചുകൊണ്ടിരുന്നു.

~ അവധൂത് ജി ~

പ്രേമസാഗര തീരേ...***********************നമ്മുക്ക് ഒന്നു ചിന്തിക്കാം നമ്മളേ കുറിച്ച് തന്നെ.. ശരീരം വിശ്രമിക്കാൻ എല്ലാവരും...
05/08/2025

പ്രേമസാഗര തീരേ...
***********************

നമ്മുക്ക് ഒന്നു ചിന്തിക്കാം നമ്മളേ കുറിച്ച് തന്നെ.. ശരീരം വിശ്രമിക്കാൻ എല്ലാവരും ഇഷ്ടപ്പെടുന്നു അപ്പോൾ നാം വിശ്രമിക്കുന്നു. പക്ഷെ ശരീരം വിശ്രമിക്കുമ്പോഴും മനസുകൊണ്ട് ആളുകൾ വിശ്രമിക്കുന്നില്ല. എന്താണ്‌ ഇങ്ങനെ? ശരിക്കും മനസ്സും വിശ്രമിക്കുമ്പോൾ അല്ലേ? ശരിയായ വിശ്രമം കിട്ടുകയുള്ളൂ... എന്തായിരിക്കാം നമ്മുടെ ശരീരത്തിലെ ഈ പ്രവർത്തനത്തിന്റെ രഹസ്യം?

ശരീരം പലതരത്തിലുള്ള കർമ്മത്തിൽ ഏർപ്പെട്ടു നിൽക്കുമ്പോൾ അതിന് വിശ്രമം അനിവാര്യമായി വരും... അപ്പോൾ ശരീരം വിശ്രമിക്കുവാൻ ശ്രമിക്കും എന്നാൽ മനസ്സിനെ നിയന്ത്രിക്കുന്ന പഠനം ചെയ്യാത്തവർക്ക് മനസ്സിലെ അനിയന്ത്രിതമായ ചിന്തകൾ കാരണം ശരിയായ വിശ്രമം കിട്ടുന്നില്ല. ശാരീരികവും മാനസ്സികവും ആയ വിശ്രമം കിട്ടുന്നവന് മാത്രമേ ശാന്തത കിട്ടുകയുള്ളൂ. അങ്ങനെ ശാന്തത വന്നവനിൽ മുഖ പ്രസാദവും ഉണ്ടായിരിക്കുന്നതാണ്...

ചിന്തകൾ ഒരു തരം ഊർജ്ജമാണ്... അപ്പോൾ ഊർജ്ജം പാഴാക്കുമ്പോൾ ഊർജ്ജ ശോഷണം നമ്മളിൽ സംഭവിക്കില്ലേ... അങ്ങനെ സംഭവിക്കുമ്പോൾ നമ്മളിൽ ശരിക്കുള്ള വിശ്രമം കിട്ടുന്നില്ല... വിശ്രമം ഇല്ലാതെ വരുമ്പോൾ നമ്മളിലെ പ്രസന്നത മങ്ങി പോവുകയും ചെയ്യുന്നു. അതുകൊണ്ടാണ് മനസ്സിനെ നിരീക്ഷിച്ച് ചിന്തകളേ നിയന്ത്രിച്ച് സ്വയം വിശ്രമിക്കു എന്ന് സാധനയിൽ നിർദേശിക്കുന്നത്...

~ അവധൂത് ജി ~

#ആത്മീയം #ആത്മീയത

പ്രേമ സാഗര തീരേ......*************************ഒരു സാധകൻ തന്റെ സാധനാ ഗുരുവിനോട് എങ്ങനെയായിരിക്കണം? ഒരു കാമുകൻ കാമുകിയോട് ...
05/08/2025

പ്രേമ സാഗര തീരേ......
*************************

ഒരു സാധകൻ തന്റെ സാധനാ ഗുരുവിനോട് എങ്ങനെയായിരിക്കണം? ഒരു കാമുകൻ കാമുകിയോട് എപ്രകാരമാണോ പ്രണയം അപ്രകാരമാകണം സാധകൻ തന്റെ ഗുരുവിനോട് എന്നാൽ കാമുകനിൽ ഒരു സ്വാർത്ഥയുണ്ട് എന്താണോ പ്രണയത്തിന് പാടില്ലാത്തത് അത് കാമുകൻ - കാമുകി പ്രണയത്തിനുണ്ട് എന്നാൽ സാധകൻ - ഗുരു പ്രണയത്തിൽ അതുണ്ടാകില്ല.

