08/11/2023
बीड शहरातील पहिले बालरोगतज्ज्ञ उच्च विद्याविभूषित (एम.डी.बोलरोग)अत्यंत साधे राहणीमान आणि ऊच्च विचारसरणी तसेच शुद्ध आचार,शुध्द विचार,निष्कंलक चारित्र्य,सदैव कार्यमग्न,चिंतनशीलता या पंचसूत्रीचा आपल्या जीवनात सातत्याने पालन करणारे सत्यमेव जयतेचे खरेखरे पुरस्कर्ते प्रभू रामचंद्राच्या सत्यवचनासारख्या अवघड व्रताचे आजच्या युगामध्ये देखील अनुपालन करणारे आणि आपल्या आईवडीलांनी ठेवलेल्या "सत्यवान" या नांवाचा सार्थ अभिमान ठेवून त्याप्रमाणे नावलौकिक मिळवणारे डॉक्टर तथा आमच्या वडीलभावासमान असणारे बीड जिल्ह्यातील प्रतिथयश जेष्ठ आणि श्रेष्ठ बालरोगतज्ज्ञ म्हणजे आमचे डॉ.सत्यवान जाधव सर..! सरांचा आज जन्म वाढदिवस आहे त्यानिमित्ताने त्यांना आमच्या कडून लक्ष लक्ष शुभेच्छा व अभिनंदन..! सदैव हसतमुख राहून बालरुग्णाची सेवा करून अनेक गंभीर व क्लिष्ट आजाराचे आपल्या वैद्यकीय ज्ञानानुसार योग्य निदान करून अनेक बालरुग्णांना जीवदान देवून प्रत्येक बालकांच्या चेहऱ्यावरील "आसू" मिटवून "हासू" फुलवून बालकांना रोगमुक्त करून सर्व नातेवाईक आणि आईवडीलांच्या चेहऱ्यावर देखील हासू फुलवून तान नाहीसा करणारे तसेच गोरगरीब पिडीत वंचित बालरूग्णासाठीचे त्याकाळातील जिल्हा रुग्णालयाचे सर्वेसर्वा "मसिहा"होते हे आज मला येथे मोठ्या अभिमानाने सांगितले पाहिजे..!
रुग्ण सेवेच्या व्यतिरिक्त सरांना वाचनाची प्रचंड आवड आहे ते सतत आपल्या फावल्या वेळात विविध विषयांच्या पुस्तकाचे त्यामध्ये विशेषतः कथा कादंबरी, पु.ल.देशपांडे वि.वा शिरवाडकर,रंजित देसाई,प्र.के.अत्रे, विश्वास पाटील,अशा नावाजलेल्या लेखकांची विविध प्रकारचे पुस्तके त्यांनी वाचनालयातून घेऊन वाचलेली आहेत आजच्या मोबाईलच्या काळातही त्यांनी आपला वाचनाचा छंद जोपासला असुन आजतागायत त्यात खंड पडलेला नाही ही खरोखरच आजच्या नवीन पिढीला आवर्जून सांगण्यासारखी विशेष बाब आहे असे मला वाटते..!
बीड जिल्ह्यातील त्यांनी आय.ऐ.पी.चे अध्यक्ष म्हणून मानाचे स्थान भुषवलेले आहे तसेच आय.एम.ए.चे सुध्दा अध्यक्ष स्थान भूषवून आपल्या नेतृत्वाची आगळीवेगळी छाप उमटवली आहे..!त्यांनी आजपर्यंत विविध माध्यमातून केलेली समाजसेवा,रुग्णसेवा, तसेच सामाजिक बांधिलकीच्या सेवेला चंपावती नगरीतील सुजाण नागरीक कदापिही विसरू शकणार नाही अशा हसतमुख उत्साही,आनंदी राहणाऱ्या डॉ सत्यवान जाधव सरांना दिर्घायुरारोग्य लाभून त्यांनी आपली बालरुग्णाची सेवा तसेच आपले आवडते छंद सदैव जोपासून लोकजागृती आणि लोकसेवा अविरतपणे करीत राहावी हीच जगदंबेच्या चरणी प्रार्थना करून पुनश्च एकदा सरांना वाढदिवसाच्या हार्दिक शुभेच्छा व अभिनंदन..!💐🎂
डॉ. राम देशपांडे
बालरोगतज्ज्ञ बीड
