Dr.Anita Patil

29/11/2023

24/11/2023

48th Sub Junior & Junior National Yogasana Sports Championship, Assam🏆

09/08/2023

...निरागसतेने भारलेली संध्याकाळ...
माझ्या सबंध जीवनामध्ये मी जमविलेली संपत्ती म्हणजे माझे विद्यार्थी, इवल्या इवल्या चिमुकल्या हातांनी जेव्हा निरागस प्रेमाने व निष्पाप भावनेने माझ्या वाढदिवसाचे इतके सुंदर नियोजन करुन मला चकितच केले. मोगऱ्याच्या सुगंधाप्रमाणे दरवळणारा त्यांचा आनंद, गुलाबाच्या सौंदर्यप्रमाणे त्यांचे प्रफुल्लीत चेहरे याची साक्ष देत होते की गुरु भावनेच्या पलीकडेही एक स्नेहबंध अनामिकपणे यांच्याशी जुळलेला आहे. माझ्या जीवनात सत्कार, पुरस्कार यामुळे सन्मानित होण्याचा योग बऱ्याचदा आला, समाजात वावरताना आपण ह्या समाजाचे देणे लागतो व त्यातून उतराई व्हावी केवळ ह्याच हेतूने मी माझे कार्य करीत आहे. माझ्याकडे जबरदस्त इच्छाशक्ती आणि आत्मविश्वास घेऊन आलेले, कुठलाही स्वार्थ न ठेवता आलेले लहान मोठे विद्यार्थी यांच्यामुळेच मी खऱ्या अर्थाने यशस्वी ठरते.
ह्याच माझ्या बाल विद्यार्थ्यांना मी मनापासून धन्यवाद देते, माझ्या जीवनातली सकारात्मकता ही तुमच्याच निरागसतेने परिपूर्ण झालेली आहे…