എപ്രകാരമാണോ മാതാപിതാക്കൾ മക്കളേ സ്നേഹികുന്നത് അപ്രകാരമാകണം ഗുരുവിനോടുള്ള സ്നേഹം. എന്നാൽ മാതാപിതാക്കളുടെ സ്നേഹം എന്റെ എന്നതിൽ നിന്നാണ് എന്താണോ സ്നേഹത്തിന് പാടില്ലാത്തത് അത് മാതാപിതാക്കൾ കുഞ്ഞുങ്ങൾ ക്കുള്ള സ്നേഹത്തിനുണ്ട്. എന്നാൽ സാധകൻ ഗുരു ബന്ധത്തിൽ അതുണ്ടാകില്ല.

എപ്രകാരമാണോ വിദ്യാർത്ഥി അദ്ധ്യാപകനോട് ബഹുമാനം കാണിക്കുന്നത് അപ്രകാരം ആകണം സാധകൻ ഗുരു ബന്ധത്തിൽ ഉണ്ടാകേണ്ടത്. എന്നാൽ അദ്ധ്യപകൻ വിദ്യാർത്ഥി ബന്ധത്തിലുള്ള ബഹുമാനത്തിൽ നന്ദി പ്രകടനം ഉണ്ട്, എന്നാൽ സാധകൻ ഗുരു ബന്ധത്തിൽ അതുണ്ടാകില്ല.

രണ്ടില്ല എന്ന് രണ്ടായിരിക്കുമ്പോൾ ഗുരു പഠിപ്പിക്കുന്നു, രണ്ടായിരിക്കുന്നിടത്തോളം കാലം പഠിപ്പിച്ചതറിയാനാകില്ല. ഗുരു ശരിക്കും ഒരു സേവകനാണ് സാധകർക്കു വേണ്ടി സേവനത്തിനായ് ജന്മം എടുത്തവർ. നമ്മുടെ ദ്വൈതം മാറുമ്പോൾ അവിടെ സേവകനുമില്ല സേവനവുമുണ്ടാകില്ല.

~ അവധൂത് ജി ~

#ആത്മീയം #ആത്മീയത

*ധ്യാനകഥ*🔅🔅🔅🔅🔅*തുറക്കാത്ത വാതിൽ*മിഴി നിറഞ്ഞൊഴുകി പിടയുന്ന മനസ്സുമായി ധ്യാനസാധകൻ ഗുരുവിനോട് ചോദിച്ചു.ധ്യാനസാധകൻ : മഹാഗുരോ...
05/08/2025

*ധ്യാനകഥ*
🔅🔅🔅🔅🔅

*തുറക്കാത്ത വാതിൽ*

മിഴി നിറഞ്ഞൊഴുകി പിടയുന്ന മനസ്സുമായി ധ്യാനസാധകൻ ഗുരുവിനോട് ചോദിച്ചു.

ധ്യാനസാധകൻ : മഹാഗുരോ.., ഈശ്വരൻ്റെ വാതിൽ എനിക്കായി എപ്പോൾ തുറക്കും?

ധ്യാനഗുരു : നീ വാതിൽ തുറക്കുവാനായി കാത്തിരിക്കുകയാണോ?

ധ്യാനസാധകൻ : കാലങ്ങളായി കാത്തിരിക്കുകയാണ്.

ധ്യാനഗുരു : എന്നാൽ ഇനി മുതൽ ആ വാതിൽ തുറക്കാനായി കാത്തിരിക്കണ്ട.

