STAR Motores Edappal

22/08/2018

⚠️⚠️⚠️⚠️⚠️ 🌨🌨🌨🌨🌨🌨🌨
വാഹനത്തിൽ വെള്ളം കയറിയാൽ?

🤢മഴകനത്തു പെയ്യുകയാണ്. വീടുകൾക്കും വാഹനങ്ങൾക്കും അടക്കം ലക്ഷക്കണക്കിന് രൂപയുടെ നാശനഷ്ടങ്ങളാണ് കേരളത്തിൽ ഉണ്ടായിരിക്കുന്നത്. ഇരുചക്ര വാഹനങ്ങളും, മുച്ചക്ര വാഹനങ്ങവും, കാറുകളും ലോറികളും അടക്കം നിരവധി വാഹനങ്ങളാണ് ദിവസങ്ങളോളം വെള്ളത്തിൽ മുങ്ങിയിട്ടുണ്ട്. അൽപം ശ്രദ്ധിച്ച് വൈള്ളം കയറിയ വാഹനങ്ങൾ കൈകാര്യം ചെയ്താൽ ഭീമമായ നഷ്ടം ഒഴിവാക്കാൻ സാധിക്കും. വെള്ളം കയറിയ വാഹനങ്ങൾ ഉപയോഗ ക്ഷമമാക്കാനുള്ള വഴികളാണ് താഴെപ്പറയുന്നത്.
👍 വെള്ളം കെട്ടിനിൽക്കുന്ന സ്ഥലത്തായിപ്പോയ വാഹനം സ്റ്റാർട്ട് ചെയ്യാതിരിക്കുക. വാഹനം സ്റ്റാർട്ട് ചെയ്യാതെ വെള്ളക്കെട്ടിൽനിന്നു നീക്കം ചെയ്യുക. അപാർട്മെന്റിന്റെ ബേസ്മെന്റിലായാൽപ്പോലും വാഹനം വെള്ളക്കെട്ടിലാണെങ്കിൽ സ്റ്റാർട്ട് ചെയ്യരുത്. ബാറ്ററി ടെർമിനലുകൾ എത്രയും പെട്ടെന്ന് മാറ്റി വർക്ഷോപ്പിന്റെ സഹായം തേടുക.
👍വാഹനം ഓട്ടമാറ്റിക് ട്രാൻസ്മിഷൻ വിഭാഗത്തിൽപ്പെട്ടതാണെങ്കിൽ നിരപ്പായ എന്തെങ്കിലും പ്രതലത്തിൽവച്ചുവേണം വലിക്കാൻ. ഇത് സാധ്യമല്ലെങ്കിൽ മുൻ വീലുകൾ അല്ലെങ്കിൽ ഡ്രൈവിങ് വീലുകൾ ഗ്രൗണ്ടിൽനിന്നുയർത്തി വേണം വലിക്കാൻ അല്ലെങ്കിൽ എടി ഗിയർ ബോക്സ് തകരാറിലാകും.
👍മറ്റു വാഹനങ്ങൾ വെള്ളക്കെട്ട് കടക്കുന്നതു കണ്ട് നിങ്ങളും അതിനു ശ്രമിക്കരുത്. ഓരോ വാഹനത്തിലെയും ഫിൽറ്റർ/സ്നോർക്കൽ ഘടിപ്പിച്ചിരിക്കുന്നത് വ്യത്യസ്തമായിട്ടാണ്. ഇതിലൂടെ വെള്ളം അകത്തു കടന്നാൽ എൻജിൻ ഓഫാകും. വെള്ളക്കെട്ട് ഭാഗത്ത് വാഹനം ഓഫായാൽ വീണ്ടും സ്റ്റാർട്ട് ചെയ്യാൻ ശ്രമിക്കരുത്. ഗാരേജിന്റെ സഹായം തേടുക, ഇൻഷുറൻസ് കമ്പനിക്കാരെയും വിവരം അറിയിക്കുക.
👍വെള്ളം കയറിയ കാറിന്റെ എൻജിൻ ഓയിൽ മാറ്റണം. രണ്ടു മുന്നു പ്രാവശ്യം എൻജിൻ ഓയില് മാറ്റി എൻജിൻ വൃത്തിയാക്കണം. എയർഫിൽറ്റർ, ഓയിൽ ഫിൽറ്റർ, ഫ്യുവൽ ഫിൽറ്റർ എന്നിവ മാറ്റി പുതിയ ഘടിപ്പിക്കണം. കൂടാതെ എൻജിനിലേയ്ക്ക് വെള്ളം കയറാൻ സാധ്യതയുള്ള എല്ലാം എയർ ഇൻടേക്കുകളും നന്നായി വൃത്തിയാക്കണം.
👍ഇനി നോക്കെണ്ടത് വാഹനത്തിന്റെ ഇലക്ട്രിക്ക് പാർട്ട്സുകളാണ്. ഫ്യൂസുകൾ മാറ്റി പുതിയവ സ്ഥാപിക്കുന്നതായിരിക്കും അഭികാമ്യം.
👍ഇത്രയും ചെയ്തതിന് ശേഷം മാത്രം എൻജിൻ സ്റ്റാർട്ട് ചെയ്യുക. 1-2 മിനിട്ട് ഓൺ ആക്കിതന്നെ ഇടുക. അതിന് ശേഷം മാത്രമേ വാഹനം ഓടിക്കാവൂ.

