24/04/2025
जवळच्या मित्राकडून प्राप्त :
प्रिय मित्रांनो, आम्ही सध्या गेल्या दोन महिन्यांपासून अमेरिका येथील सिएटलमध्ये आहोत. भारतातून येताना माझ्या पत्नीला श्वास घेण्यास त्रास होत होता, परंतु तो बरा होण्याच्या मार्गावर होता. तिच्या परिस्थितीचा विचार करून आम्ही भारतातून भरपूर औषधे आणली होती. अमेरिकेत तिची औषधांची मात्रा संपली आणि तिची तब्येत सुधारली होती. पण उरलेली औषधे संपल्यावर तिला परत त्रास होऊ नये म्हणून मी माझ्या मुलीला एका फुफ्फुसरोग तज्ञाची अपॉइंटमेंट घेण्यास सांगितले. तिने विचारणा केली असता प्रथम जनरल फिजिशियनला दाखवावे लागेल, असे सांगण्यात आले. त्यासाठी एक आठवड्यानंतरचा व्हिडीओ कॉलचा वेळ मिळाला.
साधारण १० मिनिटांच्या फोन कॉलमध्ये आम्ही डॉक्टरांना आधी घेत असलेल्या औषधांबाबत सांगितले. त्यांनी समजल्याचे सांगितले आणि योग्य ती औषधे लिहून देण्याचे सांगितले. औषधांची चौकशी केली असता, ती तत्काळ मिळणार नाहीत, ४-५ दिवसांनी मिळतील असे सांगण्यात आले.
५व्या दिवशी औषधे मिळाली आणि ती पाहून आश्चर्य वाटले — कारण ती भारतात बनवलेली, Cipla कंपनीची होती. हीच औषधे भारतात फक्त ₹2500 ला मिळतात, तीच आम्हाला अमेरिकेत विमा उतरवल्यानंतरही ₹21000 ला मिळाली. विमा नसता तर तीच किंमत ₹42000 झाली असती.
औषधं मिळण्यासाठी आम्हाला १२ दिवस लागले, जी भारतात लगेच किंवा अर्ध्या दिवसात सहज मिळतात.
या सगळ्यानंतर एका आठवड्याने आम्हाला केवळ १० मिनिटांच्या व्हिडीओ कॉलसाठी $283 (₹23000) बिल आले.
ही आमची अमेरिका मधील वैद्यकीय अनुभवाची कहाणी मी माझ्या भारतीय मित्रांसाठी शेअर करत आहे, जे भारतातील वैद्यकीय सेवा खूपच खराब असल्याचे मानतात.
आपण भारतात राहतो, हे आपले भाग्य समजा.
भारतात ३६५ दिवस, २४ तास डॉक्टर्स व रुग्णालये उपलब्ध असतात आणि आपण त्यांच्याच सुरक्षित हातात असतो.
भारतीय डॉक्टरांना, रुग्णालयांना आणि वैद्यकीय सेवेला मनापासून धन्यवाद द्या.🙏🏼🌹