ധ്യാനസാധകൻ : അപ്പോൾ എൻ്റെ മുന്നിൽ എന്നെന്നേയ്ക്കുമായി വാതിൽ കൊട്ടിയടക്കപ്പെട്ടുവോ മഹാ ഗുരോ..?

ധ്യാനഗുരു : ചുമരോ മതിലോ ഇല്ലാത്തിടത്ത് എന്ത് വാതിൽ? ചുമരില്ലെങ്കിൽ വാതിലുമില്ല. ഇവിടെ ഇരുവർ ഇല്ല. അപ്പോൾ ഇരുവർക്കിടയിൽ വാതിലുമില്ല.

ധ്യാനസാധകൻ കണ്ണുകൾ അടച്ചു. രണ്ടു തുള്ളി മിഴിനീർ കവിളിലൂടെ ഒലിച്ചിറങ്ങി. പക്ഷേ അദ്ദേഹത്തിനുള്ളിൽ ആനന്ദം മാത്രമായിരുന്നു.

*ഒരു തുള്ളി വെളിച്ചം*

*ഇല്ലാത്ത വാതിൽ മനസ്സടച്ചിരിക്കുന്നു*

*അവധൂത് ജി*

#കഥ #ധ്യാനകഥ

*ധ്യാനകഥകൾ*🪐🪐🪐🪐🪐🪐തീരുമാനംധ്യാനഗുരു : പ്രിയനേ, നീ വിവാഹം കഴിക്കരുത്..ധ്യാനസാധകൻ : അതെന്താ ഗുരോ?ധ്യാനഗുരു : ഗുരുവിന്റെ വാക...
04/08/2025

*ധ്യാനകഥകൾ*
🪐🪐🪐🪐🪐🪐

തീരുമാനം

ധ്യാനഗുരു : പ്രിയനേ, നീ വിവാഹം കഴിക്കരുത്..

ധ്യാനസാധകൻ : അതെന്താ ഗുരോ?

ധ്യാനഗുരു : ഗുരുവിന്റെ വാക്ക് നിനക്ക് അനുസരിക്കാൻ ബുദ്ധിമുട്ടുണ്ടോ?

ധ്യാനസാധകൻ : മഹാഗുരോ, അങ്ങയെ ഞാൻ അനുസരിച്ചു കൊള്ളാം..

ധ്യാനഗുരു : അതിന് നിനക്ക് സാധിച്ചില്ലെങ്കിൽ എന്താവും നിന്റെ അവസ്ഥ?

ധ്യാനസാധകൻ : എന്നെ എനിക്കറിയാവുന്നതിനെക്കാൾ കൂടുതൽ അങ്ങേയ്ക്ക് അറിയാം എന്ന് എനിക്കറിയാം.

ധ്യാനഗുരു : നീ ശരിയായ വഴിയിലാണ് പ്രിയനേ..

✍️ അവധൂത് ജി....

#കഥ #ധ്യാനകഥ

*അഹം കരിക്കൂ...*🌼🌼🌼🌼🌼🌼തന്റെ അഹങ്കാരത്തിന്റെ തൂക്കം തുലോം കുറവാണ് എന്ന് ആശ്വസിക്കുന്ന സാധകരാണ് അധികവും. എങ്ങനെയാണ് അവർക്ക...
04/08/2025

*അഹം കരിക്കൂ...*
🌼🌼🌼🌼🌼🌼

തന്റെ അഹങ്കാരത്തിന്റെ തൂക്കം തുലോം കുറവാണ് എന്ന് ആശ്വസിക്കുന്ന സാധകരാണ് അധികവും. എങ്ങനെയാണ് അവർക്ക് ആശ്വസിക്കുവാൻ വക കിട്ടുന്നത് എന്നറിയാമോ? തന്നെക്കാൾ വലിയ അഹങ്കാരിയുമായി തന്നിലെ അഹങ്കാരത്തെ താരതമ്യം ചെയ്തുകൊണ്ട് സ്വയം ആശ്വസിക്കും. അങ്ങനെ ചെയ്താൽ ഈ ജന്മത്തിൽ അവന് രക്ഷ പ്രാപിക്കുവാൻ സാധിക്കുമോ?