Must Read ! Warning Drivers crossing water logged areas

1- Never risk driving if water level is very high, or above tyre level
2,- Always move in 1st or 2 nd gear only
3- Seeing higher water level never try to dash through water ,it may cause water to splash inside bonnet and get into engine through air filter intake
4- There may be hidden gutters and stones underneath water so drive carefully
5- Finally most important ,never attempt to start vehicle if you got struck into water above silencer tail.

-Doing that can cause serious damage to vehicle including total engine damage , instead try to push vehicle out of water.

#എത്രയും_പെട്ടന്ന്_വർക്ക്‌ഷോപ്പിൽ_കാണിക്കുക_ഇൻഷുറൻസ്_കമ്പനിയിൽ_വിവരം_അറിയിക്കുക NB : തേർഡ് പാർട്ടി ഇൻഷുറൻസ് ആണെങ്കിൽ ഇൻഷുറൻസ് സഹായം കിട്ടില്ല.

01/06/2018

23/09/2017

ഹെൽമറ്റിടുന്നത് ഒരു കുറവായി ആരും കരുതണ്ട
അങ്ങനെ തോന്നുന്നു എങ്കിൽ ഈ ഫോട്ടോയിലേക്ക് ഒന്ന് നോക്കിയാ മതി

23/10/2016

പുതിയ ബുള്ളറ്റ് ഉടമകള്‍ അറിയേണ്ട കാര്യങ്ങള്‍


സാധാരണ ബൈക്ക് പോലെയല്ല ബുള്ളറ്റ്. അതിന് കൂടുതല്‍ ശ്രദ്ധയും പരിചരണവും ആവശ്യമാണ്. പുതിയ ബുള്ളറ്റിന്റെ ആരോഗ്യം കാത്ത് സൂക്ഷിയ്ക്കാനും റൈഡിങ് കൂടുതല്‍ സുരക്ഷിതമാക്കാനും ഇനി പറയുന്ന കാര്യങ്ങള്‍ ശ്രദ്ധിക്കുക.

1. വേഗം 50 കിമീയിലിലേറെ വേണ്ട

പുതിയ ബുള്ളറ്റിന്റെ എന്‍ജിന്‍ ഓടി തണുപ്പിക്കണം. അതായത് ആദ്യത്തെ 500 കിലോമീറ്റര്‍ വരെ മണിക്കൂറില്‍ 50 കിലോമീറ്റര്‍ താഴെ വേഗത്തില്‍ വേണം ഓടിക്കാന്‍ . എന്‍ജിന്‍ ക്ലിയറന്‍സ് ശരിയാക്കുന്നതിനു വേണ്ടിയാണിത്. അമിത വേഗമെടുത്താല്‍ എന്‍ജിന്‍ അമിതമായി ചൂടാകാനും അതിന്റെ ഘടകങ്ങള്‍ക്ക് ക്രമരഹിതമായ തേയ്‍മാനം ഉണ്ടാകാനും ഇടയാക്കും. ഓരോ മണിക്കൂര്‍ ഇടവിട്ട് അഞ്ച് മുതല്‍ 10 മിനിറ്റ് വരെ എന്‍ജിനു വിശ്രമം നല്‍കാനും ശ്രദ്ധിക്കുക. 500 കിമീ വരെ ആക്സിലറേറ്റര്‍ പകുതി വരെയേ കൊടുക്കാവൂ. 500-2000 കിമീ വരെ 80 കിമീ/ മണിക്കൂറില്‍ താഴെ വേഗമാണ് റോയല്‍ എന്‍ഫീല്‍ഡ് നിര്‍ദ്ദേശിക്കുന്നത്.