താരതമ്യം ചെയ്യുമ്പോൾ എന്തുകൊണ്ട് അവനും സാധനയിൽ വിജയം നേടിയവരും തമ്മിൽ താരതമ്യം ചെയ്യുന്നില്ല? അങ്ങനെ ചെയ്താൽ അവന്റെ മനസ്സമാധാനം പോകും. അതല്ലേ കാരണം? ശരിക്കും ആത്മീയത താരതമ്യത്തെ പ്രോത്സാഹിപ്പിക്കുന്നില്ല എന്നതാണ് സത്യം. നമ്മുടെ യാത്ര നേരെയുള്ള യാത്രയാകാതിരിക്കുമ്പോഴാണ് നാം ഇത്തരം കുറുക്കു വഴികൾ തിരയുന്നത്. അവയൊന്നും നമുക്ക് ആത്മീയമായ പുരോഗതി നൽകില്ല എന്നും അറിയേണ്ടതല്ലേ?

✍️ അവധൂത് ജി...

#ആത്മീയം #ആത്മീയത

*വൃത്തത്തിലെ ശൂന്യത*🔅🔅🔅🔅🔅🔅🔅🔅എന്തിന് ഞാൻ നിരീക്ഷിക്കണം? നിർബന്ധിതനായി ഞാൻ എന്നിൽ നിരീക്ഷകനെ സൃഷ്ടിക്കേണ്ടതുണ്ടോ? സാത്വികമ...
04/08/2025

*വൃത്തത്തിലെ ശൂന്യത*
🔅🔅🔅🔅🔅🔅🔅🔅

എന്തിന് ഞാൻ നിരീക്ഷിക്കണം? നിർബന്ധിതനായി ഞാൻ എന്നിൽ നിരീക്ഷകനെ സൃഷ്ടിക്കേണ്ടതുണ്ടോ? സാത്വികമായ മനസ്സോടെ ആരെയും ഉപദ്രവിക്കാതെ ജീവിച്ചാൽ പോരേ? ഇങ്ങനെ ചിന്തിക്കുന്നവർ ഉണ്ട്. പക്ഷേ നിരീക്ഷകൻ എന്ന ഒന്ന് എന്നിലുണ്ടെന്ന് അറിയുന്നതിന് മുമ്പ് ഈ ചിന്ത അവനിൽ ഉണ്ടായിരുന്നുവോ നിരീക്ഷകൻ ഇല്ലാതെ ജീവിച്ചാൽ എന്ത് എന്ന്? അങ്ങനെയാണല്ലോ നാളിതു വരെ ജീവിച്ചതും. എന്നാൽ ബോധപ്രപ്തനിൽ നിന്നും നിരീക്ഷകൻ്റെ ബാലപാഠം പഠിച്ചു തുടങ്ങിയപ്പോൾ നമ്മളിലെ ക്ഷമയില്ലായ്മ കാരണം നിരീക്ഷണത്തെ ഉൾക്കൊള്ളുവാൻ വയ്യാതായി. എന്താവും കാരണം?

നിരീക്ഷണം എന്നെ ജാഗരൂകതയിൽ നിൽക്കുവാൻ പ്രേരിപ്പിക്കുന്നു. അപ്പോൾ മനസ്സിന് ഒരു സുഖമില്ലാത്ത അവസ്ഥ അവനിൽ സൃഷ്ടിക്കപ്പെടുന്നു. അങ്ങനെ വരുമ്പോൾ മനസ്സ് വലിയ ന്യായീകരണങ്ങൾ വിളമ്പും. നിരീക്ഷകൻ്റെ നിരീക്ഷണം നമ്മളെ പ്രവൃത്തികളിൽ നിന്നും പ്രവർത്തനങ്ങളിൽ നിന്നും വികാര വിക്ഷോഭങ്ങളിൽ നിന്നും വേർപ്പെടുത്തി നിർത്തുന്നു.

മനസ്സിൻ്റെ ലോകത്ത് നാം ജീവിച്ചാൽ എന്താവും സംഭവിക്കുക? മനസ്സിന് സ്ഥിരതയില്ല. അതനുസരിച്ച് എന്നിലും സ്ഥിരസ്വഭാവം ഇല്ലാതെ വരും. അതായത് മനസ്സ് തെളിഞ്ഞിരുന്നാൽ, വളരെ സന്തോഷത്തിലായിരുന്നാൽ അപ്പോൾ ഒരു പെരുമാറ്റം കാണിക്കും. ഇനി മനസ്സ് കലങ്ങിമറിയുമ്പോൾ മറ്റൊരു പെരുമാറ്റം ആയിരിക്കും നാം കാണിക്കുന്നത്.

ഇങ്ങനെ മാറി മാറി വരുന്ന പെരുമാറ്റങ്ങളുടെ ആകെത്തുകയാണ് മറ്റുള്ളവ ർ നമ്മുടെ സ്വഭാവമായി കണക്കാക്കുന്നത്. ഞാൻ എന്നെ അറിയുന്നില്ല. അതിനാൽ ഞാൻ ചഞ്ചലതയിൽ കൂടി ജീവിതം ദുരിതപൂർണമാക്കുന്നു. ഇവിടെയാണ് നിരീക്ഷകൻ്റെ അനിവാര്യത. ശരിയായ നിരീക്ഷണം നടത്തിയാൽ മനസ്സ് കളിക്കുന്നത് അവന് ബോധ്യമാകും. ഒരു ബന്ധനത്തിൽ അല്ലേ ജീവിതം? അതിൽ നിന്നും സ്വതന്ത്രനാവണ്ടേ?

സ്വാതന്ത്യം വേണം. പക്ഷേ എന്തുകൊണ്ട് സ്വതന്ത്രനാകുവാൻ കഴിയുന്നില്ല? മനസ്സുള്ളതുകൊണ്ട് എന്നാവും ഉത്തരം. മനസ്സിൽ എന്ത് ഉള്ളതുകൊണ്ട് എന്ന് നമുക്ക് വ്യക്തമായി പറയുവാൻ സാധിക്കണം. മനസ്സിൽ ചിന്ത ള്ളതിനാൽ എന്ന് മാത്രം പറഞ്ഞാൽ എന്താണ് കാര്യം? ജീവിതത്തിൽ അനുഭവിച്ചിട്ടുള്ള എല്ലാ അനുഭവങ്ങളും അതിനോടുള്ള നമ്മുടെ സമീപനങ്ങളും നമ്മളിൽ നിലനിൽക്കുന്നുണ്ട്. അപ്പോൾ ഞാൻ എന്നിലെ ഭൂതകാലത്തിൽ നിന്നും എന്നെ സ്വതന്ത്രനാക്കണം എന്നല്ലേ അർഥം? വർത്തമാന കാലത്തിൽ നിലനിൽക്കുവാൻ നിരീക്ഷകൻ എന്നെ സഹായിക്കുന്നുവെങ്കിൽ അതിനർഥം എന്താണ്? ഞാൻ നിരീക്ഷണാവസ്ഥയിൽ സ്വതന്ത്രനാകുന്നു എന്നല്ലേ?

*അവധൂത് ജി*
Me to Me Meditation Centre
Balaramapuram, kerala
919895953002

#ധ്യാനം #നിരീക്ഷണം

*വൃത്തത്തിലെ ശൂന്യത*🔅🔅🔅🔅🔅🔅🔅🔅നിരീക്ഷണം ചെയ്യുവാൻ തുടങ്ങുന്ന സാധകരിൽ വ്യത്യസ്തമായ പ്രതികരണങ്ങൾ ഉണ്ടാകാറുണ്ട്. അതിനർഥം അതൊന...
03/08/2025