2. പരമാവധി കിക് സ്റ്റാര്‍ട്ട് ഉപയോഗിക്കുക

ദിവസത്തെ ആദ്യ സ്റ്റാര്‍ട്ടിങ്ങിന് കിക് സ്റ്റാര്‍ട്ട് ഉപയോഗിക്കുക. ഇത് ബാറ്ററിയുടെ ആയുസ് കൂട്ടാന്‍ സഹായിക്കും. സ്റ്റാര്‍ട്ട് ചെയ്ത് 30 സെക്കന്‍ഡ് കാത്തുനിന്ന ശേഷം മാത്രം ബുള്ളറ്റ് ഓടിക്കുക.

3. വെറുതെ ഇരപ്പിക്കരുത്

ബുള്ളറ്റിന്റേത് എയര്‍ കൂള്‍ഡ് എന്‍ജിനാണെന്ന് അറിയാമല്ലോ. ഓടുമ്പോള്‍ എന്‍ജിന്റെ ബാഹ്യഭാഗത്ത് പതിക്കുന്ന കാറ്റാണ് അതിനെ തണുപ്പിയ്ക്കുന്നത്. അതുകൊണ്ടുതന്നെ സ്റ്റാര്‍ട്ട് ചെയ്ത് ക്ലച്ച് പിടിച്ചോ ന്യൂട്രലിലിട്ടോ വെറുതെ ആക്സിലറേറ്റര്‍ കൊടുത്ത് ഇരപ്പിക്കരുത്. എന്‍ജിന്‍ ഘടകങ്ങള്‍ക്ക് അമിതമായ തേയ്മാനം അതുണ്ടാക്കും.

4. ബുള്ളറ്റ് റേസിങ്ങിനുള്ളതല്ല

മണിക്കൂറില്‍ 100 കിലോമീറ്ററിലേറെ വേഗത്തിലും ബുള്ളറ്റ് ഓടിക്കാം. പക്ഷേ ഇതൊരു സ്പോര്‍ട്സ് ബൈക്കല്ല എന്ന കാര്യം ഓര്‍മ വേണം. ആദ്യത്തെ 2,000 കിലോമീറ്ററിനു ശേഷം പോലും ഫുള്‍ ആക്സിലറേറ്റര്‍ കൊടുത്ത് തുടര്‍ച്ചയായി ബുള്ളറ്റ് ഓടിക്കരുതെന്നാണ് നിര്‍മാതാക്കള്‍ പറയുന്നത്. ഓടിച്ചാല്‍ എന്‍ജിന്റെ ആയുസ് കുത്തനെ കുറയും.

5. തുരുമ്പിനെ സൂക്ഷിക്കുക

ബുള്ളറ്റ് ഘടകങ്ങള്‍ പെട്ടെന്ന് തുരുമ്പ് പിടിക്കാറുണ്ട്. അതുകൊണ്ടുതന്നെ സദാ കഴുകി തുടച്ച് ബുള്ളറ്റ് സൂക്ഷിക്കുക. കവര്‍ ഇട്ട് വണ്ടി മൂടി വയ്ക്കുന്നത് കൂടുതല്‍ നല്ലത്.
Classic 350

6. അറ്റകുറ്റപ്പണികള്‍ പഠിക്കുക

ബുള്ളറ്റിന് ഇടയ്ക്കിടെ ചെറിയ പണികള്‍ വേണ്ടി വരും. തകരാര്‍ പരിഹരിക്കാന്‍ വര്‍ക്ക്ഷോപ്പില്‍ പോകുമ്പോള്‍ മെക്കാനിക് ചെയ്യുന്നത് സൂഷ്മമായി കണ്ട് മനസിലാക്കുക. ഇതേ തകരാര്‍ വീണ്ടും വന്നാല്‍ സ്വയം തീര്‍ക്കാമല്ലോ.