*വൃത്തത്തിലെ ശൂന്യത*
🔅🔅🔅🔅🔅🔅🔅🔅

നിരീക്ഷണം ചെയ്യുവാൻ തുടങ്ങുന്ന സാധകരിൽ വ്യത്യസ്തമായ പ്രതികരണങ്ങൾ ഉണ്ടാകാറുണ്ട്. അതിനർഥം അതൊന്നും നിരീക്ഷണമേ അല്ല എന്നാണ്. നിരീക്ഷണം ഒരു കലയാണ്. അതിന് അതിന്റേതായ സൗന്ദര്യമുണ്ട്. ആസ്വാദനമുണ്ട്. സത്തയാണ് അതിൻ്റെ സൗന്ദര്യം. ശരിയായ നിരീക്ഷണമാണ് ആസ്വാദനം. മനസ്സിൻ്റെ വ്യാഖ്യാനങ്ങളിൽ മുങ്ങിയ നിരീക്ഷണം ശരിയായ നിരീക്ഷണമല്ല. രണ്ടു തരത്തിൽ നിരീക്ഷണമുണ്ട്. നിരീക്ഷകൻ്റെ നിരീക്ഷണവും മനസ്സു കൊണ്ടുള്ള നിരീക്ഷണവും. തന്നിൽ നടക്കുന്ന നിരീക്ഷണം ഏത് തരത്തിലുള്ള നിരീക്ഷണമാണെന്ന് ഒരു സാധകന് കൃത്യമായ ബോധം ഉണ്ടായിരിക്കണം.

വ്യാഖ്യാനങ്ങളും വിലയിരുത്തലും വികാരങ്ങളുമായുള്ള നിരീക്ഷണം
മനസ്സുപയോഗിച്ചു കൊണ്ടുള്ള നിരീക്ഷണമാണ്. എന്നാൽ നിരീക്ഷകൻ്റെ നിരീക്ഷണത്തിൽ മനസ്സില്ലാത്ത നിരീക്ഷണമാണ്. അവിടെ വികാര വിക്ഷോഭങ്ങൾ ഇല്ല. പൂർണ അവബോധം മാത്രമായിരിക്കും.

ഉദാഹരണത്തിന് അഞ്ചു പേർ മനസ്സു കൊണ്ടു നിരീക്ഷിക്കുന്നു എന്ന് ചിന്തിക്കുക. ആ അഞ്ചു പേരുടെ നിരീക്ഷണങ്ങൾ തീർച്ചയായും വ്യത്യസ്ത അനുഭവങ്ങളും വ്യത്യസ്ത തിരിച്ചറിയലും തന്നെയായിരിക്കും. എന്നാൽ നിരീക്ഷകൻ്റെ നിരീക്ഷണത്തിലാണ് ആ അഞ്ചു പേർ നിരീക്ഷിക്കുന്നതെങ്കിൽ ഈ വ്യത്യസ്തത അവിടെ ഉണ്ടാവില്ല. അവബോധം പലതില്ലല്ലോ വ്യത്യസ്തത ഉണ്ടാക്കുവാൻ. ഒരു ബേക്കറിക്കടയിൽ കടന്നു ചെല്ലുമ്പോൾ എപ്രകാരമാണോ എല്ലാറ്റിനെയും ശ്രദ്ധയോടെ നോക്കുന്നത് അപ്രകാരം നമുക്ക് നമ്മുടെ ചിന്തകളെ, പ്രവർത്തനങ്ങളെ, മനോഭാവങ്ങളെ എല്ലാം മാറി നിന്ന് നോക്കുവാൻ സാധിക്കാറുണ്ടോ? കുറഞ്ഞ പക്ഷം ശ്രദ്ധയോടെ നമ്മളെ നോക്കി കാണുക. കണ്ടു കഴിഞ്ഞു എന്ന ചിന്ത ഒഴിവാക്കുക. ഓരോ തവണയും നാം പുതിയതായിരിക്കുന്നു. അതിനാൽ കണ്ടു കഴിഞ്ഞു എന്നു ചിന്തിക്കാതിരിക്കുക. നമ്മളിൽ ശ്വസനം ആവർത്തനമല്ല. പുതിയത് തന്നെയാണ്. അപ്പോൾ ചിന്തകളും ആവർത്തനമല്ല. ഒരു നിരീക്ഷകൻ്റെ നിരീക്ഷണത്തിൻ്റെ വെളിച്ചത്തിൽ അതിനെ അങ്ങനെയാണ് കാണേണ്ടത്.

ഞാൻ നടത്തിയ നിരീക്ഷണം മനസ്സിൻ്റെ അല്ലെങ്കിൽ നിരീക്ഷകൻ്റെ നിരീക്ഷണമാണ് എന്ന് എങ്ങനെ തിരിച്ചറിയാം? അല്ലെങ്കിൽ
എന്തുകൊണ്ടാണ് നിരീക്ഷണം ചെയ്യുവാൻ ശ്രമിക്കുമ്പോൾ അവിടെ മനസ്സ് കടന്ന് വന്ന് നിരീക്ഷണം ചെയ്യുന്നത്? എന്തുകൊണ്ടാണ് നിരീക്ഷകൻ്റെ നിരീക്ഷണം പരാജയപ്പെടുന്നത്? ചിന്തിച്ചതിന് ശേഷം ഉത്തരം പറയുവാൻ ശ്രമിക്കൂ. ഉത്തരം വളരെ ലളിതമാണ്. മനസ്സ് ഉത്തരമായി കണക്കാക്കുന്നത് നിഗമനങ്ങളെയാണ്. എന്തും നമ്മൾ നിരീക്ഷിച്ച് നിഗമനങ്ങളിൽ എത്തിച്ചേരുന്നു. അതാണ് നമുക്ക് തൃപ്തി. നിഗമനങ്ങളിൽ ചെന്നു ചേരുന്നത് മനസ്സിൻ്റെ സ്വഭാവമാണ്. നിരീക്ഷകൻ്റെ നിരീക്ഷണത്തിൽ നിഗമനങ്ങൾ ഉണ്ടാവാറില്ല. നിഗമനങ്ങളിൽ നമ്മൾ ചെന്നു ചേരുന്നുവെങ്കിൽ ഉറപ്പിച്ചോളൂ അത് നിരീക്ഷകൻ ഇല്ലാത്ത നിരീക്ഷണമാണ്. അവിടെ ഉണ്ടായിരുന്നത് മനസ്സ് മാത്രമാണ്. ധാരണകളോടും മുൻധാരണകളോടു കൂടിയ മനസ്സിൻ്റെ നിരീക്ഷണം നിഗമനത്തിൽ എത്തിപ്പെടാതിരിക്കുമോ? എങ്കിലും നാം തിരിച്ചറിയണം എന്നിൽ നടക്കുന്ന നിരീക്ഷണത്തെ. കാരണം യാത്ര അവബോധത്തിലേയ്ക്കാണ്.

അവബോധത്തെ പോലും വേണ്ടെന്ന് വച്ച് എന്തുകൊണ്ടാവും മനസ്സ് കയറി ഇടപ്പെടുന്നത് എന്ന് ഇനിയെങ്കിലും മനസ്സിലായോ? മനസ്സിലായില്ലെങ്കിൽ പറയാം മനസ്സ് പ്രവർത്തിക്കുന്നത് ഒരു തരം ആവർത്തനത്തിലൂടെണ്. നാം നമ്മുടെ ജീവിതത്തെ ശ്രദ്ധിച്ചു നോക്കൂ.. ദിനചര്യ , ഭക്ഷണചര്യ , സംഭാഷണം, പെരുമാറ്റം, വിനോദം എല്ലാം ഒരു തരം ആവർത്തനത്തിൻ്റെ ഭാഗമായി നടന്നു വരുന്നതായി കാണാം. ഈ ആവർത്തനം നടക്കാൻ കാരണം നമ്മളിലെ കണ്ടിഷണൽ മനസ്സാണ്. ഇത് മൃഗങ്ങൾക്കും ഉണ്ട്. നടുക്കടലിൽ ചെന്നാലും നായ നക്കിയേ കുടിക്കൂ എന്ന് പറയുന്നതുപോലെയാണ് നിരീക്ഷകനാൽ നിരീക്ഷിക്കാൻ പോയ നാം മനസ്സുകൊണ്ടു തന്നെ നിരീക്ഷിക്കുന്നത്. ബോധപ്രാപ്തൻ നിരീക്ഷിക്കുമ്പോൾ ആന്തരികമായും ബാഹ്യമായും മൗനത്തിൽ നിലനിൽക്കുവാൻ സാധിക്കുന്നത് അവബോധത്തിൽ വർത്തിക്കുന്നതിനാലാണ്. അത് സാധിക്കുന്നതോ, നിരീക്ഷകൻ്റെ നിരീക്ഷണത്താലുമാണ്.