7.ബ്രേക്ക് അത്ര പോര

സാധാരണ ബൈക്കിന്റേതുപോലെയുള്ള ബ്രേക്ക് കാര്യക്ഷമത ബുള്ളറ്റിന്റെ കാര്യത്തില്‍ പ്രതീക്ഷിക്കരുത്. പെട്ടെന്നു വേഗമെടുക്കാന്‍ കഴിയാത്തതുപോലെ ബ്രേക്കിട്ടാല്‍ പെട്ടെന്നു നില്‍ക്കാനും ബുള്ളറ്റിനു കഴിയില്ല. അതു മനസിലാക്കി വേണം തുടക്കക്കാര്‍ ബുള്ളറ്റ് കൈകാര്യം ചെയ്യാന്‍ . മുന്‍ഭാഗം ഇടിച്ചാല്‍ ഫോര്‍ക്ക് സസ്പെന്‍ഷനു കോട്ടം സംഭവിക്കാന്‍ സാധ്യതയേറെയാണ്. അവ മാറി വയ്ക്കുന്നത് ചെലവേറിയ കാര്യം തന്നെ.

8. പാര്‍ക്ക് ചെയ്യുമ്പോള്‍

ഭാരം കൂടുതലുള്ളതിനാല്‍ ബുള്ളറ്റ് നല്ല ഉറപ്പുള്ള പ്രതലത്തില്‍ വേണം പാര്‍ക്ക് ചെയ്യാന്‍ . മറിഞ്ഞുവീണാല്‍ വണ്ടിയുടെ പല ഭാഗങ്ങള്‍ക്കും കേടുപറ്റും.

9. വള്ളിച്ചെരിപ്പ് ഇട്ട് വണ്ടി ഓടിക്കരുത്

മണലോ ചെളിയോ നിലത്തുണ്ടെങ്കില്‍ ചവിട്ടുമ്പോള്‍ വള്ളിച്ചെരിപ്പ് തെന്നി ബുള്ളറ്റുമായി മറിയാന്‍ ഇടവരും. പ്രത്യേകിച്ചും പൊക്കം കുറഞ്ഞവര്‍ . ഷൂസ് അല്ലെങ്കില്‍ ബാക്ക് സ്ട്രാപ്പ് ഇട്ട് മുറുക്കാവുന്ന തരം ചെരിപ്പ് ഉപയോഗിക്കുക. ഹെല്‍മെറ്റ് നിര്‍ബന്ധമായും ഉപയോഗിക്കുക.

10. മോഡിഫിക്കേഷന്‍ നടത്തുമ്പോള്‍

എക്സോസ്റ്റിലും മറ്റുമുള്ള മോഡിഫിക്കേഷന്‍ പുതിയ ബുള്ളറ്റിന്റെ എന്‍ജിന്‍ വാറന്റി ഇല്ലാതാക്കും. ഒരു വര്‍ഷം അല്ലെങ്കില്‍ 10,000 കിമീ ആണ് കമ്പനി നല്‍കുന്ന വാറന്റി. റോയല്‍ എന്‍ഫീല്‍ഡ് ഡീലര്‍ഷിപ്പുകളിലൂടെ വില്‍ക്കുന്ന കസ്റ്റമൈസേഷന്‍ പാര്‍ട്സ് ഉപയോഗിച്ചാല്‍ ഈ പ്രശ്നമില്ല. കൃത്യമായ ഇടവേളകളില്‍ ബുള്ളറ്റ് സര്‍വീസ് ചെയ്യാന്‍ പ്രത്യേകം ശ്രദ്ധിക്കുക. ഇതു സംബന്ധിച്ചുള്ള വിവരങ്ങള്‍ വാഹനത്തോടൊപ്പം ലഭിക്കുന്ന കൈപ്പുസ്തകത്തിലുണ്ട്.

22/10/2016

22/11/2015

TWO WEELER WORKSHOP & 2ND HAND BIKE SHOWROOM