*അവധൂത് ജി*
Me to Me Meditation Centre
Balaramapuram, kerala
919895953002

*ശൂന്യമായ വാക്കുകൾ***************************അത്ര എളുപ്പത്തിൽ നേടാം ചിലത് എന്ന ചിന്തയോടെ ആത്മീയ ജീവിതത്തിലേയ്ക്ക് വന്നു....
03/08/2025

*ശൂന്യമായ വാക്കുകൾ*
**************************

അത്ര എളുപ്പത്തിൽ നേടാം ചിലത് എന്ന ചിന്തയോടെ ആത്മീയ ജീവിതത്തിലേയ്ക്ക് വന്നു. അപ്പോൾ സാധന ചെയ്യണം എന്ന് അറിഞ്ഞു, വന്നതു അല്ലേ അത് ചെയ്യാം എന്ന ചിന്ത വന്നു. സാധന തുടങ്ങി, പ്രശ്നങ്ങളും തുടങ്ങി. മനസ്സമാധാനം പോയി.

എന്നാൽ തിരിച്ചു ഒരു പോക്ക് മനസ്സ് ആഗ്രഹിക്കുന്നും ഇല്ല. ചിലത് കളയാൻ മടി. അതാണ് എന്നിൽ പ്രശ്നങ്ങായി നിൽക്കുന്നത് എന്ന് ഞാനറിയുന്നു.

പ്രശ്നത്തിനു കാരണം സാധനയാണ് എന്ന് മനസ്സ് പറയുമ്പോൾ. സാധന ചെയ്തതു കൊണ്ടു ആണ് പ്രശ്നം തിരിച്ചറിഞ്ഞത് ബുദ്ധിയും പറയുന്നു. എന്നാൽ ഇപ്പോഴത്തെ പ്രശ്നം ഞാൻ ഇവരിൽ ആരു പറയുന്നത് ആണ് മുഖവിലയ്ക്ക് എടുക്കുന്നത് എന്നതാണ്.

~ അവധൂത് ജി ~

Me to Me Meditation Centre
Balaramapuram, kerala
919895953002

🧘 The Path of a Seeker 🧘~~~~~~~~~~~~~~~~~~~After a long search for an enlightened Master, a spiritual seeker finally fou...
03/08/2025

🧘 The Path of a Seeker 🧘
~~~~~~~~~~~~~~~~~~~
After a long search for an enlightened Master, a spiritual seeker finally found himself in the presence of a Meditation Master. The seeker appeared very impatient, so the Master invited him to come closer. The seeker was overjoyed and bowed to the master.

Meditation Master : What is the purpose of your visit?

Seeker: I came to see you.

Meditation Master : Have you seen what you came to see?

Seeker : Not just to see, but to ask a question as well, Master.

Meditation Master : So, you came to see me to ask a question. Is that right?

(The seeker nodded his head in agreement.)

Meditation Master : What is your question?

Seeker: I want to attain enlightenment. Please show me the way.

Meditation Master : The path to that is you yourself.

Seeker: But Master...

Meditation Master : And the obstacle on that path is also you yourself.

A Drop of Light
••••••••••••••
To know the path, you must first realize that you are the path. 🧘

~Avadhoothji ~

Address

Balaramapuram

Website

Alerts

Be the first to know and let us send you an email when Me to Me Meditation Centre posts news and promotions. Your email address will not be used for any other purpose, and you can unsubscribe at any time.

Shortcuts

Share

Category